ᠮᠤᠩᠭᠤᠯ ᠤᠯᠤᠰ ᠤᠨ ᠰᠤᠶᠤᠯ ᠤᠨ ᠭᠠᠪᠢᠶᠠᠲᠤ ᠵᠢᠳᠬᠦᠯᠲᠡᠨ᠂ ᠵᠣᠬᠢᠶᠠᠯᠴᠢ᠂ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠭ∙ᠠᠶᠤᠷᠵᠠᠨᠠ ᠶᠢᠨ《ᠪᠥᠭᠡ ᠶᠢᠨ ᠳᠣᠮᠣᠭ》ᠨᠣᠮ ᠤᠨ ᠲᠤᠬᠠᠢ ᠠᠭᠤᠯᠵᠠᠯᠲᠠ ᠶᠠᠷᠢᠯᠴᠠᠯᠭᠠ ᠵᠧᠨᠧᠧ ᠬᠤᠲᠠ ᠳᠤ ᠪᠣᠯᠤᠯᠠ᠃ ᠰᠸᠢᠰ᠂ ᠮᠣᠩᠭᠣᠯ ᠤᠨ 40 ᠭᠠᠷᠤᠢ ᠤᠩᠰᠢᠭᠴᠢ ᠣᠷᠣᠯᠴᠠᠭᠰᠠᠨ ᠠᠭᠤᠯᠵᠠᠯᠲᠠ ᠶᠢᠨ ᠦᠶᠡ ᠪᠡᠷ ᠭ ∙ᠠᠶᠤᠷᠵᠠᠨᠠ ᠪᠥᠭᠡ ᠮᠥᠷᠭᠥᠯ ᠦᠨ ᠲᠤᠬᠠᠢ ᠪᠢᠴᠢᠬᠦ ᠪᠣᠯᠤᠭᠰᠠᠨ ᠰᠢᠯᠲᠠᠭᠠᠨ᠂ ᠰᠤᠳᠤᠯᠭᠠ ᠬᠢᠭᠰᠡᠨ ᠲᠤᠬᠠᠢ ᠪᠠᠨ ᠶᠠᠷᠢᠪᠠ᠃ ᠮᠦᠨ ᠨᠣᠮ ᠢ ᠹᠷᠠᠨᠼᠢ ᠬᠡᠯᠡ ᠤᠷᠤᠭᠤ ᠬᠥᠷᠪᠡᠭᠦᠯᠦᠭᠰᠡᠨ ᠣᠷᠴᠢᠭᠤᠯᠤᠭᠴᠢ ᠷ∙ᠮᠦᠩᠬᠡᠵᠤᠯᠠ ᠥᠪᠡᠷ ᠦᠨ ᠰᠡᠳᠬᠢᠭᠳᠡᠯ᠂ ᠣᠷᠴᠢᠭᠤᠯᠤᠭᠰᠠᠨ ᠲᠤᠷᠰᠢᠯᠭᠠ ᠠᠴᠠ ᠪᠠᠨ ᠬᠤᠪᠢᠶᠠᠯᠴᠠᠵᠤ᠂ ᠤᠩᠰᠢᠭᠴᠢ ᠰᠣᠨᠢᠷᠬᠠᠭᠴᠢᠳ ᠤᠨ ᠠᠰᠠᠭᠤᠯᠲᠠ ᠳᠤ ᠬᠠᠷᠢᠭᠤᠯᠵᠤ ᠬᠡᠯᠡᠯᠴᠡᠭᠦᠯᠭᠡ ᠥᠷᠨᠢᠭᠦᠯᠪᠡ᠃
《ᠪᠥᠭᠡ ᠶᠢᠨ ᠳᠣᠮᠣᠭ》ᠷᠣᠮᠠᠨ ᠤ ᠹᠷᠠᠨᠼᠢ ᠬᠡᠯᠡᠨ ᠦ ᠣᠷᠴᠢᠭᠤᠯᠭᠠ《La Legende du Shaman》ᠨᠣᠮ ᠢ ᠡᠨᠡ ᠣᠨ ᠤ ᠨᠢᠭᠡᠳᠦᠭᠡᠷ ᠰᠠᠷᠠ ᠳᠤ ᠬᠡᠪᠯᠡᠨ ᠭᠠᠷᠭᠠᠵᠤ᠂ ᠹᠷᠠᠨᠼᠢ᠂ ᠪᠧᠯᠬᠢ᠂ᠰᠸᠢᠰ ᠤᠨ ᠬᠣᠲᠠ ᠨᠤᠭᠤᠳ ᠲᠤ ᠴᠤᠪᠤᠷᠠᠯ ᠠᠭᠤᠯᠵᠠᠯᠲᠠ ᠲᠠᠨᠢᠯᠴᠠᠭᠤᠯᠭᠠ ᠬᠢᠵᠦ ᠪᠠᠶᠢᠭᠠ ᠨᠢ ᠡᠨᠡ ᠠᠵᠠᠢ᠃《ᠪᠥᠭᠡ ᠶᠢᠨ ᠳᠣᠮᠣᠭ》ᠨᠢ ᠵᠣᠬᠢᠶᠠᠭᠴᠢ ᠶᠢᠨ ᠳᠥᠷᠪᠡᠳ᠋ᠡᠬᠢ ᠷᠣᠮᠠᠨ ᠪᠥᠭᠡᠳ ᠡᠨᠡ ᠨᠤᠮ ᠳᠤ ᠪᠤᠷᠢᠶᠠᠳ ᠲᠦᠮᠡᠨ ᠦ ᠦᠨᠳᠦᠰᠦ ᠤᠭᠰᠠᠭᠠ᠂ ᠰᠤᠶᠤᠯ ᠤᠬᠠᠮᠰᠠᠷ ᠤᠨ ᠰᠦᠢᠷᠡᠯ ᠢ ᠪᠥᠭᠡ ᠮᠥᠷᠭᠥᠯ ᠦᠨ ᠰᠡᠳᠦᠪ ᠢᠶᠡᠷ ᠪᠡᠯᠭᠡᠳᠡᠨ ᠳᠦᠷᠰᠦᠯᠡᠵᠦ᠂ ᠲᠡᠭᠦᠨᠴᠢᠯᠡᠨ ᠬᠠᠶᠢᠷᠠ ᠳᠤᠷᠠᠯᠠᠯ ᠤᠨ ᠰᠡᠳᠦᠪ ᠢ ᠬᠦᠮᠦᠨ ᠦ ᠣᠶᠤᠨ ᠰᠠᠨᠠᠭᠠᠨ ᠳ᠋ᠡᠬᠢ ᠳᠠᠯᠳᠠ ᠣᠷᠣᠨ ᠵᠠᠢ ᠳᠤ ᠳᠡᠪᠢᠰᠬᠡᠷᠯᠡᠨ ᠬᠥᠨᠳᠡᠵᠦ ᠪᠢᠴᠢᠵᠡᠢ᠃