ᠤᠷᠠᠯᠢᠭ ᠰᠤᠳᠤᠯᠤᠯ ᠤᠨ ᠤᠬᠠᠭᠠᠨ ᠤ ᠳ᠋ᠣᠺᠲ᠋ᠣᠷ᠂ ᠫᠷᠣᠹᠧᠰᠰᠣᠷ᠂ ᠵᠢᠷᠤᠭᠠᠴᠢ᠂ ᠤᠷᠠᠨ ᠪᠠᠷᠢᠮᠠᠯᠴᠢ ᠰ ∙ ᠪᠠᠳᠠᠷᠠᠯ ᠤᠨ ᠬᠤᠪᠢ ᠶᠢᠨ ᠴᠤᠭᠯᠠᠭᠤᠯᠭᠠ ᠪᠠᠷ ᠪᠠᠢᠭᠤᠯᠤᠭᠰᠠᠨ 《ᠴᠢᠩᠭᠢᠰ᠂ ᠮᠣᠩᠭᠣᠯ ᠥᠪ ᠰᠤᠶᠤᠯ》 ᠮᠦᠽᠧᠢ ᠶᠢᠨ ᠰᠠᠩ ᠬᠥᠮᠥᠷᠭᠡ ᠡᠴᠡ ᠰᠤᠳᠤᠷ ᠨᠣᠮ᠂ ᠰᠣᠶᠣᠮᠪᠣ ᠦᠰᠦᠭ ᠦᠨ ᠳᠤᠷᠠᠰᠬᠠᠯ᠂ ᠵᠠᠨᠯᠠᠪ ᠴᠣᠭᠵᠢᠯ ᠰᠤᠳᠤᠷ ᠤᠨ ᠬᠠᠭᠤᠯᠪᠤᠷᠢ᠂ ᠬᠥᠷᠥᠭ ᠵᠢᠷᠤᠭ ᠪᠣᠯᠤᠨ ᠪᠤᠷᠬᠠᠨ ᠤ ᠱᠠᠰᠢᠨ ᠲᠠᠢ ᠬᠣᠯᠪᠣᠭᠠ ᠲᠠᠢ ᠮᠢᠩᠭᠠ ᠣᠷᠴᠢᠮ ᠪᠠᠶᠡᠲᠦ ᠦᠵᠡᠮᠦᠷᠢ ᠶᠢ ᠳᠡᠯᠭᠡᠭᠡᠳ ᠪᠠᠢᠨᠠ᠃
ᠰ ∙ ᠪᠠᠳᠠᠷᠠᠯ ᠶᠠᠷᠢᠬᠤ ᠳᠤ ᠪᠠᠨ᠄《ᠡᠳᠡᠭᠡᠷ ᠦᠵᠡᠮᠦᠷᠢ ᠶᠢ ᠳᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠣᠨ ᠤ ᠰᠡᠭᠦᠯᠴᠢ ᠡᠴᠡ 30 ᠭᠠᠷᠤᠢ ᠵᠢᠯ ᠴᠤᠭᠯᠠᠭᠤᠯᠤᠭᠰᠠᠨ᠃ ᠮᠢᠨᠦ ᠠᠩᠬᠠᠨ ᠤ ᠴᠤᠭᠯᠠᠭᠤᠯᠭᠠ ᠳᠡᠨᠵᠢ ᠶᠢᠨ ᠮᠢᠩᠭᠠ ᠵᠠᠬᠠ ᠠᠴᠠ ᠠᠪᠤᠭᠰᠠᠨ ᠬᠦᠷᠡᠯ᠂ ᠲᠡᠮᠦᠷ ᠢᠶᠡᠷ ᠬᠢᠭᠰᠡᠨ ᠬᠠᠰ ᠶᠤᠮ᠃ ᠡᠨᠡ ᠨᠢ ᠰᠢᠷᠦᠨ ᠡᠷᠢᠬᠡᠨ ᠦ ᠪᠥᠭᠡᠷᠡ᠂ ᠬᠤᠪ᠂ ᠮᠠᠯ ᠠᠮᠢᠲᠠᠨ ᠪᠣᠯᠤᠨ ᠰᠢᠲᠠᠷᠠ ᠶᠢᠨ ᠰᠡᠢᠯᠪᠦᠷᠢ᠂ ᠠᠪᠳᠠᠷᠠ ᠭᠡᠵᠦ ᠶᠠᠪᠤᠭᠰᠠᠭᠠᠷ ᠠᠷᠪᠢᠵᠢᠭᠰᠠᠨ᠃
ᠲᠤᠬᠠᠢᠯᠠᠪᠠᠯ᠂ ᠥᠨᠳᠥᠷ ᠭᠡᠭᠡᠨ ᠦ ᠲᠠᠷᠨᠢ ᠤᠩᠰᠢᠯᠭᠠ ᠲᠠᠢ ᠠᠷᠪᠠᠢ ᠶᠢᠨ ᠭᠤᠯᠢᠷ ᠢᠶᠠᠷ ᠪᠦᠲᠦᠭᠡᠭᠰᠡᠨ ᠬᠣᠨᠢ᠂ ᠯᠠᠮᠠ ᠶᠢᠨ ᠭᠡᠭᠡᠨ ᠦ ᠱᠠᠪᠢ᠂ ᠡᠪᠦᠭᠡ ᠳᠡᠭᠡᠳᠦᠰ ᠦᠨ ᠮᠢᠨᠢ ᠪᠤᠶᠠᠨ ᠬᠡᠰᠢᠭ ᠦᠨ ᠰᠠᠪᠠ᠂ ᠽᠠᠨᠳᠠᠨ ᠬᠤᠪᠢᠩ᠂ ᠮᠣᠳᠣᠨ ᠬᠣᠪᠳᠣ᠂ ᠮᠥᠨ ᠨᠠᠭᠠᠴᠤ ᠪᠤᠭᠤᠷᠤᠯ ᠠᠪᠤ ᠭ ∙ ᠫᠷᠯᠢᠵᠠᠮᠰᠤ ᠠᠴᠠ ᠦᠶᠡ ᠳᠠᠮᠵᠢᠵᠤ ᠥᠪᠯᠡᠭᠰᠡᠨ ᠳᠤᠷᠠᠰᠬᠠᠯ ᠤᠳ ᠴᠤ ᠪᠤᠢ》 ᠬᠡᠮᠡᠪᠡ᠃
