ᠵᠠᠪᠬᠠᠨ ᠠᠢᠮᠠᠭ ᠤᠨ ᠠᠯᠳᠠᠷᠬᠠᠨ ᠰᠤᠮᠤ ᠶᠢᠨ ᠨᠤᠲᠤᠭ᠂ ᠢᠮᠠᠭᠠᠨ ᠤᠰᠤᠨ ᠤ ᠳᠤᠷᠠᠰᠬᠠᠯᠲᠤ ᠭᠠᠵᠠᠷ ᠠᠴᠠ ᠣᠯᠳᠠᠭᠰᠠᠨ ᠰᠡᠦᠬᠡ ᠲᠡᠷᠭᠡᠨ ᠦ ᠮᠣᠳᠣᠨ ᠲᠡᠪᠰᠢ ᠨᠢ ᠾᠦᠩᠨᠤ ᠶᠢᠨ ᠦᠶᠡ ᠶᠢᠨ ᠢᠵᠠᠭᠤᠷᠲᠠᠨ ᠤ ᠬᠢ ᠪᠣᠯᠬᠤ ᠨᠢ ᠲᠣᠭᠲᠠᠭᠠᠭᠳᠠᠵᠠᠢ᠃
ᠤᠭ ᠳᠤᠷᠠᠰᠬᠠᠯᠲᠤ ᠭᠠᠵᠠᠷ ᠨᠡᠢᠲᠡ ᠾᠦᠩᠨᠤ ᠶᠢᠨ ᠦᠶᠡ ᠳᠦ ᠬᠣᠯᠪᠣᠭᠳᠠᠬᠤ 154 ᠪᠤᠯᠠᠰᠢ ᠪᠠᠢᠬᠤ ᠪᠥᠭᠡᠳ ᠡᠭᠦᠨ ᠡᠴᠡ 42 ᠨᠢ ᠾᠦᠩᠨᠤ ᠶᠢᠨ ᠢᠵᠠᠭᠤᠷᠲᠠᠨ ᠤ ᠳᠤᠷᠠᠰᠬᠠᠯ ᠪᠣᠯᠬᠤ ᠡᠭᠦᠳᠡᠪᠴᠢ ᠲᠡᠢ ᠪᠤᠯᠠᠰᠢ᠂ ᠪᠤᠰᠤᠳ ᠨᠢ ᠡᠩ ᠦᠨ ᠴᠠᠭᠠᠷᠢᠭ ᠬᠡᠯᠪᠡᠷᠢ ᠶᠢᠨ ᠪᠤᠯᠠᠰᠢ ᠪᠠᠢᠨᠠ᠃
ᠡᠳᠡᠭᠡᠷ ᠡᠴᠡ ᠣᠨᠴᠠᠯᠠᠪᠠᠯ ᠢᠮᠠᠭᠠᠨ ᠤᠰᠤᠨ ᠤ 61 ᠳᠦᠭᠡᠷ ᠪᠤᠯᠠᠰᠢ ᠨᠢ 23 ᠮᠧᠲ᠋ᠷ X 24 ᠮᠧᠲ᠋ᠷ ᠬᠡᠮᠵᠢᠶᠡ ᠲᠡᠢ ᠵᠡᠭᠦᠨ ᠲᠠᠯᠠ ᠳᠤ ᠪᠠᠨ ᠭᠤᠷᠪᠠᠨ ᠳᠠᠭᠠᠭᠤᠯᠢ ᠪᠤᠯᠠᠰᠢ ᠲᠠᠢ᠃ ᠬᠤᠢᠳᠤ ᠬᠡᠰᠡᠭ ᠲᠦ ᠪᠡᠨ ᠵᠢᠷᠭᠤᠭᠠᠨ ᠰᠢᠷᠬᠡᠭ ᠬᠣᠣᠰ ᠵᠢᠷᠤᠭᠠ ᠲᠠᠢ᠃ 12 ᠮᠧᠲ᠋ᠷ ᠤᠷᠲᠤ ᠡᠭᠦᠳᠡᠪᠴᠢ ᠲᠡᠢ ᠳᠥᠷᠪᠡᠯᠵᠢᠨ ᠬᠠᠰᠢᠯᠭᠠ ᠴᠢᠯᠠᠭᠤᠨ ᠳᠠᠷᠤᠭᠠᠰᠤ ᠪᠦᠬᠦᠢ ᠾᠦᠩᠨᠤ ᠶᠢᠨ ᠢᠵᠠᠭᠤᠷᠲᠠᠨ ᠤ ᠳᠤᠷᠠᠰᠬᠠᠯ ᠶᠤᠮ᠃ 61 ᠳᠦᠭᠡᠷ ᠳᠤᠷᠠᠰᠬᠠᠯ ᠤᠨ ᠮᠠᠯᠲᠠᠯᠭᠠ ᠶᠢᠨ ᠳᠣᠯᠣᠳᠤᠭᠠᠷ ᠦᠶᠡ ᠡᠴᠡ ᠣᠯᠳᠠᠭᠰᠠᠨ ᠰᠡᠦᠬᠡ ᠲᠡᠷᠭᠡᠨ ᠦ ᠮᠣᠳᠣᠨ ᠲᠡᠪᠰᠢᠨ ᠦ ᠬᠡᠰᠡᠭ ᠨᠢ ᠤᠷᠠᠨ ᠨᠠᠷᠢᠨ ᠬᠡ ᠬᠤᠸᠠᠷ ᠢᠶᠠᠷ ᠴᠢᠮᠡᠭᠯᠡᠭᠳᠡᠭᠰᠡᠨ ᠪᠠᠢᠨᠠ᠃ ᠤᠭ ᠲᠡᠪᠰᠢᠨ ᠦ ᠬᠡᠰᠡᠭ ᠦᠳ ᠨᠢ ᠤᠯᠠᠭᠠᠨ᠂ ᠨᠣᠭᠣᠭᠠᠨ᠂ ᠰᠢᠷᠠ᠂ ᠴᠠᠭᠠᠨ ᠵᠡᠷᠭᠡ ᠶᠢᠨ ᠣᠯᠠᠨ ᠥᠩᠭᠡ ᠰᠢᠩᠭᠡᠭᠡᠵᠦ᠂ ᠵᠦᠮᠪᠦᠷᠯᠡᠵᠦ ᠬᠡᠭᠡᠯᠡᠭᠰᠡᠨ ᠨᠠᠷᠢᠨ ᠬᠡ ᠬᠤᠸᠠᠷ ᠲᠠᠢ᠃ ᠨᠡᠢᠲᠡ ᠳᠦ ᠨᠢ ᠤᠰᠤᠨ ᠪᠣᠯᠤᠨ ᠡᠭᠦᠯᠡᠨ ᠬᠡ ᠶᠢ ᠳᠦᠷᠰᠦᠯᠡᠵᠡᠢ᠃
ᠡᠨᠡ ᠬᠦ ᠪᠤᠯᠠᠰᠢᠨ ᠠᠴᠠ ᠣᠯᠳᠠᠭᠰᠠᠨ ᠬᠦᠮᠦᠨ ᠦ ᠶᠠᠰᠤᠨ ᠳᠤ 《ᠡᠷᠲᠡᠨ ᠦ ᠬᠦᠮᠦᠨ ᠰᠤᠳᠤᠯᠤᠯ》 ᠤᠨ ᠰᠤᠳᠤᠯᠭᠠ ᠶᠢ ᠮᠣᠩᠭᠣᠯ ᠤᠯᠤᠰ ᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠤᠨ ᠫᠷᠣᠹᠧᠰᠰᠣᠷ ᠳ ∙ ᠲᠦᠮᠡᠨ᠂ ᠮ ∙ ᠡᠷᠳᠡᠨᠢ ᠨᠠᠷ ᠬᠢᠭᠡᠳ ᠴᠡᠪᠡᠷ ᠮᠣᠩᠭᠣᠯ ᠲᠥᠷᠬᠥ ᠲᠡᠢ ᠪᠣᠯᠬᠤ ᠨᠢ ᠲᠣᠭᠲᠠᠭᠠᠭᠳᠠᠭᠰᠠᠨ ᠨᠢ 《 ᠾᠦᠩᠨᠤ ᠶᠢᠨ ᠢᠵᠠᠭᠤᠷᠲᠠᠳ ᠥᠨᠥ ᠶᠢᠨ ᠮᠣᠩᠭᠣᠯᠴᠤᠳ ᠪᠢᠳᠡᠨ ᠦ ᠡᠪᠦᠭᠡ ᠳᠡᠭᠡᠳᠦᠰ ᠪᠠᠢᠭᠰᠠᠨ》 ᠢ ᠪᠠᠲᠤᠯᠠᠬᠤ ᠦᠨᠡᠲᠦ ᠰᠤᠷᠪᠤᠯᠵᠢ ᠪᠣᠯᠤᠭᠰᠠᠨ ᠶᠤᠮ᠃
