ᠵᠠᠪᠬᠠᠨ ᠭᠣᠣᠯ ᠳᠤ ᠬᠠᠪᠤᠷ ᠢᠷᠡᠵᠡᠢ᠃ ᠡᠨᠡ ᠭᠣᠣᠯ ᠤᠨ ᠰᠠᠪᠠ ᠳᠠᠭᠠᠤ ᠨᠤᠲᠤᠭᠯᠠᠳᠠᠭ ᠮᠠᠯᠴᠢᠳ ᠤᠨ ᠳᠤᠮᠳᠠ ᠬᠠᠪᠤᠷ ᠪᠣᠯᠵᠤ ᠲᠥᠯ ᠦᠨ ᠳᠠᠭᠤᠤ ᠴᠠᠩᠭᠢᠨᠠᠬᠤ ᠲᠠᠢ ᠵᠡᠷᠭᠡᠴᠡᠨ 《ᠭᠣᠣᠯ ᠢᠷᠡᠬᠦ》ᠭᠡᠰᠡᠨ ᠶᠠᠷᠢᠶᠠ ᠥᠷᠨᠢᠳᠡᠭ᠃ ᠤᠷᠵᠢᠳᠤᠷ ᠲᠡᠨᠳᠡ ᠶᠠᠪᠤᠨᠠ ᠭᠡᠰᠡᠨ᠂ ᠥᠴᠥᠭᠡᠳᠦᠷ ᠡᠨᠳᠡ ᠢᠷᠡᠵᠦ᠂ ᠡᠨᠡ ᠵᠢᠯ ᠭᠣᠣᠯ ᠴᠠᠳᠬᠤᠯᠠᠩ ᠪᠠᠢᠨᠠ ᠭᠡᠵᠦ ᠶᠠᠷᠢᠯᠴᠠᠳᠠᠭ᠃ ᠡᠨᠡ ᠵᠢᠯ ᠵᠠᠪᠬᠠᠨ ᠭᠣᠣᠯ ᠳᠥᠷᠪᠡᠯᠵᠢᠨ ᠰᠤᠮᠤ ᠶᠢᠨ ᠨᠤᠲᠤᠭ ᠢᠶᠠᠷ ᠴᠠᠳᠬᠤᠯᠠᠩ ᠢᠷᠡᠵᠦ᠂ ᠬᠠᠪᠤᠷ ᠤᠨ ᠤᠷᠢ ᠠᠯᠢ ᠬᠡᠳᠦᠢᠨ ᠣᠷᠣᠵᠠᠢ᠃
700 ᠺᠢᠯᠣᠮᠧᠲ᠋ᠷ ᠤᠷᠲᠤ ᠦᠷᠭᠦᠯᠵᠢᠯᠡᠬᠦ᠂ ᠬᠠᠩᠭᠠᠢ ᠶᠢᠨ ᠰᠦᠷᠯᠢᠭ ᠨᠢᠷᠤᠭᠤᠨ ᠤ ᠨᠣᠶᠠᠨ ᠣᠷᠭᠢᠯ᠂ ᠪᠣᠭᠳᠠ ᠸᠴᠢᠷᠪᠠᠨᠢ ᠣᠳᠬᠣᠨ ᠲᠩᠷᠢ ᠬᠠᠢᠷᠬᠠᠨ ᠤ ᠪᠠᠷᠠᠭᠤᠨ ᠤᠷᠳᠤ ᠠᠴᠠ ᠡᠬᠢ ᠠᠪᠴᠤ᠂ ᠮᠣᠩᠭᠣᠯ ᠡᠯᠡᠰᠦᠨ ᠮᠠᠩᠬᠠᠨ ᠢ ᠬᠥᠪᠡᠭᠡᠯᠡᠨ ᠤᠷᠤᠰᠬᠤ ᠵᠠᠪᠬᠠᠨ ᠭᠣᠣᠯ ᠨᠢ ᠶᠡᠬᠡ ᠨᠠᠭᠤᠷ ᠤᠳ ᠤᠨ ᠬᠣᠲᠣᠭᠣᠷ ᠢ ᠴᠢᠭᠯᠡᠨ ᠤᠷᠤᠰᠴᠤ᠂ ᠵᠠᠮ ᠳᠤ ᠪᠠᠨ ᠲᠡᠭᠡᠯᠢ ᠶᠢᠨ ᠭᠣᠣᠯ ᠲᠠᠢ ᠨᠡᠢᠯᠡᠵᠦ ᠨᠡᠢᠲᠡ ᠤᠷᠲᠤ 800 ᠭᠠᠷᠤᠢ ᠺᠢᠯᠤᠮᠧᠲᠷ ᠤᠷᠤᠰᠤᠭᠰᠠᠭᠠᠷ ᠠᠢᠷᠠᠭ ᠨᠠᠭᠤᠷ ᠢᠶᠠᠷ ᠳᠠᠮᠵᠢᠨ ᠬᠢᠷᠭᠠᠰ ᠨᠠᠭᠤᠷ ᠲᠤ ᠴᠢᠳᠬᠤᠳᠠᠭ᠃
