ᠲᠦᠷᠺ ᠦᠨ ᠬᠠᠮᠲᠤ ᠶ᠋ᠢᠨ ᠠᠵᠢᠯᠯᠠᠭᠠ ᠂ ᠵᠤᠬᠢᠴᠠᠭᠤᠯᠬᠤ ᠠᠭᠧᠨ᠋ᠲᠯᠢᠭ᠋ ᠭᠣᠪᠢ ᠠᠯᠲᠠᠢ ᠠᠢᠮᠠᠭ ᠲᠤ ᠦᠢᠯᠡ ᠠᠵᠢᠯᠯᠠᠭᠠ ᠶᠠᠪᠤᠭᠤᠯᠳᠠᠭ ᠠᠯᠲᠠᠢ ᠶᠢᠨ ᠡᠮᠡᠭ᠍ᠲᠡᠢᠴᠦᠳ ᠤᠨ ᠬᠣᠷᠰᠢᠶᠠᠨ ᠳᠤ ᠠᠵᠤ ᠦᠢᠯᠡᠳᠪᠦᠷᠢ ᠶᠢᠨ ᠵᠣᠷᠢᠭᠤᠯᠤᠯᠲᠠ ᠲᠠᠢ ᠲᠣᠨᠣᠭ ᠲᠥᠬᠥᠭᠡᠷᠦᠮᠵᠢ ᠥᠭ᠍ᠭᠦᠯᠡ᠃
2014 ᠣᠨ ᠳᠤ ᠠᠵᠢᠯ ᠦᠭᠡᠢ ᠂ ᠡᠷᠦᠬᠡ ᠲᠣᠯᠤᠭᠠᠢᠢᠯᠠᠭᠰᠠᠨ ᠂ ᠬᠥᠭ᠍ᠵᠢᠯ ᠤᠨ ᠪᠡᠷᠬᠡᠰᠢᠶᠡᠯ ᠲᠡᠢ ᠬᠡᠦᠬᠡᠳ ᠢᠶᠡᠨ ᠠᠰᠠᠷᠠᠳᠠᠭ ᠶᠢᠰᠤᠨ ᠡᠮᠡᠭ᠍ᠳᠡᠢ ᠨᠡᠢᠯᠡᠵᠦ ᠠᠯᠲᠠᠢ ᠶᠢᠨ ᠡᠮᠡᠭ᠍ᠲᠡᠢᠴᠦᠳ ᠤᠨ ᠬᠣᠷᠰᠢᠶᠠ ᠶᠢ ᠪᠠᠢᠭᠤᠯᠵᠠᠢ ᠃ ᠲᠡᠳᠡ ᠬᠣᠨᠢᠨ ᠤ ᠨᠣᠣᠰᠣ ᠪᠡᠷ ᠭᠠᠷ ᠤᠷᠠᠯᠠᠯ ᠂ ᠪᠡᠯᠡᠭ ᠳᠤᠷᠠᠰᠬᠠᠯ ᠂ ᠡᠪᠦᠯ ᠤᠨ ᠬᠤᠪᠴᠠᠰᠤ ᠂ ᠭᠤᠲᠤᠯ ᠦᠢᠯᠡᠳᠪᠦᠷᠢᠯᠡᠳᠡᠭ ᠪᠣᠯᠪᠠᠴᠤ ᠪᠦᠬᠦᠯᠢ ᠳᠡᠬᠡᠨ ᠭᠠᠷ ᠠᠷᠭᠠ ᠳᠡᠭᠡᠷᠡ ᠰᠠᠭᠤᠷᠢᠯᠠᠭᠰᠠᠨ ᠦᠢᠯᠡᠳᠪᠦᠷᠢᠯᠡᠯ ᠤᠳᠠᠭᠠᠨ ᠂ ᠵᠠᠷᠤᠳᠠᠯ ᠶᠡᠬᠡᠲᠡᠢ ᠶᠢᠨ ᠤᠯᠠᠮ ᠠᠴᠠ ᠪᠦᠲᠦᠭᠡᠮᠵᠢ ᠶᠢ ᠬᠢᠵᠠᠭᠠᠷᠯᠠᠵᠤ ᠪᠠᠢᠪᠠ ᠃
ᠲᠦᠷᠺ ᠦᠨ ᠬᠠᠮᠲᠤ ᠶ᠋ᠢᠨ ᠠᠵᠢᠯᠯᠠᠭᠠ ᠂ ᠵᠤᠬᠢᠴᠠᠭᠤᠯᠬᠤ ᠠᠭᠧᠨ᠋ᠲᠯᠢᠭ᠋ ᠤᠨ ᠨᠡᠢᠢᠯᠡᠭᠦᠯᠦᠭ᠍ᠰᠡᠨ ᠣᠶᠣᠳᠠᠯ ᠤᠨ ᠮᠠᠰᠢᠨ᠂ ᠡᠰᠬᠡᠭᠦᠷ ᠦᠨ ᠮᠠᠰᠢᠨ᠂ ᠬᠠᠯᠠᠭᠤᠨ ᠫᠷᠧᠰᠰ ᠂ ᠰᠦᠯᠵᠢᠮᠡᠯ ᠦᠨ ᠮᠠᠰᠢᠨ᠂ ᠢᠰᠡᠭᠡᠢᠯᠡᠭ᠍ᠴᠢ ᠮᠠᠰᠢᠨ ᠨᠤᠭᠤᠳ ᠢ ᠠᠰᠢᠭ᠌ᠯᠠᠨ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠦᠢᠯᠡ ᠶᠠᠪᠤᠴᠠ ᠬᠤᠷᠳᠤᠰᠴᠤ᠂ ᠪᠦᠲᠦᠭᠡᠮᠵᠢ ᠡᠷᠡᠰ ᠨᠡᠮᠡᠭ᠍ᠳᠡᠭ᠍ᠰᠡᠨ᠃ ᠲᠤᠬᠠᠢᠯᠠᠪᠠᠯ ᠂ ᠡᠮᠦᠨᠡ ᠨᠢ ᠡᠳᠦᠷ ᠲᠤ ᠨᠢᠭᠡ ᠬᠣᠣᠰ ᠢᠰᠡᠭᠡᠶ ᠭᠤᠲᠤᠯ ᠦᠢᠯᠡᠳᠪᠦᠷᠢᠯᠡᠳᠡᠭ ᠪᠠᠢᠭᠰᠠᠨ ᠪᠣᠯ ᠣᠳᠤ ᠬᠣᠶᠠᠷ ᠴᠠᠭ ᠤᠨ ᠳᠣᠲᠣᠷᠠ ᠳᠥᠷᠪᠡᠨ ᠬᠣᠣᠰ ᠢᠰᠡᠭᠡᠶ ᠭᠤᠲᠤᠯ ᠦᠢᠯᠡᠳᠪᠦᠷᠢᠯᠡᠳᠡᠭ ᠪᠣᠯᠵᠠᠢ ᠃ 66 ᠭᠡᠰᠢᠭᠦᠨ ᠲᠠᠢ ᠪᠣᠯᠣᠭᠰᠠᠨ ᠲᠤᠰ ᠬᠣᠷᠰᠢᠶᠠ ᠨᠣᠣᠰᠣᠨ ᠡᠴᠡ ᠭᠠᠳᠡᠨᠡ ᠠᠷᠠᠰᠤ ᠰᠢᠷᠢ ᠂ ᠳᠠᠪᠤᠤ ᠪᠤᠰᠤᠳ ᠮᠠᠲ᠋ᠧᠷᠢᠶᠠᠯ ᠢᠶᠠᠷ ᠪᠡᠭᠡᠯᠡᠢ ᠂ ᠣᠢᠮᠤᠰᠤ ᠭᠡᠬᠦ ᠮᠡᠲᠦ ᠰᠢᠨᠡ ᠪᠦᠲᠦᠭᠡᠭ᠍ᠳᠡᠬᠦᠨ ᠦᠢᠯᠡᠳᠪᠦᠷᠢᠯᠡᠵᠦ ᠡᠬᠢᠯᠡᠵᠡᠢ ᠃
