ᠮᠣᠩᠭᠣᠯ ᠤᠯᠤᠰ ᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠶᠢᠨ ᠪᠢᠣᠯᠣᠭᠢ ᠶᠢᠨ ᠠᠩᠬᠢ ᠶᠢᠨ ᠮᠠᠭᠢᠰᠲ᠋ᠷ ᠳ ∙ ᠮᠥᠩᠬᠡᠲᠤᠯᠭᠠ ᠮᠣᠩᠭᠣᠯ ᠳᠤ ᠤᠷᠭᠤᠳᠠᠭ ᠬᠤᠨᠴᠢᠷ ᠤᠨ ᠭᠤᠷᠪᠠᠨ ᠰᠢᠨᠡ ᠵᠦᠢᠯ ᠢ ᠳᠡᠯᠡᠬᠡᠢ ᠶᠢᠨ ᠤᠷᠭᠤᠮᠠᠯ ᠤᠨ ᠠᠢᠮᠠᠭ ᠲᠤ ᠪᠦᠷᠢᠳᠬᠡᠭᠦᠯᠦᠯᠡ᠃ ᠲᠡᠷᠡᠪᠡᠷ ᠡᠬᠢᠨ ᠦ ᠰᠢᠨᠡ ᠵᠦᠢᠯ ᠢᠶᠡᠨ ᠪᠠᠭᠰᠢ ᠪ ∙ ᠣᠶᠤᠨᠴᠡᠴᠡᠭ ᠦᠨ ᠨᠡᠷᠡ ᠪᠡᠷ ᠪᠤᠶᠤ ᠣᠶᠤᠨᠠᠭ ᠤᠨ ᠬᠤᠨᠴᠢᠷ︵Astragalus oyunicus︶ᠬᠡᠮᠡᠨ ᠪᠦᠷᠢᠳᠬᠡᠭᠦᠯᠦᠭᠰᠡᠨ ᠶᠤᠮ᠃
ᠳᠠᠷᠠᠭᠠ ᠶᠢᠨ ᠰᠢᠨᠡ ᠵᠦᠢᠯ ᠢ ᠮᠥᠨ ᠪᠠᠭᠰᠢ ᠪ ∙ ᠣᠶᠤᠨᠴᠡᠴᠡᠭ᠂ ᠱ ∙ ᠪᠠᠰᠠᠩᠮᠥᠢᠩᠬᠡ᠂ ᠬ ∙ ᠬᠠᠯᠢᠭᠤᠨ ᠢᠶᠠᠨ ᠨᠠᠷ ᠤᠨ ᠬᠠᠮᠲᠤ ᠪᠤᠯᠠᠭᠠᠨ ᠠᠢᠮᠠᠭ ᠤᠨ ᠲᠡᠰᠢᠭ ᠰᠤᠮᠤ ᠠᠴᠠ 2018 ᠣᠨ ᠳᠤ ᠲᠡᠭᠦᠵᠦ᠂ ᠥᠩᠭᠡᠷᠡᠭᠰᠡᠨ ᠣᠨ ᠳᠤ ᠳ᠋ᠣᠺᠲ᠋ᠣᠷ ᠱ ∙ ᠪᠠᠰᠠᠩᠮᠥᠢᠩᠬᠡ ᠲᠡᠢ ᠲᠣᠳᠣᠷᠬᠠᠢᠯᠠᠭᠠᠳ ᠵᠦᠢᠯ ᠦᠨ ᠨᠡᠷᠡ ᠶᠢ Astragalus teshigicus ᠪᠤᠶᠤ ᠲᠡᠰᠢᠭ ᠤᠨ ᠬᠤᠨᠴᠢᠷ ᠬᠡᠮᠡᠵᠡᠢ᠃ ᠬᠠᠷᠢᠨ ᠭᠤᠷᠪᠠᠳᠠᠬᠢ ᠵᠦᠢᠯ ᠢ 2021 ᠣᠨ ᠤ ᠵᠢᠷᠭᠤᠳᠤᠭᠠᠷ ᠰᠠᠷᠠ ᠳᠤ ᠣᠪᠰᠣ ᠠᠢᠮᠠᠭ ᠤᠨ ᠮᠠᠯᠴᠢᠨ ᠰᠤᠮᠤ ᠠᠴᠠ ᠲᠡᠭᠦᠨ ᠴᠤᠭᠯᠠᠭᠤᠯᠤᠭᠰᠠᠨ ᠪᠣᠯ ᠥᠩᠭᠡᠷᠡᠭᠰᠡᠨ ᠣᠨ ᠳᠤ ᠲᠣᠳᠣᠷᠬᠠᠢᠯᠠᠯᠲᠠ ᠬᠢᠵᠦ᠂ ᠵᠦᠢᠯ ᠦᠨ ᠨᠡᠷᠡ ᠶᠢ Astragalus uvsicus ᠪᠤᠶᠤ ᠣᠪᠰᠣ ᠶᠢᠨ ᠬᠤᠨᠴᠢᠷ ᠬᠡᠮᠡᠨ ᠨᠡᠷᠡᠯᠡᠵᠡᠢ᠃ ᠬᠤᠨᠴᠢᠷ (Astragalus L.) ᠨᠢ 3100 ᠣᠷᠴᠢᠮ ᠵᠦᠢᠯ ᠲᠡᠢ ᠳᠡᠯᠡᠬᠡᠢ ᠶᠢᠨ ᠬᠠᠮᠤᠭ ᠤᠨ ᠲᠣᠮᠣ ᠲᠥᠷᠥᠯ ᠶᠤᠮ᠃ ᠮᠠᠨ ᠤ ᠤᠯᠤᠰ ᠲᠤ ᠣᠳᠣ ᠪᠠᠷ 130 ᠵᠦᠢᠯ ᠪᠦᠷᠢᠳᠬᠡᠭᠳᠡᠭᠰᠡᠨ ᠡᠴᠡ 15 ᠨᠢ ᠤᠨᠠᠭᠠᠨ ᠤᠷᠭᠤᠮᠠᠯ ᠳᠤ ᠲᠣᠭᠠᠴᠠᠭᠳᠠᠳᠠᠭ ᠠᠵᠡᠢ᠃
