ᠠᠮᠧᠷᠢᠺᠠ ᠶᠢᠨ ᠡᠯᠴᠢᠨ ᠰᠠᠶᠢᠳ ᠤᠨ ᠶᠠᠮᠤᠨ ᠮᠣᠩᠭᠣᠯ ᠤᠨ ᠺᠢᠨᠣ᠋ ᠢᠨᠰᠲ᠋ᠢᠲ᠋ᠦᠲ ᠬᠠᠮᠲᠤᠷᠠᠨ《ᠠᠮᠧᠷᠢᠺᠠ ᠶᠢᠨ ᠪᠠᠷᠢᠮᠲᠠᠲᠤ ᠺᠢᠨᠣ᠋ ᠡᠳᠦᠷ ᠦᠳ 2024》 ᠶᠢ ᠭᠡᠭᠡᠨᠲᠡᠨ ᠺᠢᠨᠣ᠋ ᠲᠢᠶᠠᠲ᠋ᠷ ᠲᠤ ᠥᠨᠥᠳᠥᠷ ᠡᠬᠢᠯᠡᠭᠦᠯᠦᠨᠡ᠃ ᠬᠥᠲᠥᠯᠪᠦᠷᠢ ᠶᠢ ᠠᠯᠳᠠᠷᠲᠤ ᠳᠠᠭᠤᠴᠢᠨ ᠲᠢᠨᠠ ᠲᠧᠷᠨᠧᠷ ᠤᠨ ᠨᠠᠮᠲᠠᠷ ᠪᠦᠲᠦᠭᠡᠯ ᠢᠶᠡᠷ ᠨᠡᠭᠡᠭᠡᠵᠦ᠂ ᠰᠧᠽᠠᠮ ᠭᠤᠳᠤᠮᠵᠢ᠂ ᠳᠡᠳ᠋ ᠪᠦᠲᠦᠴᠡ᠂ ᠪᠠᠶᠢᠭᠠᠯᠢ ᠣᠷᠴᠢᠨ᠂ ЛГБТИК+ ᠬᠦᠮᠦᠰ ᠦᠨ ᠡᠷᠬᠡ᠂ ᠨᠡᠶᠢᠭᠡᠮ ᠤᠨ ᠰᠦᠯᠵᠢᠶᠡᠨ ᠦ ᠬᠠᠭᠤᠷᠠᠮᠴᠢ ᠮᠡᠳᠡᠭᠡᠯᠡᠯ᠂ ᠨᠥᠯᠥᠭᠡᠯᠡᠭᠴᠢ ᠨᠠᠷ ᠤᠨ ᠲᠤᠬᠠᠢ ᠰᠣᠨᠢᠷᠬᠠᠯᠲᠠᠢ ᠪᠠᠷᠢᠮᠲᠠᠲᠤ ᠺᠢᠨᠤ᠋ ᠨᠤᠭᠤᠳ ᠢ ᠳᠥᠷᠪᠡᠨ ᠡᠳᠦᠷ ᠦᠨ ᠲᠤᠷᠰᠢ ᠬᠦᠷᠭᠡᠨᠡ᠃
ᠺᠢᠨᠣ᠋ ᠡᠳᠦᠷ ᠦᠳ ᠡᠨᠡ ᠰᠠᠷᠠ ᠶᠢᠨ 29 ᠬᠦᠷᠲᠡᠯᠡ ᠦᠷᠭᠦᠯᠵᠢᠯᠡᠬᠦ ᠪᠥᠭᠡᠳ ᠦᠨᠡ ᠲᠦᠯᠦᠪᠤᠷᠢ ᠦᠭᠡᠢ᠃
ᠰᠣᠯᠣᠩᠭᠣᠰ᠂ ᠮᠣᠩᠭᠣᠯ ᠥᠰᠪᠦᠷᠢ ᠶᠢᠨ ᠮᠣᠳᠧᠯ ᠤᠳ ᠵᠠᠭᠪᠤᠷ ᠤᠨ ᠲᠠᠶᠢᠰᠠᠨᠠ ᠭᠠᠷᠪᠠ
ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠰᠤᠯᠤᠩᠭᠤᠰ ᠤᠯᠤᠰ ᠤᠨ ᠨᠡᠶᠢᠰᠯᠡᠯ ᠰᠸᠦ᠋ᠯ ᠬᠣᠲᠠ ᠶᠢᠨ ᠰᠣᠨᠪᠦᠭ ᠳᠡᠭᠦᠷᠭᠡ ᠳᠦ ᠰᠣᠯᠣᠩᠭᠣᠰ᠂ ᠮᠣᠩᠭᠣᠯ ᠥᠰᠪᠦᠷᠢ ᠶᠢᠨ ᠮᠣᠳᠧᠯ ᠤᠳ ᠤᠨ ᠬᠠᠮᠲᠤᠷᠠᠭᠰᠠᠨ 《Кids fashion week》 ᠠᠷᠭᠠ ᠬᠡᠮᠵᠢᠶᠡ ᠥᠩᠭᠡᠷᠡᠭᠰᠡᠨ ᠪᠢᠮᠪᠠ ᠭᠠᠷᠠᠭ ᠲᠤ ᠪᠣᠯᠵᠠᠢ᠃
ᠬᠣᠶᠠᠷ ᠤᠯᠤᠰ ᠤᠨ ᠬᠠᠷᠢᠯᠴᠠᠭᠠᠨ ᠤ ᠲᠡᠦᠬᠡᠨ ᠳᠦ ᠠᠩᠬᠠ ᠤᠳᠠᠭᠠ ᠪᠣᠯᠤᠭᠰᠠᠨ ᠡᠨᠡ ᠠᠷᠭᠠ ᠬᠡᠮᠵᠢᠶᠡ ᠶᠢ ᠰᠣᠨᠪᠦᠭ ᠳᠡᠭᠦᠷᠭᠡ ᠶᠢᠨ ᠵᠠᠬᠢᠷᠭᠠ᠂ ᠮᠣᠩᠭᠣᠯ ᠤᠯᠤᠰ ᠤᠨ ᠨᠡᠶᠢᠰᠯᠡᠯ ᠦᠨ ᠬᠡᠦᠬᠡᠳ᠂ ᠭᠡᠷ ᠪᠦᠯᠢ ᠶᠢᠨ ᠬᠥᠭᠵᠢᠯ᠂ ᠬᠠᠮᠠᠭᠠᠯᠠᠯ ᠤᠨ ᠭᠠᠵᠠᠷ᠂ 《ᠪᠢᠴᠢᠬᠠᠨ ᠮᠢᠰᠰ》 ᠣᠯᠠᠨ ᠤᠯᠤᠰ ᠤᠨ ᠪᠠᠶᠢᠭᠤᠯᠤᠯᠭᠠ᠂ ᠡᠮᠡᠭᠲᠡᠶᠢᠴᠦᠳ ᠦᠨ ᠳ᠋ᠤᠨᠳᠤᠺ ᠶᠡᠬᠡ ᠰᠤᠷᠭᠠᠭᠤᠯᠢ᠂ ᠡᠮᠦᠨᠡᠲᠦ ᠰᠣᠯᠣᠩᠭᠣᠰ ᠳᠠᠬᠢ ᠮᠣᠩᠭᠣᠯ ᠡᠮᠡᠭᠲᠡᠶᠢᠴᠦᠳ ᠦᠨ ᠬᠣᠯᠪᠣᠭᠠ᠂ U ᠮᠣᠳᠧᠯ ᠬᠠᠮᠲᠤᠷᠠᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠪᠥᠭᠡᠳ ᠰᠣᠯᠣᠩᠭᠣᠰ ᠴᠢᠯᠦᠭᠡᠲᠦ ᠬᠤᠪᠴᠠᠰᠤ᠂ ᠮᠣᠩᠭᠣᠯ ᠦᠨᠳᠦᠰᠦᠨ ᠦ ᠬᠤᠪᠴᠠᠰᠤᠨ ᠤ ᠵᠠᠭᠪᠤᠷ ᠤᠳ ᠢ ᠬᠣᠶᠠᠷ ᠣᠷᠣᠨ ᠤ ᠲᠥᠯᠥᠭᠡᠯᠡᠯ ᠪᠣᠯᠤᠭᠰᠠᠨ ᠪᠠᠭᠠᠴᠤᠳ ᠡᠮᠦᠰᠴᠦ ᠦᠵᠡᠭᠴᠢᠳ ᠦᠨ ᠬᠦᠷᠲᠡᠭᠡᠯ ᠪᠣᠯᠭᠠᠭᠰᠠᠨ ᠪᠠᠶᠢᠨᠠ᠃ ᠰᠣᠯᠣᠩᠭᠣᠰ᠂ ᠮᠣᠩᠭᠣᠯ ᠥᠰᠪᠦᠷᠢ ᠶᠢᠨ ᠮᠣᠳᠧᠯ ᠤᠳ ᠵᠠᠭᠪᠤᠷ ᠡᠮᠦᠰᠬᠦ ᠡᠴᠡ ᠭᠠᠳᠠᠨᠠ ᠤᠷᠠᠯᠢᠭ ᠤᠨ ᠣᠯᠠᠨ ᠲᠥᠷᠥᠯ ᠦᠨ ᠠᠪᠢᠶᠠᠰ ᠢᠶᠠᠨ ᠴᠡᠩᠭᠡᠭᠦᠨ ᠦ ᠬᠥᠲᠥᠯᠪᠦᠷᠢ ᠳᠦ ᠪᠠᠭᠲᠠᠭᠰᠠᠨ ᠦᠵᠡᠭᠦᠯᠪᠦᠷᠢ ᠨᠦᠭᠦᠳ ᠢᠶᠡᠷ ᠦᠵᠡᠭᠴᠢᠳ ᠲᠦ ᠰᠣᠨᠢᠷᠬᠠᠭᠤᠯᠵᠠᠢ᠃
