ᠮᠣᠩᠭᠣᠯ ᠤᠨ ᠰᠢᠲᠠᠷᠠ ᠶᠢᠨ ᠬᠣᠯᠪᠣᠭᠠ ᠂ ᠮᠣᠩᠭᠣᠯ ᠤᠨ ᠦᠨᠳᠦᠰᠦᠨ ᠤ ᠮᠦᠽᠧᠶ ᠂ 《 ᠳᠠᠭᠤᠲᠤ ᠤᠷᠠᠯᠠᠩ 》 ᠺᠣᠮᠫᠠᠨᠢ ᠲᠠᠢ ᠬᠠᠮᠲᠤᠷᠠᠨ 《 ᠡᠷᠲᠡᠨ ᠥ ᠮᠣᠩᠭᠣᠯ ᠰᠢᠲᠠᠷᠠ ᠶᠢᠨ ᠪᠦᠲᠦᠴᠡ ᠶᠢᠨ ᠠᠨᠲᠷᠣᠫᠣᠯᠣᠭᠢ 》 ᠨᠡᠷᠡ ᠲᠠᠢ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠬᠤᠷᠠᠯ ᠢ ᠥᠨᠥᠳᠥᠷ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠠ ᠃
ᠡᠨᠡ ᠬᠦ ᠬᠤᠷᠠᠯ ᠳᠤ ᠮᠣᠩᠭᠣᠯ ᠂ ᠬᠢᠲᠠᠳ ᠦᠨ ᠥᠪᠥᠷ ᠮᠣᠩᠭᠣᠯ ᠤᠨ ᠣᠷᠳᠤᠰ ᠬᠤᠳᠠ ᠂ ᠣᠷᠣᠰ ᠤᠨ ᠪᠤᠷᠢᠶᠠᠳ ᠤᠯᠤᠰ ᠤᠨ ᠰᠢᠲᠠᠷᠠ ᠶᠢᠨ 30 ᠣᠷᠴᠢᠮ ᠡᠷᠳᠡᠮᠲᠡᠨ ᠂ ᠪᠠᠭ᠌ᠰᠢ ᠨᠠᠷ ᠲᠠᠪᠤᠨ ᠰᠡᠳᠦᠪ ᠦᠨ ᠬᠦᠷᠢᠶᠡᠨ ᠳᠤ ᠢᠯᠡᠳᠬᠡᠯ ᠰᠣᠨᠣᠰᠴᠤ ᠂ ᠬᠡᠯᠡᠯᠴᠡᠭᠦᠯᠭᠡ ᠥᠷᠨᠢᠭᠦᠯᠪᠡ ᠃
ᠲᠤᠬᠠᠢᠯᠠᠪᠠᠯ᠂ ᠡᠷᠲᠡᠨ ᠥ ᠰᠢᠲᠠᠷᠠ ᠰᠤᠳᠤᠯᠤᠭᠠᠴᠢ ᠠ∙ ᠪᠠᠲᠤᠵᠣᠷᠢᠭ ᠡᠷᠲᠡᠨ ᠥ ᠮᠣᠩᠭᠣᠯ ᠰᠢᠲᠠᠷᠠ ᠶᠢᠨ ᠡᠭᠦᠰᠦᠯ ᠂ ᠭᠠᠷᠤᠯ ᠂ ᠬᠥᠭ᠍ᠵᠢᠯ ᠤᠨ ᠠᠰᠠᠭᠤᠳᠠᠯ ᠤᠨ ᠰᠢᠨᠡ ᠪᠠᠷᠢᠮᠲᠠ ᠪᠡᠷ ᠪᠠᠶᠠᠵᠢᠭᠤᠯᠤᠨ ᠨᠤᠲᠠᠯᠠᠬᠤ᠂ ᠮᠣᠩᠭᠣᠯ ᠤᠨ ᠰᠢᠲᠠᠷᠠ ᠶᠢᠨ ᠥᠪ ᠰᠣᠶᠤᠯ ᠤᠨ ᠦᠨᠡ ᠴᠡᠨᠡ᠂ ᠲᠡᠷᠡ ᠳᠤᠮᠳᠠ ᠪᠠᠨ《ᠬᠥᠬᠡ ᠡᠪᠦᠭᠡᠨ ᠰᠠᠬᠢᠭᠤᠯᠰᠤ ᠲᠠᠢ ᠬᠥᠯ ᠮᠣᠳᠤᠨ ᠰᠢᠲᠠᠷᠠ ᠶᠢᠨ ᠲᠤᠤᠯᠢᠰ》 ᠢ ᠰᠤᠳᠤᠯᠵᠤ ᠣᠯᠠᠨ ᠨᠡᠢᠲᠡ ᠳᠤ ᠰᠤᠷᠲᠠᠯᠴᠢᠯᠠᠬᠤ ᠤᠯᠠᠮᠵᠢᠯᠠᠯᠲᠤ ᠣᠶᠣᠨ ᠤᠬᠠᠭᠠᠨ ᠤ ᠭᠠᠢᠬᠠᠮᠰᠢᠭ ᠢ ᠪᠠᠲᠤᠯᠠᠨ ᠲᠠᠨᠢᠭᠤᠯᠬᠤ ᠵᠣᠷᠢᠯᠭᠠ ᠪᠠᠷ ᠢᠯᠡᠳᠬᠡᠯ ᠲᠠᠯᠪᠢᠯᠠ ᠃ ᠬᠠᠷᠢᠨ ᠥᠪᠥᠷ ᠮᠣᠩᠭᠣᠯ ᠤᠨ ᠰᠢᠲᠠᠷᠠ ᠰᠤᠳᠤᠯᠤᠭᠠᠴᠢ ᠬᠦᠴᠦᠨᠲᠡᠭᠦᠰ《ᠰᠢᠲᠠᠷᠠ ᠳᠤ ᠠᠭᠤᠯᠤᠭᠳᠠᠬᠤ ᠲᠣᠭᠯᠠᠭᠠᠮ ᠤᠨ ᠴᠠᠭᠠᠳᠤᠬᠢ ᠹᠢᠯᠣᠰᠣᠹᠢ᠂ ᠭᠦᠨ ᠤᠬᠠᠭᠠᠨ 》ᠰᠡᠳᠦᠪ ᠢᠶᠡᠷ ᠰᠣᠨᠢᠷᠬᠠᠯᠲᠠᠢ ᠢᠯᠡᠳᠬᠡᠯ ᠲᠠᠯᠪᠢᠭ᠌ᠰᠠᠨ ᠪᠣᠯ ᠠ∙ ᠫᠣᠩᠰᠣᠭ《ᠮᠣᠩᠭᠣᠯ ᠰᠢᠲᠠᠷᠠ ᠶᠢᠨ ᠣᠨᠴᠠᠯᠢᠭ 》᠂ ᠪ ∙ ᠪᠠᠭᠠᠲᠤᠷᠬᠦᠦ《ᠮᠣᠩᠭᠣᠯ ᠰᠢᠲᠠᠷᠠ ᠶᠢᠨ ᠪᠡᠯᠭᠡᠳᠡᠯ 》ᠰᠡᠳᠦᠪ ᠦᠨ ᠬᠦᠷᠢᠶᠡᠨ ᠳᠤ ᠢᠯᠡᠳᠬᠡᠯ ᠲᠠᠯᠪᠢᠵᠠᠢ᠃
