ᠳᠠᠷᠢᠬᠢ ᠰᠤᠳᠤᠯᠤᠭᠠᠴᠢ ᠂ ᠳ᠋ᠣᠺᠲ᠋ᠣᠷ ᠯ ᠂ ᠪᠠᠲᠤᠲᠦ᠋ᠪᠰᠢᠨ ᠲᠠᠢ ᠶᠠᠷᠢᠯᠴᠠᠯᠠ ᠃ ᠲᠡᠷᠡ ᠪᠡᠷ ᠳᠠᠷᠢᠬᠢ ᠰᠤᠳᠤᠯᠤᠯ ᠤᠨ ᠴᠢᠭᠯᠡᠯ ᠶᠢᠡᠷ ᠶᠠᠫᠣᠨ ᠥ ᠺᠢᠤᠰᠢᠦ᠋ ᠶᠡᠬᠡ ᠰᠣᠷᠭᠠᠭᠣᠯᠢ ᠳᠦ ᠳ᠋ᠣᠺᠲ᠋ᠣᠷ ᠬᠠᠮᠠᠭᠠᠯᠠᠵᠣ ᠂ ᠡᠳᠦᠭᠡ ᠠᠮᠸᠷᠢᠺᠠ ᠶᠢᠨ ᠨᠢᠦ᠋ ᠵᠸᠷᠰᠸᠢ ᠮᠣᠵᠢ ᠶᠢᠨ ᠷᠠᠲ᠋ᠭᠸᠷᠰ ᠤᠨ ᠶᠡᠬᠡ ᠰᠣᠷᠭᠠᠭᠣᠯᠢ ᠳᠦ ᠰᠤᠳᠤᠯᠤᠭᠠᠴᠢ ᠂ ᠪᠠᠭᠰᠢ ᠪᠠᠷ ᠠᠵᠢᠯᠯᠠᠵᠤ ᠪᠤᠢ ᠶᠤᠮ ᠃
– ᠰᠠᠶᠢᠨ ᠪᠠᠶᠢᠨᠠ ᠤᠣ ᠂ ᠣᠷᠢᠯᠭᠠ ᠵᠢ ᠬᠦᠯᠢᠶᠡᠵᠦ ᠠᠪᠤᠭᠰᠠᠨ ᠲᠠᠨ ᠳ᠋ᠦ ᠪᠠᠶᠠᠷᠯᠠᠯᠠ ᠃ ᠶᠠᠷᠢᠯᠴᠠᠯᠭᠠ ᠶᠢᠨ ᠡᠬᠢᠨ ᠥ ᠠᠰᠠᠭᠤᠯᠲᠠ ᠪᠡᠨ ᠲᠠᠨ ᠥ ᠰᠣᠳᠣᠯᠭᠠᠨ ᠥ ᠠᠵᠢᠯ ᠂ ᠲᠡᠭᠦᠨ ᠥ ᠦᠷᠠ ᠳ᠋ᠦᠩ ᠤᠨ ᠲᠠᠯᠠ ᠪᠡᠷ ᠡᠬᠢᠯᠡᠭᠦᠯᠦᠶᠡ ︖
– ᠰᠠᠶᠢᠨ ᠪᠠᠶᠢᠨᠠ ᠤᠣ ᠂ ᠪᠢ ᠠᠮᠸᠷᠢᠺᠠ ᠶᠢᠨ ᠨᠢᠦ᠋ ᠵᠸᠷᠰᠢ ᠮᠣᠵᠢ ᠶᠢᠨ ᠷᠠᠲ᠋ᠭᠸᠷᠰ ᠤᠨ ᠶᠡᠬᠡ ᠰᠣᠷᠭᠠᠭᠣᠯᠢ ᠳᠦ ᠰᠤᠳᠤᠯᠤᠭᠠᠴᠢ ᠪᠠᠭᠰᠢ ᠪᠠᠷ ᠠᠵᠢᠯᠯᠠᠵᠤ ᠪᠠᠶᠢᠨᠠ ᠃ ᠳᠠᠷᠢᠬᠢ ᠰᠤᠳᠤᠯᠤᠯ ᠤᠨ ᠴᠢᠭᠯᠡᠯ ᠶᠢᠡᠷ ᠪᠠᠷᠷᠤᠤ ᠮᠡᠳᠡᠷᠡᠯ ᠰᠤᠳᠤᠯᠤᠯ ᠤᠨ ᠬᠦᠷᠢᠶᠡᠯᠡᠩ ᠳ᠋ᠦ ᠰᠣᠳᠣᠯᠭᠠ ᠪᠠᠨ ᠬᠢᠳᠡᠭ ᠃ ᠲᠡᠷᠡ ᠰᠤᠳᠤᠯᠭᠠ ᠨᠢ ᠲᠣᠯᠠᠭᠠᠨ ᠥ ᠮᠡᠳᠡᠷᠡᠬᠦᠢ ᠲᠠᠷᠢᠬᠢᠨ ᠳ᠋ᠦ ᠬᠡᠷᠬᠢᠨ ᠪᠤᠯᠪᠠᠰᠤᠷᠠᠭᠤᠯᠤᠭᠳᠠᠳᠠᠭ ᠂ ᠶᠠᠮᠠᠷ ᠹᠢᠽᠢᠤᠯᠤᠭᠢ ᠶ᠋ᠢᠨ ᠮᠸᠬᠠᠨᠢᠰᠮ ᠶᠢᠡᠷ ᠵᠤᠬᠢᠴᠠᠭᠤᠯᠤᠭᠳᠠᠳᠠᠭ ᠲᠤᠬᠠᠢ ᠶᠤᠮ ᠃ ᠰᠤᠷᠬᠤ ᠪᠢᠴᠢᠭ ᠤᠤᠨ ᠲᠡᠭᠡᠷᠡ ᠬᠦᠮᠦᠨ ᠣᠷᠴᠢᠨ ᠥ ᠳᠤᠯᠠᠭᠠᠨ ᠢ ᠠᠷᠠᠰᠤ ᠪᠡᠷ ᠶᠢᠡᠨ ᠳᠠᠮᠵᠢᠭᠤᠯᠵᠤ ᠮᠡᠳᠡᠷᠡᠳᠡᠭ ᠂ ᠪᠠᠶᠠ ᠶᠢᠨ ᠳᠤᠯᠠᠭᠠᠨ ᠢ ᠪᠦᠬᠦ ᠡᠰ ᠤᠤᠨ ᠮᠡᠳᠡᠷᠡᠳᠡᠭ ᠭᠡᠵᠦ ᠦᠵᠡᠳᠡᠭ ᠣᠨᠣᠯ ᠪᠤᠢ ᠃ ᠬᠠᠷᠢᠨ ᠳᠤᠯᠠᠭᠠᠨ ᠢ ᠮᠡᠳᠡᠷᠡᠭᠰᠡᠨ ᠲᠡᠷᠡ ᠮᠡᠳᠡᠭᠡᠯᠡᠯ ᠲᠠᠷᠢᠬᠢᠨ ᠳ᠋ᠦ ᠬᠡᠷᠬᠢᠨ ᠣᠴᠢᠳᠠᠭ ᠵᠠᠮ ᠢ ᠰᠤᠳᠤᠯᠬᠤ ᠳ᠋ᠦ ᠮᠠᠰᠢ ᠬᠡᠴᠡᠭᠦᠦ ᠃
ᠳᠦᠷᠰᠣ ᠂ ᠭᠡᠷᠡᠯ ᠢ ᠬᠠᠷᠠᠭᠠᠳ ᠮᠡᠳᠡᠷᠡᠳᠡᠭ ᠬᠠᠷᠠᠭᠠᠨ ᠥ ᠴᠠᠭᠠᠲᠣ ᠮᠧᠬᠠᠨᠢᠰᠮ ᠢ 1960 ᠭᠠᠳ ᠣᠨ ᠥ ᠦᠶᠡ ᠳ᠋ᠦ ᠨᠡᠭᠡᠭᠡᠭᠰᠡᠨ ᠪᠠᠶᠢᠳᠠᠭ ᠃ ᠨᠢᠳᠦᠨ ᠥ ᠭᠡᠷᠡᠯ ᠮᠡᠳᠡᠷᠡᠭᠴᠢ ᠡᠰ ᠤᠤᠨ ᠲᠡᠭᠡᠷᠡ ᠭᠡᠷᠡᠯ ᠲᠣᠰᠴᠦ ᠂ ᠲᠡᠷᠡ ᠨᠢ ᠴᠠᠰᠢ ᠪᠡᠨ ᠴᠠᠬᠢᠯᠭᠠᠨ ᠥ ᠢᠮᠫᠣᠯᠢᠰ ᠪᠤᠶᠤ ᠰᠡᠷᠡᠯ ᠂ ᠳᠤᠬᠢᠶᠠᠯᠠᠯ ᠪᠤᠯᠵᠤ ᠬᠤᠪᠢᠷᠠᠨᠠ᠃ ᠲᠡᠷᠡ ᠳᠤᠬᠢᠶᠠᠯᠠᠯ ᠢ ᠲᠠᠷᠢᠬᠢᠨ ᠥ ᠳᠠᠭᠵᠠᠨ ᠥ ᠬᠡᠰᠡᠭ ᠲᠤ ᠪᠠᠶᠢᠳᠠᠭ ᠪᠦᠯᠣᠭ᠌ ᠡᠰ ᠤᠤᠨ ᠬᠦᠯᠢᠶᠡᠵᠦ ᠠᠪᠤᠭᠠᠳ ᠡᠨᠡ ᠶᠠᠭᠤ ᠪᠤᠢ ᠭᠡᠳᠡᠭ ᠲᠦ ᠵᠠᠳᠠᠯᠤᠯᠲᠠ ᠬᠢᠵᠦ ᠂ ᠲᠤᠬᠠᠢ ᠶᠢᠨ ᠮᠡᠳᠡᠭᠡᠯᠡᠯ ᠢ ᠳᠦᠷᠰᠣ ᠪᠣᠯᠭᠠᠨ ᠬᠤᠪᠢᠷᠠᠭᠠᠳᠠᠭ ᠨᠠᠷᠢᠨ ᠲᠤᠭᠲᠠᠯᠴᠠᠭᠠ ᠲᠠᠢ ᠃ ᠲᠡᠭᠡᠪᠡᠯ ᠳᠤᠯᠠᠭᠠᠨ ᠢ ᠬᠡᠷᠬᠢᠨ ᠮᠡᠳᠡᠷᠡᠵᠤ ᠵᠤᠬᠢᠴᠠᠭᠤᠯᠳᠠᠭ ᠪᠤᠢ ᠭᠡᠬᠦ ᠠᠰᠠᠭᠣᠯᠲᠠ ᠣᠳᠤ ᠵᠢ ᠬᠦᠷᠳᠡᠯᠡ ᠲᠠᠶᠢᠯᠪᠤᠷᠢᠯᠠᠭᠳᠠᠭᠠ ᠦᠭᠡᠢ ᠪᠠᠶᠢᠭᠠ ᠶᠤᠮ ᠃ ᠠᠮᠢᠳᠦ ᠪᠡᠶᠡᠲᠤ ᠣᠷᠤᠰᠢᠨ ᠲᠣᠭᠲᠠᠨᠢᠬᠣ ᠶᠢᠨ ᠲᠤᠯᠠᠳᠠ ᠬᠠᠯᠠᠭᠣᠨ ᠬᠦᠢᠲᠡᠨ ᠢ ᠶᠠᠭᠠᠬᠢᠵᠤ ᠮᠡᠳᠡᠷᠡᠭᠡᠳ ᠲᠡᠷᠡ ᠨᠢ ᠲᠠᠷᠢᠬᠢᠨ ᠳ᠋ᠦ ᠬᠡᠷᠬᠢᠨ ᠣᠴᠢᠭᠠᠳ ᠮᠧᠬᠠᠨᠢᠰᠮ ᠨᠢ ᠶᠠᠭᠠᠬᠢᠵᠤ ᠲᠠᠶᠢᠯᠪᠣᠷᠢᠯᠠᠭᠳᠠᠳᠠᠭ ᠪᠤᠢ ᠭᠡᠳᠡᠭ ᠢ ᠲᠤᠳᠤᠷᠬᠠᠶᠢᠯᠠᠬᠤ ᠳ᠋ᠦ ᠬᠡᠴᠡᠭᠦᠦ ᠃
2000 ᠣᠨ ᠥ ᠦᠶᠡ ᠳ᠋ᠦ ᠲᠣᠯᠠᠭᠠᠨ ᠥ ᠮᠡᠳᠡᠷᠡᠬᠦᠢ ᠨᠢ ᠶᠡᠬᠡ ᠳᠠᠷᠢᠬᠢ ᠪᠠ ᠲᠠᠯᠠᠮᠤᠰ ᠤᠨ ᠲᠤᠭᠲᠠᠯᠴᠠᠭᠠᠨ ᠡᠴᠡ ᠭᠠᠳᠠᠨᠠ ᠣᠷᠭᠤᠯ ᠮᠡᠳᠡᠷᠡᠯ ᠤᠨ ᠲᠤᠭᠲᠠᠯᠴᠠᠭᠠ ᠲᠠᠢ ᠬᠣᠯᠪᠤᠭᠠ ᠲᠠᠢ ᠲᠤᠰ ᠲᠠᠭᠠᠨ ᠦᠭᠡᠷᠡ ᠵᠠᠮ ᠲᠠᠢ ᠭᠡᠳᠡᠭ ᠢ ᠪᠠᠳᠣᠯᠠᠭᠰᠠᠨ ᠪᠠᠶᠢᠳᠠᠭ ᠃ ᠣᠷᠭᠤᠯ ᠮᠡᠳᠡᠷᠡᠯ ᠤᠨ ᠲᠣᠭᠲᠠᠯᠴᠠᠭᠠ ᠭᠡᠳᠡᠭ ᠨᠢ ᠣᠬᠠᠮᠰᠠᠷ ᠲᠦ ᠵᠠᠬᠢᠷᠣᠭᠳᠠᠬᠣ ᠦᠭᠡᠢ ᠪᠡᠷ ᠢᠯᠡᠷᠡᠵᠤ ᠭᠠᠷᠴᠤ ᠢᠷᠡᠳᠡᠭ ᠪᠠᠶᠠ ᠶᠢᠨ ᠬᠠᠷᠢᠭᠣ ᠤᠷᠪᠠᠯ ᠤᠳ ᠢ ᠵᠤᠬᠢᠴᠠᠭᠤᠯᠳᠠᠭ ᠢᠯᠡᠭᠦᠦ ᠡᠷᠲᠠ ᠡᠭᠦᠰᠦᠭᠰᠡᠨ ᠲᠣᠭᠲᠠᠯᠴᠠᠭᠠ ᠃ ᠡᠩ ᠤᠨ ᠬᠢ ᠪᠡᠷ ᠲᠠᠶᠢᠯᠪᠤᠷᠢᠯᠠᠬᠣ ᠶᠤᠮ ᠪᠤᠯ ᠂ ᠬᠠᠯᠠᠭᠤᠴᠠᠪᠠᠯ ᠬᠦᠯᠦᠰᠦ ᠭᠠᠷᠳᠠᠭ ᠂ ᠳᠠᠭᠠᠷᠠᠪᠠᠯ ᠴᠡᠴᠡᠷᠡᠳᠡᠭ ᠮᠧᠬᠠᠨᠢᠰᠮ ᠨᠢ ᠣᠬᠠᠮᠰᠠᠷ ᠲᠦ ᠵᠠᠬᠢᠷᠤᠭᠳᠠᠬᠤ ᠦᠭᠡᠢ ᠢᠯᠡᠷᠡᠵᠤ ᠪᠠᠶᠢᠭᠠ ᠰᠢᠨᠵᠢ ᠲᠡᠮᠳᠡᠭ ᠤᠤᠨ ᠶᠤᠮ ᠃ ᠲᠡᠭᠡᠪᠡᠯ ᠬᠤᠪᠢᠰᠤᠯ ᠤᠨ ᠶᠠᠪᠤᠴᠠ ᠳ᠋ᠦ ᠪᠦᠷ ᠣᠷᠭᠤᠯ ᠮᠡᠳᠡᠷᠡᠯ ᠤᠨ ᠲᠤᠭᠲᠠᠯᠴᠠᠭᠠᠨ ᠡᠴᠡ ᠡᠮᠦᠨᠡ ᠡᠭᠦᠰᠦᠭᠰᠡᠨ ᠪᠠᠰᠠ ᠨᠢᠭᠡ ᠲᠣᠭᠲᠠᠯᠴᠠᠭᠠ ᠪᠠᠶᠢᠳᠠᠭ᠃ ᠲᠡᠷᠡ ᠨᠢ ᠠᠮᠢᠳᠦ ᠠᠮᠢᠲᠠᠨ ᠠᠩᠬᠠ ᠡᠭᠦᠰᠴᠣ ᠪᠠᠶᠢᠬᠤ ᠳ᠋ᠦ ᠠᠮᠢᠳᠠᠨ ᠳ᠋ᠦ ᠪᠠᠶᠢᠭᠰᠠᠨ ᠲᠣᠭᠲᠠᠯᠴᠠᠭᠠ ᠃ ᠪᠢ ᠳᠤᠯᠠᠭᠠᠨ ᠤ ᠮᠡᠳᠡᠭᠡᠯᠡᠯ ᠳᠡᠭᠡᠷᠡᠬᠢ ᠲᠤᠭᠲᠠᠯᠴᠠᠭᠠ ᠨᠤᠭᠤᠳ ᠡᠴᠠ ᠦᠭᠡᠷᠡ ᠵᠠᠮ ᠶᠢᠡᠷ ᠶᠠᠪᠣᠵᠤ ᠲᠠᠷᠢᠬᠢᠨ ᠳ᠋ᠦ ᠣᠴᠢᠳᠠᠭ ᠭᠤᠷᠪᠠᠳᠤᠭᠠᠷ ᠵᠠᠮ ᠪᠠᠶᠢᠵᠤ ᠪᠤᠯᠤᠨᠠ ᠭᠡᠵᠦ ᠦᠵᠡᠭᠡᠳ ᠰᠤᠳᠤᠯᠭᠠ ᠬᠢᠭᠰᠡᠨ ᠃ ᠠᠷᠠᠰᠦ ᠪᠠ ᠳᠤᠲᠤᠷ ᠡᠷᠬᠡᠲᠡᠨ ᠳ᠋ᠦ ᠬᠦᠢᠲᠡᠨ ᠪᠠᠶᠢᠨᠠ ᠂ ᠬᠠᠯᠠᠭᠣᠨ ᠪᠠᠶᠢᠨᠠ ᠭᠡᠳᠡᠭ ᠮᠡᠳᠡᠭᠡᠯᠡᠯ ᠲᠠᠷᠢᠬᠢᠨ ᠥ ᠰᠡᠳᠭᠢᠯ ᠬᠦᠳᠡᠯᠦᠯ ᠢ ᠬᠠᠷᠢᠭᠣᠴᠠᠭᠰᠠᠨ ᠲᠤᠭᠲᠠᠯᠴᠠᠭᠠᠨ ᠳ᠋ᠦ ᠬᠦᠷᠴᠦ ᠣᠴᠢᠭᠠᠳ ᠂ ᠣᠷᠴᠢᠨ ᠥ ᠳᠣᠯᠠᠭᠠᠨ ᠲᠠᠭᠠᠲᠠᠢ ᠡᠰᠡᠬᠦ ᠵᠢ ᠬᠢᠨᠠᠳᠠᠭ ᠲᠣᠭᠲᠠᠯᠴᠠᠭᠠ ᠭᠡᠰᠡᠨ ᠦᠭᠡ ᠃ ᠣᠳᠤ ᠪᠠᠭᠰᠢᠯᠠᠬᠤ ᠶᠢᠨ ᠵᠡᠷᠭᠡᠴᠡᠭᠡ ᠡᠷᠡᠭᠦᠯ ᠪᠠ ᠡᠮᠭᠡᠭ ᠦᠶᠡ ᠳ᠋ᠦ ᠨᠣᠶᠢᠷ ᠪᠤᠯᠴᠢᠷᠬᠠᠢ ᠶᠢᠨ ᠮᠡᠳᠡᠷᠡᠯᠵᠢᠭᠦᠯᠦᠯᠲᠠ ᠳᠣᠲᠣᠭᠠᠳᠣ ᠱᠦᠭᠦᠷᠡᠯ ᠤᠨ ᠪᠤᠯᠴᠢᠷᠬᠠᠢ ᠶᠢᠨ ᠡᠰ ᠤᠤᠨ ᠢ ᠬᠡᠷᠬᠢᠨ ᠣᠳᠣᠷᠢᠳᠳᠠᠭ ᠪᠤᠢ ᠭᠡᠰᠡᠨ ᠰᠤᠳᠤᠯᠭᠠᠨ ᠲᠡᠭᠡᠷᠡ ᠫᠷᠢᠨᠰᠲ᠋ᠣᠨ ᠶᠡᠬᠡ ᠰᠣᠷᠭᠠᠭᠣᠯᠢ ᠵᠢᠨ ᠡᠷᠳᠡᠮᠲᠡᠳ ᠲᠠᠢ ᠬᠠᠮᠲᠣᠷᠠᠨ ᠠᠵᠢᠯᠯᠠᠵᠤ ᠪᠠᠶᠢᠨᠠ ᠃
– ᠡᠨᠡ ᠰᠤᠳᠤᠯᠭᠠ ᠨᠢ ᠶᠠᠮᠠᠷ ᠱᠠᠲᠣᠨ ᠳ᠋ᠠᠭᠠᠨ ᠶᠠᠪᠣᠵᠤ ᠪᠠᠶᠢᠭᠠ ᠪᠤᠢ ︖
– ᠷᠠᠲ᠋ᠭᠸᠷᠰ ᠤᠨ ᠶᠡᠬᠡ ᠰᠣᠷᠭᠠᠭᠣᠯᠢ ᠳᠤ ᠸᠢᠷᠦ᠋ᠰ ᠢᠶ᠋ᠡᠷ ᠳᠠᠮᠵᠢᠭᠤᠯᠵᠤ ᠮᠡᠳᠡᠷᠡᠯ ᠤᠨ ᠵᠠᠮ ᠢ ᠰᠤᠳᠤᠯᠳᠠᠭ ᠠᠷᠭᠠ ᠂ ᠰᠢᠨᠡ ᠲᠧᠭᠨᠤᠯᠤᠭᠢ ᠵᠢ ᠰᠤᠳᠤᠯᠬᠤ ᠪᠡᠷ ᠣᠴᠢᠭᠰᠠᠨ ᠃ ᠯᠠᠪᠤᠷᠠᠲ᠋ᠤᠷᠢ ᠶ᠋ᠢᠨ ᠠᠷᠭᠠ ᠪᠡᠷ ᠭᠠᠷᠭᠠᠵᠤ ᠠᠪᠤᠭᠰᠠᠨ ᠭᠧᠨ ᠥ ᠦᠭᠡᠷᠡᠴᠢᠯᠡᠯᠲᠡ ᠲᠠᠢ ᠂ ᠭᠡᠷᠡᠯ ᠭᠠᠷᠭᠠᠳᠠᠭ ᠂ ᠡᠰᠡᠪᠡᠯ ᠮᠡᠳᠡᠷᠡᠯ ᠤᠨ ᠡᠰ ᠤᠤᠨ ᠤᠨ ᠬᠣᠭᠣᠷᠣᠨᠳᠣᠬᠢ ᠮᠸᠮᠪᠷᠠᠨ ᠢ ᠨᠡᠪᠲᠡᠯᠵᠦ ᠦᠰᠦᠷᠬᠢᠯᠡᠬᠦ ᠴᠢᠳᠠᠪᠤᠷᠢ ᠲᠠᠢ ᠸᠢᠷᠦ᠋ᠰ ᠤᠤᠨ ᠲᠡᠭᠡᠷᠡ ᠰᠤᠳᠤᠯᠭᠠ ᠬᠢᠵᠦ ᠪᠠᠶᠢᠨᠠ ᠃ ᠨᠣᠶᠢᠷ ᠪᠣᠯᠴᠢᠷᠬᠠᠢ ᠵᠢ ᠮᠡᠳᠡᠷᠡᠯᠵᠢᠭᠦᠯᠵᠤ ᠪᠠᠶᠢᠭᠠ ᠡᠰ ᠤᠤᠨ ᠬᠠᠮᠢᠭᠠ ᠂ ᠶᠠᠮᠠᠷ ᠶᠠᠮᠠᠷ ᠳᠣᠬᠢᠶᠠ ᠳᠠᠮᠵᠢᠭᠤᠯᠵᠤ ᠪᠠᠶᠢᠳᠠᠭ ᠢ ᠯᠠᠪᠤᠷᠠᠲ᠋ᠤᠷᠢ ᠶ᠋ᠢᠨ ᠠᠷᠭᠠ ᠪᠡᠷ ᠭᠠᠷᠭᠠᠵᠤ ᠠᠪᠤᠭᠰᠠᠨ ᠠᠮᠢᠳᠦ ᠡᠰ ᠤᠤᠨ ᠢ ᠠᠰᠢᠭᠯᠠᠨ ᠬᠢᠨᠠᠵᠣ ᠂ ᠦᠷᠠ ᠳ᠋ᠦᠩ ᠢ ᠨᠢ ᠰᠣᠳᠣᠯᠵᠣ ᠪᠠᠶᠢᠨᠠ᠃ ᠬᠣᠭᠣᠯᠠ ᠢᠳᠡᠭᠰᠡᠨ ᠥ ᠳᠠᠷᠠᠭᠠ ᠂ ᠢᠳᠡᠬᠦ ᠦᠶᠡ ᠳ᠋ᠦ ᠡᠰᠡᠪᠡᠯ ᠪᠦᠷ ᠢᠳᠡᠬᠦ ᠡᠴᠡ ᠡᠮᠦᠨᠡ ᠵᠠᠬᠠ ᠵᠢᠨ ᠮᠡᠳᠡᠷᠡᠯ ᠤᠨ ᠡᠰ ᠤᠤᠨ ᠶᠠᠮᠠᠷ ᠭᠸᠨ ᠨᠤᠭᠦᠳ ᠢᠳᠡᠪᠬᠢᠵᠢᠵᠦ ᠪᠠᠶᠢᠨᠠ ᠂ ᠲᠠᠷᠭᠤᠯᠠᠬᠤ ᠂ ᠰᠢᠬᠢᠷ ᠤᠨ ᠰᠢᠵᠢᠩ ᠡᠪᠡᠳᠴᠢᠨ ᠥ ᠦᠶᠡ ᠳ᠋ᠦ ᠲᠡᠷᠡ ᠡᠰ ᠤᠤᠨ ᠲᠦ ᠶᠠᠮᠠᠷ ᠦᠭᠡᠷᠡᠴᠢᠯᠡᠯᠲᠡ ᠭᠠᠷᠴᠤ ᠪᠠᠶᠢᠨᠠ ᠂ ᠨᠦᠭᠦᠨ ᠲᠦᠯᠦᠵᠢᠯᠲᠡ ᠬᠡᠷᠬᠢᠨ ᠦᠭᠡᠷᠡᠴᠢᠯᠡᠭᠳᠡᠵᠦ ᠪᠠᠶᠢᠨᠠ ᠭᠡᠳᠡᠭ ᠢ ᠰᠣᠳᠣᠯᠵᠣ ᠪᠠᠶᠢᠨᠠ ᠃
– ᠲᠠ ᠳᠡᠯᠡᠬᠡᠢ ᠶᠢᠨ ᠳᠠᠷᠢᠬᠢ ᠰᠤᠳᠤᠯᠤᠯ ᠤᠨ ᠪᠠᠶᠢᠭᠤᠯᠤᠯᠭᠠ ᠵᠢᠨ ᠠᠽᠢᠶᠠ ᠨᠣᠮᠣᠬᠠᠨ ᠳᠠᠯᠠᠢ ᠵᠢᠨ ᠪᠦᠰᠡ ᠵᠢᠨ ᠣᠳᠤᠷᠢᠳᠬᠤ ᠵᠦᠪᠯᠡᠯ ᠤᠨ ᠭᠡᠰᠢᠭᠦᠨ ᠂ ᠮᠣᠩᠭᠣᠯ ᠤᠨ ᠰᠡᠳᠬᠢᠴᠡ ᠶᠢᠨ ᠡᠮᠭᠡᠭ ᠰᠤᠳᠤᠯᠤᠯ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠲᠡᠷᠢᠭᠦᠨ ᠃ ᠮᠣᠩᠭᠣᠯ ᠳᠤ ᠳᠠᠷᠢᠬᠢ ᠰᠤᠳᠤᠯᠤᠯ ᠤᠨ ᠰᠢᠨᠵᠢᠯᠡᠬᠦ ᠣᠬᠠᠭᠠᠨ ᠢ ᠬᠦᠭᠵᠢᠭᠦᠯᠬᠦ ᠳ᠋ᠦ ᠬᠡᠷᠬᠢᠨ ᠠᠩᠬᠠᠷᠴᠦ ᠂ ᠠᠵᠢᠯᠯᠠᠵᠤ ᠪᠠᠶᠢᠨᠠ ᠪᠤᠢ ︖
– ᠦᠨᠳᠦᠷ ᠬᠦᠭᠵᠢᠯ ᠲᠡᠢ ᠣᠷᠤᠨ ᠨᠤᠭᠤᠳ ᠲᠦ ᠳᠠᠷᠢᠬᠢ ᠰᠤᠳᠤᠯᠤᠯ ᠤᠨ ᠰᠢᠨᠵᠢᠯᠡᠬᠦ ᠣᠬᠠᠭᠠᠨ ᠥ ᠬᠦᠭᠵᠢᠯ ᠳ᠋ᠦ ᠰᠠᠭᠤᠷᠢᠯᠠᠵᠤ ᠣᠶᠢᠷᠠ ᠶᠢᠨ ᠦᠶᠡ ᠳ᠋ᠦ ᠠᠩᠭᠠᠷᠠᠭ ᠭᠠᠷᠠᠭ ᠲᠡᠭᠡᠷᠡ ᠠᠩᠬᠠᠨ ᠥ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠥ ᠺᠣᠯᠣᠨᠢ ᠪᠠᠶᠢᠭᠤᠯᠤᠨᠠ ᠂ ᠪᠢᠤ᠋ ᠮᠠᠲ᠋ᠸᠷᠢᠶᠠᠯ ᠳ᠋ᠤ ᠰᠠᠭᠣᠷᠢᠯᠠᠭᠰᠠᠨ ᠬᠢᠮᠡᠯ ᠣᠶᠣᠨ ᠣᠬᠠᠭᠠᠨᠳᠤ ᠷᠤᠪᠣᠲ ︵ ᠮᠠᠰᠢᠨ ᠬᠦᠮᠦᠨ ︶ ᠤᠤᠨ ᠦᠢᠯᠡᠳᠪᠦᠷᠢᠯᠡᠨᠠ ᠭᠡᠵᠦ ᠶᠠᠷᠢᠭᠠᠳ ᠡᠬᠢᠯᠡᠯᠠ ᠃ ᠲᠧᠭᠨᠤᠯᠤᠭᠢ ᠵᠢᠨ ᠬᠤᠪᠢᠰᠬᠠᠯ ᠢ ᠣᠶᠣᠨ ᠣᠬᠠᠭᠠᠨ ᠥ ᠡᠷᠢᠨ ᠦᠶᠡ ᠡᠬᠢᠯᠡᠵᠦ ᠪᠠᠶᠢᠨᠠ ᠭᠡᠵᠦ ᠵᠠᠷᠯᠠᠬᠤ ᠪᠣᠯᠣᠯᠠ ᠃ ᠳᠠᠷᠢᠬᠢ ᠰᠤᠳᠤᠯᠤᠯ ᠢ 21 ᠵᠠᠭᠣᠨ ᠥ ᠲᠡᠷᠢᠭᠦᠯᠡᠬᠦ ᠰᠢᠨᠵᠢᠯᠡᠬᠦ ᠣᠬᠠᠭᠠᠨ ᠭᠡᠵᠦ ᠨᠡᠷᠡᠯᠡᠵᠤ ᠪᠠᠶᠢᠨᠠ ᠃ ᠬᠠᠷᠢᠨ ᠪᠢᠳᠡ ᠶᠠᠮᠠᠷ ᠲᠠᠢ ᠴᠦ ᠲᠠᠪᠣᠨ ᠵᠢᠯ ᠤᠨ ᠡᠮᠦᠨᠡ ᠠᠩᠬᠠ ᠮᠣᠩᠭᠣᠯ ᠤᠨ ᠳᠠᠷᠢᠬᠢ ᠰᠤᠳᠤᠯᠤᠯ ᠤᠨ ᠨᠡᠶᠢᠭᠡᠮᠯᠢᠭ ᠢ ᠪᠠᠶᠢᠭᠤᠯᠤᠭᠰᠠᠨ ᠃ ᠡᠨᠡ ᠬᠤᠭᠤᠴᠠᠭᠠᠨ ᠳ᠋ᠦ ᠲᠡᠯᠡᠬᠠᠢ ᠶᠢᠨ ᠳᠠᠷᠢᠬᠢ ᠰᠤᠳᠤᠯᠤᠯ ᠤᠨ ᠪᠠᠶᠢᠭᠤᠯᠤᠯᠭᠠ ᠵᠢᠨ ᠡᠷᠳᠡᠮᠲᠡᠳ ᠢ ᠮᠣᠩᠭᠣᠯ ᠳᠤ ᠣᠷᠢᠬᠤ ᠂ ᠬᠡᠷᠬᠢᠨ ᠬᠦᠭᠵᠢᠭᠦᠯᠬᠦ ᠪᠤᠢ ᠂ ᠶᠠᠭᠠᠬᠢᠭᠠᠳ ᠴᠢᠬᠣᠯᠠ ᠪᠤᠢ ᠭᠡᠳᠡᠭ ᠢ ᠣᠶᠢᠯᠡᠭᠠᠭᠤᠯᠵᠤ ᠲᠠᠶᠢᠯᠪᠤᠷᠢᠯᠠᠬᠣ ᠂ ᠡᠨᠡ ᠰᠠᠯᠪᠤᠷᠢ ᠵᠢ ᠬᠡᠷᠬᠢᠨ ᠬᠦᠭᠵᠢᠭᠦᠯᠬᠦ ᠲᠠᠯᠠ ᠪᠡᠷ ᠶᠠᠷᠢᠯᠴᠠᠵᠦ ᠂ ᠰᠠᠨᠠᠯ ᠰᠤᠯᠢᠯᠴᠠᠭᠰᠠᠭᠠᠷ ᠢᠷᠡᠭᠰᠡᠨ ᠃ ᠴᠢᠨᠠᠭᠰᠢᠳᠠ ᠴᠦ ᠣᠯᠠᠨ ᠲᠠᠯᠠ ᠪᠡᠷ ᠬᠠᠮᠲᠣᠷᠠᠨ ᠠᠵᠢᠯᠯᠠᠵᠤ ᠮᠣᠩᠭᠣᠯ ᠳᠤ ᠳᠠᠷᠢᠬᠢ ᠰᠤᠳᠤᠯᠤᠯ ᠤᠨ ᠪᠡᠶᠡ ᠳᠠᠭᠠᠭᠠᠭᠰᠠᠨ ᠯᠠᠪᠣᠷᠠᠲ᠋ᠣᠷᠢ ᠂ ᠰᠣᠳᠣᠯᠭᠠᠨ ᠥ ᠲᠦᠪ ᠪᠠᠶᠢᠭᠤᠯᠬᠤ ᠨᠢ ᠨᠡᠩ ᠲᠡᠷᠢᠭᠦᠨ ᠥ ᠴᠢᠬᠣᠯᠠ ᠠᠵᠢᠯ ᠪᠤᠯᠤᠭᠠᠳ ᠪᠠᠶᠢᠭᠠ ᠶᠤᠮ ᠃
ᠳᠠᠷᠢᠬᠢ ᠰᠤᠳᠤᠯᠤᠯ ᠤᠨ ᠰᠢᠨᠵᠢᠯᠡᠬᠦ ᠣᠬᠠᠭᠠᠨ ᠪᠤᠯ ᠪᠦᠬᠦ ᠰᠢᠨᠵᠢᠯᠡᠬᠦ ᠣᠬᠠᠭᠠᠨ ᠥ ᠠᠭᠤᠯᠵᠠᠪᠣᠷᠢ ᠲᠡᠭᠡᠷᠡ ᠣᠷᠣᠰᠢᠵᠦ ᠪᠠᠶᠢᠳᠠᠭ ᠃ ᠮᠠᠲ᠋ᠧᠮᠠᠲ᠋ᠢᠺ ᠤᠨ ᠰᠢᠨᠵᠢᠯᠡᠬᠦ ᠣᠬᠠᠭᠠᠨ ᠥ ᠵᠠᠭᠪᠤᠷᠴᠢᠯᠠᠯ ᠦᠭᠡᠢ ᠪᠡᠷ ᠳᠠᠷᠢᠬᠢ ᠰᠤᠳᠤᠯᠤᠯ ᠤᠨ ᠲᠡᠷᠡ ᠣᠯᠠᠨ ᠰᠡᠷᠡᠯ ᠂ ᠰᠠᠭᠠᠲᠤᠯ ᠤᠨ ᠫᠷᠤᠴᠸᠰᠰ ︵ ᠶᠠᠪᠤᠴᠠ ᠂ ᠠᠯᠬᠤᠮ ᠳᠠᠷᠠᠭᠠ ︶ ᠢ ᠲᠠᠶᠢᠯᠪᠤᠷᠢᠯᠠᠬᠣ ᠠᠷᠭᠠ ᠪᠠᠶᠢᠬᠤ ᠦᠭᠡᠢ ᠃ ᠤᠳᠤᠮ ᠵᠦᠢ ᠪᠤᠯᠤᠨ ᠬᠢᠮᠢ ᠶᠢᠨ ᠰᠢᠨᠵᠢᠯᠡᠬᠦ ᠣᠬᠠᠭᠠᠨ ᠥ ᠣᠯᠤᠯᠲᠠ ᠠᠮᠵᠢᠯᠲᠠ ᠵᠢ ᠠᠰᠢᠭᠯᠠᠬᠤ ᠦᠭᠡᠢ ᠪᠡᠷ ᠲᠠᠷᠢᠬᠢ ᠵᠢ ᠰᠣᠳᠣᠯᠬᠣ ᠠᠷᠭᠠ ᠦᠭᠡᠢ ᠭᠡᠬᠦ ᠵᠡᠷᠭᠡ ᠪᠡᠷ ᠹᠢᠽᠢᠺ ᠂ ᠬᠢᠮᠢ ᠂ ᠪᠢᠣᠯᠤᠭᠢ ᠂ ᠮᠠᠲ᠋ᠸᠮᠠᠲ᠋ᠢᠺ ᠭᠡᠳ ᠪᠦᠬᠦ ᠰᠠᠯᠪᠤᠷᠢ ᠰᠢᠨᠵᠢᠯᠡᠬᠦ ᠣᠬᠠᠭᠠᠨ ᠢ ᠬᠦᠭᠵᠢᠭᠦᠯᠵᠦ ᠂ ᠬᠠᠮᠲᠣᠷᠠᠨ ᠰᠣᠳᠣᠯᠬᠣ ᠵᠠᠶᠢᠯᠠᠰᠢ ᠦᠭᠡᠢ ᠱᠠᠭᠠᠷᠳᠠᠯᠭᠠ ᠲᠠᠢ ᠃ ᠳᠤᠪᠴᠢᠬᠠᠨ ᠳ᠋ᠠᠭᠠᠨ ᠂ ᠮᠣᠩᠭᠣᠯ ᠬᠦᠮᠦᠨ ᠭᠡᠵᠦ ᠬᠡᠨ ᠪᠤᠢ ᠭᠡᠳᠡᠭ ᠠᠰᠠᠭᠣᠯᠲᠠ ᠳᠤ ᠪᠠᠶᠢᠭᠠᠯᠢ ᠪᠠ ᠨᠡᠶᠢᠭᠡᠮ ᠤᠨ ᠰᠢᠨᠵᠢᠯᠡᠬᠦ ᠣᠬᠠᠭᠠᠨ ᠥ ᠰᠠᠯᠪᠤᠷᠢ ᠪᠦᠷ ᠰᠣᠳᠣᠯᠵᠣ ᠪᠠᠶᠢᠵᠤ ᠬᠠᠮᠤᠭ ᠤᠨ ᠵᠦᠪ ᠬᠠᠷᠢᠭᠣᠯᠳᠠ ᠵᠢ ᠦᠭᠴᠦ ᠴᠢᠳᠠᠨᠠ ᠰᠢᠣ ᠳᠧ ᠃ ᠵᠢᠱᠢᠶᠡᠯᠡᠪᠡᠯ ᠂ ᠰᠲ᠋ᠷᠸᠰᠰ ︵ ᠰᠡᠳᠭᠢᠯ ᠦᠨ ᠳᠠᠷᠤᠭᠠᠰᠤ ︶ ᠭᠡᠬᠦ ᠳ᠋ᠦ ᠮᠣᠩᠭᠣᠯ ᠳᠤ ᠶᠠᠮᠠᠷ ᠲᠦᠪᠰᠢᠨ ᠳ᠋ᠦ ᠪᠠᠶᠢᠨᠠ ᠂ ᠭᠤᠣᠯᠯᠠᠨ ᠨᠦᠯᠦᠭᠡᠯᠡᠵᠤ ᠪᠠᠶᠢᠭᠠ ᠡᠷᠡᠰᠳᠡᠯᠲᠦ ᠬᠦᠴᠦᠨ ᠵᠦᠢᠯ ᠶᠠᠭᠤ ᠪᠤᠢ ᠂ ᠲᠡᠭᠦᠨ ᠢ ᠬᠡᠷᠬᠢᠨ ᠰᠶᠢᠳᠪᠦᠷᠢᠯᠡᠵᠤ ᠪᠤᠯᠬᠤ ᠪᠤᠢ ᠭᠡᠳᠡᠭ ᠲᠦ ᠰᠠᠯᠪᠤᠷᠢ ᠪᠦᠷᠢ ᠵᠢᠨ ᠰᠤᠳᠤᠯᠭᠠᠨ ᠲᠡᠭᠡᠷᠡ ᠲᠤᠯᠭᠠᠭᠤᠷᠢᠯᠠᠵᠤ ᠪᠠᠶᠢᠵᠤ ᠳᠠᠷᠢᠬᠢ ᠰᠤᠳᠤᠯᠤᠯ ᠤᠨ ᠰᠢᠨᠵᠢᠯᠡᠬᠦ ᠣᠬᠠᠭᠠᠨ ᠬᠠᠷᠢᠭᠣᠯᠲᠠ ᠦᠭᠴᠦ ᠴᠢᠳᠠᠬᠤ ᠶᠤᠮ ᠃
– ᠰᠡᠭᠦᠯ ᠤᠨ ᠵᠢᠯ ᠤᠤᠨ ᠲᠦ ᠰᠲ᠋ᠷᠸᠰᠰ ᠤᠨ ᠭᠠᠷᠤᠯ ᠳᠠᠢ ᠡᠪᠡᠳᠴᠢᠯᠡᠯ ᠨᠡᠯᠢᠶᠡᠳ ᠭᠠᠷᠬᠤ ᠪᠣᠯᠣᠭᠰᠠᠨ ᠲᠠᠯᠠ ᠪᠡᠷ ᠮᠡᠷᠭᠡᠵᠢᠯᠲᠡᠨ ᠨᠦ᠋ᠭᠦᠳ ᠣᠨᠴᠠᠯᠠᠳᠠᠭ ᠃ ᠰᠲ᠋ᠷᠸᠰᠰ ᠶᠢᠡᠨ ᠬᠡᠷᠬᠢᠨ ᠲᠠᠶᠢᠯᠬᠤ ᠲᠠᠯᠠ ᠪᠡᠷ ᠵᠦᠪᠯᠡᠯᠭᠡ ᠦᠭᠭᠦ ᠦᠭᠡᠢ ᠤᠣ ︖
– ᠮᠣᠩᠭᠣᠯ ᠤᠨ ᠨᠡᠶᠢᠭᠡᠮ ᠪᠣᠬᠢᠨᠢᠳᠣᠯ ᠲᠠᠢ ᠪᠠᠶᠢᠨᠠ ᠂ ᠬᠦᠮᠦᠰ ᠮᠠᠰᠢ ᠶᠡᠬᠡ ᠰᠲ᠋ᠷᠸᠰᠰ ᠲᠦ ᠦᠷᠲᠦᠵᠦ ᠪᠠᠶᠢᠨᠠ ᠭᠡᠵᠦ ᠶᠠᠷᠢᠳᠠᠭ ᠃ ᠭᠡᠬᠦ ᠳ᠋ᠡᠭᠡᠨ ᠰᠲ᠋ᠷᠸᠰᠰ ᠶᠠᠭ ᠶᠠᠮᠠᠷ ᠲᠦᠪᠰᠢᠨ ᠳ᠋ᠦ ᠪᠠᠶᠢᠭᠠ ᠵᠢ ᠬᠠᠷᠠᠬᠠᠨ ᠰᠣᠳᠣᠯᠵᠣ ᠲᠤᠭᠳᠠᠭᠠᠭᠠ ᠦᠭᠡᠢ ᠪᠠᠶᠢᠭᠠ ᠃ ᠳᠠᠷᠢᠬᠢ ᠭᠡᠳᠡᠭ ᠡᠷᠭᠡᠲᠡᠨ ᠢ ᠬᠠᠮᠤᠭ ᠤᠨ ᠡᠩ ᠤᠨ ᠬᠢ ᠪᠡᠷ ᠲᠠᠶᠢᠯᠪᠣᠷᠢᠯᠠᠪᠠᠯ ᠂ ᠮᠡᠳᠡᠭᠡᠯᠡᠯ ᠬᠦᠯᠢᠶᠡᠵᠦ ᠠᠪᠤᠭᠠᠳ ᠪᠤᠯᠪᠠᠰᠤᠷᠠᠭᠤᠯᠤᠭᠠᠳ ᠬᠠᠷᠢᠭᠣ ᠦᠢᠯᠡᠳᠦᠯ ᠦᠵᠡᠭᠦᠯᠵᠦ ᠪᠠᠶᠢᠭᠠ ᠫᠷᠤᠴᠸᠰᠰᠰᠤᠷ ᠭᠡᠵᠦ ᠬᠡᠯᠡᠵᠦ ᠪᠤᠯᠤᠨᠠ ᠃ ᠲᠠᠷᠢᠬᠢᠨ ᠳ᠋ᠦ ᠢᠷᠡᠵᠦ ᠪᠠᠶᠢᠭᠠ ᠮᠡᠳᠡᠭᠡᠯᠡᠯ ᠡᠴᠡ ᠬᠠᠮᠢᠶᠠᠷᠤᠭᠠᠳ ᠰᠡᠳᠭᠢᠯ ᠦᠨ ᠳᠠᠷᠤᠭᠠᠰᠤ ᠲᠠᠢ ᠤᠣ ᠂ ᠦᠭᠡᠢ ᠤᠣ ᠭᠡᠳᠡᠭ ᠬᠠᠷᠢᠯᠴᠠᠨ ᠬᠠᠮᠢᠶᠠᠷᠣᠯ ᠲᠠᠢ ᠃ ᠬᠦᠮᠦᠨ ᠥ ᠣᠬᠠᠮᠰᠠᠷ ᠲᠦ ᠵᠠᠬᠢᠷᠣᠭᠳᠠᠬᠣ ᠦᠭᠡᠢ ᠪᠡᠷ ᠦᠢᠯᠡᠳᠦᠯ ᠭᠠᠷᠭᠠᠵᠤ ᠂ ᠪᠢᠳᠡᠨ ᠢ ᠬᠠᠮᠠᠭᠠᠯᠠᠵᠣ ᠂ ᠮᠡᠳᠡᠷᠡᠵᠤ ᠪᠠᠶᠢᠳᠠᠭ ᠲᠣᠭᠲᠠᠯᠴᠠᠭᠠ ᠪᠢᠳᠡᠨ ᠥ ᠪᠡᠶᠡ ᠳ᠋ᠦ ᠪᠠᠶᠢᠳᠠᠭ ᠃ ᠨᠢᠭᠡ ᠵᠢᠱᠢᠶᠡ ᠬᠡᠯᠡᠶᠡ ᠂ ᠭᠠᠯᠵᠠᠭᠤ ᠨᠣᠬᠠᠢ ᠲᠠᠢ ᠲᠠᠭᠠᠷᠠᠭᠰᠠᠨ ᠬᠦᠮᠦᠨ ᠲᠡᠭᠦᠨ ᠢ ᠬᠠᠷᠠᠭᠠᠳ ᠰᠢᠭᠤᠳ ᠵᠢᠭᠤᠳᠠᠳᠠᠭ ᠃ ᠲᠠᠷᠢᠬᠢᠨ ᠳ᠋ᠦ ᠨᠢ ᠠᠶᠤᠯ ᠲᠠᠢ ᠭᠡᠳᠡᠭ ᠳᠣᠬᠢᠶᠠ ᠮᠠᠰᠢ ᠬᠣᠷᠳᠣᠨ ᠣᠴᠢᠵᠤ ᠪᠠᠶᠢᠭᠠ ᠲᠣᠯᠠ ᠲᠡᠷᠡ ᠬᠦᠮᠦᠨ ᠳ᠋ᠦ ᠰᠢᠭᠤᠳ ᠵᠢᠭᠤᠳᠠᠬᠤ ᠲᠣᠰᠢᠶᠠᠯ ᠢ ᠳᠠᠷᠢᠬᠢ ᠦᠭᠴᠦ ᠪᠠᠶᠢᠭᠠ ᠶᠤᠮ ᠃ ᠪᠢᠳᠡᠨ ᠥ ᠣᠬᠠᠮᠰᠠᠷ ᠂ ᠣᠶᠣᠨ ᠰᠠᠨᠠᠭᠠᠨ ᠳ᠋ᠦ ᠵᠠᠬᠢᠷᠣᠭᠳᠠᠬᠣ ᠦᠭᠡᠢ ᠪᠡᠷ ᠦᠢᠯᠡᠳᠦᠯ ᠬᠢᠴᠢᠬᠠᠵᠦ ᠪᠠᠶᠢᠨᠠ ᠭᠡᠰᠡᠨ ᠦᠭᠡ ᠃ ᠰᠲ᠋ᠷᠸᠰᠰ ᠡᠭᠦᠨ ᠲᠠᠢ ᠶᠠᠭ ᠠᠳᠠᠯᠢᠬᠠᠨ ᠃ ᠪᠢ ᠲᠠᠶᠢᠪᠣᠩ ᠪᠠᠶᠢᠶᠠ ᠭᠡᠵᠦ ᠬᠢᠴᠢᠶᠡᠭᠡᠳ ᠣᠬᠠᠮᠰᠠᠷ ᠲᠦ ᠵᠠᠬᠢᠷᠤᠭᠳᠠᠬᠤ ᠦᠭᠡᠢ ᠪᠠᠶᠢᠭᠠ ᠶᠤᠮ ᠃ ᠬᠦᠮᠦᠨ ᠪᠤᠬᠢᠨᠢᠳᠤᠬᠤ ᠪᠠᠷ ᠵᠢᠷᠦᠬᠡᠨ ᠦ ᠴᠤᠬᠢᠯᠭᠠ ᠲᠦᠷᠭᠡᠰᠴᠦ᠂ ᠳᠠᠷᠤᠯᠲᠠ ᠶᠡᠬᠠᠰᠴᠦ ᠂ ᠠᠷᠠᠰᠦ ᠣᠯᠠᠶᠢᠵᠤ ᠂ ᠴᠡᠴᠡᠷᠡᠬᠦ ᠵᠡᠷᠭᠡ ᠪᠡᠷ ᠣᠬᠠᠮᠰᠠᠷ ᠵᠤᠬᠢᠴᠠᠭᠤᠯᠬᠤ ᠦᠭᠡᠢ ᠂ ᠦᠢᠯᠡᠳᠦᠯ ᠬᠢᠵᠦ ᠦᠪᠡᠷ ᠢ ᠪᠠᠨ ᠬᠠᠮᠠᠭᠠᠯᠠᠳᠠᠭ ᠃
ᠲᠡᠭᠡᠬᠦ ᠪᠡᠷ ᠶᠠᠭᠣ ᠵᠢ ᠰᠲ᠋ᠷᠸᠰᠰ ᠭᠡᠵᠦ ᠪᠠᠶᠢᠭᠠ ᠨᠢ ᠮᠠᠰᠢ ᠴᠢᠬᠣᠯᠠ ᠶᠤᠮ ᠃ ᠡᠨᠡ ᠨᠢ ᠬᠦᠮᠦᠨ ᠪᠦᠷᠢ ᠵᠢᠨ ᠬᠤᠪᠢ ᠳ᠋ᠦ ᠦᠰᠦᠭᠰᠡᠨ ᠲᠦᠷᠦᠭᠰᠡᠨ ᠣᠷᠴᠢᠨ ᠡᠴᠡ ᠰᠢᠯᠳᠠᠭᠠᠯᠠᠭᠠᠳ ᠶᠠᠩᠵᠦ ᠪᠦᠷᠢ ᠪᠠᠶᠢᠨᠠ ᠃ ᠲᠤᠬᠠᠢ ᠶᠢᠨ ᠬᠦᠮᠦᠨ ᠢ ᠶᠠᠭᠤ ᠂ ᠶᠠᠮᠠᠷ ᠠᠰᠠᠭᠣᠳᠠᠯ ᠬᠠᠮᠤᠭ ᠤᠨ ᠶᠡᠬᠡ ᠪᠡᠷ ᠪᠤᠬᠢᠨᠢᠳᠤᠭᠤᠯᠵᠤ ᠂ ᠰᠡᠳᠭᠢᠯ ᠦᠨ ᠳᠠᠷᠤᠭᠠᠰᠤ ᠲᠠᠢ ᠪᠤᠯᠭᠠᠵᠤ ᠪᠠᠶᠢᠭᠠ ᠪᠠᠨ ᠮᠡᠳᠡᠴᠢᠬᠠᠬᠦ ᠶᠤᠮ ᠪᠤᠯ ᠲᠡᠭᠦᠨ ᠢ ᠰᠢᠢᠳᠪᠦᠷᠢᠯᠡᠬᠦ ᠠᠷᠭᠠ ᠵᠠᠮ ᠪᠤᠢ ᠃ ᠬᠠᠮᠤᠭ ᠤᠨ ᠭᠣᠣᠯ ᠨᠢ ᠪᠤᠬᠢᠨᠢᠳᠤᠭᠤᠯᠵᠤ ᠪᠠᠶᠢᠭᠠ ᠲᠤᠬᠠᠢ ᠶᠢᠨ ᠵᠦᠢᠯ ᠭᠡᠷ ᠪᠦᠯᠢ ᠳ᠋ᠦ ᠪᠠᠶᠢᠨᠠ ᠤᠣ ᠂ ᠨᠠᠶᠢᠵᠠ ᠨᠦᠬᠦᠳ ᠲᠦ ᠤᠣ ᠂ ᠡᠰᠡᠪᠡᠯ ᠠᠮᠢᠳᠤᠷᠠᠵᠤ ᠪᠠᠶᠢᠭᠠ ᠨᠡᠶᠢᠭᠡᠮ ᠡᠴᠡ ᠰᠢᠯᠳᠠᠭᠠᠯᠠᠵᠦ ᠪᠠᠶᠢᠭᠠ ᠤᠣ ᠂ ᠠᠮᠢᠳᠤᠷᠠᠯ ᠤᠨ ᠵᠤᠷᠢᠯᠭᠠ ᠪᠡᠨ ᠪᠡᠶᠡᠯᠡᠭᠦᠯᠬᠦ ᠳ᠋ᠦ ᠶᠠᠭᠤ ᠰᠠᠭᠠᠳ ᠪᠤᠯᠵᠤ ᠪᠠᠶᠢᠨᠠ ᠂ ᠶᠠᠭᠣᠨ ᠡᠴᠡ ᠰᠲ᠋ᠷᠸᠰᠰ ᠬᠦᠯᠢᠶᠡᠵᠦ ᠠᠪᠴᠣ ᠪᠠᠶᠢᠭᠠ ᠪᠠᠨ ᠲᠤᠳᠤᠷᠬᠠᠢ ᠪᠣᠯᠭᠠᠬᠣ ᠨᠢ ᠴᠢᠬᠣᠯᠠ᠃ ᠰᠲ᠋ᠷᠸᠰᠰ ᠤᠨ ᠡᠬᠢ ᠡᠭᠦᠰᠪᠦᠷᠢ ᠪᠡᠨ ᠣᠬᠠᠮᠰᠠᠷ ᠣᠯᠣᠭᠠᠳ ᠮᠡᠳᠡᠴᠢᠬᠠᠬᠦ ᠶᠤᠮ ᠪᠤᠯ ᠲᠡᠭᠦᠨ ᠡᠴᠡ ᠵᠠᠶᠢᠯᠠᠰᠭᠢᠬᠦ ᠪᠣᠯᠣᠮᠵᠢᠲᠠᠢ ᠪᠤᠯᠤᠨᠠ ᠃
– ᠰᠲ᠋ᠷᠸᠰᠰ ᠰᠡᠳᠬᠢᠴᠡ ᠶᠢᠨ ᠡᠮᠭᠡᠭ ᠲᠠᠢ ᠪᠤᠯᠬᠤ ᠳ᠋ᠦ ᠨᠦᠯᠦᠭᠡᠯᠡᠬᠦ ᠤᠣ ︖
– ᠳᠠᠷᠢᠬᠢ ᠢᠯᠠᠭᠳᠠᠯ ᠢ ᠬᠦᠯᠢᠶᠡᠨ ᠵᠦᠪᠰᠢᠶᠡᠷᠡᠳᠡᠭ ᠦᠭᠡᠢ ᠡᠷᠬᠡᠲᠡᠨ ᠃ ᠳᠠᠪᠠᠵᠤ ᠭᠠᠷᠴᠤ ᠂ ᠠᠰᠠᠭᠣᠳᠠᠯ ᠢ ᠰᠢᠢᠳᠬᠦ ᠳ᠋ᠦ ᠪᠡᠷᠬᠡ ᠨᠦᠬᠦᠴᠡᠯ ᠪᠠᠶᠢᠳᠠᠯ ᠲᠠᠢ ᠲᠤᠯᠭᠠᠷᠠᠭᠰᠠᠨ ᠬᠦᠮᠦᠨ ᠮᠠᠰᠢ ᠶᠡᠬᠡ ᠰᠲ᠋ᠷᠸᠰᠰ ᠲᠦ ᠠᠪᠲᠠᠵᠦ ᠣᠯᠠᠮ ᠶᠢᠡᠷ ᠰᠡᠳᠬᠢᠯ ᠶᠢᠡᠷ ᠣᠨᠠᠬᠤ ᠂ ᠠᠷᠢᠬᠢ ᠂ ᠮᠠᠩᠰᠢᠭᠤᠷᠠᠬᠤ ᠲᠦᠷᠦᠯ ᠤᠨ ᠪᠤᠳᠠᠰ ᠲᠦ ᠳᠣᠩᠳᠠᠬᠣ ᠂ ᠰᠡᠳᠭᠢᠯ ᠭᠣᠲᠣᠷᠠᠯ ᠳ᠋ᠦ ᠣᠷᠤᠵᠤ ᠂ ᠮᠡᠳᠡᠷᠡᠯ ᠤᠨ ᠶᠠᠳᠠᠷᠠᠭᠠᠨ ᠳ᠋ᠦ ᠣᠷᠣᠬᠣ ᠡᠷᠡᠰᠳᠡᠯ ᠲᠠᠢ ᠃ ᠬᠡᠳᠦ ᠶᠡᠬᠡ ᠰᠡᠳᠭᠢᠯ ᠦᠨ ᠳᠠᠷᠤᠭᠠᠰᠤ ᠲᠠᠢ ᠪᠠᠶᠢᠬᠤ ᠨᠢ ᠰᠡᠳᠬᠢᠴᠡ ᠶᠢᠨ ᠡᠮᠭᠡᠭ ᠲᠠᠢ ᠪᠤᠯᠬᠤ ᠳ᠋ᠦ ᠨᠦᠯᠦᠭᠡᠯᠡᠨᠡ ᠃ ᠰᠣᠳᠣᠯᠭᠠᠨ ᠡᠴᠡ ᠬᠠᠷᠠᠬᠣ ᠳ᠋ᠦ ᠮᠡᠳᠡᠷᠡᠯ ᠤᠨ ᠶᠠᠳᠠᠷᠠᠭᠠ ᠲᠤᠰᠤᠭᠠᠳ ᠣᠷᠳᠤ ᠬᠤᠭᠤᠴᠠᠭᠠᠨ ᠳ᠋ᠦ ᠲᠤᠰᠠᠯᠠᠮᠵᠢ ᠠᠪᠬᠣ ᠦᠭᠡᠢ ᠶᠠᠪᠤᠪᠠᠯ ᠲᠠᠪᠢᠯᠠᠩ ᠮᠠᠭᠤ ᠲᠠᠢ ᠪᠠᠶᠢᠳᠠᠭ ᠃ ᠠᠮᠸᠷᠢᠺᠠ ᠳ᠋ᠦ ᠮᠡᠳᠡᠷᠡᠯ ᠤᠨ ᠶᠠᠳᠠᠷᠠᠭᠠᠨ ᠳ᠋ᠦ ᠣᠷᠤᠭᠰᠠᠨ ᠭᠤᠷᠪᠠᠨ ᠬᠦᠮᠦᠨ ᠥ ᠨᠢᠭᠡ ᠨᠢ ᠠᠮᠢ ᠪᠡᠨ ᠬᠤᠣᠷᠯᠠᠬᠤ ᠂ ᠣᠰᠤᠯ ᠳ᠋ᠦ ᠣᠷᠣᠬᠣ ᠵᠡᠷᠭᠡ ᠪᠡᠷ ᠵᠠᠭᠤᠷᠠᠲᠤ ᠪᠡᠷ ᠨᠠᠰᠤ ᠪᠠᠷᠠᠵᠦ ᠪᠠᠶᠢᠭᠠ ᠨᠢ ᠰᠤᠳᠤᠯᠭᠠ ᠪᠡᠷ ᠲᠤᠭᠲᠠᠭᠠᠭᠳᠠᠭᠰᠠᠨ ᠪᠠᠶᠢᠳᠠᠭ ᠃ ᠰᠲ᠋ᠷᠸᠰᠰ ᠭᠡᠳᠡᠭ ᠪᠤᠯ ᠪᠢᠳᠡᠨ ᠥ ᠲᠠᠷᠢᠬᠢᠨ ᠳ᠋ᠦ ᠢᠷᠡᠵᠦ ᠪᠠᠶᠢᠭᠠ ᠳᠠᠷᠤᠮᠲᠠ ᠶᠤᠮ ᠃ ᠶᠡᠬᠡᠪᠴᠢᠯᠡᠨ ᠰᠡᠳᠭᠢᠯ ᠪᠤᠶᠤ ᠳᠠᠷᠢᠬᠢ ᠶᠠᠳᠠᠷᠠᠭᠰᠠᠨ ᠡᠴᠠ ᠮᠡᠳᠡᠷᠡᠯ ᠤᠨ ᠶᠠᠳᠠᠷᠠᠭᠠ ᠪᠤᠯᠳᠠᠭ ᠃ ᠳᠠᠷᠢᠬᠢ ᠶᠠᠳᠠᠷᠠᠨᠠ ᠭᠡᠰᠡᠨ ᠣᠶᠢᠯᠠᠭᠠᠯᠲᠠ ᠨᠢ ᠶᠠᠮᠠᠷ ᠨᠢᠭᠡ ᠠᠰᠠᠭᠤᠳᠠᠯ ᠵᠢᠡᠨ ᠰᠢᠢᠳᠴᠦ ᠴᠢᠳᠠᠬᠤ ᠦᠭᠡᠢ ᠦᠶᠡ ᠳ᠋ᠦ ᠯᠠ ᠶᠠᠳᠠᠷᠠᠵᠤ ᠪᠠᠶᠢᠭᠠ ᠶᠤᠮ ᠃ ᠳᠠᠷᠢᠬᠢ ᠲᠢᠭ ᠵᠢᠷᠤᠮ ᠳ᠋ᠦ ᠳᠣᠷᠠᠲᠠᠢ ᠂ ᠲᠢᠭ ᠵᠢᠷᠤᠮ ᠵᠦᠷᠢᠴᠡᠭᠳᠡᠬᠦ ᠶᠤᠮ ᠪᠤᠯ ᠠᠶᠤᠯ ᠤᠨ ᠳᠣᠬᠢᠶᠠ ᠭᠠᠷᠴᠤ ᠢᠷᠡᠭᠡᠳ ᠰᠲ᠋ᠷᠸᠰᠰ ᠪᠤᠯᠵᠤ ᠬᠤᠪᠢᠷᠠᠵᠦ ᠪᠠᠶᠢᠭᠠ ᠶᠤᠮ ᠃
