ᠮᠣᠩᠭᠣᠯ ᠤᠯᠤᠰ ᠳᠠᠯᠠᠢ ᠳᠤ ᠭᠠᠷᠴᠠ ᠦᠭᠡᠢ᠂ ᠵᠥᠪᠬᠡᠨ ᠬᠣᠶᠠᠷᠬᠠᠨ ᠣᠷᠣᠨ ᠲᠠᠢ ᠬᠢᠯᠢᠯᠡᠳᠡᠭ᠂ ᠦᠷᠡᠵᠢᠯ ᠰᠢᠮᠡ ᠦᠭᠡᠢ ᠨᠤᠲᠤᠭ ᠶᠡᠬᠡ ᠲᠡᠢ ᠤᠴᠢᠷ ᠠᠴᠠ ᠬᠥᠭᠵᠢᠳᠡᠭ ᠦᠭᠡᠢ᠂ ᠮᠣᠩᠭᠣᠯᠴᠤᠳ ᠶᠡᠷᠦ ᠨᠢ ᠠᠵᠠ ᠦᠭᠡᠢ ᠭᠡᠬᠦ ᠶᠠᠷᠢᠶᠠ ᠶ᠋ᠢ ᠣᠯᠠᠨᠲᠠ ᠰᠤᠨᠤᠰᠴᠤ ᠪᠠᠶᠢᠯᠠ᠃ ᠰᠠᠶ᠋ᠢᠬᠠᠨ ᠴᠤ ᠭᠡᠰᠡᠨ ᠬᠡᠰᠡᠭ ᠬᠦᠮᠦᠰ ᠡᠢᠮᠦᠷᠬᠦᠦ ᠵᠦᠢᠯ ᠶᠠᠷᠢᠵᠤ ᠪᠠᠶᠢᠬᠤ ᠶᠢ ᠰᠣᠨᠣᠰᠤᠭᠰᠠᠨ ᠤᠴᠢᠷ ᠠᠴᠠ ᠥᠪᠡᠷ ᠦᠨ ᠪᠣᠳᠣᠯ ᠢᠶᠠᠨ ᠪᠢᠴᠢᠮᠡᠷ ᠰᠠᠨᠠᠭᠳᠠᠪᠠ᠃ ᠶᠠᠭᠠᠬᠢᠬᠤᠪ᠂ ᠰᠠᠨᠠᠯ ᠨᠡᠶᠢᠯᠡᠬᠦ ᠦᠭᠡᠢ ᠪᠠᠶᠢᠵᠤ ᠪᠣᠯᠤᠨᠠ ᠯᠠ ᠳ᠋ᠠ᠃
ᠪᠠᠶᠢᠭᠠᠯᠢ ᠴᠠᠭ ᠠᠭᠤᠷ ᠤᠨ ᠬᠤᠪᠢ ᠳᠤ᠃ ᠮᠠᠨ ᠤ ᠤᠯᠤᠰ ᠥᠨᠳᠥᠷ ᠠᠭᠤᠯᠠ᠂ ᠣᠢ ᠮᠣᠳᠣ᠂ ᠥᠷᠭᠡᠨ ᠲᠠᠯᠠ ᠬᠡᠭᠡᠷᠡ᠂ ᠰᠢᠷᠭᠠᠯ ᠭᠣᠪᠢ ᠬᠣᠣᠰᠯᠠᠭᠰᠠᠨ ᠠᠭᠤᠳᠠᠮ ᠨᠤᠲᠤᠭ ᠲᠠᠢ᠃ ᠡᠨᠡ ᠠᠭᠤᠳᠠᠮ ᠨᠤᠲᠤᠭ ᠲᠤ ᠪᠠᠨ ᠣᠯᠠᠨ ᠰᠠᠶᠠ ᠮᠠᠯ ᠪᠡᠯᠴᠢᠭᠡᠬᠦ ᠪᠣᠯᠤᠮᠵᠢ ᠲᠠᠢ ᠤᠴᠢᠷ ᠠᠴᠠ ᠪᠢᠳᠡ ᠡᠺᠤᠯᠤᠭᠢ ᠶ᠋ᠢᠨ ᠴᠡᠪᠡᠷ ᠮᠢᠬᠠ᠂ ᠰᠦ ᠬᠡᠷᠡᠭᠯᠡᠵᠦ ᠪᠠᠶᠢᠨᠠ᠃ ᠭᠠᠵᠠᠷ ᠲᠠᠷᠢᠶᠠᠯᠠᠩ ᠳᠤ ᠪᠠᠨ ᠴᠤ ᠭᠡᠰᠡᠨ ᠬᠢᠮᠢ ᠶᠢᠨ ᠪᠣᠷᠳᠣᠭᠠ ᠪᠠᠷᠤᠭ ᠬᠡᠷᠡᠭᠯᠡᠳᠡᠭ ᠦᠭᠡᠢ᠃ ᠮᠣᠩᠭᠣᠯ ᠨᠢ ᠲᠥᠪ ᠠᠽᠢᠶᠠ ᠶᠢᠨ ᠥᠨᠳᠥᠷᠯᠢᠭ ᠳᠡᠭᠡᠷᠡ ᠪᠠᠶᠢᠳᠠᠭ ᠤᠴᠢᠷ ᠠᠴᠠ ᠭᠣᠣᠯ ᠮᠥᠷᠡᠨ ᠨᠦᠭᠦᠳ ᠡᠨᠳᠡ ᠡᠴᠡ ᠡᠬᠢ ᠠᠪᠴᠤ ᠭᠠᠳᠠᠭᠰᠢ ᠪᠠᠨ ᠤᠷᠤᠰᠳᠠᠭ ᠲᠤᠯᠠ ᠪᠢᠳᠡ ᠪᠠᠢᠭᠠᠯᠢ ᠶ᠋ᠢᠨ ᠴᠡᠪᠡᠷ ᠴᠡᠩᠭᠡᠭ ᠤᠰᠤ ︵ᠨᠡᠶᠢᠰᠯᠡᠯ ᠦᠨ ᠬᠢᠨ ᠦ ᠪᠤᠬᠢᠷᠳᠤᠭᠤᠯᠳᠠᠭ ᠲᠤᠤᠯᠠ ᠭᠣᠣᠯ᠂ ᠠᠯᠲᠠᠨ ᠤ ᠬᠢᠨ ᠤ ᠪᠤᠬᠢᠷᠳᠤᠭᠤᠯᠳᠠᠭ ᠵᠠᠷᠢᠮ ᠭᠣᠣᠯ ᠤᠨ ᠬᠦᠪᠡᠭᠡᠨ ᠤ ᠠᠶᠢᠯ ᠤᠳ᠂ ᠮᠠᠯ ᠠᠮᠢᠲᠠᠨ ᠢ ᠡᠰᠡ ᠲᠣᠭᠠᠴᠠᠪᠠᠯ ︶ ᠬᠡᠷᠡᠭᠯᠡᠳᠡᠭ᠃ ᠥᠨᠥᠳᠥᠷ ᠤᠰᠤᠨ ᠤ᠂ ᠢᠯᠠᠩᠭᠤᠶᠠ ᠤᠮᠳᠠᠨ ᠤ ᠤᠰᠤᠨ ᠤ ᠠᠰᠠᠭᠤᠳᠠᠯ ᠬᠦᠮᠦᠨ ᠲᠥᠷᠥᠯᠬᠢᠲᠡᠨ ᠦ ᠬᠠᠮᠤᠭ ᠤᠨ ᠲᠤᠯᠭᠠᠮᠳᠠᠭᠰᠠᠨ ᠠᠰᠠᠭᠤᠳᠠᠯ ᠤᠨ ᠨᠢᠭᠡ ᠪᠣᠯᠤᠭᠠᠳ ᠪᠠᠶᠢᠭᠠ ᠶᠢ ᠡᠨᠳᠡ ᠪᠠᠰᠠ ᠳᠤᠷᠠᠳᠬᠤᠨᠢ ᠵᠦᠢᠲᠡᠢ ᠪᠠᠶᠢᠬᠤ᠃
ᠭᠠᠳᠠᠭᠠᠳᠤ ᠳᠠᠯᠠᠢ ᠠᠴᠠ ᠠᠯᠤᠰᠯᠠᠭᠳᠠᠭᠰᠠᠨ ᠤᠴᠢᠷ ᠳᠠᠯᠠᠢ ᠶᠢᠨ ᠬᠦᠴᠦᠲᠡᠢ ᠬᠠᠷᠠ ᠰᠠᠯᠬᠢ᠂ ᠰᠢᠭᠤᠷᠭᠠ ᠭᠡᠳᠡᠭ ᠢ ᠮᠣᠩᠭᠣᠯᠴᠤᠳ ᠮᠡᠳᠡᠬᠦ ᠦᠭᠡᠢ᠃ ᠰᠡᠭᠦᠯ ᠦᠨ ᠦᠶᠡ ᠳᠦ ᠳᠡᠯᠡᠬᠡᠢ ᠶᠢᠨ ᠳᠤᠯᠠᠭᠠᠷᠠᠯ ᠪᠣᠯᠤᠭᠠᠳ ᠳᠠᠯᠠᠢ ᠶᠢᠨ ᠡᠷᠭᠢ ᠶᠢᠨ ᠬᠣᠲᠠ ᠰᠠᠭᠤᠷᠢᠨ ᠨᠤᠭᠤᠳ ᠤᠰᠤᠨ ᠳᠤ ᠠᠪᠲᠠᠬᠤ ᠠᠶᠤᠯ ᠨᠢᠭᠤᠷᠯᠠᠬᠤ ᠪᠣᠯᠤᠯᠠ ᠭᠡᠵᠦ ᠪᠢᠴᠢᠵᠦ ᠪᠠᠶᠢᠨᠠ᠃ ᠪᠢᠳᠡ ᠡᠶᠢᠮᠦ ᠠᠶᠤᠯ ᠳᠤ ᠬᠡᠵᠢᠶᠡ ᠴᠤ ᠥᠷᠲᠥᠬᠦ ᠦᠭᠡᠢ᠃ ᠰᠣᠨᠢᠷᠬᠠᠭᠤᠯᠬᠤ ᠳᠤ 1970 ᠊ᠭᠠᠳ ᠣᠨ ᠳᠤ ᠶᠡᠬᠡᠬᠡᠨ ᠱᠤᠤᠭᠢᠶᠠᠨ ᠲᠠᠷᠢᠭᠰᠠᠨ ︽ᠯᠤᠤ ᠶᠢᠨ ᠮᠥᠬᠥᠯ︾ᠭᠡᠳᠡᠭ ᠷᠣᠮᠠᠨ ︵ ︽ᠶᠠᠫᠣᠨ ᠵᠢᠪᠦᠭᠰᠡᠨ ᠨᠢ︾ ᠭᠡᠰᠡᠨ ᠨᠡᠷᠡ ᠲᠡᠢ ᠺᠢᠨᠣ᠋ ᠴᠤ ᠪᠤᠢ ︶ ᠳ᠋ᠤ ᠭᠠᠵᠠᠷ ᠬᠥᠳᠡᠯᠦᠯᠲᠡ ᠶᠢᠨ ᠤᠯᠠᠮ ᠠᠴᠠ ᠶᠠᠫᠣᠨ ᠤ ᠠᠷᠠᠯ ᠤᠳ ᠳᠠᠯᠠᠢ ᠳᠤ ᠵᠢᠪᠴᠦ᠂ ᠬᠦᠮᠦᠨ ᠠᠮᠠ ᠶᠢ ᠨᠢ ᠨᠢᠭᠡᠳᠦᠭᠰᠡᠨ ᠦᠨᠳᠦᠰᠦᠨ ᠦ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠰᠢᠢᠳᠪᠦᠷᠢ ᠪᠡᠷ ᠭᠠᠵᠠᠷ ᠨᠤᠲᠤᠭ ᠶᠡᠬᠡ ᠲᠡᠢ ᠤᠯᠤᠰ ᠤᠳ ᠲᠤ ᠨᠡᠭᠦᠯᠭᠡᠨ ᠰᠢᠯᠵᠢᠭᠦᠯᠬᠦ ᠪᠡᠷ ᠪᠣᠯᠬᠤ ᠳᠤ ᠮᠣᠩᠭᠣᠯ ᠤᠯᠤᠰ ᠴᠤ ᠪᠠᠰᠠ ᠶᠠᠫᠣᠨᠴᠤᠳ ᠢ ᠬᠦᠯᠢᠶᠡᠨ ᠠᠪᠴᠤ ᠪᠠᠶᠢᠭᠠ ᠲᠤᠬᠠᠢ ᠪᠢᠴᠢᠭᠰᠡᠨ ᠪᠠᠶᠢᠳᠠᠭ᠃ ᠳᠥᠷᠪᠡᠨ ᠤᠯᠠᠷᠢᠯ ᠲᠠᠢ᠂ ᠡᠷᠡᠰ ᠲᠡᠰ ᠠᠭᠤᠷ ᠠᠮᠢᠰᠬᠤᠯ ᠲᠠᠢ ᠤᠴᠢᠷ ᠠᠴᠠ ᠮᠣᠩᠭᠣᠯᠴᠤᠳ ᠢ ᠥᠯᠴᠢᠷ᠂ ᠡᠷᠡᠭᠦᠯ ᠴᠢᠭᠢᠷᠠᠭ ᠬᠦᠮᠦᠰ ᠭᠡᠵᠦ ᠪᠣᠯᠤᠨᠠ᠃ ᠬᠦᠮᠦᠨ ᠠᠮᠠ ᠳᠤ ᠨᠤᠭᠳᠠᠳᠠᠭ ᠤᠯᠢᠮᠫᠢᠺ ᠤᠨ ᠮᠧᠳᠠᠯ ᠤᠨ ᠲᠤᠭᠠ ᠪᠠᠷ ᠢᠶᠠᠨ ᠪᠢᠳᠡ ᠳᠡᠭᠡᠭᠦᠷ ᠣᠷᠣᠳᠠᠭ ᠨᠢ ᠡᠭᠦᠨ ᠦ ᠨᠢᠭᠡ ᠨᠣᠲᠠᠯᠠᠭᠠ ᠪᠣᠯᠪᠠ ᠤᠤ᠃
ᠭᠠᠳᠠᠭᠠᠳᠤ ᠠᠶᠦᠯᠭᠦᠢ ᠪᠠᠶᠢᠳᠠᠯ ᠤᠨ ᠬᠤᠪᠢ ᠳᠤ᠃ ᠮᠠᠨ ᠤ ᠬᠢ ᠤᠯᠤᠰ ᠲᠥᠷᠥ ᠶᠢᠨ ᠬᠤᠪᠢ ᠳᠤ ᠪᠣᠯᠤᠭᠠᠳ ᠬᠢᠯᠢ ᠶᠢᠨ ᠶᠠᠮᠠᠷ ᠴᠤ ᠮᠠᠷᠭᠤᠭᠠᠨ ᠦᠭᠡᠢ᠂ ᠨᠠᠶᠢᠷᠰᠠᠭ ᠬᠠᠷᠢᠯᠴᠠᠭᠠ ᠲᠠᠢ᠂ ᠴᠡᠷᠢᠭ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠬᠤ ᠶᠢᠨ ᠰᠠᠯᠪᠤᠷᠢ ᠳᠤ ᠳᠡᠯᠡᠬᠡᠢ ᠳᠦ ᠬᠠᠮᠤᠭ ᠤᠨ ᠬᠦᠴᠦᠲᠡᠢ ᠳᠦ ᠲᠣᠭᠠᠴᠠᠭᠳᠠᠬᠤ ᠬᠣᠶᠠᠷ ᠶᠡᠬᠡ ᠭᠦᠷᠦᠨ ᠲᠡᠢ ᠬᠢᠯᠢᠯᠡᠵᠦ ᠪᠠᠶᠢᠨᠠ᠃ ᠡᠶᠢᠮᠦ ᠬᠣᠶᠠᠷ ᠬᠥᠷᠰᠢ ᠲᠡᠢ ᠪᠠᠶᠢᠬᠤ ᠳᠤ ᠪᠤᠰᠤᠳ ᠶᠠᠮᠠᠷ ᠴᠤ ᠣᠷᠣᠨ ᠤ ᠠᠶᠤᠯ ᠵᠠᠨᠤᠯᠬᠢᠯᠡᠯ᠂ ᠲᠦᠷᠢᠮᠡᠭᠡᠶᠢᠯᠡᠯ ᠡᠴᠡ ᠠᠶᠤᠬᠤ ᠬᠡᠷᠡᠭ ᠦᠭᠡᠢ ᠶᠤᠮ᠃ ᠵᠢᠱᠢᠶᠡᠯᠡᠬᠦ ᠳᠦ ᠬᠣᠶᠠᠷ ᠬᠥᠷᠰᠢ ᠶᠢ ᠳᠠᠪᠠᠭᠠᠳ ᠮᠠᠨ ᠤ ᠳᠤ ᠭᠠᠳᠠᠨᠠ ᠶ᠋ᠢᠨ ᠶᠠᠮᠠᠷ ᠴᠤ ᠫᠤᠤᠵᠢᠩ᠂ ᠣᠩᠭᠣᠴᠠ ᠨᠢᠰᠴᠦ ᠢᠷᠡᠨᠡ ᠭᠡᠵᠦ ᠪᠠᠶᠢᠬᠤ ᠦᠭᠡᠢ᠃ ᠨᠥᠭᠥᠭᠡ ᠲᠠᠯᠠ ᠪᠠᠷ᠂ ᠵᠢᠱᠢᠶᠡ ᠨᠢ᠂ ᠮᠠᠨ ᠤ ᠬᠢ ᠠᠴᠠ ᠣᠩᠭᠣᠴᠠ ᠬᠤᠯᠠᠭᠠᠶᠢᠯᠠᠨ ᠪᠠᠷᠢᠴᠠᠭᠠᠯᠠᠭᠠᠳ ᠡᠨᠡ ᠬᠣᠶᠠᠷ ᠣᠷᠣᠨ ᠤ ᠳᠡᠭᠡᠭᠦᠷ ᠨᠢᠰᠦᠭᠡᠳ ᠦᠩᠭᠡᠷᠡᠵᠤ ᠴᠢᠳᠠᠬᠤ ᠦᠭᠡᠢ ᠭᠡᠳᠡᠭ ᠨᠢ ᠬᠡᠨᠪᠤᠭᠠᠢ ᠳᠤ ᠴᠤ ᠣᠶᠢᠯᠠᠭᠠᠮᠵᠢᠲᠠᠢ᠃
ᠡᠳ᠋ ᠤᠨ ᠵᠠᠰᠠᠭ ᠤᠨ ᠬᠤᠪᠢ ᠳᠤ᠃ ᠳᠠᠯᠠᠢ ᠳᠤ ᠭᠠᠷᠴᠠ ᠦᠭᠡᠢ ᠤᠴᠢᠷ ᠠᠴᠠ ᠬᠥᠭᠵᠢᠬᠦ ᠦᠭᠡᠢ ᠪᠠᠶᠢᠨᠠ ᠭᠡᠳᠡᠭ ᠲᠡᠢ ᠰᠠᠨᠠᠯ ᠨᠡᠶᠢᠯᠡᠬᠦ ᠦᠭᠡᠢ᠃ ᠥᠨᠥᠳᠥᠷ ᠳᠡᠯᠡᠬᠡᠢ ᠶᠢᠨ ᠪᠦᠬᠦ ᠣᠷᠣᠨ ᠬᠢᠲᠠᠳ ᠲᠠᠢ ᠬᠤᠳᠠᠯᠳᠤᠭᠠ ᠬᠢᠬᠦ ᠶᠢ ᠬᠦᠰᠡᠳᠡᠭ᠃ ᠭᠡᠲᠡᠯᠡ ᠪᠢᠳᠡ ᠳᠡᠷᠭᠡᠳᠡ ᠨᠢ ᠪᠠᠶᠢᠨᠠ᠃ ᠦᠷᠡᠵᠢᠯ ᠰᠢᠮᠡ ᠮᠠᠭᠤ᠂ ᠪᠠᠷᠤᠭ ᠡᠵᠡᠨ ᠦᠭᠡᠢ ᠭᠡᠳ ᠪᠠᠶᠢᠳᠠᠭ ᠭᠣᠪᠢ ᠨᠤᠲᠤᠭ ᠮᠠᠨᠢ ᠬᠡᠪᠡᠯᠢ ᠳᠦ ᠪᠡᠨ ᠠᠰᠤᠷᠤ ᠶᠡᠬᠡ ᠪᠠᠶᠠᠯᠢᠭ ᠲᠠᠢ ᠤᠴᠢᠷ ᠥᠨᠥᠳᠥᠷ ᠲᠡᠨᠳᠡ ᠠᠭᠤᠯᠠ ᠠᠭᠤᠷᠬᠠᠢ ᠬᠥᠭᠵᠢᠵᠦ ᠡᠬᠢᠯᠡᠯᠡ᠃ ᠮᠣᠩᠭᠣᠯ ᠤᠨ ᠠᠭᠤᠯᠠ ᠠᠭᠤᠷᠬᠠᠢ ᠶᠢᠨ ᠪᠦᠲᠦᠭᠡᠭᠳᠡᠬᠦᠨ ︵ᠵᠢᠱᠢᠶᠡ ᠨᠢ ᠨᠡᠭᠦᠷᠡᠰᠦ᠂ ᠵᠡᠰ᠂ ᠲᠡᠮᠦᠷ ᠦᠨ ᠬᠥᠳᠡᠷ ︶ ᠤ ᠭᠣᠣᠯ ᠬᠡᠷᠡᠭᠯᠡᠭᠴᠢ ᠨᠢ ᠶᠠᠭᠠᠬᠢᠬᠤ ᠠᠷᠭᠠ ᠦᠭᠡᠢ ᠬᠢᠲᠠᠳ ᠤᠯᠤᠰ᠃ ᠭᠤᠷᠪᠠᠳᠠᠭᠴᠢ ᠣᠷᠣᠨ ᠤ ᠬᠥᠷᠦᠩᠭᠡ ᠣᠷᠣᠭᠤᠯᠤᠭᠴᠢᠳ᠂ ᠲᠤᠬᠠᠶᠢᠯᠠᠪᠠᠯ Rio Tinto ᠺᠤᠮᠫᠠᠨᠢ ︵ ᠳᠡᠯᠡᠬᠡᠢ ᠶ᠋ᠢᠨ ᠡᠮᠦᠨᠡ ᠠᠷᠪᠠ ᠳ᠋ᠤ ᠤᠷᠤᠬᠤ ᠵᠡᠰ ᠠᠯᠲᠠᠨ ᠤ ᠤᠭᠶᠤᠲᠤᠯᠤᠭᠠᠢ ᠬᠡᠮᠡᠬᠦ ᠤᠷᠳᠤ ᠳ᠋ᠦ ᠬᠦᠷᠦᠩᠭᠡ ᠤᠷᠤᠭᠤᠯᠤᠭᠰᠠᠨ ︶᠂ ᠮᠠᠨ ᠤ ᠬᠢ ᠠᠴᠠ ᠣᠯᠪᠤᠷᠢᠯᠠᠭᠰᠠᠨ ᠪᠠᠢᠭᠠᠯᠢ ᠶᠢᠨ ᠪᠠᠶᠠᠯᠢᠭ ᠢ ᠬᠢᠲᠠᠳ ᠲᠤ ᠭᠠᠷᠭᠠᠬᠤ ᠭᠡᠵᠦ ᠯᠠ ᠮᠣᠩᠭᠣᠯ ᠳᠤ ᠬᠥᠷᠦᠩᠭᠡ ᠣᠷᠣᠭᠤᠯᠳᠠᠭ᠃ ᠮᠠᠨ ᠤ ᠬᠢ ᠨᠡᠭᠦᠷᠡᠰᠦ ᠪᠡᠨ ᠠᠭᠤᠷᠬᠠᠢ ᠠᠴᠠ ᠪᠠᠨ ᠬᠢᠲᠠᠳ ᠤᠨ ᠨᠤᠲᠤᠭ ᠲᠤ ᠪᠠᠶᠢᠳᠠᠭ ᠦᠢᠯᠡᠳᠪᠦᠷᠢ ᠶᠢᠨ ᠬᠠᠰᠢᠶᠠᠨ ᠳᠤ ᠰᠢᠭᠤᠳ ᠪᠠᠭᠤᠯᠭᠠᠬᠤ ᠪᠣᠯᠤᠯᠴᠠᠭᠠ ᠲᠠᠢ᠃ ᠬᠠᠷᠠᠮᠰᠠᠯᠲᠠᠢ ᠨᠢ ᠥᠨᠥᠬᠡᠨ ᠳᠦ ᠪᠡᠨ ᠲᠡᠭᠡᠭᠡᠪᠦᠷᠢᠯᠡᠯᠲᠡ ᠪᠡᠨ ᠵᠥᠪ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠨᠠ᠃ ᠭᠡᠲᠡᠯᠡ ᠠᠦᠢᠰᠲᠷᠠᠯᠢᠶᠠ ᠠᠴᠠ ᠬᠢᠲᠠᠳ ᠤᠨ ᠭᠠᠩ ᠤᠨ ᠦᠢᠯᠡᠳᠪᠦᠷᠢ ᠳᠦ ᠨᠡᠭᠦᠷᠡᠰᠦ ᠨᠡᠶᠢᠯᠡᠭᠦᠯᠬᠦ ᠳᠦ ᠡᠬᠢᠯᠡᠭᠡᠳ ᠠᠭᠤᠷᠬᠠᠢ ᠠᠴᠠ ᠳᠠᠯᠠᠢ ᠶᠢᠨ ᠡᠷᠭᠢ ᠶᠢᠨ ᠪᠣᠭᠣᠮᠲᠠ ᠬᠦᠷᠲᠡᠯᠡ ᠲᠡᠭᠡᠭᠡᠪᠦᠷᠢᠯᠡᠨᠡ᠂ ᠳᠠᠷᠠᠭᠠ ᠨᠢ ᠳᠠᠯᠠᠢ ᠶᠢᠨ ᠪᠣᠭᠣᠮᠲᠠ ᠠᠴᠠ ᠤᠰᠤᠨ ᠣᠩᠭᠣᠴᠠᠨ ᠳᠤ ᠠᠴᠢᠭᠠᠳ ᠬᠢᠲᠠᠳ ᠤᠨ ᠡᠷᠭᠢ ᠳᠦ ᠬᠦᠷᠭᠡᠭᠡᠳ ᠪᠠᠭᠤᠯᠭᠠᠨᠠ᠂ ᠲᠡᠨᠳᠡ ᠡᠴᠡ ᠪᠡᠨ ᠭᠠᠯᠲᠤ ᠲᠡᠷᠭᠡᠨ ᠳᠦ ᠠᠴᠢᠭᠠᠳ ᠰᠠᠶ᠋ᠢ ᠯᠠ ᠨᠢᠭᠡ ᠦᠢᠯᠡᠳᠪᠦᠷᠢ ᠶᠢᠨ ᠬᠠᠰᠢᠶᠠᠨ ᠳᠤ ᠪᠠᠭᠤᠯᠭᠠᠬᠤ ᠵᠢᠱᠢᠶᠡ ᠲᠡᠢ᠃ ᠡᠶᠢᠮᠦ ᠡᠴᠡ ᠲᠡᠳᠡᠨ ᠦ ᠨᠡᠭᠦᠷᠡᠰᠦᠨ ᠦ ᠦᠨᠡ ᠮᠠᠨ ᠤ ᠬᠢ ᠠᠴᠠ ᠥᠨᠳᠥᠷ ᠪᠠᠶᠢᠬᠤ ᠠᠴᠠ ᠥᠭᠡᠷᠡ ᠠᠷᠭᠠ ᠦᠭᠡᠢ᠃
ᠨᠥᠭᠥᠭᠡ ᠲᠠᠯᠠ ᠪᠠᠷ ᠥᠪᠡᠷ ᠦᠨ ᠨᠤᠲᠤᠭ ᠳᠡᠭᠡᠭᠦᠷ ᠣᠷᠣᠰ ᠬᠢᠲᠠᠳ ᠢ ᠬᠣᠯᠪᠣᠭᠰᠠᠨ ᠳᠡᠳ᠋ ᠪᠦᠲᠦᠴᠡ ︵ᠠᠦ᠋ᠲ᠋ᠣ᠋ ᠪᠣᠯᠤᠨ ᠲᠡᠮᠦᠷ ᠵᠠᠮ᠂ ᠬᠣᠭᠣᠯᠠᠢ ᠶᠢᠨ ᠲᠡᠭᠡᠭᠡᠪᠦᠷᠢ᠂ ᠬᠣᠯᠪᠣᠭᠠᠨ ᠤ ᠪᠣᠯᠤᠨ ᠴᠠᠬᠢᠯᠭᠠᠨ ᠳᠠᠮᠵᠢᠭᠤᠯᠬᠤ ᠱᠤᠭᠤᠮ ᠭᠡᠬᠦ ᠮᠡᠲᠦ ︶ ᠶᠢ ᠬᠥᠭᠵᠢᠭᠦᠯᠵᠦ ᠶᠡᠬᠡᠬᠡᠨ ᠠᠰᠢᠭ ᠲᠣᠭᠲᠠᠮᠠᠯ ᠣᠯᠬᠤ ᠪᠣᠯᠤᠮᠵᠢ ᠪᠤᠢ᠃ 2016 ᠣᠨ ᠳᠤ ᠮᠣᠩᠭᠣᠯ – ᠣᠷᠣᠰ – ᠬᠢᠲᠠᠳ ᠤᠨ ᠡᠳ᠋ ᠦᠨ ᠵᠠᠰᠠᠭ ᠤᠨ ᠺᠣᠷᠢᠳᠣᠷ ᠪᠠᠶᠢᠭᠤᠯᠬᠤ ᠬᠥᠲᠥᠯᠪᠦᠷᠢ ᠪᠠᠲᠤᠯᠠᠭᠳᠠᠭᠰᠠᠨ ᠲᠤᠯᠠ ᠡᠭᠦᠨ ᠢ ᠦᠳᠲᠡᠷ ᠲᠦᠷᠭᠡᠨ ᠠᠵᠢᠯ ᠪᠣᠯᠭᠠᠵᠤ ᠡᠬᠢᠯᠡᠬᠦ ᠬᠡᠷᠡᠭᠲᠡᠢ ᠪᠠᠶᠢᠭᠠ ᠶᠤᠮ᠃
ᠡᠨᠡ ᠪᠦᠬᠦᠨ ᠡᠴᠡ ᠡᠭᠦᠳᠦᠭᠡᠳ ᠮᠠᠨ ᠤ ᠡᠪᠦᠭᠡ ᠳᠡᠭᠡᠳᠦᠰ ᠦᠳ ᠬᠠᠮᠤᠭ ᠤᠨ ᠠᠰᠢᠭ ᠲᠠᠢ ᠪᠠᠶᠢᠷᠢᠯᠠᠯ ᠲᠠᠢ ᠭᠠᠵᠠᠷ ᠨᠤᠲᠤᠭ ᠢᠶᠠᠨ ᠠᠪᠴᠤ ᠦᠯᠡᠳᠡᠵᠦ ᠳ᠋ᠸ ᠭᠡᠵᠦ ᠬᠡᠯᠡᠬᠦ ᠪᠠᠶᠢᠨᠠ᠃ ᠶᠡᠷᠦ ᠨᠢ ᠪᠢᠳᠡᠨ ᠦ ᠠᠮᠢᠳᠤᠷᠠᠳᠠᠭ ᠲᠥᠪ ᠠᠽᠢᠶᠠ ᠶᠢᠨ ᠥᠨᠳᠥᠷᠯᠢᠭ ᠢ ᠡᠨᠧᠷᠭᠢ ᠬᠤᠷᠠᠮᠲᠤᠯᠠᠭᠳᠠᠭᠰᠠᠨ ᠨᠤᠲᠤᠭ ᠭᠡᠵᠦ ᠬᠡᠯᠡᠵᠦ ᠪᠣᠯᠬᠤ᠃ ᠣᠷᠣᠰ ᠤᠨ ᠶᠡᠬᠡ ᠡᠷᠳᠡᠮᠲᠡᠨ ᠯᠸ ᠭᠤᠮᠢᠯᠸᠸ ᠭᠤᠸᠠᠢ ᠫᠠᠰᠰᠢᠣᠨᠠᠷᠢᠶᠠ᠂ ᠫᠠᠰᠰᠢᠣᠨᠠᠷᠨᠤᠰᠲ ᠭᠡᠳᠡᠭ ᠣᠶᠢᠯᠠᠭᠠᠯᠲᠠ ᠶᠢ ᠡᠨᠡ ᠨᠤᠲᠤᠭ ᠲᠠᠢ ᠯᠠ ᠬᠣᠯᠪᠣᠭᠳᠠᠭᠤᠯᠵᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠡᠷᠭᠢᠯᠲᠡ ᠳᠦ ᠣᠷᠣᠭᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ᠬᠦᠮᠦᠨ ᠲᠥᠷᠥᠯᠬᠢᠲᠡᠨ ᠦ ᠲᠡᠦᠬᠡᠨ ᠳᠦ ᠶᠡᠬᠡᠬᠡᠨ ᠨᠥᠯᠥᠭᠡ ᠦᠵᠡᠭᠦᠯᠦᠭᠰᠡᠨ ᠶᠡᠬᠡ ᠨᠡᠭᠦᠳᠡᠯ᠂ ᠶᠡᠬᠡ ᠠᠶᠠᠨ ᠳᠠᠶᠢᠨ ᠨᠤᠭᠤᠳ ᠴᠤᠬᠤᠮ ᠬᠦ ᠡᠨᠳᠡ ᠡᠴᠡ ᠯᠠ ᠡᠬᠢᠯᠡᠵᠦ ᠪᠠᠶᠢᠭᠰᠠᠨ ᠢ ᠰᠠᠨᠠᠬᠤ ᠬᠡᠷᠡᠭᠲᠡᠢ᠃
ᠰ ᠂ ᠬᠦᠷᠡᠯᠪᠠᠭᠠᠲᠤᠷ ᠄ ᠪᠢᠳᠡ ᠬᠦᠭᠵᠢᠯ ᠬᠤᠴᠤᠷᠤᠭᠳᠠᠯ ᠬᠤᠶᠠᠷ ᠤᠨ ᠶᠠᠭ ᠵᠠᠭᠠᠭ ᠳᠡᠭᠡᠷᠡ ᠪᠠᠶᠢᠨᠠ ︵ ᠬᠡᠰᠡᠭᠯᠡᠯ ︶
ᠰ ᠂ ᠬᠦᠷᠡᠯᠪᠠᠭᠠᠲᠤᠷ ᠭᠣᠸᠠᠢ ᠠᠮᠢᠳᠤᠷᠠᠯ ᠤᠨ ᠶᠢᠡᠨ 42 ᠵᠢᠯ ᠢ ᠮᠣᠩᠭᠣᠯ ᠶᠠᠫᠣᠨ ᠥ ᠬᠠᠷᠢᠯᠴᠠᠭᠠᠨ ᠳ᠋ᠦ ᠵᠤᠷᠢᠭᠤᠯᠤᠭᠰᠠᠨ ᠂ ᠲᠡᠷᠠ ᠪᠡᠷ ᠶᠠᠫᠣᠨ ᠳ᠋ᠦ ᠬᠤᠶᠠᠷ ᠣᠳᠠᠭᠠ ᠂ ᠬᠣᠶᠢᠳᠦ ᠰᠤᠯᠤᠩᠭᠤᠰ ᠲᠦ ᠨᠢᠭᠡ ᠣᠳᠠᠭᠠ ᠡᠯᠴᠢᠨ ᠰᠠᠶᠢᠳ ᠵᠢᠡᠷ ᠲᠤᠮᠢᠯᠠᠭᠳᠠᠨ ᠠᠵᠢᠯᠯᠠᠭᠰᠠᠨ ᠪᠦᠭᠡᠳ ᠡᠳᠦᠭᠡ ᠠᠯᠪᠠ ᠪᠡᠨ ᠠᠮᠵᠢᠯᠲᠠ ᠲᠠᠢ ᠳᠠᠭᠤᠰᠬᠠᠨ ᠭᠡᠷ ᠲᠤ ᠪᠠᠨ ᠬᠠᠷᠢᠵᠤ ᠢᠷᠡᠭᠡᠳ ᠪᠠᠶᠢᠬᠤ ᠳ᠋ᠤ ᠨᠢ ᠠᠭᠤᠯᠵᠠᠵᠤ ᠶᠠᠷᠢᠯᠴᠠᠯᠠ ᠃
– ᠶᠠᠫᠣᠨ ᠥ ᠡᠵᠡᠨ ᠬᠠᠭᠠᠨ ᠡᠴᠡ ᠬᠦᠷᠲᠡᠭᠡᠭᠰᠡᠨ ᠣᠳᠣᠨ ᠢ ᠪᠢ ᠬᠤᠶᠠᠷ ᠣᠯᠤᠰ ᠤᠨ ᠬᠠᠷᠢᠯᠴᠠᠭᠠᠨ ᠳ᠋ᠤ ᠠᠮᠢ ᠠᠮᠢᠳᠣᠷᠠᠯ ᠶᠢᠡᠨ ᠵᠤᠷᠢᠭᠤᠯᠤᠭᠰᠠᠨ ᠲᠠᠨ ᠥ ᠵᠢᠳᠭᠦᠯ ᠤᠨ ᠦᠨᠡᠯᠡᠮᠵᠢ ᠭᠡᠵᠦ ᠬᠠᠷᠠᠭᠰᠠᠨ ︖
-ᠮᠢᠨᠦ 42 ᠵᠢᠯ ᠤᠨ ᠬᠦᠳᠡᠯᠮᠦᠷᠢ ᠵᠢ ᠦᠨᠡᠯᠡᠵᠦ ᠂ ᠡᠵᠡᠨ ᠬᠠᠭᠠᠨ ᠥ ᠣᠳᠤᠨ ᠦᠭᠭᠦᠭᠰᠡᠨ ᠪᠣᠯᠪᠡ ᠤᠣ ᠂ ᠭᠠᠪᠢᠶᠠ ᠪᠠᠶᠢᠭᠤᠯᠤᠭᠰᠠᠨ ᠂ ᠣᠪᠣᠶᠢᠵᠤ ᠣᠴᠤᠶᠢᠭᠰᠠᠨ ᠵᠦᠢᠯ ᠬᠢᠭᠰᠡᠨ ᠭᠡᠬᠦ ᠡᠴᠠ ᠢᠯᠡᠭᠦᠦ ᠮᠣᠩᠭᠣᠯ ᠶᠠᠫᠣᠨ ᠥ ᠬᠠᠷᠢᠯᠴᠠᠭᠠ ᠪᠤᠢ ᠪᠤᠯᠤᠭᠠᠳ ᠂ ᠬᠦᠭᠵᠢᠭᠡᠳ ᠂ ᠦᠷᠭᠡᠵᠢᠭᠡᠳ ᠂ ᠭᠦᠨᠵᠡᠭᠡᠶᠢᠷᠡᠬᠦ ᠣᠶᠢᠯᠡᠰ ᠲᠦ 40 ᠭᠠᠷᠤᠢ ᠵᠢᠯ︽ᠣᠷᠣᠯᠴᠠᠭᠰᠠᠨ︾ ᠢ ᠶᠠᠫᠣᠨ ᠥ ᠲᠠᠯᠠ ᠡᠴᠡ ᠬᠦᠨᠳᠦᠳᠭᠡᠵᠦ ᠦᠵᠡᠭᠰᠡᠨ ᠥ ᠢᠯᠡᠷᠬᠡᠢᠯᠡᠯ ᠭᠡᠵᠦ ᠪᠣᠳᠣᠭᠰᠠᠨ ᠃ ᠡᠨᠡ ᠱᠠᠩᠨᠠᠯ ᠢ 1868 ᠣᠨ ᠥ ᠮᠡᠶᠢᠵᠢ ᠶᠢᠨ ᠬᠤᠪᠢᠰᠬᠠᠯ ᠤᠨ ᠦᠶᠡ ᠡᠴᠡ ᠦᠭᠴᠦ ᠡᠬᠢᠯᠡᠵᠠᠢ ᠃ 100 ᠭᠠᠷᠤᠢ ᠵᠢᠯ ᠤᠨ ᠲᠤᠳᠤᠷᠠ 14 ᠮᠢᠩᠭᠠ ᠣᠷᠴᠢᠮ ᠬᠦᠮᠦᠨ ᠠᠪᠤᠭᠰᠠᠨ ᠃
– ᠲᠠ ᠬᠣᠶᠠᠳᠣᠭᠠᠷ ᠵᠡᠷᠭᠡ ᠶᠢᠨ ᠣᠳᠣᠨ ᠢ ᠠᠪᠤᠭᠰᠠᠨ ᠪᠠᠶᠢᠬᠤ ᠡ ︖
– ᠲᠡᠶᠢᠮᠦ ᠡ ᠂ ᠲᠡᠷᠢᠭᠦᠨ ᠵᠡᠷᠭᠡ ᠶ᠋ᠢᠨ ᠤᠳᠤᠨ ᠢ ᠮᠠᠨ ᠥ ᠰᠤᠳᠨᠠᠮ ᠭᠤᠸᠠᠢ ᠠᠪᠤᠭᠰᠠᠨ ᠃ ᠡᠨᠡ ᠬᠦᠮᠦᠨ ᠮᠣᠩᠭᠣᠯ ᠶᠠᠫᠣᠨ ᠥ ᠬᠠᠷᠢᠯᠴᠠᠭᠠᠨ ᠳ᠋ᠦ ᠰᠢᠨᠡ ᠦᠶᠡ ᠶᠢᠨ ᠬᠦᠭᠵᠢᠯ ᠤᠨ ᠰᠠᠭᠣᠷᠢ ᠵᠢ ᠲᠠᠯᠪᠢᠬᠤ ᠳ᠋ᠦ ᠂ ᠦᠷᠭᠡᠵᠢᠨ ᠬᠦᠭᠵᠢᠭᠦᠯᠬᠦ ᠳ᠋ᠦ ᠶᠡᠬᠡ ᠵᠦᠢᠯ ᠢ ᠬᠢᠵᠠᠢ ᠃ ᠮᠠᠨᠠᠶᠢᠬᠢ ᠡᠴᠡ 12 ᠬᠦᠮᠦᠨ ᠡᠨᠡ ᠱᠠᠩᠨᠠᠯ ᠢ ᠬᠦᠷᠲᠡᠭᠰᠡᠨ ᠃ ᠠᠷᠪᠠᠨ ᠭᠤᠷᠪᠠᠳᠠᠬᠢ ᠨᠢ ᠪᠢ ᠃
– ᠲᠠ ᠦᠪᠡᠷ ᠤᠨ ᠠᠮᠢᠳᠤᠷᠠᠯ ᠤᠨ 42 ᠵᠢᠯ ᠶᠢᠡᠨ ᠮᠣᠩᠭᠣᠯ ᠶᠠᠫᠣᠨ ᠥ ᠬᠠᠷᠢᠯᠴᠠᠭᠠᠨ ᠳ᠋ᠦ ᠵᠤᠷᠢᠭᠤᠯᠤᠭᠰᠠᠨ ᠭᠡᠯᠡ ᠃ ᠭᠡᠳᠡᠯᠡ ᠳ᠋ᠢᠫᠯᠤᠮᠠᠲ ᠬᠠᠷᠢᠯᠴᠠᠭᠠ ᠲᠤᠭᠲᠠᠭᠠᠭᠠᠳ 45 ᠵᠢᠯ ᠯᠠ ᠪᠤᠯᠵᠤ ᠪᠠᠶᠢᠨᠠ ᠰᠢᠣ ᠳᠧ ᠃ ᠲᠡᠭᠡᠬᠦ ᠪᠡᠷ ᠶᠠᠭᠠᠬᠢᠬᠤ ᠠᠷᠭᠠ ᠦᠭᠡᠢ ᠬᠤᠶᠠᠷ ᠣᠯᠤᠰ ᠤᠨ ᠬᠠᠷᠢᠯᠴᠠᠭᠠᠨ ᠥ ᠳᠡᠪᠰᠢᠯ ᠲᠠᠨ ᠥ ᠵᠢᠳᠭᠦᠯ ᠲᠠᠢ ᠬᠣᠯᠪᠤᠭᠠ ᠲᠠᠢ ᠪᠠᠶᠢᠬᠤ ᠨᠢ ᠭᠠᠷᠴᠠᠭᠠ ᠦᠭᠡᠢ ︖
– ᠬᠤᠶᠠᠷ ᠣᠯᠤᠰ ᠳ᠋ᠢᠫᠯᠤᠮᠠᠲ ᠬᠠᠷᠢᠯᠴᠠᠭᠠ ᠲᠤᠭᠲᠠᠭᠠᠭᠰᠠᠨ ᠥ 45 ᠵᠢᠯ ᠤᠨ 42 ᠵᠢᠯ ᠳ᠋ᠦ ᠨᠢ ᠭᠠᠷ ᠪᠡᠶᠡ ᠣᠷᠣᠯᠴᠠᠭᠰᠠᠨ ᠪᠠᠶᠢᠨᠠ ᠃ ᠣᠷᠴᠢᠭᠤᠯᠤᠭᠴᠢ ᠡᠴᠡ ᠨᠢ ᠡᠬᠢᠯᠡᠭᠰᠡᠨ ᠂ ᠬᠠᠷᠢᠯᠴᠠᠭᠠᠨ ᠥ ᠡᠬᠢᠨ ᠥ ᠦᠶᠡ ᠳ᠋ᠦ ᠳᠠᠶᠢᠨ ᠥ ᠲᠦᠯᠣᠪᠦᠷᠢ ᠂ ᠡᠳ᠋ ᠤᠨ ᠵᠠᠰᠠᠭ ᠤᠨ ᠬᠠᠮᠳᠤ ᠶᠢᠨ ᠠᠵᠢᠯᠯᠠᠭᠠᠨ ᠥ ᠠᠰᠠᠭᠣᠳᠠᠯ ᠤᠤᠨ ᠢ ᠰᠢᠢᠳᠬᠦ ᠂ ᠬᠣᠳᠠᠯᠳᠣᠭᠠᠨ ᠥ ᠂ ᠰᠤᠶᠤᠯ ᠤᠨ ᠂ ᠠᠭᠠᠷ ᠤᠨ ᠬᠠᠷᠢᠯᠴᠠᠭᠠᠨ ᠥ ᠭᠡᠳ ᠲᠦᠷᠦᠯ ᠪᠦᠷᠢ ᠵᠢᠨ ᠦᠨᠳᠦᠰᠦ ᠵᠢ ᠪᠦᠷᠢᠯᠳᠦᠬᠦᠯᠦᠭᠰᠡᠨ ᠭᠡᠷᠠ ᠬᠡᠯᠡᠯᠴᠡᠭᠡᠷ ᠪᠠᠶᠢᠭᠤᠯᠬᠤ ᠂ ᠲᠡᠭᠦᠨ ᠢ ᠬᠢᠬᠦ ᠡᠴᠡ ᠡᠮᠦᠨᠡᠬᠢ ᠠᠭᠣᠯᠵᠠᠯᠲᠠ ᠬᠡᠯᠡᠯᠴᠡᠭᠡ ᠪᠦᠷᠢ ᠵᠢ ᠣᠷᠴᠢᠭᠤᠯᠵᠤ ᠶᠠᠪᠤᠯᠠ ᠃ ᠲᠠᠷᠠᠭᠠ ᠶᠢᠨ ᠱᠠᠲᠤᠨ ᠳ᠋ᠦ ᠨᠢ ᠲᠦᠷᠦ ᠵᠠᠰᠠᠭ ᠡᠴᠠ ᠶᠠᠫᠣᠨ ᠣᠯᠤᠰ ᠲᠠᠢ ᠬᠠᠷᠢᠯᠴᠠᠬᠣ ᠲᠠᠯᠠ ᠪᠡᠷ ᠪᠠᠳᠣᠯᠠᠭᠰᠠᠨ ᠪᠤᠳᠤᠯᠭᠠ ᠠᠷᠭᠠ ᠬᠡᠮᠵᠢᠶᠠ ᠨᠤᠭᠦᠳ ᠢ ᠬᠡᠷᠡᠭᠵᠢᠬᠦᠯᠬᠦ ᠳ᠋ᠦ ᠬᠦᠷᠵᠡ ᠪᠠᠷᠢᠭᠰᠠᠨ ᠬᠠᠷᠠ ᠠᠵᠢᠯᠴᠢᠨ ᠶᠠᠪᠤᠯᠠ ᠃ ᠳᠤᠮᠳᠠ ᠦᠶᠡ ᠡᠴᠡ ᠪᠤᠳᠤᠯᠭᠠ ᠪᠤᠯᠪᠠᠰᠤᠷᠠᠭᠤᠯᠵᠤ ᠂ ᠬᠡᠷᠡᠭᠵᠢᠬᠦᠯᠬᠦ ᠳ᠋ᠦ ᠨᠢ ᠣᠷᠤᠯᠴᠠᠳᠠᠭ ᠬᠦᠮᠦᠨ ᠪᠣᠯᠣᠯᠠ ᠃ ᠰᠡᠭᠦᠯ ᠤᠨ 10 ᠭᠠᠷᠤᠢ ᠵᠢᠯ ᠳ᠋ᠦ ᠪᠤᠳᠤᠯᠭᠠ ᠴᠢᠭ ᠭᠠᠷᠭᠠᠵᠤ ᠂ ᠪᠤᠯᠪᠠᠰᠤᠷᠠᠭᠤᠯᠳᠠᠭ ᠂ ᠲᠡᠭᠦᠨ ᠥ ᠪᠡᠨ ᠬᠡᠷᠡᠭᠵᠢᠭᠦᠯᠦᠯᠲᠡ ᠵᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠳᠠᠭ ᠠᠵᠢᠯ ᠬᠢᠯᠡ ᠃
ᠮᠣᠩᠭᠣᠯ ᠶᠠᠫᠣᠨ ᠥ ᠬᠤᠭᠤᠷᠤᠨᠳᠦ ᠬᠠᠷᠢᠯᠴᠠᠭᠠ ᠲᠣᠭᠲᠠᠭᠠᠬᠣ ᠠᠩᠬᠠᠨ ᠥ ᠪᠣᠯᠣᠮᠵᠢ 1956 ᠂ 1957 ᠣᠨ ᠨᠣᠭᠣᠳ ᠲᠦ ᠭᠠᠷᠤᠭᠰᠠᠨ ᠃ ᠶᠠᠫᠣᠨ ᠵᠦᠪᠯᠡᠯᠲᠦ ᠬᠣᠯᠪᠤᠭᠠᠲᠣ ᠣᠯᠣᠰ ᠲᠠᠢ 1956 ᠣᠨ ᠳ᠋ᠦ ᠬᠠᠷᠢᠯᠴᠠᠭᠠ ᠪᠡᠨ ᠰᠡᠷᠭᠦᠭᠡᠭᠰᠡᠨ ᠥ ᠳᠠᠷᠠᠭᠠ ᠨᠢᠭᠡᠲᠦᠭᠰᠡᠨ ᠦᠨᠳᠤᠰᠤᠲᠡᠨ ᠥ ᠪᠠᠶᠢᠭᠤᠯᠤᠯᠭᠠ ᠳ᠋ᠦ ᠡᠯᠰᠡᠬᠦ ᠳ᠋ᠡᠭᠡᠨ ᠲᠤᠰ ᠣᠯᠤᠰ ᠤᠨ ᠳᠡᠮᠵᠢᠯᠭᠡ ᠵᠢ ᠠᠪᠬᠤ ᠬᠦᠰᠡᠯᠳᠡ ᠵᠢ ᠲᠠᠯᠪᠢᠭᠰᠠᠨ ᠪᠠᠶᠢᠨᠠ ᠃ ᠲᠡᠷᠡ ᠦᠶᠡ ᠳ᠋ᠦ ᠵᠦᠪᠯᠡᠯᠲᠦ ᠬᠣᠯᠪᠤᠭᠠᠲᠣ ᠣᠯᠣᠰ ᠰᠦᠷᠭᠡᠣᠯᠡᠭᠡᠳ ᠂ ᠲᠡᠭᠡᠪᠡᠯ ᠮᠣᠩᠭᠣᠯ ᠂ ᠶᠠᠫᠣᠨ ᠢ ᠬᠠᠮᠳᠤ ᠨᠢᠭᠡᠲᠦᠭᠰᠡᠨ ᠦᠨᠳᠤᠰᠤᠲᠡᠨ ᠥ ᠪᠠᠶᠢᠭᠤᠯᠤᠯᠭᠠ ᠳ᠋ᠦ ᠡᠯᠰᠡᠭᠦᠯᠦᠶᠡ ᠭᠡᠵᠡᠢ ᠃ ᠡᠨᠳᠡ ᠡᠴᠡ ᠮᠠᠨ ᠥ ᠬᠤᠶᠠᠷ ᠣᠷᠣᠨ ᠥ ᠳᠠᠶᠢᠨ ᠥ ᠳᠠᠷᠠᠭᠠᠬᠢ ᠨᠠᠶᠢᠷᠠᠮᠳᠠᠯ ᠤᠨ ᠵᠠᠮᠨᠠᠯ ᠡᠬᠢᠯᠡᠭᠰᠡᠨ ᠃ 1957 ᠣᠨ ᠳ᠋ᠦ ᠣᠭ ᠲᠤᠬᠢᠷᠠᠯᠴᠠᠭᠠᠨ ᠳ᠋ᠦ ᠵᠦᠪᠯᠡᠯᠲᠣ ᠲᠤᠮᠤᠬᠠᠨ ᠪᠠᠶᠢᠷᠢ ᠰᠠᠭᠣᠷᠢ ᠲᠠᠢ ᠪᠠᠶᠢᠭᠰᠠᠨ ᠣᠴᠢᠷ ᠡᠴᠠ ᠭᠠᠷ ᠡᠷᠭᠦᠭᠡᠳ ᠶᠠᠫᠣᠨ ᠨᠣᠭᠤᠭᠠᠨ ᠭᠡᠷᠡᠯ ᠶᠢᠡᠷ ᠨᠢᠭᠡᠲᠦᠭᠰᠡᠨ ᠦᠨᠳᠤᠰᠤᠲᠡᠨ ᠥ ᠪᠠᠶᠢᠭᠤᠯᠤᠯᠭᠠ ᠳ᠋ᠦ ᠡᠯᠰᠡᠭᠰᠡᠨ᠃ ᠲᠡᠷᠡ ᠦᠶᠡ ᠳ᠋ᠦ ᠠᠶᠤᠯᠭᠦᠢ ᠶ᠋ᠢᠨ ᠵᠦᠪᠯᠡᠯ ᠤᠨ ᠪᠠᠶᠢᠩᠭᠤ ᠶᠢᠨ ᠲᠠᠪᠣᠨ ᠭᠡᠰᠢᠭᠦᠨ ᠥ ᠨᠢᠭᠡ ᠨᠢ ᠲᠠᠶᠢᠸᠠᠨ ᠪᠠᠶᠢᠭᠰᠠᠨ ᠶᠤᠮ ᠃ ᠲᠤᠰ ᠣᠯᠤᠰ ᠂ ᠮᠣᠩᠭᠣᠯ ᠪᠤᠯ ᠪᠡᠶᠡ ᠳᠠᠭᠠᠭᠠᠵᠣ ᠬᠦᠭᠵᠢᠬᠦ ᠨᠦᠬᠦᠴᠡᠯ ᠪᠦᠷᠢᠳᠦᠭᠡ ᠦᠭᠡᠢ ᠣᠷᠤᠨ ᠭᠡᠬᠦ ᠰᠢᠯᠳᠠᠭᠠᠨ ᠶᠢᠡᠷ ᠲᠡᠭᠡᠭ ᠲᠠᠯᠪᠢᠭᠰᠠᠨ ᠣᠴᠢᠷ ᠡᠴᠠ ᠮᠣᠩᠭᠣᠯ ᠣᠯᠤᠰ ᠲᠤᠬᠠᠢ ᠶ᠋ᠢᠨ ᠦᠶᠡ ᠳ᠋ᠦ ᠡᠯᠰᠡᠵᠤ ᠴᠢᠳᠠᠭᠠ ᠦᠭᠡᠢ ᠃ ᠲᠡᠭᠦᠨ ᠡᠴᠡ ᠬᠤᠶᠢᠰᠢ ᠲᠦᠷᠪᠡᠨ ᠵᠢᠯ ᠤᠨ ᠳᠠᠷᠠᠭᠠ ᠪᠤᠶᠤ 1961 ᠣᠨ ᠳ᠋ᠦ ᠨᠢᠭᠡᠲᠦᠭᠰᠡᠨ ᠦᠨᠳᠤᠰᠤᠲᠡᠨ ᠥ ᠪᠠᠶᠢᠭᠤᠯᠤᠯᠭᠠ ᠳ᠋ᠦ ᠡᠯᠰᠡᠭᠰᠡᠨ᠃ ᠬᠠᠮᠤᠭ ᠤᠨ ᠲᠦᠷᠦᠭᠦᠨ ᠳ᠋ᠦ ᠭᠠᠷ ᠡᠷᠭᠦᠵᠦ ᠂ ᠮᠣᠩᠭᠣᠯ ᠣᠯᠤᠰ ᠢ ᠲᠡᠮᠵᠢᠭᠰᠡᠨ ᠣᠷᠣᠨ ᠨᠣᠭᠣᠳ ᠤᠨ ᠨᠢᠭᠡ ᠶᠠᠫᠣᠨ ᠪᠠᠶᠢᠯᠠ ᠃ ᠣᠯᠠᠮ ᠶᠢᠡᠷ 1972 ᠣᠨ ᠥ ᠬᠣᠶᠠᠳᠣᠭᠠᠷ ᠰᠠᠷᠠ ᠶ᠋ᠢᠨ 24 ᠳ᠋ᠦ ᠶᠠᠫᠣᠨ ᠲᠠᠢ ᠳ᠋ᠢᠫᠯᠤᠮᠠᠲ ᠬᠠᠷᠢᠯᠴᠠᠭᠠ ᠲᠤᠭᠳᠠᠭᠠᠭᠰᠠᠨ ᠃ ᠳᠠᠶᠢᠨ ᠥ ᠲᠦᠯᠣᠪᠤᠷᠢ ᠪᠡᠨ ᠡᠳ᠋ ᠤᠨ ᠵᠠᠰᠠᠭ ᠤᠨ ᠬᠠᠮᠳᠤ ᠶᠢᠨ ᠠᠵᠢᠯᠯᠠᠭᠠᠨ ᠥ ᠵᠢᠷᠣᠮ ᠶᠢᠡᠷ ᠰᠢᠢᠳᠤᠶᠡ ᠭᠡᠵᠦ ᠲᠤᠬᠢᠷᠠᠭᠰᠠᠨ ᠂ ᠲᠡᠭᠡᠭᠡᠳ 5 ᠲᠠᠷᠪᠣᠮ ᠶᠸᠨ ᠥ ᠬᠦᠷᠦᠩᠭᠡ ᠪᠡᠷ ᠦᠨᠦ ᠶᠢᠨ ︽ ᠭᠣᠪᠢ ︾ ᠺᠤᠮᠫᠠᠨᠢ ᠪᠠᠶᠢᠭᠣᠯᠣᠭᠳᠠᠭᠰᠠᠨ ᠶᠤᠮ ᠰᠢᠣ ᠳᠧ ᠃ 1990 ᠣᠨ ᠥ ᠠᠷᠠᠳᠴᠢᠯᠠᠭᠰᠠᠨ ᠬᠦᠳᠡᠯᠭᠡᠭᠡᠨ ᠦᠷᠨᠢᠭᠡᠳ ᠡᠬᠢᠯᠡᠬᠦ ᠪᠡᠷ ᠬᠤᠶᠠᠷ ᠣᠯᠤᠰ ᠤᠨ ᠡᠷᠬᠡ ᠠᠰᠢᠭ ᠂ ᠰᠤᠨᠢᠷᠬᠠᠯ ᠨᠢᠭᠡᠳᠴᠦ ᠂ ᠬᠠᠷᠢᠯᠴᠠᠭᠠ ᠦᠰᠦᠷᠦᠩᠭᠦᠢ ᠬᠦᠭᠵᠢᠭᠰᠡᠨ ᠃
-ᠲᠠᠨ ᠥ ᠭᠡᠷ ᠲᠦ ᠶᠠᠫᠣᠨ ᠥ ᠬᠠᠳᠤᠨ ᠬᠠᠭᠠᠨ ᠵᠤᠴᠢᠯᠠᠵᠤ ᠪᠠᠶᠢᠭᠰᠠᠨ ᠭᠡᠰᠡᠨ ᠤᠣ ︖ ᠡᠨᠡ ᠨᠢ ᠮᠣᠩᠭᠣᠯ ᠶᠠᠫᠣᠨ ᠥ ᠬᠠᠷᠢᠯᠴᠠᠭᠠ ᠵᠢ ᠣᠨᠴᠠᠭᠠᠶᠢᠯᠠᠨ ᠦᠵᠡᠵᠦ ᠪᠠᠶᠢᠭᠠ ᠵᠢᠨ ᠢᠯᠡᠷᠡᠯ ᠮᠦᠨ ᠤᠣ ︖
– ᠮᠦᠨ ᠃ ᠨᠠᠶᠢᠷᠰᠠᠭ ᠬᠠᠷᠢᠯᠴᠠᠭᠠ ᠲᠠᠢ ᠪᠠᠶᠢᠭᠠ ᠦᠭᠡᠢ ᠪᠤᠯ ᠂ ᠲᠡᠷᠡ ᠬᠠᠷᠢᠯᠴᠠᠭᠠᠨ ᠥ ᠰᠠᠶᠢᠬᠠᠨ ᠠᠭᠣᠷ ᠠᠮᠢᠰᠬᠣᠯ ᠲᠡᠭᠡᠷᠡ ᠡᠯᠴᠢᠨ ᠰᠠᠶᠢᠳ ᠨᠢ ᠠᠵᠢᠯ ᠬᠡᠷᠡᠭ ᠤᠨ ᠬᠠᠷᠢᠯᠴᠠᠭᠠ ᠲᠤᠭᠲᠠᠭᠠᠵᠦ ᠴᠢᠳᠠᠭᠠ ᠦᠭᠡᠢ ᠪᠤᠯ ᠬᠠᠳᠤᠨ ᠬᠠᠭᠠᠨ ᠢᠷᠡᠬᠦ ᠦᠭᠡᠢ ᠂ ᠬᠠᠨ ᠬᠦᠦ ᠬᠤᠶᠠᠷ ᠣᠳᠠᠭᠠ ᠵᠤᠴᠢᠯᠠᠬᠤ ᠦᠭᠡᠢ ᠂ ᠬᠤᠩ ᠲᠠᠶᠢᠵᠢ ᠮᠣᠩᠭᠣᠯ ᠳᠦ ᠠᠶᠢᠯᠴᠢᠯᠠᠬᠤ ᠦᠭᠡᠢ ᠪᠠᠶᠢᠭᠰᠠᠨ ᠃ ᠡᠨᠡ ᠨᠢ ᠬᠤᠶᠠᠷ ᠣᠷᠣᠨ ᠥ ᠬᠠᠷᠢᠯᠴᠠᠭᠠ ᠰᠠᠶᠢᠨ ᠪᠠᠶᠢᠭᠠ ᠵᠢᠨ ᠬᠢ ᠃
– ᠬᠠᠳᠤᠨ ᠬᠠᠭᠠᠨ ᠭᠠᠳᠠᠭᠠᠳᠤ ᠶᠢᠨ ᠡᠯᠴᠢᠨ ᠰᠠᠶᠢᠳ ᠤᠨ ᠶᠠᠮᠣᠨ ᠳ᠋ᠦ ᠣᠴᠢᠭᠰᠠᠨ ᠳᠦᠷᠪᠡᠳᠡᠬᠢ ᠲᠣᠬᠢᠶᠠᠯᠳᠣᠯ ᠮᠠᠨᠠᠶᠢᠬᠢ ᠶᠤᠮ ᠪᠢᠯᠡ ᠃ ᠶᠡᠷᠦ ᠨᠢ ᠬᠠᠭᠠᠨ ᠂ ᠬᠠᠳᠤᠨ ᠡᠯᠴᠢᠨ ᠰᠠᠶᠢᠳ ᠨᠠᠷ ᠤᠨ ᠬᠢ ᠪᠠᠷ ᠶᠠᠪᠣᠭᠠᠳ ᠪᠠᠶᠢᠳᠠᠭ ᠦᠭᠡᠢ ᠃ ᠮᠠᠨ ᠥ ᠳ᠋ᠦ ᠬᠠᠭᠠᠯᠲᠠᠲᠠᠢ ᠪᠠᠷ ᠢᠷᠡᠭᠰᠡᠨ ᠃ ᠦᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠭᠠᠳᠠᠭᠰᠢ ᠪᠡᠨ ᠵᠠᠷᠯᠠᠬᠤ ᠦᠭᠡᠢ ᠂ ᠮᠡᠳᠡᠭᠡᠯᠡᠬᠦ ᠦᠭᠡᠢ ᠭᠡᠰᠡᠨ ᠪᠤᠯᠵᠤᠯ ᠲᠠᠢ ᠪᠡᠷ ᠵᠤᠴᠢᠯᠠᠵᠤ ᠪᠠᠶᠢᠯᠠ ᠃ 2016 ᠣᠨ ᠥ ᠵᠢᠷᠭᠤᠳᠤᠭᠠᠷ ᠰᠠᠷᠠ ᠶᠢᠨ 1 ᠳ᠋ᠦ ᠬᠠᠳᠤᠨ ᠬᠠᠭᠠᠨ ᠮᠣᠩᠭᠣᠯ ᠤᠨ ᠡᠯᠴᠢᠨ ᠰᠠᠶᠢᠳ ᠤᠨ ᠶᠠᠮᠣᠨ ᠳ᠋ᠦ ᠠᠶᠢᠯᠴᠢᠯᠠᠭᠰᠠᠨ ᠃
– ᠬᠠᠨ ᠬᠦᠦ ᠳᠣᠭᠰᠢᠨ ᠬᠤᠲᠤᠭᠲᠤ ᠳ᠋ᠠᠨᠽᠠᠨᠷᠠᠪᠵᠠᠢ ᠶ᠋ᠢ ᠰᠤᠳᠤᠯᠳᠠᠭ ᠲᠡᠳᠦᠢ ᠦᠭᠡᠢ ᠦᠪᠡᠷ ᠤᠨ ᠬᠦᠰᠡᠯᠲᠡ ᠪᠡᠷ ᠶᠢᠡᠨ ᠬᠠᠮᠠᠷ ᠤᠨ ᠬᠡᠶᠢᠳ ᠲᠦ ᠣᠴᠢᠭᠰᠠᠨ ᠪᠠᠶᠢᠬᠤ ᠡ ︖
-ᠡᠶᠢᠮᠦ ᠶᠠᠪᠣᠳᠠᠯ ᠪᠣᠯᠣᠭᠰᠠᠨ ᠶᠤᠮ ᠃ ᠨᠠᠮᠠᠶᠢ ᠠᠩᠬᠠ ᠶᠠᠫᠣᠨ ᠳ᠋ᠦ ᠡᠯᠴᠢᠨ ᠰᠠᠶᠢᠳ ᠵᠢᠡᠷ ᠣᠴᠢᠬᠤ ᠳ᠋ᠦ ᠬᠠᠭᠠᠨ ᠥ ᠣᠷᠳᠤᠨ ᠡᠴᠡ ᠡᠯᠴᠢᠨ ᠰᠠᠶᠢᠳ ᠨᠠᠷ ᠤᠨ ᠵᠤᠭᠠᠯᠠᠯᠭᠠ ᠵᠤᠬᠢᠶᠠᠨ ᠪᠠᠶᠢᠭᠣᠯᠪᠠ ᠃ ᠲᠡᠨᠳᠡ ᠶᠠᠭᠤ ᠪᠤᠯᠳᠠᠭ ᠪᠤᠢ ᠭᠡᠬᠦ ᠪᠡᠷ ᠵᠣᠴᠢᠳ ᠨᠣᠭᠣᠰᠣᠨ ᠥ ᠠᠩ ᠬᠢᠨᠡ ᠃ ᠦᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠴᠦᠭᠦᠷᠦᠮ ᠳ᠋ᠦ ᠵᠡᠷᠯᠢᠭ ᠨᠤᠭᠤᠰᠤ ᠨᠤᠭᠤᠳ ᠢᠷᠡᠵᠦ ᠪᠠᠭᠤᠮᠠᠭᠴᠠ ᠪᠠᠷᠢᠵᠦ ᠠᠪᠤᠭᠠᠳ ᠪᠦᠭᠡᠵᠢᠯᠡᠭᠡᠳ ᠨᠢᠰᠭᠡᠳᠡᠭ ᠵᠠᠩ ᠣᠶᠢᠯᠠ ᠯᠠ ᠳᠧ ᠃ ᠲᠡᠨᠳᠡ ᠬᠠᠨ ᠬᠦᠦ ᠲᠠᠢ ᠠᠭᠤᠯᠵᠠᠭᠠᠳ ᠨᠡᠯᠢᠶᠡᠳ ᠶᠠᠷᠢᠯᠴᠠᠵᠦ ᠡᠯᠴᠢᠨ ᠰᠠᠶᠢᠳ ᠤᠨ ᠶᠠᠮᠣᠨ ᠳ᠋ᠦ ᠣᠷᠢᠬᠤ ᠳ᠋ᠦ ᠳᠣᠷᠠᠲᠠᠶᠢᠶᠠ ᠵᠦᠪᠰᠢᠶᠡᠷᠡᠪᠡ ᠃ ᠬᠠᠨ ᠬᠦᠦ ᠪᠣᠷᠬᠠᠨ ᠱᠠᠰᠢᠨ ᠥ ᠰᠤᠶᠤᠯ ᠤᠨ ᠲᠠᠯᠠ ᠪᠡᠷ ᠶᠡᠬᠡ ᠰᠤᠳᠤᠯᠳᠠᠭ ᠂ ᠮᠡᠳᠡᠯᠭᠡ ᠠᠷᠪᠢᠨ ᠲᠠᠢ ᠲᠡᠳᠦᠢ ᠦᠭᠡᠢ ᠭᠤᠪᠢ ᠶᠢᠨ ᠳᠣᠭᠰᠢᠨ ᠬᠤᠲᠤᠭᠲᠤ ᠳ᠋ᠠᠨᠽᠠᠨᠷᠠᠪᠵᠠᠢ ᠶ᠋ᠢ ᠰᠤᠨᠢᠷᠬᠠᠳᠠᠭ ᠢ ᠮᠡᠳᠡᠵᠦ ᠠᠪᠣᠪᠠ ᠃ ᠲᠡᠷᠠ ᠪᠡᠷ ᠄ ᠣᠯᠠᠭᠠᠨ ᠥ ᠱᠠᠰᠢᠨ ᠥ ᠲᠦᠯᠦᠭᠡᠯᠡᠭᠴᠢ ᠷᠠᠪᠵᠠᠢ ᠬᠤᠲᠤᠭᠲᠤ ᠲᠠᠨ ᠥ ᠳ᠋ᠦ ᠠᠮᠢᠳᠤᠷᠠᠵᠤ ᠪᠠᠶᠢᠵᠠᠢ ᠃ ᠡᠨᠡ ᠲᠠᠯᠠ ᠪᠡᠷ ᠳᠡᠯᠭᠡᠷᠡᠩᠭᠦᠢ ᠰᠤᠳᠤᠯᠤᠮᠠᠷ ᠪᠠᠶᠢᠨᠠ ᠭᠡᠪᠡ ᠃ ᠪᠢ ᠠᠩᠭ᠍ᠯᠢ ᠲᠡᠭᠡᠷᠡ ᠣᠩᠰᠢᠬᠤ ᠪᠣᠯᠣᠮᠵᠢᠲᠠᠢ ᠪᠦᠬᠦ ᠮᠠᠲ᠋ᠧᠷᠢᠶᠠᠯ ᠢ ᠴᠣᠭᠯᠠᠭᠣᠯᠵᠣ ᠂ ᠰᠤᠰᠤᠷᠪᠠᠷᠠᠮ ᠤᠨ ᠲᠤᠭᠯᠠᠭᠰᠠᠨ ︽ ᠳᠣᠭᠰᠢᠨ ᠬᠤᠳᠤᠭᠲᠤ ᠶᠢᠨ ᠰᠠᠬᠢᠭᠣᠰᠣ ︾ ᠺᠢᠨᠣ᠋ ᠵᠢ ᠦᠵᠡᠭᠦᠯᠦᠯᠡ ᠃ ᠲᠡᠭᠦᠨ ᠥ ᠰᠤᠨᠢᠷᠬᠠᠯ ᠮᠣᠩᠭᠣᠯ ᠳᠤ ᠣᠯᠠᠮ ᠲᠠᠳᠠᠭᠳᠠᠭᠰᠠᠨ ᠪᠦᠭᠡᠳ ᠬᠤᠳᠤᠭᠲᠤ ᠶᠢᠨ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠭᠠᠵᠠᠷ ᠬᠠᠮᠠᠷ ᠤᠨ ᠬᠡᠶᠢᠳ ᠲᠠᠢ ᠲᠠᠨᠢᠯᠴᠠᠬᠤ ᠪᠡᠷ 2002 ᠣᠨ ᠥ ᠵᠢᠷᠭᠣᠭᠠᠨ ᠰᠠᠷᠠ ᠳ᠋ᠦ ᠮᠣᠩᠭᠣᠯ ᠳᠤ ᠠᠶᠢᠯᠴᠢᠯᠠᠭᠰᠠᠨ ᠪᠢᠯᠡ᠃
– ᠬᠠᠮᠠᠷ ᠤᠨ ᠬᠡᠶᠢᠳ ᠲᠦ ᠬᠠᠨ ᠬᠦᠦ ᠳ᠋ᠦ ᠭᠡᠨᠡᠳᠳᠡ ᠶᠢᠨ ᠪᠡᠯᠡᠭ ᠪᠠᠷᠢᠭᠰᠠᠨ ᠭᠡᠰᠡᠨ᠃ ᠲᠡᠷᠡ ᠨᠢ ᠶᠠᠭᠤ ᠪᠠᠶᠢᠭᠰᠠᠨ ᠶᠤᠮ ᠪᠤᠢ ︖
– ᠲᠡᠨᠳᠡ ᠬᠤᠳᠤᠭᠲᠤ ᠶᠢᠨ ᠪᠢᠰᠢᠯᠭᠠᠯ ᠬᠢᠭᠰᠡᠨ ᠠᠭᠣᠢ ᠪᠠᠶᠢᠳᠠᠭ ᠳ᠋ᠠ ᠃ ᠰᠤᠰᠤᠷᠪᠠᠷᠠᠮ ᠪᠢᠳᠡ ᠬᠤᠶᠠᠷ ᠶᠠᠷᠢᠯᠴᠠᠵᠦ ᠪᠠᠶᠢᠭᠠᠳ ᠬᠠᠨ ᠬᠦᠦ ᠳ᠋ᠦ ᠭᠡᠨᠡᠳᠳᠡ ᠶᠢᠨ ᠪᠡᠯᠡᠭ ᠪᠠᠷᠢᠭᠰᠠᠨ᠃ ᠰᠤ᠋ ᠳ᠋ᠦ ᠳ᠋ᠠᠨᠽᠠᠨᠷᠠᠪᠵᠠᠢ ᠶᠢᠨ ᠬᠤᠪᠴᠠᠰᠤ ᠵᠢ ᠡᠮᠦᠰᠦᠭᠦᠯᠦᠭᠡᠳ ᠲᠦᠷᠦᠭᠦᠯᠡᠵᠤ ᠠᠪᠴᠤ ᠣᠴᠢᠭᠠᠳ ᠠᠭᠤᠢ ᠳ᠋ᠦ ᠰᠠᠭᠤᠯᠭᠠᠴᠢᠬᠠᠭᠰᠠᠨ ᠶᠤᠮ ᠃ ᠲᠡᠭᠡᠭᠡᠳ ᠪᠢ ᠠᠭᠣᠢ ᠣᠷᠣᠭᠣ ᠬᠠᠨ ᠬᠦᠦ ᠵᠢ ᠲᠠᠭᠠᠭᠤᠯᠵᠤ ᠣᠴᠢᠬᠤ ᠭᠱᠠᠨ ᠳᠤ ᠰᠤ᠋ ︽ ᠦᠯᠠᠮᠵᠢ ᠶᠢᠨ ᠴᠢᠨᠠᠷ ︾ ᠢ ᠲᠠᠭᠤᠯᠠᠭᠰᠠᠨ ᠃ ᠬᠠᠨ ᠬᠦᠦ ᠪᠦᠷ ᠪᠠᠯᠮᠠᠭᠳᠠᠭᠰᠠᠨ᠃ ᠡᠮᠦᠨᠡ ᠨᠢ ᠺᠢᠨᠣ᠋ ᠦᠵᠡᠴᠢᠬᠠᠭᠰᠡᠨ ᠂ ᠺᠢᠨᠣ᠋ ᠡᠴᠡ ᠬᠤᠨᠣᠭᠰᠢᠭᠰᠠᠨ ᠳ᠋ᠠᠨᠽᠠᠨᠷᠠᠪᠵᠠᠢ ᠶᠢᠨ ᠳᠦᠷᠢ ᠨᠢᠳᠦᠨ ᠥ ᠡᠮᠦᠨᠡ ᠪᠡᠶᠡᠯᠡᠯ ᠶᠢᠡᠨ ᠣᠯᠤᠭᠰᠠᠨ ᠨᠢ ᠦᠨᠡᠬᠡᠷ ᠭᠡᠨᠡᠳᠳᠡ ᠶᠢᠨ ᠪᠡᠯᠡᠭ ᠪᠣᠯᠪᠡ ᠃ ᠪᠠᠶᠠᠷᠯᠠᠭᠰᠠᠨ ᠳ᠋ᠠᠭᠠᠨ ᠳᠠᠭᠤ ᠠᠯᠳᠠᠵᠦ ᠂ ᠰᠤ᠋ ᠶᠢᠨ ᠭᠠᠷ ᠡᠴᠡ ᠪᠠᠷᠢᠵᠦ ᠲᠠᠯᠠᠷᠬᠠᠭᠰᠠᠨ ᠶᠢᠡᠨ ᠢᠯᠡᠷᠬᠡᠢᠯᠡᠭᠰᠡᠨ ᠃ ᠬᠠᠨ ᠬᠦᠦ ᠲᠡᠷᠡ ᠪᠦᠷᠢ ᠬᠦᠮᠦᠨ ᠲᠠᠢ ᠭᠠᠷ ᠪᠠᠷᠢᠳᠠᠭ ᠦᠭᠡᠢ ᠶᠤᠮ ᠃
– ᠬᠠᠨ ᠬᠦᠦ ᠶᠢᠨ ᠠᠬᠠ ᠮᠣᠩᠭᠣᠯ ᠳ᠋ᠤ ᠠᠶᠢᠯᠴᠢᠯᠠᠬᠤ ᠳ᠋ᠠᠭᠠᠨ ᠮᠤᠷᠢᠨ ᠬᠤᠭᠤᠷ ᠤᠨ ᠴᠢᠭᠤᠯᠭᠠᠨ ᠤ ᠬᠢᠨ ᠲᠠᠢ ᠬᠦᠭᠵᠢᠮᠳᠡᠵᠦ ᠪᠠᠶᠢᠭᠰᠠᠨ ᠢ ᠰᠤᠨᠣᠰᠴᠤ ᠪᠠᠶᠢᠭᠰᠠᠨ ︖
– ᠲᠡᠶᠢᠮᠦ ᠡ ᠂ ᠬᠤᠩ ᠲᠠᠶᠢᠵᠢ 2006 ᠣᠨ ᠳ᠋ᠦ ᠮᠣᠩᠭᠣᠯ ᠠᠶᠢᠯᠴᠢᠯᠠᠪᠠ ᠃ ᠲᠡᠷᠡ ᠬᠢᠭᠢᠯᠢ ᠶᠡᠬᠡ ᠰᠠᠶᠢᠬᠠᠨ ᠲᠤᠭᠯᠠᠨᠠ ᠃ ᠬᠤᠩ ᠲᠠᠶᠢᠵᠢ 2019 ᠣᠨ ᠥ ᠲᠠᠪᠤᠳᠣᠭᠠᠷ ᠰᠠᠷᠠ ᠶᠢᠨ ᠨᠢᠭᠡᠨ ᠳ᠋ᠦ ᠬᠠᠭᠠᠨ ᠰᠢᠷᠡᠭᠡᠨ ᠳᠦ ᠰᠠᠭᠤᠨᠠ ᠃ ᠳᠡᠯᠡᠬᠠᠢ ᠳ᠋ᠠᠬᠢᠨ ᠳ᠋ᠦ ᠡᠵᠡᠨ ᠬᠠᠭᠠᠨ ᠮᠠᠰᠢ ᠴᠦᠬᠠᠨ ᠂ ᠭᠡᠳᠡᠯᠡ ᠡᠵᠡᠨ ᠬᠠᠭᠠᠨ ᠢ ᠦᠪᠡᠷ ᠤᠨ ᠵᠢᠡᠨ ᠲᠢᠶᠠᠲ᠋ᠷ ᠲᠦ ᠮᠤᠷᠢᠨ ᠬᠤᠭᠤᠷ ᠤᠨ ᠴᠢᠭᠤᠯᠭᠠᠨ ᠤ ᠬᠢᠨ ᠲᠠᠢ ᠬᠢᠭᠢᠯᠢ ᠲᠤᠭᠯᠠᠭᠤᠯᠤᠭᠰᠠᠨ ᠭᠡᠬᠦ ᠪᠡᠷ ᠰᠣᠨᠢᠨ ᠣᠴᠠᠷᠠᠯ ᠲᠣᠬᠢᠷᠠᠭᠠ ᠪᠦᠷᠢᠳᠦᠭᠰᠡᠨ ᠪᠠᠶᠢᠭᠠ ᠪᠢᠵᠠ ᠳᠧ ᠂ ᠬᠤᠩ ᠲᠠᠶᠢᠵᠢ ᠮᠠᠰᠢ ᠦᠨᠳᠦᠷ ᠰᠡᠳᠬᠢᠭᠳᠡᠯ ᠲᠠᠢ ᠨᠣᠲᠣᠭ ᠪᠣᠴᠠᠭᠰᠠᠨ ᠂ ᠲᠡᠷᠠ ᠪᠡᠷ ᠳᠠᠬᠢᠨ ᠠᠶᠢᠯᠴᠢᠯᠠᠬᠤ ᠣᠷᠣᠨ ᠥ ᠲᠣᠭᠠᠨ ᠳ᠋ᠦ ᠮᠣᠩᠭᠣᠯ ᠪᠠᠶᠢᠭᠠ ᠰᠢᠣ ᠭᠡᠵᠦ ᠬᠡᠯᠡᠭᠰᠡᠨ᠃
– ᠶᠠᠫᠣᠨ ᠥ ᠶᠡᠷᠦᠩᠬᠠᠢ ᠰᠠᠶᠢᠳ ᠠᠪᠧ ᠲᠠᠢ ᠲᠠᠨ ᠢ ᠶᠡᠬᠡ ᠳᠤᠲᠤᠨᠤ ᠨᠦᠬᠦᠷᠯᠡᠭᠰᠡᠨ ᠭᠡᠬᠦ ᠶᠤᠮ ᠪᠢᠯᠡ᠃ ᠶᠡᠷᠦᠩᠬᠡᠢᠯᠡᠭᠴᠢ ᠵᠢ ᠭᠡᠷ ᠲᠡᠭᠡᠨ ᠬᠠᠯᠠᠭᠣᠨ ᠲᠤᠳᠤᠨᠤ ᠪᠡᠷ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠨᠢ ᠲᠡᠤᠬᠡᠨ ᠳ᠋ᠡᠭᠡᠨ ᠠᠩᠬᠠᠨ ᠥ ᠲᠣᠬᠢᠶᠠᠯᠳᠣᠯ ᠭᠡᠵᠦ ᠦᠨᠡᠨ ᠤᠣ ︖
– 2014 ᠣᠨ ᠳ᠋ᠦ ᠶᠡᠷᠦᠩᠬᠡᠢᠯᠡᠭᠴᠢ ᠴ ᠂ ᠡᠯᠪᠡᠭᠳᠣᠷᠵᠢ ᠵᠢ ᠭᠡᠷ ᠲᠡᠭᠡᠨ ᠣᠷᠢᠵᠣ ᠠᠭᠣᠯᠵᠠᠭᠰᠠᠨ ᠶᠤᠮ ᠃ ᠭᠡᠷ ᠣᠷᠤᠨ ᠳ᠋ᠠᠭᠠᠨ ᠭᠠᠳᠠᠨᠠ ᠵᠢᠨ ᠦᠨᠳᠦᠷ ᠬᠡᠮᠵᠢᠶᠡᠨ ᠥ ᠵᠣᠴᠢᠨ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠠᠩᠬᠠᠨ ᠥ ᠲᠣᠬᠢᠶᠠᠯᠳᠣᠯ ᠃ ᠡᠨᠡ ᠨᠢ ᠠᠪᠧ ᠶᠢᠨ ᠮᠣᠩᠭᠣᠯ ᠣᠯᠤᠰ ᠤᠨ ᠲᠠᠯᠠ ᠪᠡᠷ ᠬᠢ ᠰᠡᠳᠭᠢᠭᠳᠡᠯ ᠂ ᠢᠳᠡᠭᠡᠯ ᠨᠠᠶᠢᠳᠠᠪᠤᠷᠢ ᠶᠠᠮᠠᠷ ᠲᠦᠪᠰᠢᠨ ᠳ᠋ᠦ ᠪᠠᠶᠢᠭᠠ ᠵᠢ ᠂ ᠮᠣᠩᠭᠣᠯ ᠣᠯᠤᠰ ᠲᠦ ᠶᠠᠮᠠᠷ ᠠᠴᠢ ᠬᠣᠯᠪᠤᠭᠲᠠᠯ ᠦᠭᠴᠦ ᠪᠤᠢ ᠶᠢᠨ ᠲᠣᠮᠣ ᠢᠯᠡᠷᠬᠡᠢᠯᠡᠯ ᠶᠤᠮ ᠃ ᠶᠡᠷᠦᠩᠬᠠᠢ ᠰᠠᠶᠢᠳ ᠨᠠᠷ ᠲᠦ ᠶᠡᠷᠦᠩᠬᠡᠢ ᠰᠠᠶᠢᠳ ᠤᠨ ᠣᠷᠳᠤᠨ ᠪᠤᠢ ᠃ ᠲᠡᠨᠳᠡ ᠠᠵᠢᠯ ᠤᠨ ᠬᠡᠰᠡᠭ ᠤᠨ ᠣᠷᠳᠤᠨ ᠂ ᠦᠪᠡᠷᠰᠡᠳ ᠤᠨ ᠠᠮᠢᠳᠣᠷᠠᠳᠠᠭ ᠦᠷᠭᠦᠭᠡ ᠪᠠᠶᠢᠷᠢᠯᠠᠨᠠ ᠃ ᠠᠪᠧ ᠲᠡᠷᠡ ᠦᠷᠭᠦᠭᠡᠨ ᠳ᠋ᠦ ᠪᠠᠨ ᠠᠮᠢᠳᠤᠷᠠᠳᠠᠭ ᠦᠭᠡᠢ ᠬᠠᠷᠢᠨ ᠬᠣᠲᠠ ᠲᠤᠳᠤᠷᠠ ᠦᠪᠡᠷ ᠤᠨ ᠵᠢᠡᠨ ᠭᠡᠷ ᠲᠦ ᠪᠠᠶᠢᠳᠠᠭ ᠃ ᠰᠠᠶᠢᠳ ᠤᠨ ᠭᠡᠷ ᠮᠠᠨ ᠥ ᠡᠯᠴᠢᠨ ᠰᠠᠶᠢᠳ ᠤᠨ ᠶᠠᠮᠣᠨ ᠡᠴᠡ 500 ᠬᠠᠨ ᠮᠧᠲ᠋ᠷ ᠲᠦ ᠪᠠᠶᠢᠷᠢᠯᠠᠳᠠᠭ ᠃
– ᠶᠠᠫᠣᠨᠴᠤᠳ ᠡᠴᠡ ᠪᠢᠳᠡ ᠶᠠᠭᠣ ᠵᠢ ᠰᠤᠷᠤᠯᠴᠠᠭᠠᠰᠠᠢ ᠭᠡᠵᠦ ᠪᠣᠳᠣᠳᠠᠭ ᠪᠤᠢ ︖
– ᠲᠡᠳᠡᠨ ᠥ ᠬᠦᠳᠡᠯᠮᠦᠷᠢᠴᠢ ᠂ ᠬᠦᠮᠦᠯᠢᠭ ᠵᠠᠩ ᠴᠢᠨᠠᠷ ᠂ ᠬᠦᠮᠦᠨ ᠢ ᠬᠦᠮᠦᠨ ᠶᠤᠰᠤ ᠪᠡᠷ ᠦᠵᠡᠳᠡᠭ ᠪᠠᠶᠢᠳᠠᠯ ᠂ ᠬᠦᠮᠦᠨ ᠲᠠᠢ ᠬᠠᠷᠢᠯᠴᠠᠬᠣ ᠰᠣᠶᠣᠯ ᠠᠭᠣᠣ ᠃ ᠶᠡᠬᠡ ᠶᠤᠰᠤ ᠵᠦᠢᠲᠠᠢ ᠨᠡᠶᠢᠭᠡᠮ ᠃ ᠮᠣᠩᠭᠣᠯ ᠤᠨ ᠨᠡᠶᠢᠭᠡᠮ ᠳ᠋ᠦ ᠡᠨᠡ ᠪᠦᠬᠦᠨ ᠠᠯᠢ ᠠᠯᠢ ᠨᠢ ᠳᠤᠲᠠᠭᠳᠠᠯ ᠲᠠᠢ ᠂ ᠲᠦᠪᠰᠢᠨ ᠠᠬᠢᠭᠤᠯᠤᠮᠠᠷ ᠰᠠᠨᠠᠭᠳᠠᠳᠠᠭ ᠃ ᠦᠨᠡᠨ ᠢ ᠬᠡᠯᠡᠬᠦ ᠳ᠋ᠦ ᠨᠡᠶᠢᠭᠡᠮ ᠤᠨ ᠰᠡᠳᠬᠢᠯᠭᠡ ᠬᠤᠴᠤᠷᠤᠩᠭᠤᠢ ᠪᠠᠶᠢᠨᠠ ᠃ ᠡᠨᠡ ᠨᠢ ᠨᠡᠶᠢᠭᠡᠮ ᠤᠨ ᠪᠦᠬᠦᠢ ᠯᠠ ᠬᠦᠷᠢᠶᠡᠨ ᠳᠦ ᠰᠡᠳᠬᠢᠯᠭᠡᠨ ᠥ ᠬᠣᠴᠣᠷᠣᠭᠳᠠᠯ ᠪᠠᠶᠢᠭᠠ ᠲᠠᠢ ᠬᠣᠯᠪᠤᠭᠠ ᠲᠠᠢ ᠃ ᠪᠢᠳᠡ ᠦᠪᠡᠷᠰᠡᠳ ᠤᠨ ᠵᠢᠡᠨ ᠲᠦᠯᠦᠭᠡ ᠦᠪᠡᠷᠰᠡᠳ ᠤᠨ ᠭᠡᠰᠡᠨ ᠲᠣᠯᠣᠭᠠᠢ ᠲᠠᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ ᠃ ᠴᠣ᠋ ᠰᠢᠨᠡ ᠲᠧᠭᠨᠢᠭ ᠲᠧᠭᠨᠦᠯᠦᠭᠢ ᠨᠡᠪᠲᠡᠷᠡᠭᠦᠯᠬᠦ ᠪᠤᠯ ᠬᠦᠭᠵᠢᠯ ᠪᠢᠰᠢ ᠃ ᠰᠡᠳᠭᠢᠯᠭᠡᠨ ᠳ᠋ᠡᠭᠡᠨ ᠦᠭᠡᠷᠡᠴᠢᠯᠡᠯᠲᠡ ᠬᠢᠵᠦ ᠭᠡᠮᠡᠨ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠥ ᠬᠦᠭᠵᠢᠯ ᠲᠡᠢ ᠬᠦᠯ ᠨᠡᠶᠢᠯᠡᠭᠦᠯᠦᠨᠡ ᠃ ᠡᠨᠡ ᠮᠡᠳᠦ ᠶᠠᠪᠣᠭᠰᠠᠭᠠᠷ ᠪᠠᠶᠢᠪᠠᠯ ᠪᠢᠳᠡ ᠵᠤᠪᠠᠯᠠᠩ ᠡᠴᠡ ᠪᠡᠨ ᠠᠩᠭᠢᠵᠢᠷᠠᠵᠤ ᠴᠢᠳᠠᠬᠤ ᠦᠭᠡᠢ ᠃
– ᠰᠡᠳᠬᠢᠯᠭᠡᠨ ᠥ ᠬᠣᠴᠣᠷᠣᠭᠳᠠᠯ ᠶᠠᠭᠣᠨ ᠡᠴᠡ ᠣᠯᠪᠠᠭᠠᠲᠠᠢ ᠶᠤᠮ ᠪᠤᠢ ︖
– ᠪᠢᠳᠡ ᠨᠡᠭᠦᠳᠡᠯᠴᠢᠨ ᠥ ᠪᠡᠨ ᠰᠡᠳᠬᠢᠯᠭᠡᠨ ᠡᠴᠡ ᠭᠠᠷᠤᠭᠠ ᠦᠭᠡᠢ ᠲᠠᠢ ᠬᠣᠯᠪᠤᠭᠠ ᠲᠠᠢ ᠃ ᠨᠡᠶᠢᠭᠡᠮᠰᠢᠵᠦ ᠂ ᠰᠠᠭᠣᠷᠢᠨ ᠰᠣᠶᠣᠯ ᠳ᠋ᠦ ᠳᠠᠰᠴᠤ ᠴᠢᠳᠠᠭᠠ ᠦᠭᠡᠢ ᠃ ᠪᠢᠳᠡᠨ ᠳ᠋ᠦ ᠦᠵᠡᠯ ᠰᠣᠷᠲᠠᠯ ᠂ ᠶᠣᠰᠣ ᠵᠦᠢ ᠂ ᠳᠦᠷᠢᠮ ᠵᠢᠷᠤᠮ ᠬᠡᠷᠡᠭᠲᠡᠢ ᠃ ᠡᠪ ᠵᠦᠢ ᠵᠢ ᠰᠠᠬᠢᠬᠤ ᠂ ᠬᠠᠮᠲᠤ ᠪᠠᠷ ᠪᠦᠬᠦᠨ ᠢ ᠬᠢᠬᠦ ᠰᠡᠳᠬᠢᠯᠭᠡ ᠪᠢᠳᠡᠨ ᠥ ᠣᠯᠠᠮᠵᠢᠯᠠᠯ ᠳ᠋ᠦ ᠪᠠᠶᠢᠬᠤ ᠦᠭᠡᠢ ᠃ ᠣᠳᠤ ᠪᠦᠷᠢᠳᠬᠦ ᠭᠡᠳ ᠯᠠ ᠶᠠᠳᠠᠵᠦ ᠪᠠᠶᠢᠨᠠ ᠃ ᠪᠢᠳᠡ ᠬᠦᠭᠵᠢᠯ ᠂ ᠬᠣᠴᠣᠷᠣᠭᠳᠠᠯ ᠬᠤᠶᠠᠷ ᠤᠨ ᠶᠠᠭ ᠵᠠᠭᠠᠭ ᠲᠡᠭᠡᠷᠡ ᠪᠠᠶᠢᠨᠠ ᠃
– ᠬᠡᠵᠢᠶᠡ ᠳᠠᠷᠠᠭᠠ ᠶᠢᠨ ᠶᠢᠡᠨ ᠲᠦᠪᠰᠢᠨ ᠳ᠋ᠦ ᠣᠴᠢᠬᠤ ᠪᠤᠯ ︖
– ᠮᠣᠩᠭᠣᠯᠴᠣᠳ ᠤᠨ ᠲᠤᠳᠤᠷᠠ ᠲᠣᠮᠣ ᠵᠠᠳᠠᠷᠠᠯ ᠶᠠᠪᠣᠭᠳᠠᠵᠤ ᠪᠠᠶᠢᠨᠠ ᠃ ᠬᠣᠲᠠ ᠬᠦᠳᠡᠭᠡ ᠶᠢᠨ ᠬᠢᠨ ᠂ ᠭᠠᠳᠠᠭᠠᠳᠦ ᠳ᠋ᠦ ᠪᠤᠯᠪᠠᠰᠤᠷᠠᠯ ᠡᠵᠡᠮᠰᠢᠭᠰᠡᠨ ᠡᠵᠡᠮᠰᠢᠭᠡ ᠦᠭᠡᠢ ᠭᠡᠳ ᠲᠤᠲᠤᠷᠠ ᠪᠠᠨ ᠮᠠᠰᠢ ᠣᠯᠠᠨ ᠮᠣᠩᠭᠣᠯ ᠳᠦ ᠬᠣᠪᠢᠶᠠᠭᠳᠠᠵᠠᠢ ᠃ ᠦᠨᠡᠨ ᠢ ᠬᠡᠯᠡᠬᠦ ᠳ᠋ᠦ ᠮᠣᠩᠭᠣᠯ ᠬᠦᠮᠦᠨ ᠪᠤᠯ ᠡᠨᠡ ᠭᠡᠵᠦ ᠲᠦᠯᠦᠪᠰᠢᠭᠰᠡᠨ ᠳᠦᠷᠢ ᠦᠨᠦᠳᠦᠷ ᠠᠯᠠᠭᠠ ᠃ ᠲᠡᠷᠡ ᠨᠢ ᠦᠨᠦᠬᠢ ᠬᠤᠴᠤᠷᠤᠭᠳᠠᠯ ᠡᠴᠠ ᠭᠠᠷᠬᠤ ᠵᠠᠳᠠᠷᠠᠯ ᠳ᠋ᠦ ᠣᠷᠤᠭᠰᠠᠨ ᠥ ᠢᠯᠡᠷᠡᠯ ᠶᠤᠮ ᠃
– ᠵᠠᠳᠠᠷᠠᠯ ᠶᠠᠪᠣᠭᠳᠠᠵᠤ ᠪᠠᠶᠢᠭᠠ ᠨᠢ ᠰᠠᠶᠢᠨ ᠵᠦᠢᠯ ᠤᠣ ︖
– ᠮᠡᠳᠡᠭᠡᠵᠢ ᠰᠠᠶᠢᠨ ᠵᠦᠢᠯ ᠃ ᠰᠠᠶᠢᠨ ᠵᠠᠳᠠᠷᠠᠵᠣ ᠪᠠᠶᠢᠵᠤ ᠪᠢᠳᠡ ᠡᠷᠭᠢᠵᠦ ᠨᠢᠭᠡᠲᠦᠨᠡ ᠂ ᠲᠦᠯᠦᠪᠰᠢᠨᠡ ᠃ ᠲᠦᠯᠦᠪᠰᠢᠵᠦ ᠪᠠᠶᠢᠵᠤ ᠮᠣᠩᠭᠣᠯ ᠤᠨ ᠭᠡᠬᠦ ᠲᠦᠯᠦᠪᠰᠢᠯ ᠂ ᠬᠡᠪ ᠰᠢᠨᠵᠢ ᠪᠤᠢ ᠪᠤᠯᠤᠨᠠ ᠰᠢᠣ ᠳᠧ ᠃
– ᠭᠠᠳᠠᠨᠠ ᠶᠢᠨ ᠬᠢᠨ ᠳ᠋ᠦ ᠪᠢᠳᠡ ᠬᠡᠨ ᠪᠤᠢ ︖
– ᠰᠠᠬᠢᠯᠭᠠ ᠮᠠᠭᠣᠲᠠᠢ ᠂ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠪᠠᠶᠢᠬᠤ ᠦᠭᠡᠢ ᠂ ᠬᠠᠣᠯᠢ ᠶᠢᠨ ᠣᠷᠴᠢᠨ ᠶᠢᠡᠨ ᠰᠠᠶᠢᠨ ᠪᠤᠢ ᠪᠤᠯᠭᠠᠵᠤ ᠴᠢᠳᠠᠭᠠ ᠦᠭᠡᠢ ᠂ ᠣᠯᠤᠰ ᠲᠦᠷᠦ ᠵᠢᠨ ᠲᠤᠭᠲᠠᠪᠣᠷᠢ ᠦᠭᠡᠢ ᠪᠠᠶᠢᠳᠠᠯ ᠨᠢ ᠡᠳ᠋ ᠤᠨ ᠵᠠᠰᠠᠭ ᠲᠠᠭᠠᠨ ᠨᠦᠯᠦᠭᠡᠯᠡᠭᠰᠡᠨ ᠂ ᠬᠠᠮᠲᠣᠷᠠᠨ ᠠᠵᠢᠯᠯᠠᠬᠣ ᠠᠵᠢᠯ ᠬᠡᠷᠡᠭᠴᠢ ᠪᠠᠶᠢᠳᠠᠯ ᠲᠦᠯᠦᠪᠰᠢᠭᠡ ᠦᠭᠡᠢ ᠂ ᠵᠠᠮᠪᠠᠷᠠᠭᠠ ᠦᠭᠡᠢ ᠂ ᠰᠠᠬᠢᠯᠭᠠ ᠦᠭᠡᠢ ᠨᠦᠬᠦᠳ ᠭᠡᠰᠡᠨ ᠰᠠᠭᠤᠭᠳᠠᠯ ᠢ ᠪᠢᠳᠡ ᠭᠠᠳᠠᠨᠠ ᠶᠢᠨ ᠬᠢᠨ ᠳ᠋ᠦ ᠦᠭᠭᠦᠭᠡᠳ ᠪᠠᠶᠢᠨᠠ ᠃ ᠡᠨᠡ ᠪᠤᠯ ᠪᠢᠳᠡᠨ ᠥ ᠯᠠ ᠪᠠᠶᠢᠭᠠ ᠴᠢᠷᠠᠢ ᠃ ᠰᠡᠭᠦᠳᠡᠷ ᠶᠡᠬᠡ ᠪᠤᠢ ᠃ ᠭᠡᠬᠦ ᠳ᠋ᠡᠭᠡᠨ ᠮᠣᠩᠭᠣᠯ ᠴᠦ ᠂ ᠶᠠᠫᠣᠨ ᠴᠦ ᠲᠡᠷᠡ ᠠᠯᠢ ᠠᠯᠢᠨ ᠳ᠋ᠦ ᠨᠢ ᠭᠡᠷᠡᠯ ᠲᠠᠢ ᠪᠠᠰᠠ ᠰᠡᠭᠦᠳᠡᠷ ᠲᠠᠢ ᠲᠠᠯᠠ ᠪᠠᠶᠢᠭᠠ ᠃
Нэргүй 2024-02-27 96.73.137.169
ᠮᠤᠩᠭᠤᠯ ᠪᠢᠴᠢᠭ ᠵᠢᠡᠷ ᠪᠢᠴᠢᠭᠰᠡᠨ ᠮᠠᠰᠢ ᠰᠤᠨᠢᠷᠬᠠᠯ ᠲᠠᠢ ᠨᠠᠶᠢᠳᠡᠯᠡᠯ ᠪᠠᠶᠢᠨᠠ ᠃
《ᠳᠡᠯᠡᠬᠠᠢ ᠳ᠋ᠠᠬᠢᠨ ᠳ᠋ᠦ ᠡᠵᠡᠨ ᠬᠠᠭᠠᠨ ᠮᠠᠰᠢ ᠴᠦᠬᠠᠨ》ᠭᠡᠳᠡᠭ ᠲᠥ ᠬᠠ ᠪᠤᠯᠤᠨ ᠬᠡ ᠵᠢ ᠢᠯᠠᠭᠠᠵᠥ ᠪᠢᠴᠢᠭᠰᠡᠨ ᠦᠭᠡᠢ ᠪᠤᠯᠤᠯᠳᠠᠢ᠃ (ᠡᠰᠡᠪᠡᠯ ᠨᠠᠳᠠᠳᠤ ᠢᠨᠭᠬᠢᠵᠥ ᠪᠤᠷᠤᠭᠤ ᠬᠠᠷᠠᠭᠳᠠᠵᠥ ᠪᠠᠢᠬᠤ ᠮᠠᠭᠠᠳ ) ᠳᠡᠯᠡᠭᠡᠢ ᠳ᠋ᠠᠬᠢᠨ ᠳ᠋ᠦ ᠡᠵᠡᠨ ᠬᠠᠭᠠᠨ ᠮᠠᠰᠢ ᠴᠦᠬᠡᠨ ᠭᠡᠵᠥ ᠵᠠᠰᠠᠭᠠᠳ ᠪᠢᠴᠢᠪᠡᠯ ᠵᠦᠭᠡᠷ ᠶᠤᠮ᠃
ᠮᠤᠩᠭᠤᠯ ᠪᠢᠴᠢᠭ ᠵᠢᠡᠷ ᠦᠭᠡᠷ ᠠ ᠤᠯᠠᠨ ᠨᠡᠢᠳᠡᠯᠡᠯ ᠤᠩᠰᠢ ᠠ᠃
ᠲᠠᠯᠷᠬᠠᠯ ᠠ᠃
Нэргүй 2024-02-27 96.73.137.169
ᠮᠤᠩᠭᠤᠯ ᠪᠢᠴᠢᠭ ᠵᠢᠡᠷ ᠪᠢᠴᠢᠭᠰᠡᠨ ᠮᠠᠰᠢ ᠰᠤᠨᠢᠷᠬᠠᠯ ᠲᠠᠢ ᠨᠠᠶᠢᠳᠡᠯᠡᠯ ᠪᠠᠶᠢᠨᠠ ᠃
ᠮᠤᠩᠭᠤᠯ ᠪᠢᠴᠢᠭ ᠵᠢᠡᠷ ᠦᠭᠡᠷ ᠠ ᠤᠯᠠᠨ ᠨᠡᠢᠳᠡᠯᠡᠯ ᠤᠩᠰᠢᠶ ᠠ᠃
ᠲᠠᠯᠷᠬᠠᠯ ᠠ᠃