ᠭᠣᠪᠢ ᠶᠢᠨ ᠲᠠᠪᠤᠳᠤᠭᠠᠷ ᠳᠦᠷᠢ ᠶᠢᠨ ᠨᠣᠶᠠᠨ ᠬᠤᠲᠤᠭᠲᠤ ᠯᠤᠪᠰᠠᠩᠳᠠᠨᠽᠠᠨᠷᠠᠪᠵᠠᠢ ᠶᠢᠨ ᠮᠡᠨᠳᠦᠯᠡᠭ᠍ᠰᠡᠨ ᠤ 222 ᠵᠢᠯ ᠦᠨ ᠣᠢ ᠶᠢ ᠲᠣᠬᠢᠶᠠᠯᠳᠤᠭᠤᠯᠤᠨ ᠳᠣᠷᠤᠨᠠᠭᠣᠪᠢ ᠠᠢᠮᠠᠭ ᠲᠤ ᠦᠢᠯᠡ ᠠᠵᠢᠯᠯᠠᠭᠠ ᠶᠠᠪᠤᠭᠤᠯᠳᠠᠭ《ᠡᠭᠡᠰᠢᠭ᠍ᠯᠡᠩ ᠢᠨᠲ᠋ᠧᠷᠲ᠋ᠧᠢᠮᠧᠨᠲ》ᠺᠣᠮᠫᠠᠨᠢ ᠲᠤᠰᠬᠠᠢ ᠵᠠᠭᠪᠤᠷ ᠤᠨ 222 ᠮᠤᠷᠢᠨ ᠬᠤᠭᠤᠷ ᠬᠤᠳᠠᠯᠳᠤᠭᠠᠨ ᠳᠤ ᠭᠠᠷᠭᠠᠬᠤ ᠰᠠᠨᠠᠭᠠᠴᠢᠯᠠᠭᠠ ᠭᠠᠷᠭᠠᠵᠤ ᠠᠵᠢᠯ ᠬᠡᠷᠡᠭ ᠪᠣᠯᠭᠠᠵᠠᠢ᠃ ᠮᠤᠷᠢᠨ ᠬᠤᠭᠤᠷ ᠤᠨ ᠬᠡᠯᠪᠡᠷᠢ ᠬᠢᠴᠡ᠂ ᠳ᠋ᠢᠽᠠᠢᠨ ᠢ ᠵᠢᠷᠤᠭᠠᠴᠢ ᠳ· ᠭᠠᠩᠫᠥ᠋ᠷᠪᠦ ᠭᠠᠷᠭᠠᠭᠰᠠᠨ ᠪᠣᠯ ᠬᠤᠭᠤᠷ ᠢ ᠤᠷᠠᠯᠠᠭᠠᠴᠢ ᠳ· ᠳᠠᠸᠠᠵᠠᠪ ᠤᠷᠠᠯᠠᠵᠠᠢ ᠃
ᠮᠤᠷᠢᠨ ᠬᠤᠭᠤᠷ ᠬᠤᠳᠠᠯᠳᠤᠵᠤ ᠠᠪᠤᠭᠰᠠᠨ ᠬᠥᠮᠥᠰ ᠲᠤ ᠲᠤᠰᠬᠠᠶ ᠭᠡᠷᠡᠴᠢᠯᠡᠭᠡ ᠳᠠᠭᠠᠯᠳᠤᠵᠦ ᠣᠴᠢᠬᠤ ᠪᠥᠭᠡᠳ ᠭᠡᠷᠡᠴᠢᠯᠡᠭᠡ ᠶᠢᠨ ᠳᠡᠭᠡᠷᠡ ᠬᠤᠭᠤᠷ ᠤᠨ ᠣᠨᠴᠠᠯᠢᠭ᠂ ᠤᠳᠬᠠ ᠠᠭᠤᠯᠭᠠ ᠪᠦᠬᠦᠢ ᠱᠠᠭᠠᠷᠳᠠᠯᠭᠠ ᠲᠠᠢ ᠮᠡᠳᠡᠭᠡᠯᠡᠯ ᠢ ᠰᠠᠢᠨᠱᠠᠩᠳᠠ ᠰᠤᠮᠤ ᠶᠢᠨ ᠶᠡᠷᠦᠩᠬᠡᠶ ᠪᠣᠯᠪᠠᠰᠤᠷᠠᠯ ᠤᠨ ᠲᠠᠪᠤᠳᠤᠭᠠᠷ ᠰᠤᠷᠭᠠᠭᠤᠯᠢ ᠶᠢᠨ ᠮᠣᠩᠭᠣᠯ ᠬᠡᠯᠡ ᠤᠷᠠᠨ ᠵᠣᠬᠢᠶᠠᠯ ᠤᠨ ᠪᠠᠭ᠌ᠰᠢ ᠡ᠊· ᠬᠠᠨᠳᠠᠰᠦᠷᠥᠩ ᠮᠣᠩᠭᠣᠯ ᠪᠢᠴᠢᠭ ᠢᠶᠡᠷ ᠤᠷᠠᠨ ᠪᠢᠴᠢᠯᠭᠡ ᠶᠢᠨ ᠥᠩᠭᠡ ᠠᠶᠠᠰ ᠣᠷᠣᠭᠤᠯᠤᠨ ᠪᠢᠴᠢᠭ᠍ᠰᠡᠨ ᠪᠡᠢᠨᠡ ᠃
ᠬᠤᠭᠤᠷ ᠢ ᠨᠣᠶᠠᠨ ᠭᠡᠭᠡᠨᠲᠡᠨ ᠤ ᠤᠨᠤᠵᠤ᠂ ᠡᠳ᠋ᠯᠡᠵᠦ ᠪᠠᠢᠭᠰᠠᠨ ᠬᠡᠭᠡᠷᠡ ᠮᠣᠷᠢ ᠶᠢ ᠵᠢᠰᠦᠯᠡᠵᠦ᠂ ᠲᠡᠭᠡᠳᠦ ᠬᠡᠰᠡᠭ ᠲᠤ ᠪᠠᠨ ᠭᠤᠤ ᠳᠣᠲᠣᠷᠠ ᠬᠠᠭᠠᠰ ᠲᠣᠪᠤᠭᠤᠷ ᠬᠡᠯᠪᠡᠷᠢ ᠪᠡᠷ ᠰᠢᠳᠦᠭᠡᠠ ᠪᠠᠷᠢᠮᠠᠯ ᠢ ᠲᠣᠪᠣᠢᠯᠭᠠᠨ ᠤᠷᠠᠯᠠᠵᠤ ᠂ ᠳᠡᠭᠡᠷᠡ ᠨᠢ ᠨᠣᠭᠤᠭᠠᠨ ᠳ᠋ᠠᠷᠠ ᠡᠬᠡ ᠶ᠋ᠢ ᠵᠠᠯᠠᠵᠤ ᠂ ᠪᠠᠳᠮᠠᠯᠢᠩᠬᠸᠠ ᠴᠡᠴᠡᠭ ᠢᠶᠡᠷ ᠰᠢᠭᠢᠳᠬᠡᠨ ᠤᠷᠠᠯᠠᠵᠠᠢ ᠃
