《ᠰᠢᠨᠡ ᠮᠢᠬᠠ-2024》ᠠᠶᠠᠨ ᠢ ᠶᠢᠰᠦᠳᠦᠭᠡᠷ ᠰᠠᠷᠠᠶ᠋ᠢᠨ 9 ᠡᠴᠡ 10 ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ 9 ᠬᠦᠷᠲᠡᠯᠡ ᠲᠥᠪ ᠠᠶᠢᠮᠠᠭ ᠤᠨ ᠵᠠᠭᠤᠨᠮᠤᠳᠤ ᠬᠣᠲᠠᠶ᠋ᠢᠨ ᠨᠣᠮᠳ᠋ᠤ᠌ ᠨᠢᠭᠡᠳᠦᠭᠡᠷ ᠪᠠᠭ ᠤᠨ ᠬᠠᠭᠤᠴᠢᠨ ᠮᠢᠺᠷᠣᠨ ᠤ ᠪᠠᠭᠤᠳᠠᠯ ᠳ᠋ᠤ᠌ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠨᠠ᠃ ᠰᠢᠨᠡ ᠮᠢᠬᠠ ᠬᠤᠳᠠᠯᠳᠤᠬᠤ ᠠᠶᠠᠨ ᠳᠦ ᠠᠷᠢᠭᠤᠨ ᠴᠡᠪᠡᠷ᠂ ᠡᠷᠡᠭᠦᠯ ᠠᠬᠤᠢ᠂ ᠬᠦᠨᠡᠰᠦᠨ ᠤ ᠠᠶᠤᠯᠭᠦᠢ ᠪᠠᠶᠢᠳᠠᠯ ᠤᠨ ᠱᠠᠭᠠᠷᠳᠠᠯᠭᠠ ᠬᠠᠩᠭᠠᠭᠰᠠᠨ᠂ ᠲᠥᠪ ᠠᠶᠢᠮᠠᠭ ᠤᠨ ᠮᠠᠯᠴᠢᠳ᠂ ᠮᠠᠯ ᠪᠦᠬᠦᠢ ᠢᠷᠭᠡᠳ ᠣᠷᠣᠯᠴᠠᠬᠤ ᠶᠤᠮ᠃
ᠲᠤᠰ ᠬᠤᠳᠠᠯᠳᠤᠭᠠ ᠨᠢ ᠵᠠᠭᠤᠨᠮᠤᠳᠤ ᠰᠤᠮᠤ ᠶ᠋ᠢᠨ ᠢᠷᠭᠡᠳ ᠤᠨ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠ᠂ ᠬᠦᠰᠡᠯᠲᠡᠳ᠋ᠦ᠍ ᠲᠤᠯᠭᠠᠭᠤᠷᠢᠯᠠᠭᠰᠠᠨ ᠪᠠᠶᠢᠬᠤ ᠪᠥᠭᠡᠳ ᠭᠠᠷᠤᠯ ᠡᠭᠦᠰᠦᠯ ᠲᠣᠳᠣᠷᠬᠠᠢ ᠡᠰᠡᠬᠦ ᠳ᠋ᠦ᠍ ᠮᠡᠷᠭᠡᠵᠢᠯ ᠤᠨ ᠪᠠᠶᠢᠭᠤᠯᠤᠯᠭᠠ ᠡᠳᠦᠷ ᠪᠦᠷᠢ ᠬᠢᠨᠠᠯᠲᠠ ᠲᠠᠯᠪᠢᠨ ᠠᠵᠢᠯᠯᠠᠬᠤ ᠪᠠᠷ ᠪᠣᠯᠵᠠᠢ᠃ ᠡᠨᠡ ᠬᠦ ᠠᠶᠠᠨ ᠢᠶᠠᠷ ᠢᠷᠭᠡᠳ ᠨᠢᠭᠡ ᠺᠢᠯᠦᠭᠷᠡᠮ ᠮᠢᠬᠠᠨ ᠠᠴᠠ 2000-5000 ᠲᠥᠭᠥᠷᠢᠭ ᠭᠡᠮᠨᠡᠬᠦ ᠪᠡᠷ ᠲᠣᠭᠠᠴᠠᠭᠰᠠᠨ ᠪᠠᠶᠢᠨᠠ᠃
ᠲᠦᠭᠦᠷᠢᠭ ᠦᠨ ᠬᠠᠩᠰᠢ 61.50 ᠲᠦᠭᠦᠷᠢᠭ ᠢᠶᠡᠷ ᠴᠢᠩᠭᠠᠷᠠᠵᠠᠢ
ᠮᠣᠩᠭᠣᠯ ᠪᠠᠩᠭᠢ ᠠᠴᠠ ᠵᠠᠷᠯᠠᠭᠰᠠᠨ ᠲᠦᠭᠦᠷᠢᠭ ᠦᠨ ᠳ᠋ᠣᠯᠯᠠᠷ ᠲᠠᠢ ᠬᠠᠷᠢᠴᠠᠬᠤ ᠰᠠᠷᠠ ᠶ᠋ᠢᠨ ᠳᠤᠮᠳᠠᠴᠢ ᠬᠠᠩᠰᠢ ᠡᠨᠡ ᠣᠨ ᠦ ᠳᠣᠯᠣᠳᠤᠭᠠᠷ ᠰᠠᠷᠠ ᠳ᠋ᠤ᠌ 3380.86 ᠲᠥᠭᠥᠷᠢᠭ ᠪᠣᠯᠵᠤ᠂ ᠡᠮᠦᠨᠡᠬᠢ ᠣᠨ ᠤ ᠮᠥᠨ ᠦᠶᠡ ᠠᠴᠠ 61.50᠂ ᠡᠮᠦᠨᠡᠬᠢ ᠰᠠᠷᠠ ᠠᠴᠠ 0.25 ᠲᠦᠭᠦᠷᠢᠭ ᠢᠶᠡᠷ ᠴᠢᠩᠭᠠᠷᠠᠵᠠᠢ᠃
ᠲᠦᠭᠦᠷᠢᠭ ᠦᠨ ᠶᠤᠸᠠᠨ ᠲᠠᠢ ᠬᠠᠷᠢᠴᠠᠬᠤ ᠰᠠᠷᠠ ᠶ᠋ᠢᠨ ᠳᠤᠮᠳᠠᠴᠢ ᠬᠠᠩᠰᠢ ᠳᠡᠭᠡᠷᠡᠬᠢ ᠰᠠᠷᠠ ᠳ᠋ᠤ᠌ 465.55 ᠲᠥᠭᠥᠷᠢᠭ ᠪᠣᠯᠵᠤ᠂ ᠡᠮᠦᠨᠡᠬᠢ ᠣᠨ ᠤ ᠮᠥᠨ ᠦᠶᠡ ᠠᠴᠠ 13.12᠂ ᠡᠮᠦᠨᠡᠬᠢ ᠰᠠᠷᠠ ᠠᠴᠠ 0.50 ᠲᠦᠭᠦᠷᠢᠭ ᠢᠶᠡᠷ ᠴᠢᠩᠭᠠᠷᠠᠭᠰᠠᠨ ᠠᠵᠠᠢ᠃
