ᠬᠡᠨᠲᠡᠢ ᠠᠢᠮᠠᠭ ᠤᠨ ᠪᠢᠨᠳᠡᠷ ᠰᠤᠮᠤᠨ ᠳᠤ ᠪᠠᠢᠷᠢᠯᠠᠳᠠᠭ ᠶᠢᠰᠤᠨ ᠬᠥᠯᠲᠦ ᠴᠡᠭᠠᠠ ᠲᠤᠭ ᠤᠨ ᠪᠡᠯᠭᠡᠳᠡᠯᠲᠦ ᠮᠣᠩᠭᠣᠯ ᠲᠥᠷᠦ ᠶᠢᠨ《ᠶᠡᠭᠡ ᠬᠤᠷᠠᠯᠳᠠᠢ》ᠣᠷᠳᠤ ᠥᠷᠭᠥᠭᠡ ᠶᠢ ᠡᠨᠡ ᠰᠠᠷᠠ ᠶᠢᠨ 22 ᠳᠤ ᠨᠡᠭᠡᠭᠡᠪᠡ᠃ ᠡᠨᠡ ᠬᠦ ᠭᠠᠵᠠᠷ ᠨᠢ ᠲᠡᠮᠦᠵᠢᠨ ᠴᠢᠩᠭᠢᠰ ᠬᠠᠭᠠᠨ ᠴᠣᠯᠠᠨ ᠳᠤ ᠡᠷᠭᠦᠮᠵᠢᠯᠡᠭ᠍ᠳᠡᠭ᠍ᠰᠡᠨ᠂ ᠠᠩᠬᠠᠨ ᠤ ᠶᠡᠭᠡ ᠬᠤᠷᠠᠯᠳᠠᠢ ᠬᠤᠷᠠᠵᠤ᠂ ᠶᠡᠭᠡ ᠮᠣᠩᠭᠣᠯ ᠤᠯᠤᠰ ᠤᠨ ᠭᠠᠯ ᠭᠣᠯᠣᠮᠲᠠ ᠶᠢ ᠪᠠᠳᠠᠷᠠᠭᠠᠭᠰᠠᠨ ᠲᠡᠦᠬᠡᠨ ᠳᠤᠷᠠᠰᠬᠠᠯᠲᠤ ᠭᠠᠵᠠᠷ ᠶᠤᠮ᠃
ᠤᠭ ᠴᠣᠭᠴᠠᠯᠠᠪᠤᠷᠢ ᠳᠤ ᠴᠢᠩᠭᠢᠰ ᠬᠠᠭᠠᠨ ᠤ ᠪᠠᠢᠭᠤᠯᠤᠭᠰᠠᠨ ᠲᠥᠷᠦ ᠶᠢᠨ ᠰᠦᠯᠳᠡ ᠰᠢᠳᠦᠭᠡᠠ ᠪᠣᠯᠬᠤ ᠶᠢᠰᠤᠨ ᠬᠥᠯᠲᠦ ᠴᠡᠭᠠᠠ ᠲᠤᠭ ᠂ ᠶᠡᠭᠡ ᠬᠠᠭᠠᠨ ᠤ ᠤᠷᠤᠭ ᠤᠨ ᠨᠠᠷᠠᠨ ᠲᠠᠮᠠᠭᠠ ᠂ ᠭᠦᠶᠦᠭ ᠬᠠᠭᠠᠨ ᠤ ᠲᠠᠮᠠᠭᠠᠨ ᠤ ᠳᠠᠷᠤᠳᠠᠰᠤ ᠂ ᠶᠡᠭᠡ ᠬᠤᠷᠠᠯᠳᠠᠢ ᠬᠤᠷᠠᠯᠳᠤᠬᠤ ᠦᠶᠡ ᠶᠢᠨ ᠬᠠᠭᠠᠳ ᠂ ᠢᠵᠠᠭᠤᠷᠲᠠᠳ ᠤᠨ ᠣᠷᠳᠣᠨ ᠳᠤ ᠪᠠᠢᠷᠢᠯᠠᠨ ᠰᠠᠭᠤᠬᠤ ᠳᠢᠭ ᠶᠣᠰᠣ ᠶᠢ ᠬᠠᠷᠠᠭᠤᠯᠤᠭᠰᠠᠨ ᠵᠣᠬᠢᠶᠠᠮᠵᠢ ᠪᠦᠬᠦᠢ ᠢᠰᠡᠷᠢ ᠰᠠᠨᠳᠠᠯᠢ ᠂ ᠲᠤᠭ ᠬᠢᠭᠢᠷᠢ ᠂ ᠬᠦᠨᠳᠦᠳᠬᠡᠯ ᠦᠨ ᠣᠷᠣᠨ ᠵᠠᠢ ᠶᠢ ᠪᠤᠢ ᠪᠣᠯᠭᠠᠵᠠᠢ᠃ ᠮᠥᠨ ᠬᠠᠭᠠᠯᠭᠠ ᠪᠦᠷᠢ ᠶᠢᠨ ᠳᠣᠲᠣᠷᠠ 《 ᠮᠣᠩᠭᠣᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ》᠂ 《ᠰᠢᠷᠠ ᠲᠤᠭᠤᠵᠢ 》᠂ 《ᠠᠰᠠᠷᠠᠭ᠌ᠴᠢ ᠨᠡᠷᠡᠲᠦ ᠶᠢᠨ ᠲᠡᠦᠬᠡ》 ᠵᠡᠷᠭᠡ ᠲᠡᠦᠬᠡᠨ ᠡᠬᠢ ᠰᠤᠷᠪᠤᠯᠵᠢ ᠶᠢᠨ ᠡᠰᠢᠯᠡᠯ ᠢ ᠮᠣᠩᠭᠣᠯ ᠪᠢᠴᠢᠭ ᠢᠶᠡᠷ ᠪᠢᠴᠢᠵᠦ ᠂ ᠴᠣᠭᠴᠠᠯᠠᠪᠤᠷᠢᠲᠤ ᠨᠢᠭᠡ ᠴᠤ ᠬᠠᠳᠠᠭᠠᠰᠤ ᠣᠷᠣᠭᠤᠯᠤᠯ ᠦᠭᠡᠢ ᠤᠭᠯᠠᠭᠤᠷᠭᠠᠳᠠᠵᠤ ᠪᠦᠲᠦᠭᠡᠭ᠍ᠰᠡᠨ ᠪᠥᠭᠡᠳ ᠦᠨᠳᠦᠰᠦᠨ ᠤ ᠪᠣᠯᠣᠭᠠᠳ ᠣᠷᠴᠢᠨ ᠦᠶᠡ ᠶᠢᠨ ᠰᠢᠢᠳᠦᠯ ᠢ ᠬᠣᠣᠰᠯᠠᠭᠤᠯᠤᠭᠰᠠᠨ ᠪᠠᠢᠨᠠ᠃
《ᠶᠡᠭᠡ ᠬᠤᠷᠠᠯᠳᠠᠢ》 ᠴᠣᠭᠴᠠᠯᠠᠪᠤᠷᠢ ᠶᠢ ᠲᠡᠦᠬᠡᠨ ᠰᠤᠷᠪᠤᠯᠵᠢ ᠪᠢᠴᠢᠭ ᠂ ᠡᠷᠳᠡᠮᠲᠡᠨ ᠰᠤᠳᠤᠯᠤᠭᠠᠴᠢᠳ ᠤᠨ ᠪᠦᠲᠦᠭᠡᠯ ᠳᠤ ᠲᠤᠯᠭᠠᠭᠤᠷᠢᠯᠠᠨ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠰᠢᠢᠳᠪᠦᠷᠢ ᠪᠡᠷ᠂ ᠤᠯᠤᠰ ᠤᠨ ᠲᠥᠰᠦᠪ ᠤᠨ ᠬᠥᠷᠥᠩᠭᠡ ᠣᠷᠤᠭᠤᠯᠤᠯᠲᠠ ᠪᠠᠷ ᠬᠡᠨᠲᠡᠢ ᠠᠢᠮᠠᠭ ᠤᠨ ᠪᠢᠨᠳᠡᠷ ᠰᠤᠮᠤ ᠶᠢᠨ ᠨᠤᠲᠤᠭ ᠲᠤ ᠣᠷᠤᠰᠢᠬᠤ ᠣᠨᠣᠨ ᠬᠤᠷᠬᠠ ᠶᠢᠨ ᠪᠡᠯᠴᠢᠷ ᠲᠤ ᠪᠠᠢᠭᠠᠯᠢ ᠶᠢᠨ ᠤᠨᠠᠭᠠᠨ ᠲᠥᠷᠬᠦ᠂ ᠭᠠᠵᠠᠷ ᠵᠦᠢ ᠶᠢᠨ ᠣᠨᠴᠠᠯᠢᠭ ᠲᠤ ᠵᠣᠬᠢᠴᠠᠭᠤᠯᠤᠨ ᠴᠡᠭᠠᠠ ᠨᠠᠭᠤᠷ ᠤᠨ ᠣᠢᠷᠠᠯᠴᠠᠭᠠ ᠪᠦᠲᠦᠭᠡᠨ ᠪᠠᠢᠭᠤᠯᠵᠠᠢ ᠃
ᠵᠡᠭᠦᠨ ᠪᠦᠰᠡ ᠶᠢᠨ ᠲᠡᠦᠬᠡᠨ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠬᠥᠭ᠍ᠵᠢᠯ ᠳᠤ ᠦᠨᠡ ᠲᠠᠢ ᠬᠤᠪᠢ ᠨᠡᠮᠡᠷᠢ ᠣᠷᠣᠭᠤᠯᠬᠤ 《 ᠶᠡᠭᠡ ᠬᠤᠷᠠᠯᠳᠠᠢ 》 ᠴᠣᠭᠴᠠᠯᠠᠪᠤᠷᠢ ᠶᠢᠨ ᠨᠡᠭᠡᠭᠡᠯᠲᠡ ᠳᠦ 《 ᠴᠢᠩᠭᠢᠰ ᠬᠠᠭᠠᠨ 》 ᠦᠨᠳᠦᠰᠦᠨ ᠤ ᠮᠦᠽᠧᠢ ᠶᠢᠨ ᠬᠢᠨ ᠂ ᠬᠡᠨᠲᠡᠢ ᠠᠢᠮᠠᠭ ᠂ ᠪᠢᠨᠳᠡᠷ ᠰᠤᠮᠤ ᠶᠢᠨ ᠠᠯᠪᠠᠨ ᠤ ᠲᠥᠯᠦᠭᠡᠯᠡᠯ ᠪᠤᠯᠦᠠ ᠨᠤᠲᠤᠭ ᠤᠨ ᠵᠣᠨ ᠣᠯᠠᠨ ᠣᠷᠣᠯᠴᠠᠵᠠᠢ ᠃
