ᠶᠡᠭᠡ ᠮᠣᠭᠤᠯ ᠤᠨ ᠡᠵᠡᠨᠲᠦ ᠭᠦᠷᠦᠨ ᠢ ᠪᠠᠢᠭᠤᠯᠤᠭᠰᠠᠨ᠂ ᠳᠣᠭᠣᠯᠠᠩ ᠲᠡᠮᠦᠷ ᠦᠨ ᠤᠭᠰᠠᠭᠠᠨ ᠤ ᠵᠠᠬᠢᠷ ᠤᠳ᠋ ᠳ᠋ᠢᠨ ᠮᠤᠬᠠᠮᠮᠧᠳ᠋ ᠪᠠᠪᠠᠷ ᠬᠠᠭᠠᠨ ᠤ 542 ᠵᠢᠯ ᠤᠨ ᠣᠢ ᠳᠤ ᠵᠣᠷᠢᠭᠤᠯᠤᠭᠰᠠᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠪᠡᠭᠠ ᠬᠤᠷᠠᠯ ᠫᠠᠻᠢᠰᠲ᠋ᠠᠨ ᠤ ᠢᠰᠯᠠᠮᠠᠪᠠᠳ᠋ ᠬᠣᠲᠠ ᠳᠤ ᠡᠨᠡ ᠰᠠᠷᠠ ᠶᠢᠨ 14 ᠳᠤ ᠪᠣᠯᠣᠯᠠ᠃ ᠤᠭ ᠬᠤᠷᠠᠯ ᠢ ᠫᠠᠻᠢᠰᠲ᠋ᠠᠨ ᠤ ᠲᠡᠯᠠ ᠦᠽᠪᠧᠺᠰᠲ᠋ᠠᠨ ᠤ ᠡᠯᠴᠢᠨ ᠰᠠᠢᠳ ᠤᠨ ᠶᠠᠮᠤᠨ ᠲᠠᠢ ᠬᠠᠮᠲᠤᠷᠠᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠭᠰᠠᠨ ᠪᠡᠢᠨᠡ᠃ ᠬᠤᠷᠠᠯ ᠳᠤ ᠫᠠᠻᠢᠰᠲ᠋ᠠᠨ ᠤ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠬᠤ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ᠂ ᠢᠰᠯᠠᠮ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠡᠷᠳᠡᠮᠲᠡᠳ ᠣᠷᠣᠯᠴᠠᠵᠤ ᠪᠠᠪᠠᠷ ᠬᠠᠭᠠᠨ ᠲᠠᠢ ᠬᠣᠯᠪᠣᠭᠠ ᠲᠠᠢ ᠣᠯᠠᠨ ᠰᠡᠳᠦᠪ ᠢᠶᠡᠷ ᠢᠯᠡᠳᠬᠡᠯ ᠲᠠᠯᠪᠢᠵᠠᠢ᠃ ᠮᠥᠨ ᠫᠠᠻᠢᠰᠲ᠋ᠠᠨ ᠳ᠋ᠡᠬᠢ ᠭᠠᠳᠠᠭᠠᠳᠤ ᠣᠷᠣᠨ ᠨᠤᠭᠤᠳ ᠤᠨ ᠳ᠋ᠢᠫᠯᠤᠮᠠᠲ ᠲᠥᠯᠦᠭᠡᠯᠡᠭ᠍ᠴᠢᠳ ᠬᠤᠷᠠᠯ ᠳᠤ ᠣᠷᠣᠯᠴᠠᠭᠰᠠᠨ ᠪᠡᠢᠨᠡ᠃ ᠤᠯᠠᠮ ᠢᠶᠠᠷ ᠪᠠᠪᠠᠷ ᠬᠠᠭᠠᠨ ᠤ ᠲᠠᠯᠠ ᠪᠡᠷ ᠬᠢ ᠰᠤᠳᠤᠯᠭᠠᠨ ᠳᠤ ᠣᠷᠣᠭᠤᠯᠤᠭᠰᠠᠨ ᠬᠤᠪᠢ ᠨᠡᠮᠡᠷᠢ ᠶᠢ ᠨᠢ ᠦᠨᠡᠯᠡᠨ ᠵᠠᠷᠢᠮ ᠵᠣᠴᠢᠨ ᠳᠤ ᠭᠡᠷᠡᠴᠢᠯᠡᠭᠡ ᠭᠠᠷᠳᠠᠭᠤᠯᠵᠤ ᠂ ᠶᠡᠭᠡ ᠬᠠᠭᠠᠨ ᠤ ᠲᠥᠷᠦᠭ᠍ᠰᠡᠨ ᠡᠳᠦᠷ ᠲᠤᠯᠠ ᠪᠠᠶᠠᠷ ᠤᠨ ᠪᠢᠯᠠᠭᠤ ᠬᠤᠪᠢᠶᠠᠵᠠᠢ ᠃
ᠡᠬᠡ ᠶᠢᠨ ᠲᠠᠯᠠ ᠠᠴᠠ ᠴᠢᠩᠭᠢᠰ ᠬᠠᠭᠠᠨ᠂ ᠡᠴᠢᠭᠡ ᠶᠢᠨ ᠲᠠᠯᠠ ᠠᠴᠠ ᠳᠣᠭᠣᠯᠠᠩ ᠲᠡᠮᠦᠷ ᠬᠠᠭᠠᠨ ᠤ ᠤᠭᠰᠠᠭᠠ ᠲᠠᠢ ᠪᠠᠪᠠᠷ ᠬᠠᠭᠠᠨ ᠢ ᠥᠨᠦ ᠶᠢᠨ ᠦᠽᠪᠧᠺᠰᠲ᠋ᠠᠨ ᠤ ᠠᠨᠳᠢᠵᠠᠨ ᠬᠣᠲᠠ ᠳᠤ 1483 ᠣᠨ ᠤ ᠬᠣᠶᠠᠳᠤᠭᠠᠷ ᠰᠠᠷᠠ ᠶᠢᠨ 14 ᠳᠤ ᠲᠥᠷᠦᠭ᠍ᠰᠡᠨ ᠭᠡᠵᠦ ᠦᠵᠡᠳᠡᠭ᠃ ᠪᠠᠪᠠᠷ ᠤᠨ ᠪᠠᠢᠭᠤᠯᠤᠭᠰᠠᠨ ᠶᠡᠭᠡ ᠮᠣᠭᠤᠯ ᠤᠨ ᠡᠵᠡᠨᠲᠦ ᠬᠥᠷᠥᠨ ᠡᠮᠦᠨᠡᠳᠦ ᠠᠽᠢᠶᠠ ᠳᠤ 300 ᠵᠢᠯ ᠣᠷᠣᠰᠢᠨ ᠲᠣᠭᠲᠠᠨᠢᠭ᠌ᠰᠠᠨ ᠶᠤᠮ᠃ ᠢᠩᠭᠢᠬᠦ ᠳᠤ ᠪᠠᠨ ᠥᠨᠦ ᠶᠢᠨ ᠡᠨᠡᠦᠡᠭᠡᠭ᠂ ᠫᠠᠻᠢᠰᠲ᠋ᠠᠨ᠂ ᠦᠽᠪᠧᠺᠰᠲ᠋ᠠᠨ ᠳᠤ ᠵᠠᠰᠠᠭᠯᠠᠯ᠂ ᠰᠤᠶᠦᠯ᠂ ᠤᠷᠠᠨ ᠪᠠᠷᠢᠯᠭᠠ ᠶᠢᠨ ᠬᠣᠤᠰ ᠦᠭᠡᠶ ᠥᠪ ᠢ ᠦᠯᠡᠳᠡᠭᠡᠭ᠍ᠰᠡᠨ ᠪᠢᠯᠡ᠃ ᠪᠠᠪᠠᠷ ᠬᠠᠭᠠᠨ ᠨᠢ ᠶᠡᠭᠡ ᠤᠳᠤᠷᠢᠳᠤᠭ᠌ᠴᠢ᠂ ᠴᠡᠷᠢᠭ ᠤᠨ ᠵᠠᠩᠵᠤᠨ ᠲᠡᠳᠦᠢ ᠦᠭᠡᠢ ᠢᠷᠠᠭᠤ ᠨᠠᠢᠢᠷᠠᠭ᠌ᠴᠢ᠂ ᠡᠷᠳᠡᠮᠲᠡᠨ ᠬᠥᠮᠦᠨ ᠪᠠᠢᠭᠰᠠᠨ ᠪᠥᠭᠡᠳ ᠴᠠᠭᠠᠲᠠᠢ ᠬᠡᠯᠡ ᠪᠡᠷ ᠥᠪᠡᠷ ᠤᠨ ᠨᠠᠮᠲᠠᠷ《ᠪᠠᠪᠤᠷᠨᠠᠮᠠ》ᠵᠣᠬᠢᠶᠠᠯ ᠢᠶᠠᠨ ᠪᠢᠴᠢᠵᠦ ᠦᠯᠡᠳᠡᠭᠡᠭ᠍ᠰᠡᠨ ᠢ ᠬᠤᠵᠢᠮ ᠫᠧᠷᠰ ᠬᠡᠯᠡ ᠤᠷᠤᠭᠤ ᠣᠷᠴᠢᠭᠤᠯᠤᠭᠰᠠᠨ ᠪᠠᠢᠳᠠᠭ ᠃
