ᠦᠨᠳᠦᠰᠦᠨ ᠤ ᠠ᠋ᠷᠭᠡ ᠴᠢᠯᠦᠭᠡ ᠂ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠢᠶᠠᠨ ᠰᠡᠷᠭᠦᠭᠡᠨ ᠮᠠᠨᠳᠤᠭᠤᠯᠤᠭᠰᠠᠨ ᠤ 113 ᠵᠢᠯ ᠦᠨ ᠣᠶ ᠡᠨᠡ ᠰᠠᠷᠠ ᠶᠢᠨ 29 ᠳᠦ ᠪᠣᠯᠬᠤ ᠶᠢ ᠤᠭᠲᠤᠨ᠂ ᠭᠠᠨᠳᠠᠨᠳᠡᠭᠴᠢᠯᠡᠨ ᠬᠡᠢᠢᠳ ᠤᠨ ᠲᠡᠷᠢᠬᠦᠠ ᠶᠡᠭᠡ ᠬᠠᠮᠪᠤ ᠯᠠᠮᠠ ᠂ ᠬᠠᠮᠪᠤ ᠨᠣᠮᠣᠨ ᠬᠠᠨ ᠂ ᠭᠡᠪᠰᠢ ᡀᠠᠷᠠᠮᠪᠠ ᠳ· ᠵᠢᠪᠽᠤᠨᠳᠤᠷᠵᠢ ᠨᠡᠢᠭᠡᠮ ᠳᠤ ᠮᠠᠩᠯᠠᠢᠯᠠᠵᠤ ᠪᠤᠶ ᠰᠡᠬᠡᠭᠡᠲᠡᠨ ᠂ ᠤᠷᠠᠯᠢᠭ ᠰᠣᠶᠤᠯ ᠤᠨ ᠲᠥᠯᠦᠭᠡᠯᠡᠯ ᠂ ᠵᠠᠯᠠᠭᠤ ᠦᠶᠡ ᠶᠢᠨ ᠡᠷᠳᠡᠮᠲᠡᠳ ᠲᠠᠢ ᠠᠭᠤᠯᠵᠠᠯᠠ ᠃ ᠲᠡᠳᠡ ᠲᠡᠦᠬᠡᠨ ᠦᠢᠯᠡ ᠶᠠᠪᠤᠳᠠᠯ᠂ ᠲᠡᠭᠦᠨ ᠤ ᠠᠴᠢ ᠬᠣᠯᠪᠣᠭᠳᠠᠯ ᠂ ᠥᠨᠦ ᠶᠢᠨ ᠮᠣᠩᠭᠣᠯ ᠤᠨ ᠦᠨᠡᠲᠦ ᠵᠦᠢᠯᠡᠰ ᠂ ᠢᠷᠡᠭᠡᠳᠦᠢ ᠶ᠋ᠢᠨ ᠰᠣᠷᠢᠯᠲᠠ ᠨᠤᠭᠤᠳ ᠤᠨ ᠲᠠᠯᠠ ᠪᠠᠷ ᠥᠷᠭᠡᠨ ᠬᠦᠷᠢᠶᠡ ᠲᠠᠢ ᠶᠠᠷᠢᠯᠴᠠᠭᠰᠠᠨ ᠶᠤᠮ ᠃
ᠲᠡᠷᠢᠬᠦᠠ ᠶᠡᠭᠡ ᠬᠠᠮᠪᠤ ᠯᠠᠮᠠ ᠳ· ᠵᠢᠪᠽᠤᠨᠳᠤᠷᠵᠢ 1911 ᠣᠨ ᠤ ᠦᠨᠳᠦᠰᠦᠨ ᠤ ᠠ᠋ᠷᠭᠡ ᠴᠢᠯᠦᠭᠡᠨ ᠤ ᠬᠤᠪᠢᠰᠬᠠᠯ ᠤᠨ ᠠᠴᠢ ᠬᠣᠯᠪᠣᠭᠳᠠᠯ ᠢ ᠳᠤᠷᠠᠳᠤᠭᠠᠳ ᠂ ᠮᠣᠩᠭᠣᠯᠴᠤᠳ ᠤᠨ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠢᠶᠠᠨ ᠰᠡᠷᠭᠦᠭᠡᠨ ᠮᠠᠨᠳᠤᠭᠤᠯᠵᠤ ᠂ ᠪᠤᠬᠳᠠ ᠬᠠᠭᠠᠨᠲᠤ ᠮᠣᠩᠭᠣᠯ ᠤᠯᠤᠰ ᠢ ᠪᠠᠢᠭᠤᠯᠤᠭᠰᠠᠨ ᠲᠡᠦᠬᠡᠨ ᠲᠡᠮᠡᠴᠡᠯ ᠢ ᠤᠨᠴᠠᠯᠠᠵᠤ᠂ ᠡᠨᠡ ᠲᠡᠦᠬᠡᠨ ᠦᠢᠯᠡ ᠶᠠᠪᠤᠳᠠᠯ ᠨᠢ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠤ ᠣᠶᠣᠨ ᠰᠠᠨᠠᠭᠠᠨ ᠤ ᠤᠬᠠᠮᠰᠠᠷ ᠂ ᠰᠤᠶᠦᠯ ᠂ ᠡᠪ ᠨᠢᠭᠡᠳᠦᠯ ᠦᠨ ᠦᠨᠡ ᠴᠡᠨᠡ ᠶᠢ ᠲᠤᠳᠦ ᠲᠣᠮᠣᠷᠠᠭᠤᠨ ᠬᠠᠷᠠᠭᠤᠯᠤᠭᠰᠠᠨ ᠬᠡᠮᠡᠪᠡ ᠃
ᠠᠭᠤᠯᠵᠠᠯᠲᠠ ᠳᠤ ᠣᠷᠣᠯᠴᠠᠭᠰᠠᠨ ᠵᠠᠯᠠᠭᠤ ᠦᠶᠡ ᠶᠢᠨ ᠡᠷᠳᠡᠮᠲᠡᠳ ᠮᠣᠩᠭᠣᠯ ᠤᠨ ᠲᠡᠦᠬᠡ ᠂ ᠰᠤᠶᠦᠯ ᠂ ᠦᠨᠳᠦᠰᠦᠨ ᠤ ᠬᠥᠭ᠍ᠵᠢᠯ ᠳᠤ ᠲᠤᠯᠭᠠᠷᠠᠵᠤ ᠪᠤᠶ ᠰᠢᠨᠡ ᠰᠣᠷᠢᠯᠲᠠ ᠶᠢᠨ ᠲᠠᠯᠠ ᠪᠠᠷ ᠦᠵᠡᠯ ᠪᠤᠳᠦᠯ᠂ ᠰᠤᠳᠤᠯᠭᠠ᠂ ᠰᠢᠨᠵᠢᠯᠡᠭᠡᠨ ᠤ ᠳ᠋ᠦᠩ ᠢᠶᠡᠨ ᠲᠠᠨᠢᠯᠴᠠᠭᠤᠯᠵᠤ᠂ ᠦᠨᠳᠦᠰᠦᠨ ᠤ ᠤᠬᠠᠮᠰᠠᠷ ᠢ ᠰᠢᠨᠡ ᠱᠠᠲᠤᠨ ᠳᠤ ᠭᠠᠷᠭᠠᠬᠤ ᠂ ᠣᠷᠴᠢᠨ ᠦᠶᠡ ᠶᠢᠨ ᠮᠡᠳᠡᠯᠭᠡ ᠶᠢ ᠤᠯᠠᠮᠵᠢᠯᠠᠯ ᠲᠠᠢ ᠬᠣᠣᠰᠯᠠᠭᠤᠯᠤᠨ ᠬᠥᠭ᠍ᠵᠢᠭᠦᠯᠬᠦ ᠲᠠᠯᠠ ᠪᠠᠷ ᠰᠠᠨᠠᠯ ᠰᠣᠯᠢᠯᠴᠠᠪᠠ ᠃ ᠲᠤᠬᠠᠢᠯᠠᠪᠠᠯ ᠂ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠤ ᠦᠨᠡᠲᠦ ᠵᠦᠢᠯᠡᠰ ᠢ ᠰᠤᠳᠤᠯᠬᠤ ᠂ ᠲᠦᠭᠡᠭᠡᠨ ᠳᠡᠯᠭᠡᠷᠡᠭᠦᠯᠬᠦ ᠳᠤ ᠲᠡᠳᠡᠨ ᠤ ᠡᠭᠦᠷᠭᠡ ᠠᠰᠤᠷᠤ ᠶᠡᠭᠡ᠂ ᠰᠢᠨᠡ ᠦᠶᠡ ᠶᠢᠨ ᠬᠢᠨ ᠤᠯᠠᠮᠵᠢᠯᠠᠯ ᠂ ᠣᠷᠴᠢᠨ ᠦᠶᠡ ᠶᠢᠨ ᠣᠶᠤᠨ ᠤ ᠬᠦᠴᠦ ᠪᠡᠨ ᠨᠢᠭᠡᠳᠬᠡᠨ ᠨᠡᠢᠢᠭᠡᠮ ᠤᠨ ᠬᠥᠭ᠍ᠵᠢᠯ ᠳᠤ ᠬᠤᠪᠢ ᠨᠡᠮᠡᠷᠢ ᠪᠡᠨ ᠣᠷᠣᠭᠤᠯᠬᠤ ᠶᠣᠰᠣᠲᠠᠢ ᠶᠢ ᠲᠡᠮᠳᠡᠭ᠍ᠯᠡᠯᠡ ᠃
