ᠮᠣᠩᠭᠣᠯ ᠤᠯᠤᠰ ᠤᠨ ᠲᠠᠮᠢᠷᠴᠢᠳ᠂ ᠳᠠᠰᠬᠠᠯᠵᠢᠭᠤᠯᠤᠭᠴᠢᠳ᠂ ᠠᠯᠪᠠᠨ ᠤ ᠬᠢᠨ ᠤ ᠤᠯᠢᠮᠫᠢᠺ ᠤᠨ ᠨᠡᠭᠡᠭᠡᠯᠲᠡ ᠳᠦ ᠡᠮᠥᠰᠬᠦ ᠶᠣᠰᠣᠯᠠᠯ ᠤᠨ ᠬᠤᠪᠴᠠᠰᠤ ᠶᠢ《ᠮᠢᠰᠢᠶᠡᠯ ᠠᠮᠠᠽᠣᠨᠺᠠ》ᠺᠣᠮᠫᠠᠨᠢ ᠤᠷᠠᠯᠠᠵᠤ ᠪᠠᠶᠢᠭᠠ ᠪᠣᠯ ᠰᠫᠣᠷᠲ ᠬᠤᠪᠴᠠᠰᠤ ᠶᠢ ᠶᠠᠫᠣᠨ ᠤ《 ᠮᠢᠽᠦ᠋ᠨᠤ᠋》ᠪᠷᠡᠨᠳ᠋ ᠬᠢᠬᠦ ᠶᠤᠮ᠃
《ᠮᠢᠰᠢᠶᠡᠯ ᠠᠮᠠᠽᠣᠨᠺᠠ》ᠨᠢ ᠡᠪᠦᠯ᠂ ᠵᠤᠨ ᠤ ᠤᠯᠢᠮᠫᠢᠺ ᠤᠨ ᠨᠠᠭᠠᠳᠤᠮ ᠳᠤ ᠣᠷᠣᠯᠴᠠᠭᠰᠠᠨ ᠲᠠᠮᠢᠷᠴᠢᠳ ᠤᠨ ᠬᠤᠪᠴᠠᠰᠤ ᠶᠢ ᠤᠷᠠᠯᠠᠭᠰᠠᠨ ᠲᠤᠷᠰᠢᠯᠭᠠ ᠲᠠᠢ ᠪᠣᠯ《ᠮᠢᠽᠦ᠋ᠨᠤ᠋》 ᠶᠢ ᠰᠣᠩᠭᠣᠬᠤ ᠳᠤ ᠪᠠᠨ 18-60 ᠨᠠᠰᠤᠨ ᠤ ᠠᠷᠪᠠᠨ ᠮᠢᠩᠭᠠᠨ ᠢᠷᠭᠡᠨ᠂ ᠦᠨᠳᠦᠰᠦᠨ ᠦ ᠪᠠᠭ ᠤᠨ 303 ᠬᠦᠮᠦᠨ ᠦ ᠳᠤᠮᠳᠠ ᠰᠠᠨᠠᠯ ᠠᠰᠠᠭᠤᠯᠭᠠ ᠪᠠᠷ ᠰᠢᠯᠭᠠᠷᠠᠭᠤᠯᠵᠠᠢ᠃ ᠶᠣᠰᠣᠯᠠᠯ ᠤᠨ ᠪᠣᠯᠤᠨ ᠰᠫᠣᠷᠲ ᠤᠨ ᠪᠠᠭᠴᠠ ᠬᠤᠪᠴᠠᠰᠤᠨ ᠤ ᠵᠠᠭᠪᠤᠷ ᠢ ᠡᠴᠦᠰᠯᠡᠨ ᠪᠠᠲᠤᠯᠠᠵᠤ᠂ ᠵᠢᠷᠭᠤᠳᠤᠭᠠᠷ ᠰᠠᠷᠠ ᠶᠢᠨ ᠠᠷᠪᠠᠨ ᠲᠠᠪᠤᠨ ᠤ ᠳᠣᠲᠣᠷᠠ ᠪᠡᠯᠡᠨ ᠪᠣᠯᠭᠠᠬᠤ ᠭᠡᠨᠡ᠃
《ᠮᠢᠰᠢᠶᠡᠯ ᠠᠮᠠᠽᠣᠨᠺᠠ》 ᠶᠢᠨ ᠶᠡᠷᠦᠩᠬᠡᠢ ᠮᠧᠨᠧᠵᠧᠷ ᠪ∙ᠮᠥᠩᠬᠡᠪᠠᠶᠠᠷ᠄《ᠪᠢᠳᠡ ᠡᠮᠦᠨᠡ ᠨᠢ︿ᠲᠤᠤᠺᠢᠤ᠋ -2020﹀᠂︿ᠪᠡᠭᠡᠵᠢᠩ -2022﹀ᠤᠯᠢᠮᠫᠢᠺ ᠤᠨ ᠨᠠᠭᠠᠳᠤᠮ ᠤᠨ ᠬᠤᠪᠴᠠᠰᠤ ᠶᠢ ᠤᠷᠠᠯᠠᠭᠰᠠᠨ᠃ ᠪᠡᠭᠡᠵᠢᠩ ᠦᠨ ᠤᠯᠢᠮᠫᠢᠺ ᠲᠤ ᠵᠣᠷᠢᠭᠤᠯᠵᠤ ᠬᠢᠭᠰᠡᠨ ᠲᠠᠮᠢᠷᠴᠢᠳ ᠤᠨ ᠵᠠᠭᠪᠤᠷ ᠤᠨ ᠳᠡᠪᠡᠯ ᠢ ᠣᠯᠠᠨ ᠤᠯᠤᠰ ᠤᠨ ᠤᠯᠢᠮᠫᠢᠺ ᠤᠨ ᠬᠣᠷᠢᠶᠠᠨ ᠤ ᠮᠦᠽᠧᠢ ᠳᠤᠷᠠᠰᠬᠠᠯ ᠪᠣᠯᠭᠠᠵᠤ ᠥᠭᠭᠦᠭᠡᠴᠢ ᠭᠡᠳ ᠬᠠᠳᠠᠭᠠᠯᠠᠭᠤᠯᠤᠭᠰᠠᠨ ᠪᠠᠶᠢᠳᠠᠭ᠃
ᠫᠠᠷᠢᠰ ᠥᠪᠡᠷ ᠢᠶᠡᠨ ᠵᠠᠭᠪᠤᠷ ᠤᠨ ᠬᠣᠲᠠ᠃ ᠲᠡᠶᠢᠮᠦ ᠡᠴᠡ ᠬᠢᠴᠡ ᠨᠡᠯᠢᠶᠡᠳ ᠳᠡᠭᠵᠢᠨ ᠪᠠᠶᠢᠬᠤ ᠶᠣᠰᠣᠲᠠᠢ᠃ ᠣᠷᠴᠢᠨ ᠦᠶᠡ ᠶᠢᠨ ᠬᠡᠪ ᠰᠢᠨᠵᠢ ᠶᠢ ᠬᠠᠷᠠᠭᠤᠯᠤᠭᠰᠠᠨ᠃ ᠭᠣᠣᠯ ᠢᠯᠭᠠᠷᠠᠵᠤ ᠪᠠᠶᠢᠭᠠ ᠵᠦᠢᠯ ᠨᠢ ᠬᠠᠨᠳᠠᠭᠠᠵᠠ᠂ ᠬᠠᠳᠬᠤᠮᠠᠯ ᠃ ᠮᠣᠩᠭᠣᠯ ᠦᠨᠳᠦᠰᠦᠨ ᠦ ᠪᠠᠬᠠᠷᠬᠠᠯ ᠪᠣᠯᠬᠤ ᠶᠢᠰᠦᠨ ᠬᠥᠯᠲᠦ ᠴᠠᠭᠠᠨ ᠲᠤᠭ᠂ ᠤᠯᠢᠮᠫᠢᠺ ᠤᠨ ᠪᠠᠮᠪᠠᠷ᠂ ᠬᠠᠲᠤᠳ ᠤᠨ ᠥᠯᠵᠡᠢ ᠬᠡ ᠪᠣᠯᠤᠨ ᠠᠯᠤᠬᠠᠨ ᠬᠡ᠂ ᠨᠠᠷᠠ ᠰᠠᠷᠠ ᠭᠡᠬᠦ ᠮᠡᠲᠦ ᠣᠯᠠᠨ ᠵᠦᠢᠯᠡᠰ ᠢ ᠬᠠᠳᠬᠤᠮᠠᠯ ᠢᠶᠠᠷ ᠬᠢᠭᠰᠡᠨ᠃ ᠭᠠᠷ ᠠᠵᠢᠯᠯᠠᠭᠠ ᠨᠡᠯᠢᠶᠡᠳ ᠶᠡᠬᠡ ᠱᠠᠭᠠᠷᠳᠠᠵᠤ ᠪᠠᠶᠢᠭᠠ ᠤᠴᠢᠷ ᠠᠴᠠ ᠨᠢᠭᠡ ᠲᠠᠮᠢᠷᠴᠢᠨ ᠤ ᠢᠵᠢ ᠪᠦᠷᠢᠨ ᠬᠤᠪᠴᠠᠰᠤ ᠶᠢ ᠤᠷᠠᠯᠠᠬᠤ ᠳᠤ ᠲᠠᠪᠤ ᠬᠣᠨᠣᠭ ᠤᠷᠤᠨᠠ》ᠭᠡᠪᠡ᠃
