ᠪᠤᠷᠬᠠᠨ ᠪᠠᠭᠰᠢ ᠡᠬᠡ ᠶᠢᠨ ᠠᠴᠢ ᠶᠢ ᠬᠠᠷᠢᠭᠤᠯᠤᠭᠰᠠᠨ ᠡᠳᠦᠷ ᠪᠤᠶᠤ ᠨᠠᠮᠤᠷ ᠤᠨ ᠠᠳᠠᠭ ᠰᠠᠷᠠ ᠶᠢᠨ 22 ᠤ ᠡᠳᠦᠷ ᠮᠣᠩᠭᠣᠯ ᠤᠨ ᠪᠤᠷᠬᠠᠨ ᠱᠠᠰᠢᠨᠲᠠᠨ ᠤ ᠲᠥᠪ ᠭᠠᠨᠳᠠᠨᠳᠡᠭᠴᠢᠯᠡᠨ ᠬᠡᠶᠢᠳ ᠡᠨᠡ ᠡᠳᠦᠷ ᠲᠦ ᠵᠣᠷᠢᠭᠤᠯᠤᠨ ᠶᠠᠭᠤᠨ ᠤ ᠲᠦᠷᠦᠭᠦᠨ ᠳᠦ 06᠄30-7᠄30 ᠴᠠᠭ ᠲᠤ ᠪᠠᠲᠤᠴᠠᠭᠠᠨ ᠳᠤᠭᠠᠩ ᠳᠤ ᠬᠡᠶᠢᠳ ᠦᠨ ᠬᠠᠮᠪᠤ ᠳ ∙ ᠵᠢᠪᠽᠤᠨᠳᠤᠷᠵᠢ ᠰᠦᠰᠦᠭᠲᠡᠨ ᠤᠯᠠᠨ ᠳᠤ ᠨᠢᠭᠡ ᠡᠳᠦᠷ ᠦᠨ ᠰᠠᠬᠢᠯ ᠬᠦᠷᠲᠡᠭᠡᠪᠡ᠃
ᠲᠡᠷᠡᠪᠡᠷ 11 ᠴᠠᠭ ᠠᠴᠠ ᠨᠡᠶᠢᠰᠯᠡᠯ ᠦᠨ 77 ᠳ᠋ᠤᠭᠠᠷ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢᠳ ᠲᠤ 《ᠡᠴᠢᠭᠡ ᠡᠬᠡ ᠶᠢᠨ ᠠᠴᠢ ᠶᠢ ᠬᠠᠷᠢᠭᠤᠯᠠᠬᠤᠢ》 ᠰᠡᠳᠦᠪ ᠢᠶᠡᠷ ᠬᠢᠴᠢᠶᠡᠯ ᠣᠷᠣᠨᠠ᠃ ᠰᠦᠰᠦᠭᠲᠡᠳ ᠡᠨᠡ ᠡᠳᠦᠷ ᠦᠨ ᠲᠤᠷᠰᠢ ᠨᠢᠭᠡ ᠡᠳᠦᠷ ᠦᠨ ᠰᠠᠬᠢᠯ ᠰᠠᠬᠢᠬᠤ᠂ ᠴᠠᠭᠠᠨ ᠬᠣᠭᠣᠯᠠ ᠢᠳᠡᠬᠦ ᠵᠡᠷᠭᠡ ᠪᠡᠷ ᠬᠢᠯᠢᠨᠴᠡ ᠶᠢ ᠲᠡᠪᠴᠢᠨ ᠰᠡᠳᠬᠢᠯ ᠢ ᠠᠷᠢᠭᠤᠰᠬᠠᠬᠤ᠂ ᠢᠷᠦᠭᠡᠯ ᠨᠣᠮ ᠬᠤᠷᠠᠵᠤ᠂ ᠪᠤᠷᠬᠠᠨ ᠪᠠᠭᠰᠢ ᠶᠢᠨ ᠠᠶᠢᠯᠠᠳᠤᠭᠰᠠᠨ ︽ᠡᠴᠢᠭᠡ ᠡᠬᠡ ᠶᠢᠨ ᠠᠴᠢ ᠶᠢ ᠬᠠᠷᠢᠭᠤᠯᠬᠤ ᠰᠤᠳᠤᠷ》 ᠲᠡᠷᠢᠭᠦᠲᠦ ᠨᠣᠮ ᠢ ᠤᠩᠰᠢᠬᠤ ᠨᠢ ᠶᠡᠬᠡᠰ ᠳᠡᠭᠡᠳᠦᠰ ᠦᠨ ᠢᠶᠡᠨ ᠠᠴᠢ ᠶᠢ ᠰᠠᠨᠠᠵᠤ ᠦᠷᠡ ᠬᠣᠶᠢᠴᠢ ᠳᠤ ᠪᠠᠨ ᠦᠯᠢᠭᠡᠷ ᠳᠠᠭᠤᠷᠢᠶᠠᠯ ᠪᠣᠯᠬᠤ ᠬᠦᠮᠦᠯᠢᠭ ᠰᠡᠳᠬᠢᠯ᠂ ᠶᠣᠰᠣ ᠵᠦᠢ᠂ ᠬᠦᠮᠦᠵᠢᠯ ᠦᠨ ᠬᠤᠪᠢ ᠳᠤ ᠶᠡᠬᠡᠬᠡᠨ ᠠᠴᠢ ᠬᠣᠯᠪᠣᠭᠳᠠᠯ ᠲᠠᠢ ᠭᠡᠵᠦ ᠦᠵᠡᠳᠡᠭ ᠪᠠᠶᠢᠨᠠ᠃
