ᠮᠠᠨ ᠤ ᠮᠣᠩᠭᠤᠯᠴᠣᠳ ᠲᠦᠪᠡᠳ ᠠᠴᠠ ᠳᠠᠮᠵᠢᠨ ᠢᠷᠡᠭᠰᠡᠨ ᠪᠤᠷᠬᠠᠨ ᠤ ᠱᠠᠰᠢᠨ ᠤ ᠨᠦᠯᠦᠭᠡ ᠪᠠᠷ ᠴᠦ ᠶᠤᠮ ᠤᠤ ᠲᠦᠪᠡᠳ ᠨᠡᠷ᠎ᠡ ᠦᠭᠳᠡᠭ ᠪᠠᠶᠢᠵᠠᠢ᠃ ᠪᠢᠳᠡ ᠬᠡᠳᠦ ᠴᠦ ᠪᠡᠶ᠎ᠡ ᠪᠡᠶᠡᠨ ᠢᠶᠠᠨ ᠳᠠᠭᠤᠳᠠᠵᠤ ᠨᠡᠷᠡᠯᠡᠭᠦᠯᠦᠭᠰᠡᠭᠡᠷ ᠪᠠᠶᠢᠭᠠᠳ ᠮᠣᠩᠭᠤᠯ ᠦᠬᠡᠨ ᠠᠴᠠ ᠢᠯᠭᠠᠭᠳᠠᠬᠤ ᠪᠠᠷ ᠦᠭᠡᠢ ᠳᠠᠰᠤᠯ ᠪᠣᠯᠵᠠᠢ᠃ ᠢᠩᠭᠢᠭᠡᠳ ᠡᠳᠡᠭᠡᠷ ᠨᠡᠷᠡᠰ ᠢ ᠮᠡᠳᠡᠬᠦ ᠶᠢᠨ ᠬᠢᠷᠢ ᠪᠠᠷ ᠮᠤᠩᠭᠤᠯᠴᠢᠯᠠᠨ ᠣᠷᠣᠭᠤᠯᠣᠯ ‍ᠠ᠋᠃  ᠭᠤᠣᠯᠳᠠᠭᠤ ᠪᠤᠷᠬᠠᠨ ᠤ ᠨᠡᠷᠡᠰ ᠶᠡᠭᠡ ᠪᠠᠶᠢᠨ᠎ᠠ᠃ ᠡᠴᠢᠭᠡ ᠡᠬᠡᠴᠦᠳ ᠰᠠᠶᠢᠬᠠᠨ ᠬᠡᠣᠬᠡᠳ ᠲᠠᠢ ᠪᠣᠯᠬᠤ ᠶᠢ ᠬᠦᠰᠡᠳᠡᠭ ᠪᠣᠯᠬᠤᠷ ᠮᠠᠭᠠᠳ ᠦᠭᠡᠢ ᠪᠡᠯᠭᠡ ᠳᠡᠮᠪᠡᠷᠢᠯ ᠢ ᠪᠤᠳᠤᠵᠤ ᠡᠶᠢᠮᠦ ᠰᠠᠶᠢᠬᠠᠨ ᠨᠡᠷ᠎ᠡ ᠨᠦᠭᠦᠳ ᠦᠭᠳᠡᠭ ᠪᠠᠶᠢᠬ᠎ᠠ᠃︽ᠬᠦᠮᠦᠨ ᠨᠡᠷ᠎ᠡ ᠪᠠᠨ᠂ ᠲᠤᠭᠤᠰ ᠦᠳᠦ ᠪᠠᠨ︾᠂︽ ᠨᠡᠷ᠎ᠡ ᠬᠤᠭᠤᠷᠠᠬᠤ ᠪᠠᠷ᠂ ᠶᠠᠰᠣ ᠬᠤᠭᠤᠷᠠ︾᠂ ᠨᠡᠷ᠎ᠡ ᠲᠦᠷᠦ ᠪᠠᠨ ᠬᠠᠮᠠᠭᠠᠯᠠᠨ ᠦᠪᠡᠷᠲᠡᠭᠡᠨ ᠴᠦ᠂ ᠪᠣᠰᠣᠳ ᠲᠤ ᠴᠦ ᠦᠨ᠎ᠡ ᠴᠡᠨ᠎ᠡ ᠲᠠᠢ ᠪᠠᠶᠢᠶ᠎ᠠ᠃ 

ᠠᠴᠢᠢᠮ᠎ᠠ — ᠯᠾᠮᠦ ᠪᠤᠷᠬᠠᠨ ᠤ ᠨᠦᠬᠦᠷ     

ᠪᠠᠳᠮ᠎ᠠ — ᠯᠢᠩᠬᠤ᠎ᠠ ᠴᠡᠴᠡᠭ     

ᠪᠠᠯ — ᠴᠣᠭᠲᠣ     

ᠪᠠᠯᠵᠢᠨ — ᠴᠤᠭ ᠡᠷᠭᠦᠭᠴᠢ     

ᠪᠠᠽᠠᠷ — ᠰᠠᠨᠰᠺᠷᠢᠲ ᠢᠶᠠᠷ ᠸᠴᠢᠷ     

ᠪᠠᠪᠤᠣ — ᠪᠠᠭᠠᠳᠤᠷ     

ᠪᠠᠰᠠᠩ — ᠰᠤᠭᠠᠷ ᠭᠠᠷᠠᠭ     

ᠪᠢᠮᠪᠠ — ᠰᠠᠨᠢᠴᠠᠷ ᠭᠠᠷᠠᠭ     

ᠪᠤᠮ — 100 ᠮᠢᠩᠭ᠌ ‍ᠠ᠋     

ᠪᠠᠯᠳᠠᠨ — ᠴᠤᠭ ᠲᠡᠭᠦᠰ     

ᠪᠢᠨᠳᠠᠷᠢᠶ᠎ᠠ — ᠯᠢᠩᠬᠤ᠎ᠠ ᠴᠡᠴᠡᠭ     

ᠸᠠᠩᠳᠠᠨ — ᠡᠷᠬᠡᠲᠦ     

ᠸᠠᠩᠴᠤᠭ — ᠡᠷᠬᠡ ᠪᠠᠶᠠᠯᠢᠭᠲᠦ     

ᠭᠠᠷᠪᠤ — ᠴᠠᠭᠠᠨ    

      ᠭᠦᠩᠳᠠ — ᠪᠦᠬᠦᠨ ᠳᠤ     

ᠭᠤᠩᠭ᠎ᠠ — ᠪᠦᠬᠦᠨ ᠢ ᠪᠠᠶᠠᠰᠬᠠᠭᠴᠢ     

ᠭᠤᠮᠪᠤ — ᠢᠳᠡᠬᠡᠯᠳᠣ᠂ ᠭᠤᠮᠪᠤ ᠰᠠᠬᠢᠭᠤᠰᠣ     

ᠭᠤᠨᠴᠤᠭ — ᠴᠤᠬᠠᠭ ᠲᠡᠭᠡᠳᠦ᠂ ᠡᠷᠳᠡᠨᠢ     

ᠭᠡᠨᠳᠡᠨ — ᠯᠠᠮ ‍ᠠ᠋ ᠬᠤᠸᠠᠷᠠᠭ     

ᠭᠢᠸ᠎ᠠ — ᠪᠣᠶᠠᠨᠳᠣ᠂ ᠪᠣᠶᠠᠨᠲᠠᠨ     

ᠭᠠᠯᠰᠠᠩ — ᠬᠤᠪᠢ ᠰᠠᠶᠢᠲᠤ     

ᠭᠤᠩᠭᠤᠷ — ᠴᠠᠭᠠᠨ ᠢᠳᠡᠬᠡᠯᠳᠣ᠂ ᠴᠠᠭᠠᠨ ᠭᠤᠮᠪᠤ᠂ ᠭᠤᠩᠭᠤᠷ ᠰᠠᠬᠢᠭᠤᠰᠣ     

ᠭᠠᠷᠮ᠎ᠠ — ᠣᠳᠤ ︵ᠲᠡᠭᠷᠢ ᠶᠢᠨ︶     

ᠳᠤᠷᠵᠢ — ᠸᠴᠢᠷ     

ᠳᠤᠯᠮ᠎ᠠ — ᠳ᠋ᠠᠷ᠎ᠠ ᠡᠬᠡ     

ᠳ᠋ᠠᠰᠢ — ᠦᠯᠵᠡᠢ     

ᠳ᠋ᠠᠭᠪᠠ — ᠮᠦᠩᠬᠡ     

ᠳᠠᠧᠠ — ᠰᠠᠷᠠ     

ᠳᠠᠮᠴᠤᠭ — ᠲᠠᠩᠭᠠᠷᠢᠭ     

ᠳᠡᠨᠳᠡᠪ — ᠦᠨᠡᠨ ᠢ ᠪᠦᠲᠦᠭᠡᠭᠴᠢ᠂ ᠰᠢᠲᠦᠭᠡᠨ ᠪᠦᠲᠦᠭᠡᠭᠴᠢ     

ᠳᠣᠯᠵᠢᠨ — ᠨᠣᠭᠤᠭᠠᠨ ᠳ᠋ᠠᠷ᠎ᠠ ᠡᠬᠡ    

ᠳᠤᠯᠭᠠᠷ — ᠴᠠᠭᠠᠨ ᠳ᠋ᠠᠷ᠎ᠠ ᠡᠬᠡ     

ᠳᠡᠮᠴᠢᠭ — ᠲᠡᠭᠡᠳᠦ ᠠᠮᠣᠭᠤᠯᠠᠩᠲᠦ᠂ ᠳᠡᠮᠴᠢᠭ ᠪᠣᠷᠬᠠᠨ     

ᠳ᠋ᠠᠨᠽᠠᠨ — ᠱᠠᠰᠢᠨ ᠢ ᠪᠠᠷᠢᠭᠴᠢ᠂ ᠨᠣᠮᠯᠠᠯ ᠢ ᠪᠠᠷᠢᠭᠴᠢ     

ᠳᠠᠭᠢᠷᠠᠨᠽᠠ — ᠭᠤᠮᠪᠤ ᠪᠤᠷᠬᠠᠨ ᠤ ᠨᠦᠬᠦᠷ     

ᠳᠠᠷᠮ᠎ᠠ — ᠰᠠᠨᠰᠺᠷᠢᠲ ᠢᠶᠠᠷ ᠨᠣᠮ     

ᠳᠠᠮᠪᠠ — ᠱᠠᠰᠢᠨ᠂ ᠳᠡᠭᠡᠳᠦᠰᠲᠦ᠂ ᠣᠪᠢᠳᠠᠰᠳᠣ     

ᠲᠠᠷᠵᠠ — ᠳᠡᠯᠭᠡᠷᠡᠭᠦᠯᠦᠭᠴᠢ    

ᠳᠤᠨᠳᠤᠪ — ᠲᠤᠰᠠ ᠶᠢ ᠪᠦᠲᠦᠭᠡᠭᠴᠢ    

ᠲᠤᠨᠳᠤᠭ — ᠬᠤᠭᠤᠰᠣᠨ ᠴᠢᠨᠠᠷ ᠢ ᠣᠨᠣᠭᠴᠢ     

ᠲᠡᠵᠢᠳ — ᠵᠢᠷᠭᠠᠯ     

ᠳᠡᠵᠢᠳᠮ᠎ᠠ — ᠵᠢᠷᠭᠠᠯᠲᠦ ᠡᠬᠡ     

ᠲᠠᠮᠴᠠ — ᠳᠡᠭᠡᠳᠣ ᠶᠢᠨ ᠨᠣᠮᠲᠦ     

ᠶᠣᠨᠳᠣᠨ — ᠡᠷᠳᠡᠮ    

ᠵᠠᠪᠵᠠᠨ — ᠭᠡᠲᠦᠯᠭᠡᠭᠴᠢ     

ᠵᠠᠪᠵᠢᠮ᠎ᠠ — ᠭᠡᠲᠦᠯᠭᠡᠭᠴᠢ ᠡᠬᠡ     

ᠵᠠᠪᠤ — ᠠᠪᠣᠷᠠᠯ     

ᠵᠠᠮᠰᠦ — ᠳᠠᠯᠠᠢ     

ᠵᠢᠭᠵᠢᠳ — ᠠᠶᠣᠯᠭᠠᠨ ᠦᠢᠯᠡᠳᠦᠭᠴᠢ᠂ ᠵᠢᠭᠵᠢᠳ ᠪᠣᠷᠬᠠᠨ     

ᠵᠠᠮᠰᠠᠷᠠᠨ — ᠠᠬ ‍ᠠ᠋ ᠲᠡᠭᠦᠣᠰ᠂ ᠵᠠᠮᠰᠠᠷᠠᠨ ᠰᠠᠬᠢᠭᠤᠰᠣ     

ᠵᠠᠮᠪᠠᠯ — ᠵᠦᠭᠡᠯᠡᠨ ᠴᠣᠭᠲᠣ᠂ ᠮᠠᠨᠽᠣᠰᠢᠷᠢ ᠪᠣᠷᠬᠠᠨ     

ᠵᠠᠮᠢᠶᠠᠨ — ᠵᠦᠭᠡᠯᠡᠨ ᠡᠭᠡᠰᠢᠭᠲᠦ᠂ ᠮᠠᠨᠽᠣᠰᠢᠷᠢ ᠪᠣᠷᠬᠠᠨ     

ᠵᠣᠨᠠᠢ — ᠭᠠᠷᠬᠤ ᠣᠷᠤᠨ     

ᠵᠠᠨᠳᠠᠷᠠ — ᠰᠠᠨᠰᠺᠷᠢᠲ ᠢᠶᠠᠷ ᠦᠭᠡ     

ᠵᠠᠮᠪᠠᠯ — ᠡᠳ᠋ ᠤᠨ ᠲᠡᠭᠷᠢ ᠵᠠᠮᠪᠠᠯ ᠪᠣᠷᠬᠠᠨ     

ᠰᠣᠩᠳᠣᠢ — ᠬᠢᠴᠢᠶᠡᠩᠬᠦᠢ     

ᠢᠰᠢ — ᠪᠢᠯᠢᠭ ᠪᠢᠯᠢᠬᠦᠨ     

ᠢᠴᠢᠨ — ᠰᠡᠳᠬᠢᠯᠴᠢᠯᠡᠨ     

ᠯᠣᠳᠣᠢ — ᠣᠶᠣᠨ ᠣᠬᠠᠭᠠᠨ     

ᠯᠤᠪᠰᠠᠩ — ᠰᠠᠶᠢᠨ ᠣᠶᠤᠨᠲᠤ     

ᠯᠾᠬᠠᠪᠠ — ᠢᠯᠡᠭᠦᠦ᠂ ᠪᠤᠳᠢ ᠭᠠᠷᠠᠭ     

ᠯᠾᠮᠦ — ᠦᠬᠢᠨ ᠲᠡᠭᠷᠢ᠂ ᠯᠾᠮᠦ ᠪᠣᠷᠬᠠᠨ     

ᠯᠦᠩᠷᠢᠭ — ᠡᠰᠢ ᠢᠵᠠᠭᠤᠷ     

ᠮᠤᠯᠤᠮ — ᠢᠷᠦᠭᠡᠯ     

ᠮᠢᠭᠮᠠᠷ — ᠣᠯᠠᠭᠠᠨ ᠨᠢᠳᠦᠨ᠂ ᠠᠩᠭᠠᠷᠠᠭ ᠭᠠᠷᠠᠭ     

ᠮᠢᠳᠠᠭ — ᠴᠡᠴᠡᠭ     

ᠨᠠᠩᠰᠠᠯ — ᠵᠤᠯᠠ᠂ ᠭᠡᠭᠡᠨ     

ᠨᠠᠩᠰᠠᠯᠮ᠎ᠠ — ᠭᠡᠭᠡᠨ ᠡᠬᠡ     

ᠨᠢᠮ᠎ᠠ — ᠨᠠᠷᠠ᠂ ᠡᠳᠦᠷ᠂ ᠠᠳᠢᠶ᠎ᠠ ᠭᠠᠷᠠᠭ     

ᠨᠠᠮᠰᠠᠷᠠᠢ — ᠡᠳ᠋ ᠤᠨ ᠲᠡᠭᠷᠢ᠂ ᠨᠠᠮᠰᠠᠷᠠᠢ ᠪᠣᠷᠬᠠᠨ     

ᠨᠠᠮᠪᠠᠷ — ᠰᠠᠶᠢᠲᠣᠷ     

ᠨᠠᠩᠵᠠᠳ — ᠭᠡᠶᠢᠭᠦᠯᠦᠨ ᠵᠤᠬᠢᠶᠠᠭᠴᠢ     

ᠨᠠᠩᠵᠢᠳ — 8 ᠭᠡᠭᠡᠨ     

ᠨᠠᠮᠵᠢᠯᠮ᠎ᠠ — ᠰᠠᠶᠢᠲᠣᠷ ᠢᠯᠠᠭᠰᠠᠨ ᠡᠬᠡ    

ᠨᠠᠮᠬᠠᠢ — ᠣᠭᠲᠠᠷᠭᠤᠢ    

ᠨᠣᠷᠪᠤ — ᠴᠢᠨᠳᠠᠮᠤᠨᠢ     

ᠨᠢᠩᠪᠤ — ᠰᠢᠮ᠎ᠠ     

ᠨᠦᠷᠵᠢᠳ — ᠲᠦᠷᠭᠡᠨ ᠪᠦᠲᠦᠭᠡᠭᠴᠢ     

ᠨᠠᠴᠤᠭ — ᠡᠯᠳᠡᠪ     

ᠣᠳᠤ — ᠭᠡᠷᠡᠯ     

ᠣᠳᠮ᠎ᠠ — ᠭᠡᠷᠡᠯᠲᠦ ᠡᠬᠡ     

ᠣᠶᠢᠳᠤᠪ — ᠰᠢᠳᠢ    

ᠥᠷᠪᠤᠤ᠋ — ᠭᠠᠳᠠᠰᠣ᠂ ᠪᠠᠷᠬᠠᠰᠪᠠᠳ᠋ ᠭᠠᠷᠠᠭ    

ᠫᠣᠩᠰᠤᠭ — ᠬᠤᠲᠠᠯᠠ ᠴᠢᠭᠤᠯᠭᠠᠨ᠂ ᠲᠡᠭᠦᠰ ᠲᠡᠭᠦᠯᠳᠡᠷ     

ᠫᠠᠭᠮ᠎ᠠ — ᠬᠤᠲᠤᠭᠲᠤ ᠡᠬᠡ    

ᠫᠧᠷᠡᠩᠯᠡᠢ — ᠦᠢᠯᠡᠰ     

ᠷᠠᠳᠨ᠎ᠡ — ᠰᠠᠨᠰᠺᠷᠢᠲ ᠢᠶᠠᠷ ᠡᠷᠳᠡᠨᠢ     

ᠷᠠᠪᠰᠠᠯ — ᠮᠠᠰᠢ ᠲᠣᠳᠣ᠂ ᠮᠠᠰᠢ ᠭᠡᠭᠡᠨ     

ᠷᠢᠨᠴᠢᠨ — ᠡᠷᠳᠡᠨᠢ     

ᠷᠠᠪᠵᠠᠢ — ᠮᠠᠰᠢᠳᠠ ᠳᠡᠯᠭᠡᠷᠡᠭᠦᠯᠦᠭᠴᠢ     

ᠷᠠᠪᠳᠠᠨ — ᠮᠠᠰᠢ ᠪᠠᠳᠤ     

ᠰᠠᠮᠪᠣᠣ — ᠰᠠᠶᠢᠨ     

ᠰᠠᠮᠳᠠᠭ — ᠨᠢᠭᠤᠴᠠ ᠶᠢᠨ ᠡᠵᠡᠨ᠂ ᠸᠴᠢᠷᠪᠠᠨᠢ ᠪᠣᠷᠬᠠᠨ     

ᠰᠠᠮᠲᠠᠨ — ᠰᠠᠨᠠᠭᠠᠳᠤ᠂ ᠰᠡᠳᠭᠢᠯ ᠪᠠᠳᠤ᠂ ᠳᠠᠶᠠᠨ     

ᠰᠡᠸ᠋ᠳᠡᠳ — ᠴᠠᠭᠠᠨ ᠰᠢᠬᠦᠷᠲᠦ ᠪᠣᠷᠬᠠᠨ     

ᠰᠡᠩᠭᠡ — ᠠᠷᠰᠯᠠᠨ     

ᠰᠤᠳᠨᠠᠮ — ᠪᠤᠶᠠᠨ ᠬᠡᠰᠢᠭ     

ᠰᠤᠩᠳᠤᠢ — ᠵᠠᠷᠯᠢᠭ ᠤᠨ ᠬᠤᠷᠢᠶᠠᠩᠭᠤᠢ     

ᠰᠦᠷᠦᠩ — ᠰᠠᠬᠢᠭᠤᠰᠣ     

ᠰᠠᠩᠭᠢ — ᠨᠢᠭᠤᠴᠠ     

ᠰᠡᠷ — ᠠᠯᠳᠠ᠂ ᠠᠯᠳᠠᠨ     

ᠰᠦᠭᠯᠡᠮ᠎ᠡ — ᠰᠠᠶᠢᠬᠠᠨ ᠳᠦᠷᠰᠦᠲᠤ ᠡᠬᠡ    

ᠰᠠᠩᠵᠠᠢ — ᠠᠷᠢᠭᠤᠰᠤᠨ ᠳᠡᠯᠭᠡᠷᠡᠭᠰᠡᠨ᠂ ᠪᠣᠷᠬᠠᠨ     

ᠲᠠᠪᠠᠭ᠋ᠠᠢ — ᠮᠡᠷᠭᠡᠨ ᠠᠷᠭᠠᠲᠦ     

ᠲᠠᠮᠵᠢᠳ — ᠪᠦᠭᠦᠳᠡ     

ᠲᠦᠪᠳᠡᠨ — ᠴᠢᠳᠠᠭᠴᠢ ᠶᠢᠨ ᠱᠠᠰᠢᠨ     

ᠲᠦᠳᠤᠪ — ᠬᠦᠴᠦ᠂ ᠴᠢᠳᠠᠯ     

ᠦᠷᠡᠵᠢᠨ — ᠨᠢᠭᠡᠨ ᠣᠷᠣᠨ ᠤ ᠨᠡᠷ᠎ᠡ     

ᠬᠤᠷᠯᠤ — ᠬᠦᠷᠳᠦ     

ᠬᠠᠨᠳᠠ — ᠳᠠᠭᠢᠨᠢ     

ᠬᠠᠵᠢᠳ — ᠣᠭᠲᠠᠷᠭᠤᠢ ᠪᠠᠷ ᠶᠠᠪᠣᠭᠴᠢ᠂ ᠨᠠᠷᠬᠠᠵᠢᠳ ᠪᠣᠷᠬᠠᠨ     

ᠬᠠᠵᠢᠳᠮ᠎ᠠ — ᠣᠭᠲᠠᠷᠭᠤᠢ ᠪᠠᠷ ᠶᠠᠪᠣᠭᠴᠢ ᠡᠬᠡ     

ᠬᠠᠶᠢᠳᠠᠪ — ᠮᠡᠷᠭᠡᠨ ᠪᠦᠲᠦᠭᠡᠯᠴᠢ     

ᠴᠠᠩᠴᠠᠯ — ᠮᠦᠷᠭᠦᠬᠦ     

ᠴᠦᠯᠳᠦᠮ — ᠰᠠᠬᠢᠯ     

ᠴᠤᠶᠢᠵᠢ — ᠨᠣᠮ ᠤᠨ ᠬᠠᠭᠠᠨ᠂ ᠴᠤᠶᠢᠵᠢ ᠰᠠᠬᠢᠭᠤᠰᠣ     

ᠴᠢᠳᠠᠷᠪᠠᠯ — ᠭᠤᠮᠪᠤ ᠪᠤᠷᠬᠠᠨ ᠤ ᠨᠦᠬᠦᠷ     

ᠴᠣᠢ — ᠨᠣᠮ     

ᠴᠤᠶᠢᠮ᠎ᠠ — ᠨᠣᠮᠲᠦ ᠡᠬᠡ    

ᠴᠣᠶᠢᠶᠠᠩ — ᠨᠣᠮ ᠤᠨ ᠠᠭᠠᠷ     

ᠴᠣᠳᠢᠩ — ᠰᠣᠪᠤᠷᠭ᠋ ‍ᠠ᠋     

ᠴᠢᠮᠡᠳ — ᠦᠬᠦᠯ ᠦᠭᠡᠢ᠂ ᠦᠬᠦᠰᠢ ᠦᠭᠡᠢ     

ᠴᠡᠷᠡᠨ — ᠣᠷᠳᠤ ᠨᠠᠰᠤᠳᠤ     

ᠴᠡᠸᠠᠩ — ᠨᠠᠰᠣᠨ ᠤ ᠡᠷᠬᠡᠲᠦ᠂ ᠨᠠᠰᠣᠨ ᠤ ᠠᠪᠢᠰᠢᠭ     

ᠴᠦᠯᠳᠦᠮ — ᠰᠠᠬᠢᠯ     

ᠴᠠᠮᠪᠠ — ᠡᠰᠡᠷᠡᠭᠦᠨ ᠲᠡᠭᠷᠢ     

ᠴᠡᠳᠡᠩ — ᠨᠠᠰᠤᠳᠤ᠂ ᠪᠠᠳᠤᠨᠠᠰᠤᠨ᠂ ᠠᠮᠢᠨ ᠭᠠᠪᠢᠶᠠᠳᠤ     

ᠴᠡᠩᠳᠡ — ᠨᠠᠰᠣᠨ ᠤ ᠠᠶᠤᠰᠢ ᠪᠣᠷᠬᠠᠨ     

ᠴᠡᠳᠡᠪ — ᠨᠠᠰᠣᠨ ᠤ ᠪᠦᠲᠦᠭᠡᠯ     

ᠴᠡᠪᠡᠯ — ᠨᠠᠰᠤ ᠣᠷᠲᠣᠰᠬᠠᠬᠤ᠂ ᠨᠠᠰᠤ ᠠᠷᠪᠢᠳᠠᠬᠤ     

ᠴᠡᠪᠡᠯᠮ᠎ᠠ — ᠨᠠᠰᠤ ᠠᠷᠪᠢᠳᠬᠠᠭᠴᠢ ᠡᠬᠡ    

ᠴᠡᠭᠮᠢᠳ — ᠴᠠᠭᠯᠠᠰᠢ ᠦᠭᠡᠢ ᠨᠠᠰᠤᠳᠤ᠂ ᠠᠶᠤᠰᠢ ᠪᠣᠷᠬᠠᠨ     

ᠰᠢᠷᠠᠪ — ᠪᠢᠯᠢᠬᠦᠨ     

ᠰᠢᠷᠨᠡᠩ — ᠪᠢᠯᠢᠭ ᠤᠨ ᠰᠢᠮ᠎ᠠ     

ᠱᠠᠭᠵᠠ — ᠡᠨᠡᠳᠭᠡᠭ ᠤᠨ ᠡᠷᠲᠡᠨ ᠤ ᠣᠪᠤᠭ ᠤᠨ ᠨᠡᠷ᠎ᠡ     

ᠶᠣᠮᠴᠢᠮ᠎ᠠ — ᠪᠠᠭ᠎ᠠ ᠬᠠᠳᠤᠨ᠂ ᠶᠡᠭᠡ ᠬᠠᠳᠤᠨ    

ᠢᠳᠡᠮ — ᠴᠢᠩᠳᠠ᠂ ᠪᠠᠳᠤ ᠰᠡᠳᠭᠢᠯ᠂ ᠢᠳᠡᠮ ᠪᠣᠷᠬᠠᠨ     

ᠶᠠᠨᠵᠢᠨ — ᠣᠷᠠᠨ ᠲᠠᠭᠤᠳᠤ     

ᠶᠠᠩᠵᠢᠮ᠎ᠠ — ᠣᠷᠠᠨ ᠲᠠᠭᠤᠳᠤ ᠡᠬᠡ   

2021.06.04 

ᠮᠤᠩᠭᠤᠯ ᠤᠯᠤᠰ ᠤᠨ ᠰᠤᠶᠦᠯ ᠤᠷᠠᠯᠢᠭ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠪᠠᠭᠰᠢᠯᠠᠬᠤ ᠠᠴᠠ ᠡᠮᠦᠨ᠎ᠡ ᠪᠤᠶᠤ 2011 ᠣᠨ ᠤ 8 ᠰᠠᠷ᠎ᠠ ᠶᠢᠨ ᠰᠡᠭᠦᠯ ᠢᠶᠠᠷ ᠪᠢ︽ᠤᠴᠢᠷ ᠲᠠᠢ ᠭᠤᠷᠪᠠ︾ᠺᠢᠨᠣ᠋ ᠶᠢᠨ ᠴᠢᠯᠠᠭᠤᠲᠤ ᠰᠤᠮᠤᠨ ᠳᠤ ᠠᠪᠤᠭᠰᠠᠨ ᠨᠠᠲ᠋ᠦᠷ ᠤᠨ ᠵᠢᠷᠤᠭ ᠢᠶᠠᠨ ᠳᠠᠭᠤᠰᠤᠭᠠᠳ ᠪᠤᠴᠠᠬᠤ ᠵᠠᠮ ᠳᠠᠭᠠᠨ ᠠᠷᠤᠬᠠᠩᠭᠠᠢ ᠠᠶᠢᠮᠠᠭ ᠤᠨ ᠣᠷᠣᠨ ᠨᠤᠲᠤᠭ ᠢ ᠰᠤᠳᠤᠯᠬᠤ ᠮᠦᠽᠧᠢ ᠶᠢᠨ ᠡᠳ᠋ ᠬᠤᠭᠰᠢᠯ ᠢ ᠠᠰᠢᠭᠯᠠᠨ᠂ ᠬᠠᠰᠢᠶᠠᠨ ᠳᠤ ᠨᠢ ᠭᠡᠷ ᠪᠠᠷᠢᠭᠠᠳ ᠵᠢᠷᠤᠭ ᠠᠪᠴᠤ ᠪᠠᠶᠢᠭᠠᠳ ᠵᠠᠪᠰᠠᠷᠯᠠᠬᠤ ᠦᠶ᠎ᠡ ᠳᠤ ᠤᠲᠠᠰᠤ ᠳᠤᠤᠭᠠᠷᠬᠤ ᠳᠤ ᠨᠢ ᠠᠪᠲᠠᠯ᠎ᠠ᠂ ᠠᠷᠠᠳ ᠤᠨ ᠵᠦᠴᠦᠭᠡᠴᠢᠨ ᠠ᠊ ·ᠳ᠋ᠠᠰᠢᠫᠧᠯᠵᠡᠢ ᠭᠤᠸᠠᠶ ᠶᠠᠷᠢᠵᠤ ᠪᠠᠶᠢᠨ᠎ᠡ᠄ ᠥᠪᠥᠷ ᠮᠣᠩᠭᠤᠯ ᠠᠴᠠ ᠺᠢᠨᠣ᠋ ᠰᠤᠳᠤᠯᠤᠭᠠᠴᠢ ᠵᠠᠯᠠᠭᠤ ᠢᠷᠡᠭᠰᠡᠨ᠃  ᠴᠢ ᠠᠭᠤᠯᠵᠠᠲᠠᠬᠠᠴᠢ᠂ ᠴᠢᠨᠤ ᠳ᠋ᠤᠭᠠᠷ ᠢ ᠥᠭᠴᠢᠬᠡᠶ᠎ᠡ ᠭᠡᠪᠡ᠃  

ᠬᠤᠲᠠ︵ᠤᠯᠠᠭᠠᠨᠪᠠᠭᠠᠲᠤᠷ︶ ᠳᠤ ᠢᠷᠡᠭᠰᠡᠨ ᠬᠤᠶᠢᠨ᠎ᠠ ᠪᠠᠨ ᠬᠦᠨᠡᠰᠦᠨ ᠤ 50 ᠳ᠋ᠤᠭᠠᠷ ᠳᠡᠯᠭᠡᠭᠦᠷ ᠤᠨ ᠤᠷᠲᠤ ᠪᠠᠶᠢᠷᠢᠯᠠᠬᠤ︽ᠰᠠᠩᠲᠤ ᠠᠰᠠᠷ︾ᠵᠣᠴᠢᠳ ᠪᠠᠭᠤᠳᠠᠯ ᠳᠤ ᠣᠴᠢᠬᠤ ᠳᠤ ᠱᠠᠩᠬᠠᠢ ᠶᠢᠨ ᠲᠢᠶᠠᠲᠷ ᠤᠨ ᠠᠺᠠᠳᠧᠮᠢ ᠶᠢᠨ ᠲᠧᠯᠸᠢᠰ ᠺᠢᠨᠣ᠋ ᠶᠢᠨ ᠲᠡᠭᠡᠳᠦ ᠰᠤᠷᠭᠠᠭᠤᠯᠢ︵ᠱᠠᠩᠬᠠᠢ ᠰᠢ ᠵᠦᠴᠦᠭᠡ ᠶᠢᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ︶ ᠶᠢᠨ ᠳ᠋ᠣᠺᠲ᠋ᠣᠷᠠᠨᠲ ᠤᠯᠢᠶᠠᠰᠤ ᠭᠡᠳᠡᠭ ᠦᠶ᠎ᠡ ᠳᠠᠩ ᠤᠨ ᠵᠠᠯᠠᠭᠤ ᠲᠠᠢ ᠲᠠᠨᠢᠯᠴᠠᠯ᠎ᠠ᠃ ᠰᠢ ᠭᠤᠸᠠᠨ︵ᠰᠢᠤᠢ ᠭᠤᠸᠠᠩ ᠶᠤᠮ ᠪᠤᠯᠪᠠ ᠤᠤ -AU︶ᠪᠤᠶᠤ ᠤᠯᠢᠶᠠᠰᠤ ᠤᠯᠠᠭᠠᠨᠬᠠᠳᠠ ᠠᠶᠢᠮᠠᠭ ᠠᠴᠠ ᠭᠠᠷᠤᠯᠲᠠᠢ ᠬᠠᠷᠠᠴᠢᠨ ᠬᠥᠮᠦᠨ ᠪᠥᠭᠡᠳ︽ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠺᠢᠨᠣ᠋ ᠤᠷᠠᠯᠢᠭ ᠤᠨ ᠬᠥᠭᠵᠢᠯ︾ᠰᠡᠳᠦᠪ ᠢᠶᠠᠷ ᠳ᠋ᠣᠺᠲ᠋ᠣᠷ ᠤᠨ ᠵᠡᠷᠭᠡ ᠬᠠᠮᠠᠭᠠᠯᠠᠬᠤ ᠪᠠᠷ ᠱᠠᠩᠬᠠᠢ ᠳᠤ ᠰᠤᠷᠤᠯᠴᠠᠵᠤ ᠪᠠᠶᠢᠭ᠎ᠠ ᠭᠡᠨ᠎ᠡ᠃ ᠲᠡᠭᠦᠨ ᠤ ᠰᠤᠳᠤᠯᠭᠠᠨ ᠤ ᠠᠵᠢᠯ ᠨᠠᠳᠠ ᠳᠤ ᠶᠡᠭᠡ ᠡᠯᠢᠭᠡᠮᠰᠦᠭ ᠰᠠᠨᠠᠭᠳᠠᠭᠰᠠᠨ ᠲᠤᠯᠠ ᠲᠡᠷᠡ ᠴᠠᠭ ᠠᠴᠠ ᠡᠬᠢᠯᠡᠨ ᠦᠶᠡᠷᠬᠡᠵᠦ᠂ ᠬᠠᠷᠢᠯᠴᠠᠨ ᠲᠤᠰᠠᠯᠠᠯᠴᠠᠵᠤ ᠶᠠᠪᠤᠭ᠎ᠠ ᠪᠢᠯᠡ᠃ ᠤᠯᠢᠶᠠᠰᠤ ᠺᠢᠷᠢᠯᠯ ᠢᠶᠠᠷ ᠰᠠᠶᠢᠨ ᠤᠩᠰᠢᠳᠠᠭ ᠲᠤᠯᠠ  ᠮᠣᠩᠭᠣᠯ ᠤᠨ ᠺᠢᠨᠣ᠋ ᠤᠷᠠᠯᠢᠭ ᠤᠨ ᠲᠠᠯ᠎ᠠ ᠪᠠᠷ ᠪᠢᠴᠢᠭᠳᠡᠭᠰᠡᠨ ᠣᠯᠠᠨ ᠨᠣᠮ ᠢ ᠲᠡᠭᠦᠨ ᠳᠤ ᠣᠯᠵᠤ  ᠦᠭᠭᠦᠭᠰᠡᠨ᠃  

ᠤᠯᠢᠶᠠᠰᠤ ᠨᠠᠳᠠ ᠳᠤ᠄︽ᠦᠡᠭᠭᠡᠷᠡᠭᠰᠡᠠ ᠵᠢᠯ  ᠲᠠᠶᠢᠯᠠᠨᠳ᠋ ᠤᠨ ᠺᠢᠨᠣ᠋ ᠤᠷᠠᠯᠢᠭ ᠤᠨ ᠬᠥᠭᠵᠢᠯ︾ᠰᠡᠳᠦᠪ ᠢᠶᠠᠷ ᠱᠠᠩᠬᠠᠢ ᠳᠤ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠬᠤᠷᠠᠯ ᠬᠢᠭᠰᠡᠨ᠃ ᠲᠡᠷᠡ ᠬᠤᠷᠠᠯ ᠶᠡᠭᠡ ᠦᠷ᠎ᠡ ᠳ᠋ᠦᠩ ᠲᠠᠢ ᠪᠣᠯᠵᠤ᠂ ᠲᠠᠶᠢᠯᠠᠨᠳ᠋ ᠺᠢᠨᠣ᠋ ᠤᠷᠠᠯᠢᠭ ᠢ ᠳᠤᠮᠳᠠᠳᠤ ᠤᠯᠤᠰ ᠲᠤ ᠰᠤᠷᠲᠠᠯᠴᠢᠯᠠᠵᠤ ᠬᠡᠳᠦ ᠬᠡᠳᠦᠨ ᠺᠢᠨᠣ᠋ ᠬᠢᠲᠠᠳ ᠤᠨ ᠵᠠᠬ᠎ᠠ ᠵᠡᠭᠡᠯᠢ ᠳᠤ ᠭᠠᠷᠤᠭᠰᠠᠨ᠃ ᠶᠠᠭ ᠲᠡᠭᠦᠨ ᠰᠢᠭ ᠮᠣᠩᠭᠤᠯ ᠺᠢᠨᠣ᠋ ᠶᠢᠨ ᠲᠠᠯ᠎ᠠ ᠪᠠᠷ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠬᠤᠷᠠᠯ ᠬᠢᠪᠡᠯ ᠮᠣᠩᠭᠤᠯ ᠺᠢᠨᠣ᠋ ᠳᠤ ᠶᠡᠭᠡ ᠬᠡᠷᠡᠭ ᠲᠠᠢ ᠰᠢᠦ ᠭᠡᠵᠦ ᠪᠢᠯᠡ᠃  

ᠡᠨᠡ ᠶᠠᠷᠢᠶ᠎ᠠ ᠬᠤᠶᠠᠷ ᠵᠢᠯ ᠤᠨ ᠳᠠᠷᠠᠭ᠎ᠠ ᠤᠯᠢᠶᠠᠰᠤ ᠶᠢᠨ ᠢᠳᠡᠪᠬᠢ ᠵᠢᠳᠬᠦᠯ ᠤᠨ ᠦᠷ᠎ᠡ ᠳ᠋ᠦᠩ ᠳᠤ ᠬᠡᠷᠡᠭᠵᠢᠭᠰᠡᠨ ᠶᠤᠮ᠃ ᠤᠯᠢᠶᠠᠰᠤ ᠥᠪᠡᠷ ᠢᠶᠠᠨ  ᠰᠤᠶᠦᠯ ᠤᠷᠠᠯᠢᠭ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ  ᠶᠢᠨ ᠤᠳᠤᠷᠢᠳᠤᠯᠭ᠎ᠠ ᠨᠠᠷ ᠲᠠᠢ ᠲᠠᠨᠢᠯᠴᠠᠵᠤ᠂  ᠰᠤᠶᠦᠯ ᠤᠷᠠᠯᠢᠭ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ  ᠶᠢ ᠱᠠᠩᠬᠠᠢ ᠶᠢᠨ ᠲᠢᠶᠠᠲᠷ ᠠᠺᠠᠳᠧᠮᠢ ᠲᠠᠢ ᠱᠧᠹ ᠪᠣᠯᠭᠠᠵᠤ᠂ ᠣᠶᠤᠲᠠᠨ ᠰᠣᠯᠢᠯᠴᠠᠭ᠎ᠠ ᠵᠡᠷᠭᠡ ᠣᠯᠠᠨ ᠠᠵᠢᠯ ᠬᠢᠭᠰᠡᠨ ᠡ᠃ 

2013 ᠣᠨ ᠳᠤ ᠨᠠᠮᠠᠶᠢ  ᠰᠤᠶᠦᠯ ᠤᠷᠠᠯᠢᠭ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠪᠠᠭᠰᠢᠯᠠᠵᠤ ᠪᠠᠶᠢᠬᠤ ᠳᠤ︽ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠺᠢᠨᠣ᠋ ᠶᠢᠨ ᠬᠡᠪ ᠰᠢᠨᠵᠢ ᠪᠦᠷᠢᠯᠳᠦᠬᠦ ᠦᠨᠳᠦᠰᠦᠨ ᠨᠥᠬᠦᠴᠡᠯ ᠤᠳ︾ᠰᠡᠳᠦᠪᠲᠤ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠬᠤᠷᠠᠯ ᠳᠤ  ᠰᠤᠶᠦᠯ ᠤᠷᠠᠯᠢᠭ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ  ᠶᠢ ᠣᠷᠣᠯᠴᠠᠨ᠎ᠠ ᠦᠦ ᠭᠡᠵᠦ ᠤᠷᠢᠯᠭ᠎ᠠ ᠢᠷᠠᠵᠠᠢ᠃ ᠤᠯᠢᠶᠠᠰᠤ ᠴᠤ ᠨᠠᠳᠠ ᠳᠤ ᠬᠤᠪᠢ ᠪᠠᠷ ᠢᠶᠠᠨ ᠤᠷᠢᠯᠭ᠎ᠠ ᠶᠠᠪᠤᠭᠤᠯᠤᠭᠰᠠᠨ ᠰᠢᠦ ᠭᠡᠵᠦ ᠬᠡᠯᠡᠯ᠎ᠡ᠃ ᠭᠡᠲᠡᠯ᠎ᠡ ᠠᠷᠪᠡ ᠭᠠᠷᠤᠢ ᠬᠥᠮᠥᠨ ᠤ ᠪᠦᠷᠢᠯᠳᠦᠬᠦᠨ ᠳᠤ ᠨᠠᠳᠠ ᠠᠴᠠ ᠦᠭᠡᠷ᠎ᠡ ᠺᠢᠨᠣ᠋ ᠶᠢᠨ ᠬᠥᠮᠦᠨ ᠪᠠᠶᠢᠬᠤ ᠦᠭᠡᠶ ᠪᠠᠶᠢᠭᠰᠠᠨ ᠳᠤ ᠪᠢ ᠶᠡᠭᠡ ᠡᠮᠵᠡᠭᠯᠡᠵᠦ᠄︽ᠮᠣᠩᠭᠣᠯ ᠤᠨ ᠺᠢᠨᠣ᠋ ᠶᠢᠨ ᠲᠠᠯ᠎ᠠ ᠪᠠᠷ ᠭᠠᠳᠠᠨ᠎ᠠ ᠶᠢᠨ ᠬᠢᠨ ᠦᠨᠡᠯᠡᠯᠲᠡ ᠳ᠋ᠦᠩᠨᠡᠯᠲᠡ ᠦᠭᠬᠦ ᠭᠡᠵᠦ ᠪᠠᠶᠢᠬᠤ ᠳᠤ ᠺᠢᠨᠣ᠋ ᠶᠢᠨ ᠬᠥᠮᠦᠨ ᠶᠡᠭᠠᠬᠢᠭᠠᠦᠠ ᠠᠬᠢᠭᠤᠬᠠᠨ ᠪᠠᠶᠢᠬᠤ ᠦᠭᠡᠶ ᠪᠠᠶᠢᠨ᠎ᠡ᠂ ᠮᠢᠨᠦ ᠣᠩᠭᠤᠴᠠᠨ ᠤ ᠵᠠᠷᠤᠳᠠᠯ ᠢ ᠪᠡᠯᠡᠨ ᠢᠶᠠᠷ ᠥᠭᠴᠢᠬᠡ᠃ ᠪᠢ ᠺᠢᠨᠣ᠋ ᠰᠤᠳᠤᠯᠤᠭᠠᠴᠢ᠂ ᠪᠠᠷᠢᠮᠲᠠᠲᠤ ᠺᠢᠨᠣ᠋ ᠶᠢᠨ ᠠᠬᠠᠮᠡᠦᠠ ᠨᠠᠶᠢᠷᠠᠭᠤᠯᠤᠭᠴᠢ ᠲ᠊·ᠴᠢᠮᠡᠳ ᠭᠤᠸᠠᠢ ᠲᠠᠢ ᠬᠠᠮᠲᠤ ᠭᠠᠵᠠᠷ ᠢᠶᠠᠷ ᠶᠠᠪᠤᠭᠠᠳ ᠣᠴᠢᠶ᠎ᠠ︾ᠭᠡᠵᠦ ᠪᠠᠶᠢᠵᠤ ᠴᠢᠮᠡᠳ ᠭᠤᠸᠠᠢ ᠶᠢ ᠠᠪᠴᠤ ᠶᠠᠪᠤᠭᠰᠠᠨ᠃ ᠪᠢᠳᠠᠨ ᠬᠤᠶᠠᠷ ᠢ ᠭᠠᠵᠠᠷ ᠢᠶᠠᠷ ᠶᠠᠪᠤᠭᠤᠯᠤᠭ᠎ᠠ ᠦᠭᠡᠢ ᠡ ᠬᠥᠭᠡᠷᠦᠬᠦᠶ᠃ ᠷᠡᠳᠢᠤ᠋ ᠲᠧᠯᠸᠢᠰ ᠤᠨ ᠲᠡᠭᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠵᠠᠬᠢᠷᠤᠯ ᠡᠩᠬᠡᠵᠢᠪᠬᠤᠯᠠᠩ ᠬᠤᠶᠠᠷ ᠪᠠᠭᠰᠢ ᠶᠢᠨ ᠬᠠᠮᠲᠤ ᠬᠤᠪᠢ ᠶᠢᠨ ᠵᠠᠷᠤᠳᠠᠯ ᠢᠶᠠᠷ᠂ ᠮᠦᠠ ᠺᠢᠨᠣ᠋ ᠵᠢᠷᠤᠭᠠᠴᠢ ᠪᠠᠲᠤᠪᠢᠯᠢᠭ᠌ ᠮᠦᠠ ᠬᠤᠪᠢ ᠶᠢᠨ ᠵᠠᠷᠤᠳᠠᠯ ᠢᠶᠠᠷ ᠬᠠᠮᠲᠤ ᠶᠠᠪᠤᠵᠠᠭᠠᠭᠰᠠᠨ᠃  

ᠬᠢᠲᠠᠳ ᠤᠨ ᠺᠢᠨᠣ᠋ ᠰᠤᠳᠤᠯᠤᠭᠠᠴᠢ ᠡᠷᠳᠡᠮᠲᠡᠳ ᠮᠣᠩᠭᠤᠯ ᠺᠢᠨᠣ᠋ ᠶᠢ ᠮᠡᠳᠡᠬᠦ ᠦᠭᠡᠢ ᠪᠠᠨ ᠢᠯᠡᠨ  ᠳᠠᠯᠠᠨ ᠦᠭᠡᠢ ᠬᠡᠯᠡᠵᠦ᠂ ᠨ᠊ ·ᠮᠢᠬᠠᠢᠯᠺᠤᠸ᠋ ᠤᠨ︽ᠤᠷᠭ᠎ᠠ︾᠂ ᠸᠠᠩ ᠴᠤᠸᠠᠨ ᠠᠨ ᠨᠠᠶᠢᠷᠠᠭᠤᠯᠤᠭᠴᠢ ᠶᠢᠨ︽ᠲᠤᠶᠠᠭ᠎ᠠ ᠶᠢᠨ ᠬᠤᠷᠢᠮ︾᠂ ᠰᠢᠶᠧ ᠹᠧᠢ ᠨᠠᠶᠢᠷᠠᠭᠤᠯᠤᠭᠴᠢ ᠶᠢᠨ︽ᠭᠠᠩᠭᠠᠨ  ᠬᠠᠷ᠎ᠠ︾ᠺᠢᠨᠣ᠋ ᠨᠤᠭᠤᠳ ᠳᠡᠭᠡᠷ᠎ᠡ ᠲᠡᠯ᠎ᠠ ᠲᠠᠯ᠎ᠠ ᠠᠴᠠ ᠨᠢ ᠬᠢᠭᠰᠡᠨ ᠰᠤᠳᠤᠯᠭ᠎ᠠ ᠨᠤᠭᠤᠳ ᠢᠶᠠᠷ ᠢᠯᠡᠳᠬᠡᠯ ᠲᠠᠯᠪᠢᠭᠰᠠᠨ ᠨᠢ ᠨᠠᠳᠠ ᠳᠤ ᠶᠡᠭᠡ ᠰᠣᠨᠢᠷᠬᠠᠯᠲᠠᠢ᠂ ᠦᠨᠡᠬᠡᠷ ᠯᠡ ᠮᠡᠳᠡᠯᠭᠡ ᠲᠠᠢ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠠᠷ ᠬᠠᠨᠳᠤᠭᠰᠠᠨ ᠪᠦᠲᠦᠭᠡᠯᠴᠢ ᠠᠵᠢᠯ ᠤᠳ ᠰᠠᠨᠠᠭᠳᠠᠭᠰᠠᠨ ᠡ᠃  

ᠪᠢ︽ᠮᠣᠩᠭᠤᠯ ᠦᠨᠳᠦᠰᠦᠨ ᠤ ᠬᠡᠪ ᠰᠢᠨᠵᠢ ᠺᠢᠨᠣ᠋ ᠤᠷᠠᠯᠢᠭ ᠲᠤ ᠪᠦᠷᠢᠯᠳᠦᠨ ᠲᠣᠭᠲᠠᠭᠰᠠᠨ ᠨᠢ︾ᠭᠡᠳᠡᠭ ᠢᠯᠡᠳᠬᠡᠯ ᠲᠠᠯᠪᠢᠵᠤ᠂︽ᠠᠷᠪᠠᠲᠤ︾ᠺᠢᠨᠣ᠋ ᠪᠠᠨ ᠬᠢᠲᠠᠳ ᠬᠠᠳᠠᠮᠠᠯ ᠣᠷᠴᠢᠭᠤᠯᠭ᠎ᠠ ᠲᠠᠢ ᠪᠠᠷ ᠬᠤᠷᠠᠯ ᠳᠤ ᠤᠷᠤᠯᠴᠠᠭᠰᠠᠳ ᠲᠤ ᠭᠠᠷᠭᠠᠵᠤ ᠦᠵᠡᠭᠦᠯᠵᠦ ᠪᠢᠯᠡ᠃ ᠬᠤᠷᠠᠯ ᠠᠮᠵᠢᠯᠲᠠ ᠲᠠᠶ ᠪᠣᠯᠵᠤ᠂ ᠢᠯᠡᠳᠭᠡᠯ ᠤᠳ ᠢ ᠬᠢᠲᠠᠳ᠂ ᠠᠩᠭ᠍ᠯᠢ ᠬᠡᠯᠡ ᠪᠠᠷ᠂ ᠪᠣᠯᠪᠠᠯ ᠳᠠᠪᠬᠤᠷ ᠮᠣᠩᠭᠤᠯ ᠬᠡᠯᠡ ᠪᠠᠷ ᠲᠣᠪᠬᠢᠮᠠᠯ ᠪᠣᠯᠭᠠᠵᠤ ᠬᠡᠪᠯᠡᠭᠦᠯᠦᠭᠡᠳ ᠨᠢᠵᠡᠭᠡᠳ ᠢ  ᠰᠤᠶᠦᠯ ᠤᠷᠠᠯᠢᠭ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠦ ᠥᠭᠭᠦᠨ᠎ᠡ ᠭᠡᠵᠦ ᠵᠠᠬᠢᠷᠤᠯ ᠨᠢ ᠠᠮᠠᠯᠠᠭᠰᠠᠨ᠃  ᠰᠡᠭᠦᠯ ᠳᠤ ᠲᠣᠪᠬᠢᠮᠠᠯ ᠶᠠᠪᠤᠭᠤᠯᠤᠭᠰᠠᠨ ᠯᠡ ᠭᠡᠰᠡᠨ᠂ ᠨᠠᠳᠠ ᠳᠤ ᠬᠦᠷᠲᠡᠭᠡ ᠦᠭᠡᠢ ᠡ᠃ ᠪᠠᠷᠠᠭ᠎ᠠ ᠶᠢ ᠨᠢ ᠴᠤ ᠬᠠᠷᠠᠭ᠎ᠠ ᠦᠭᠡᠶ᠃  

ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠦ ᠬᠤᠷᠠᠯ ᠳᠤ ᠣᠷᠣᠯᠴᠠᠭᠰᠠᠨ ᠵᠣᠴᠢᠳ ᠪᠢᠳᠡᠨ ᠢ ᠱᠠᠩᠬᠠᠢ ᠬᠤᠲᠠ ᠲᠠᠢ ᠲᠠᠨᠢᠯᠴᠠᠭᠤᠯᠵᠤ᠂  ᠱᠠᠩᠬᠠᠢ ᠠᠴᠠ ᠤᠷᠤᠭᠰᠢ ᠠᠦ᠋ᠲ᠋ᠣ᠋ ᠮᠠᠰᠢᠨ ᠢᠶᠠᠷ ᠳᠥᠷᠪᠡᠨ ᠴᠠᠬ ᠶᠠᠪᠤᠬᠤ ᠭᠠᠵᠠᠷ ᠲᠤ ᠪᠠᠶᠢᠳᠠᠭ ᠾᠧᠩ ᠳ᠋ᠢᠶᠠᠨ ᠭᠡᠳᠡᠭ ᠺᠢᠨᠣ᠋ ᠬᠤᠲᠠ ᠶᠢ ᠦᠵᠡᠭᠦᠯᠦᠭᠰᠡᠨ ᠪᠢᠯᠡ᠃ ᠡᠨᠡ ᠬᠤᠳᠠ ᠳᠡᠭᠡᠷ᠎ᠡ ᠵᠠᠭᠤᠨ ᠤ 90 ᠬᠡᠳᠦᠨ ᠣᠨ ᠠᠴᠠ ᠡᠬᠢᠯᠡᠨ ᠺᠢᠨᠣ᠋ ᠶᠢᠨ ᠵᠢᠷᠤᠭ ᠠᠪᠬᠤ ᠴᠣᠭᠴᠠᠯᠠᠪᠤᠷᠢ ᠨᠤᠭᠤᠳ ᠢ ᠪᠠᠶᠢᠭᠤᠯᠵᠤ ᠺᠢᠨᠣ᠋ ᠬᠢᠵᠦ ᠪᠠᠶᠢᠭ᠎ᠠ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠠᠴᠠ ᠮᠦᠡᠭᠬᠦ ᠠᠪᠳᠠᠭ ᠦᠭᠡᠢ ᠪᠥᠭᠡᠳ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠢᠶᠠᠷ ᠠᠰᠢᠭ ᠣᠯᠳᠠᠭ ᠭᠠᠵᠠᠷ ᠪᠠᠶᠢᠪᠠ᠃ ᠪᠡᠭᠡᠵᠢᠩ ᠬᠤᠲᠠ ᠶᠢᠨ ᠮᠠᠨᠵᠤ ᠶᠢᠨ ᠰᠡᠭᠦᠯᠴᠢ ᠶᠢᠨ ᠬᠠᠭᠠᠨ ᠫᠦ᠋ ᠢ  ᠶᠢᠨ ᠬᠤᠷᠢᠭᠠᠲᠠᠶ ᠬᠤᠲᠠ ᠶᠢ ᠶᠠᠭ ᠳᠠᠭᠤᠷᠢᠶᠠᠨ ᠪᠦᠬᠦ ᠵᠦᠢᠯ ᠢ ᠨᠢ ᠨᠢᠭᠡ ᠨᠢᠭᠡ ᠶᠢᠨ ᠬᠠᠷᠢᠴᠠᠭ᠎ᠠ ᠪᠠᠷ ᠬᠢᠵᠦ᠂ ᠨᠠᠭᠤᠷ ᠤᠰᠤ᠂ ᠲᠠᠷᠢᠭᠰᠠᠨ ᠮᠣᠳᠣ ᠶᠢ ᠨᠢ ᠬᠦᠷᠳᠡᠯ᠎ᠠ ᠶᠠᠭ ᠢᠵᠢᠯ ᠢ ᠲᠠᠷᠢᠭᠰᠠᠨ ᠨᠢ ᠺᠢᠨᠣ᠋ ᠬᠢᠬᠦ ᠲᠠᠭᠠᠲᠠᠢ ᠨᠥᠬᠦᠴᠡᠯ ᠪᠣᠯᠣᠭᠰᠠᠨ ᠪᠠᠶᠢᠪᠠ᠃ ᠡᠨᠡ ᠮᠡᠲᠦ 28 ᠴᠣᠭᠴᠠᠯᠠᠪᠤᠷᠢ ᠪᠠᠶᠢᠳᠠᠭ᠂ ᠳᠠᠬᠢᠭᠠᠳ ᠴᠤ ᠣᠯᠠᠨ ᠢ ᠪᠠᠷᠢᠵᠤ ᠪᠠᠶᠢᠭ᠎ᠠ ᠭᠡᠵᠦ ᠾᠧᠩ ᠳ᠋ᠢᠶᠠᠨ ᠬᠤᠲᠠ ᠶᠢᠨ ᠮᠦᠽᠧᠢ ᠶᠢᠨ ᠲᠠᠶᠢᠯᠪᠤᠷᠢᠯᠠᠭᠴᠢ ᠶᠠᠷᠢᠵᠤ ᠪᠠᠶᠢᠯ᠎ᠠ᠃  

ᠬᠤᠶᠠᠷ ᠬᠤᠨᠣᠬᠤ ᠳᠦ ᠪᠡᠨ ᠪᠢᠳᠡ ᠭᠤᠷᠪᠠᠨ ᠯᠡ ᠴᠣᠭᠴᠠᠯᠠᠪᠤᠷᠢ ᠶᠢ ᠨᠢ ᠦᠵᠡᠵᠦ ᠠᠮᠵᠢᠪᠠ᠃ ᠪᠠᠰᠠ ᠨᠢᠭᠡ ᠣᠷᠣᠢ 100 ᠶᠤᠸᠠᠨ ᠲᠥᠯᠥᠵᠦ ᠣᠷᠣᠭᠠᠳ ᠪᠦᠬᠦ ᠲᠣᠭᠯᠠᠭᠠᠮ ᠤᠨ ᠳᠡᠭᠡᠷ᠎ᠡ ᠨᠢ ᠲᠣᠭᠯᠠᠵᠤ ᠪᠣᠯᠳᠠᠭ ᠬᠡᠦᠬᠡᠳ ᠤᠨ ᠫᠠᠷᠺ ᠲᠤ ᠣᠷᠣᠵᠤ ᠰᠣᠨᠢᠷᠬᠠᠭᠠᠳ ᠵᠠᠳᠠᠭᠠᠢ  ᠰᠲ᠋ᠠᠳᠢᠶᠤᠨ ᠳᠤ ᠤᠰᠤᠨ ᠴᠡᠩᠭᠡᠭᠦᠨ ᠭᠡᠳᠡᠭ ᠢ ᠦᠵᠡᠵᠦ ᠭᠠᠶᠢᠬᠠᠨ ᠪᠢᠰᠢᠷᠡᠭᠰᠡᠨ ᠡ᠃ ᠾᠧᠩ ᠳ᠋ᠢᠶᠠᠨ ᠬᠤᠲᠠ ᠶᠢᠨ ᠣᠷᠣᠰᠢᠨ ᠰᠠᠭᠤᠭᠴᠢᠳ ᠨᠢ ᠦᠰᠦ ᠰᠠᠬᠠᠯ ᠢᠶᠠᠨ ᠡᠷᠲᠡᠨ ᠤ ᠬᠢᠲᠠᠳ ᠬᠥᠮᠥᠰ ᠰᠢᠭ ᠤᠷᠭᠤᠭᠤᠯᠤᠨ ᠺᠢᠨᠣ᠋ ᠵᠢᠷᠤᠭ  ᠲᠤ ᠣᠷᠣᠵᠤ ᠮᠦᠡᠭᠬᠦ ᠠᠪᠳᠠᠭ ᠭᠡᠰᠡᠨ ᠨᠢ ᠰᠣᠨᠢᠨ ᠰᠡᠶᠢᠬᠠᠠ ᠰᠠᠨᠠᠭᠳᠠᠵᠤ ᠪᠠᠶᠢᠯ᠎ᠠ᠃ ᠭᠤᠳᠤᠮᠵᠢᠨ ᠳᠤ ᠲᠠᠩ᠂ ᠮᠢᠩ᠂ ᠴᠢᠩ ᠦᠨ ᠦᠶ᠎ᠡ ᠶᠢᠨ ᠬᠤᠪᠴᠠᠰᠤ ᠲᠠᠢ᠂ ᠦᠰᠦ ᠰᠠᠬᠠᠯ ᠲᠠᠢ ᠬᠥᠮᠦᠨ ᠲᠠᠭᠠᠷᠠᠬᠤ ᠨᠢ ᠶᠡᠷᠦ ᠶᠢᠨ ᠦᠵᠡᠭᠳᠡᠯ ᠠᠵᠠᠢ᠃ 

︽ᠵᠢᠭᠠᠰᠤᠴᠢᠨ ᠤ ᠮᠣᠷᠢ ᠤᠰᠤ ᠦᠭᠡᠶ︾ᠭᠡᠵᠦ ᠪᠢᠳᠡ ᠠᠬᠠᠮᠠᠳ ᠤᠳ ᠠᠴᠠ ᠪᠠᠨ ᠶᠠᠷᠢᠶ᠎ᠠ ᠪᠢᠴᠢᠯᠭᠡ ᠠᠪᠴᠤ ᠦᠯᠡᠳᠡᠭᠡ ᠦᠭᠡᠢ ᠪᠠᠶᠢᠳᠠᠭ ᠪᠣᠯ ᠤᠯᠢᠶᠠᠰᠤ ᠮᠤᠩᠭᠤᠯ ᠳᠤ ᠬᠡᠳᠦ ᠬᠡᠳᠦ ᠢᠷᠡᠬᠦ ᠳᠤ ᠪᠠᠨ ᠮᠠᠨ ᠤ ᠠᠯᠳᠠᠷᠲᠠᠶ ᠺᠢᠨᠣ᠋ ᠨᠠᠶᠢᠷᠠᠭᠤᠯᠤᠭᠴᠢ ᠪ∙ᠪᠠᠯᠵᠢᠨᠨᠢᠮ᠎ᠠ᠂ ᠬ᠊ · ᠳᠠᠮᠳᠢᠨ ᠭᠤᠸᠠᠶ ᠨᠠᠷ ᠲᠠᠢ ᠲᠠᠨᠢᠯᠴᠠᠵᠤ ᠪᠢᠴᠢᠯᠭᠡ ᠬᠢᠵᠦ ᠠᠮᠵᠢᠭᠰᠠᠨ ᠰᠢᠦ᠃  ᠮᠦᠨ ᠬᠡᠳᠦ ᠬᠡᠳᠦᠨ ᠺᠢᠨᠣ᠋ ᠨᠠᠶᠢᠷᠠᠭᠤᠯᠤᠭᠴᠢ ᠶᠢᠨ  ᠲᠠᠯ᠎ᠠ ᠪᠠᠷ ᠨᠣᠮ ᠭᠠᠷᠭᠠᠨ᠎ᠠ ᠭᠡᠵᠦ ᠪᠠᠶᠢᠭᠰᠠᠨ ᠣᠳᠤ ᠭᠠᠷᠭᠠᠭᠰᠠᠨ ᠪᠠᠶᠢᠬᠤ  ᠡ᠃ 

ᠮᠣᠩᠭᠣᠯ ᠤᠨ ᠺᠢᠨᠣ᠋ ᠤᠷᠠᠯᠢᠭ ᠢ ᠰᠤᠳᠤᠯᠵᠤ᠂ ᠳ᠋ᠣᠺᠲ᠋ᠣᠷ ᠬᠠᠮᠠᠭᠠᠯᠠᠭᠰᠠᠨ ᠥᠪᠥᠷ ᠮᠣᠩᠭᠤᠯ ᠨᠠᠶᠢᠵᠠ ᠶᠢ ᠮᠠᠨᠢ  ᠰᠤᠶᠦᠯ ᠤᠷᠠᠯᠢᠭ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠭᠤᠮᠣᠳᠠᠭᠠᠭᠠᠳ ᠪᠤᠴᠠᠭᠠᠭᠰᠠᠨ ᠳ᠋ᠠ᠃ ᠭᠡᠬᠦ ᠳᠤ ᠪᠠᠨ ᠲᠡᠭᠦᠨ ᠤ ᠬᠤᠯᠪᠣᠵᠤ ᠥᠭᠭᠦᠭᠰᠡᠨ ᠱᠠᠩᠬᠠᠢ ᠶᠢᠨ ᠲᠢᠶᠠᠲᠷ ᠠᠺᠠᠳ᠋ᠸᠮᠢ ᠲᠠᠢ ᠬᠠᠷᠢᠯᠴᠠᠭ᠎ᠠ ᠨᠢ ᠬᠡᠪ ᠢᠶᠠᠷ ᠢᠶᠠᠨ ᠪᠠᠶᠢᠭ᠎ᠠ ᠭᠡᠵᠦ ᠨᠠᠶᠢᠳᠠᠵᠤ ᠪᠠᠶᠢᠭ᠎ᠠ ᠰᠢᠦ᠃