ᠮᠣᠩᠭᠣᠯ ᠤᠯᠤᠰ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠨᠡᠭᠦᠳᠡᠯᠴᠢᠳ ᠦᠨ ᠠᠷᠬᠧᠣᠯᠣᠭᠢ ᠶᠢᠨ ᠬᠦᠷᠢᠶᠡᠯᠡᠩ ᠦᠨ ᠰᠤᠳᠤᠯᠭᠠᠨ ᠤ ᠪᠠᠭ ᠰᠡᠯᠡᠩᠭᠡ ᠠᠢᠮᠠᠭ ᠤᠨ ᠢᠷᠦᠭᠡ ᠰᠤᠮᠤ ᠶᠢᠨ ᠨᠤᠲᠤᠭ ᠲᠤ ᠰᠢᠶᠠᠨᠪᠢ ᠶᠢᠨ ᠦᠶᠡ ᠶᠢᠨ ᠪᠤᠩᠬᠤᠨᠲᠤ ᠪᠤᠯᠠᠰᠢᠨ ᠤ ᠮᠠᠯᠲᠠᠯᠭᠠ ᠰᠤᠳᠤᠯᠭᠠ ᠶᠢ ᠡᠬᠢᠯᠡᠭᠦᠯᠦᠭᠡᠳ ᠪᠡᠢᠨᠡ᠃
ᠤᠭ ᠳᠤᠷᠠᠰᠬᠠᠯᠲᠤ ᠭᠠᠵᠠᠷ ᠢ ᠠᠩᠬᠠ 2019 ᠣᠨ ᠤ ᠨᠡᠮᠦᠷ ᠢᠯᠡᠷᠡᠭᠦᠯᠵᠦ᠂ ᠤᠯᠠᠮ ᠢᠶᠠᠷ 2022-2024 ᠣᠨ ᠤ ᠬᠤᠭᠤᠷᠦᠡᠳᠦ ᠨᠠᠷᠢᠪᠴᠢᠯᠠᠭᠰᠠᠨ ᠬᠡᠮᠵᠢᠯᠲᠡ᠂ 3 D ᠪᠠᠷᠢᠮᠲᠠᠵᠢᠭᠤᠯᠤᠯᠲᠠ ᠵᠡᠷᠭᠡ ᠰᠤᠳᠤᠯᠭᠠ ᠶᠢ ᠦᠶᠡ ᠱᠠᠲᠤ ᠲᠠᠢ ᠪᠡᠷ ᠬᠢᠵᠡᠢ᠃ ᠡᠨᠡ ᠤᠳᠠᠭᠠ ᠰᠢᠶᠠᠨᠪᠢ ᠶᠢᠨ ᠢᠵᠠᠭᠤᠷᠲᠠᠨ ᠤ ᠭᠤᠷᠪᠠᠨ ᠪᠤᠯᠠᠰᠢ᠂ ᠵᠢᠷ ᠦᠨ ᠢᠷᠭᠡᠨ ᠦ ᠬᠣᠶᠠᠷ ᠪᠤᠯᠠᠰᠢ ᠶᠢ ᠮᠠᠯᠲᠠᠵᠤ ᠪᠣᠢ᠃ ᠡᠭᠦᠨ ᠳᠦ ᠢᠵᠠᠭᠤᠷᠲᠠᠨ ᠤ ᠨᠢᠭᠡ ᠪᠤᠯᠠᠰᠢ ᠬᠥᠨᠳᠡᠭ᠍ᠳᠡᠭᠡ ᠦᠭᠡᠢ᠂ ᠠᠩᠬᠠᠨ ᠤ ᠪᠦᠷᠢᠠ ᠪᠦᠳᠦᠠ ᠪᠠᠢᠳᠠᠯ ᠢᠶᠠᠷ ᠢᠶᠠᠨ ᠬᠠᠳᠠᠭᠠᠯᠠᠭᠳᠠᠨ ᠦᠯᠡᠳᠡᠭ᠍ᠰᠡᠨ ᠶᠠᠪᠤᠳᠠᠯ ᠬᠠᠮᠦᠬ ᠤᠨ ᠶᠡᠬᠡ ᠠᠩᠬᠠᠷᠤᠯ ᠲᠠᠲᠠᠵᠤ ᠪᠤᠶ᠃ ᠲᠡᠷᠡ ᠪᠤᠯᠠᠰᠢᠨ ᠤ ᠲᠠᠬᠢᠯ ᠤᠨ ᠬᠡᠰᠡᠭ ᠡᠴᠡ ᠣᠨᠴᠠᠭᠠᠢ ᠰᠣᠨᠢᠷᠬᠠᠯ ᠲᠠᠲᠠᠬᠤᠢᠴᠠ ᠣᠯᠳᠠᠪᠤᠷᠢ ᠨᠤᠭᠤᠳ᠄ ᠲᠤᠬᠠᠢᠯᠠᠪᠠᠯ ᠮᠣᠳᠤᠨ ᠠᠪᠰᠠ᠂ ᠰᠡᠦᠬᠡ ᠲᠡᠷᠭᠡ᠂ ᠬᠠᠷᠠ ᠪᠤᠯᠦᠠ ᠵᠡᠭᠡᠷᠳᠡ︵ᠬᠤᠨᠳᠠᠨ︶ᠵᠢᠰᠦᠮ ᠦᠨ ᠬᠣᠶᠠᠷ ᠮᠣᠳᠤᠨ ᠮᠣᠷᠢ᠂ ᠲᠠᠰᠢᠮᠠᠭ ᠬᠡᠯᠪᠡᠷᠢ ᠶᠢᠨ ᠰᠢᠪᠠᠷ ᠸᠠᠭᠠᠷ ᠪᠤᠯᠦᠠ ᠪᠤᠰᠤᠳ ᠰᠣᠨᠢᠷᠬᠠᠯᠲᠠᠢ ᠣᠯᠳᠠᠪᠤᠷᠢ ᠨᠤᠭᠤᠳ ᠣᠯᠳᠠᠵᠠᠢ᠃
ᠢᠵᠠᠭᠤᠷᠲᠠᠨ ᠤ ᠪᠤᠯᠠᠰᠢᠨ ᠳᠤ ᠵᠡᠷᠭᠡᠴᠡᠭᠡ ᠬᠣᠶᠠᠷ ᠮᠣᠳᠤᠨ ᠠᠪᠰᠠ ᠪᠠᠢᠭᠰᠠᠨ ᠪᠥᠭᠡᠳ ᠨᠢᠭᠡ ᠠᠪᠰᠠ ᠶᠢ ᠬᠥᠬᠡ ᠪᠣᠯᠤᠨ ᠰᠢᠷᠭᠠᠯ ᠥᠩᠭᠡ ᠶᠢᠨ ᠵᠤᠵᠠᠭᠠᠨ ᠳᠠᠪᠤᠤ ᠪᠡᠷ ᠪᠦᠷᠢᠠ ᠣᠷᠢᠶᠠᠵᠤ᠂ ᠬᠠᠳᠠᠭᠠᠯᠠᠭᠰᠠᠨ ᠪᠠᠢᠪᠠ᠃ ᠠᠪᠰᠠᠨ ᠤ ᠲᠣᠯᠣᠭᠠᠢ ᠶᠢᠨ ᠬᠡᠰᠡᠭ ᠦᠨ ᠳᠠᠪᠤᠤ ᠶᠢᠨ ᠳᠡᠭᠡᠷᠡ ᠬᠠᠷᠠ ᠪᠡᠬᠡ ᠪᠡᠷ ᠵᠢᠷᠤᠭᠰᠠᠨ ᠵᠢᠷᠤᠭ᠂ ᠲᠡᠮᠳᠡᠭ ᠮᠠᠰᠢ ᠲᠤᠳᠦ᠂ ᠰᠠᠢᠨ ᠬᠠᠳᠠᠭᠠᠯᠠᠭᠳᠠᠭᠰᠠᠨ ᠨᠢ ᠰᠤᠳᠤᠯᠤᠭᠠᠴᠢᠳ ᠤᠨ ᠠᠩᠬᠠᠷᠤᠯ ᠢ ᠲᠠᠲᠠᠵᠤ ᠪᠡᠢᠨᠡ᠃
ᠲᠣᠨᠣᠭᠳᠠᠭᠠ ᠦᠭᠡᠢ᠂ ᠲᠡᠦᠬᠡ ᠶᠢᠨ ᠦᠡᠳᠦᠷ ᠠᠴᠢ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠰᠢᠶᠠᠨᠪᠢ ᠶᠢᠨ ᠪᠤᠯᠠᠰᠢ ᠮᠣᠩᠭᠣᠯ ᠤᠯᠤᠰ ᠲᠤ ᠡᠢᠨ ᠬᠦ ᠴᠠᠭ ᠤᠨ ᠡᠷᠬᠡ ᠪᠡᠷ ᠠᠩᠬᠠ ᠤᠳᠠᠭᠠ ᠢᠯᠡᠷᠡᠵᠦ᠂ ᠭᠣᠣᠯ ᠪᠤᠩᠬᠤᠨ ᠢ ᠨᠢ ᠬᠥᠨᠳᠡᠬᠦ ᠪᠠᠷ ᠬᠤᠯᠪᠦᠬᠳᠡᠬᠤ ᠠᠷᠬᠧᠣᠯᠣᠭᠢ ᠶᠢᠨ ᠮᠡᠷᠭᠡᠵᠢᠯᠲᠡᠳ᠂ ᠰᠤᠳᠤᠯᠤᠭᠠᠴᠢᠳ ᠮᠠᠯᠲᠠᠯᠭᠠ ᠬᠢᠵᠦ ᠪᠠᠢᠭᠠ ᠪᠥᠭᠡᠳ ᠣᠷᠬᠣᠨ ᠰᠡᠯᠡᠩᠭᠡ ᠶᠢᠨ ᠰᠠᠪᠠ ᠭᠠᠵᠠᠷ ᠲᠤ ᠡᠷᠲᠡᠨ ᠥ ᠰᠢᠶᠠᠨᠪᠢ ᠶᠢᠨ ᠲᠥᠷᠥᠲᠦ ᠤᠯᠤᠰ ᠪᠠᠢᠭᠰᠠᠨ ᠪᠠᠢᠵᠤ ᠮᠠᠭᠠᠳ ᠦᠭᠡᠢ ᠶᠢ ᠨᠤᠲᠠᠯᠠᠬᠤ ᠴᠢᠬᠤᠯᠠ ᠪᠠᠷᠢᠮᠲᠠ ᠨᠤᠭᠤᠳ ᠣᠯᠳᠠᠵᠤ ᠪᠠᠢᠭᠠ ᠶᠢ ᠲᠡᠳᠡ ᠣᠨᠴᠠᠯᠠᠪᠠ᠃
