ᠮᠣᠩᠭᠣᠯᠴᠣᠳ ᠴᠢᠰᠤᠨ ᠲᠦᠷᠦᠯ ᠤᠨ ᠬᠣᠯᠪᠤᠭᠠ ᠲᠠᠢ ᠬᠦᠮᠦᠨ ᠲᠠᠢ ᠪᠠᠨ ᠭᠡᠷ ᠪᠦᠯᠢ ᠪᠤᠯᠵᠤ ᠂ ᠴᠢᠰᠤ ᠤᠶᠢᠷᠠᠳᠬᠤ ᠨᠢ ᠲᠦᠭᠡᠮᠡᠯ ᠦᠵᠡᠭᠳᠡᠯ ᠪᠤᠯᠤᠭᠰᠠᠨ ᠳ᠋ᠦ ᠡᠷᠳᠡᠮᠲᠡᠳ ᠰᠠᠨᠠᠭᠠ ᠵᠤᠪᠠᠨᠢᠵᠤ ᠪᠠᠶᠢᠨᠠ ᠃ ᠮᠣᠩᠭᠣᠯ ᠤᠨ ᠬᠦᠮᠦᠨ ᠠᠮᠠ ᠳ᠋ᠡᠬᠢ ᠴᠢᠰᠤ ᠣᠶᠢᠷᠠᠲᠤᠯᠲᠠ ᠶᠢᠨ ᠦᠨᠦ ᠶᠢᠨ ᠲᠦᠪᠰᠢᠨ ᠂ ᠲᠡᠭᠦᠨ ᠳ᠋ᠦ ᠶᠠᠭᠤ ᠨᠦᠯᠦᠭᠡᠯᠡᠵᠤ ᠪᠤᠢ ᠲᠠᠯᠠ ᠪᠡᠷ ᠠᠨᠠᠭᠠᠬᠣ ᠣᠬᠠᠭᠠᠨ ᠥ ᠳ᠋ᠣᠺᠲ᠋ᠣᠷ ᠂ ᠬᠦᠮᠦᠨ ᠥ ᠶᠡᠬᠡ ᠡᠮᠴᠢ ᠂ ᠬᠦᠮᠦᠨ ᠰᠤᠳᠤᠯᠤᠭᠠᠴᠢ ᠂ ᠰᠲ᠋ᠷᠠᠲ᠋ᠸᠭᠢ ᠰᠣᠳᠣᠯᠭᠠᠨ ᠥ ᠬᠦᠷᠢᠶᠡᠯᠡᠩ ᠤᠨ ᠰᠤᠳᠤᠯᠤᠭᠠᠴᠢ ᠡ ᠂ ᠡᠩᠭᠡᠮᠡ ᠲᠠᠢ ᠶᠠᠷᠢᠯᠴᠠᠯᠠ ᠃
– ᠪᠢᠳᠡ ᠴᠢᠰᠤ ᠣᠶᠢᠷᠠᠲᠤᠯᠲᠠ ᠭᠡᠵᠦ ᠶᠠᠷᠢᠳᠠᠭ ᠪᠤᠯᠪᠠᠴᠤ ᠴᠣᠬᠣᠮ ᠶᠠᠭᠣ ᠵᠢ ᠬᠡᠯᠡᠭᠡᠳ ᠪᠠᠶᠢᠭᠠ ᠵᠢ ᠨᠢ ᠲᠡᠶᠢᠮᠦ ᠴᠦ ᠰᠠᠶᠢᠨ ᠮᠡᠳᠡᠳᠡᠭ ᠦᠭᠡᠢ ᠃ ᠴᠢᠰᠤ ᠣᠶᠢᠷᠠᠲᠤᠯᠲᠠ ᠭᠡᠵᠦ ᠴᠣᠬᠣᠮ ᠶᠠᠭᠣ ᠵᠢ ᠬᠡᠯᠡᠳᠡᠭ ᠶᠤᠮ ᠪᠤᠢ ︖
– ᠴᠢᠰᠤ ᠤᠶᠢᠷᠠᠳᠬᠤ ᠦᠵᠡᠭᠳᠡᠯ ᠨᠢ ᠬᠦᠮᠦᠨ ᠠᠮᠠ ᠶᠢᠨ ᠲᠤᠳᠤᠷᠠ ᠣᠯᠠᠨ ᠦᠶᠡ ᠣᠳᠤᠮ ᠤᠨ ᠲᠤᠷᠰᠢ ᠦᠯᠦ ᠠᠩᠵᠠᠭᠠᠷᠠᠭᠳᠠᠬᠤ ᠪᠠᠶᠢᠳᠠᠯ ᠵᠢᠡᠷ ᠶᠠᠪᠣᠭᠳᠠᠳᠠᠭ ᠭᠸᠨᠧᠲ᠋ᠢᠺ ᠫᠷᠤᠴᠸᠰᠰ ᠶᠤᠮ ᠃ ᠣᠷᠣᠭ ᠲᠦᠷᠦᠯ ᠤᠨ ᠬᠣᠯᠪᠤᠭᠠ ᠲᠠᠢ ᠬᠦᠮᠦᠰ ᠬᠤᠭᠤᠷᠤᠨᠳᠤ ᠪᠠᠨ ᠭᠡᠷᠯᠡᠬᠦ ᠵᠢ ᠴᠢᠰᠤ ᠣᠶᠢᠷᠠᠲᠣᠭᠰᠠᠨ ᠭᠡᠷᠯᠡᠯᠲᠡ ᠭᠡᠳᠡᠭ ᠃ ᠬᠦᠮᠦᠨ 32040 ᠭᠸᠨ ᠲᠠᠢ ᠭᠡᠳᠡᠭ ᠢ ᠡᠷᠳᠡᠮᠲᠡᠳ ᠨᠠᠷᠢᠨ ᠲᠤᠳᠤᠷᠬᠠᠶᠢᠯᠠᠭᠰᠠᠨ ᠃ ᠡᠨᠡ 32040 ᠭᠧᠨ ᠥ 16020 ᠵᠢ ᠨᠢ ᠠᠪᠣ ᠡᠴᠡ ᠪᠡᠨ ᠂ ᠦᠯᠡᠳᠡᠭᠰᠡᠨ 16020 ᠵᠢ ᠨᠢ ᠡᠵᠢ ᠡᠴᠡ ᠪᠡᠨ ᠠᠪᠳᠠᠭ ᠃ ᠦᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠭᠧᠨ ᠥ ᠰᠠᠩ ᠤᠨ ᠶᠢᠡᠨ 50 ᠬᠣᠪᠢ ᠵᠢ ᠡᠵᠢ ᠡᠴᠡ ᠪᠡᠨ ᠂ 50 ᠬᠣᠪᠢ ᠵᠢ ᠠᠪᠣ ᠡᠴᠡ ᠪᠡᠨ ᠠᠪᠳᠠᠭ ᠭᠡᠰᠡᠨ ᠦᠭᠡ ᠃ ᠢᠩᠬᠢᠵᠦ ᠬᠤᠪᠢ ᠬᠦᠮᠦᠨ ᠥ ᠭᠧᠨ ᠥ ᠰᠠᠩ ᠪᠦᠷᠢᠳᠦᠳᠡᠭ ᠃ ᠴᠢᠰᠤ ᠣᠶᠢᠷᠠᠲᠤᠯᠲᠠ ᠶ᠋ᠢ ᠰᠢᠭᠤᠳ ᠪᠤᠯᠤᠨ ᠠᠯᠤᠰ ᠶᠢᠡᠷ ᠭᠡᠵᠦ ᠠᠩᠬᠢᠯᠠᠳᠠᠭ ᠃ ᠰᠢᠭᠤᠳ ᠨᠢ ᠴᠢᠰᠤᠨ ᠲᠦᠷᠦᠯ ᠤᠨ ᠬᠠᠮᠢᠶᠠᠲᠠᠢ ᠬᠦᠮᠦᠰ ᠬᠤᠭᠤᠷᠤᠨᠳᠤ ᠪᠡᠨ ᠬᠡᠷᠯᠡᠬᠦ ᠂ ᠠᠯᠤᠰ ᠶᠢᠡᠷ ᠨᠢ ᠨᠢᠭᠡ ᠨᠣᠲᠣᠭ ᠣᠰᠣᠨ ᠥ ᠂ ᠣᠶᠢᠷᠠ ᠠᠮᠢᠳᠣᠷᠠᠳᠠᠭ ᠬᠦᠮᠦᠰ ᠣᠯᠠᠨ ᠦᠶᠡ ᠪᠡᠷ ᠬᠤᠭᠤᠷᠤᠨᠳᠤ ᠪᠡᠨ ᠬᠡᠷᠯᠡᠬᠦ ᠶᠠᠪᠣᠳᠠᠯ ᠶᠤᠮ ᠃
– ᠴᠢᠰᠤ ᠣᠶᠢᠷᠠᠲᠤᠯᠲᠠ ᠶᠢᠨ ᠬᠠᠮᠤᠭ ᠤᠨ ᠠᠶᠤᠯᠲᠠᠢ ᠦᠷᠠ ᠳᠠᠭᠠᠪᠤᠷᠢ ᠨᠢ ᠶᠠᠭᠤ ᠪᠤᠢ ︖
– ᠴᠢᠰᠤ ᠣᠶᠢᠷᠠᠲᠤᠯᠲᠠ ᠶ᠋ᠢ ᠰᠡᠭᠦᠳᠡᠷ ᠮᠡᠳᠦ ᠳᠠᠭᠠᠵᠣ ᠶᠠᠪᠣᠳᠠᠭ ᠨᠢᠭᠡ ᠵᠦᠢᠯ ᠪᠤᠯ ᠣᠶᠣᠨ ᠥ ᠬᠤᠮᠰᠠᠳᠠᠯ ᠂ ᠣᠶᠣᠨ ᠥ ᠬᠦᠭᠵᠢᠯ ᠤᠨ ᠰᠠᠭᠠᠲᠤᠯ ᠶᠤᠮ ᠃ ᠠᠮᠢ ᠦᠭᠡᠢ ᠲᠦᠷᠦᠯᠲᠠ᠂ ᠵᠤᠯᠪᠠᠯᠲᠠ ᠶᠡᠬᠡ ᠪᠤᠯᠵᠤ ᠪᠠᠶᠢᠭᠠ ᠨᠢ ᠪᠦᠭᠦᠳᠡ ᠯᠠ ᠴᠢᠰᠤ ᠣᠶᠢᠷᠠᠲᠤᠯᠲᠠ ᠶᠢᠨ ᠢᠯᠡᠷᠡᠯ ᠃ ᠪᠠᠶᠠ ᠶᠢᠨ ᠡᠰᠡᠷᠭᠦᠴᠡᠯ ᠳᠠᠷᠬᠠᠯᠠᠭᠠ ᠰᠣᠯᠠᠷᠠᠵᠣ ᠂ ᠶᠠᠮᠠᠷ ᠨᠢᠭᠡᠨ ᠡᠪᠡᠳᠴᠢᠨ ᠢ ᠡᠰᠡᠷᠬᠦᠴᠡᠬᠦ ᠴᠢᠳᠠᠪᠬᠢ ᠲᠤᠷᠤᠶᠢᠳᠠᠨᠠ ᠃ ᠦᠭᠡᠷᠡ ᠨᠢᠭᠡ ᠨᠣᠴᠢᠲᠠᠢ ᠵᠦᠢᠯ ᠨᠢ ᠬᠦᠮᠦᠨ ᠣᠶᠣᠨ ᠥ ᠬᠤᠮᠰᠠᠳᠠᠯ ᠳ᠋ᠦ ᠣᠷᠤᠵᠤ ᠂ ᠪᠡᠶᠡ ᠪᠢᠯᠳᠠᠷ ᠨᠢ ᠲᠠᠪᠵᠠ ᠪᠣᠯᠬᠣ ᠵᠢᠨ ᠵᠡᠷᠭᠡᠴᠡᠭᠡ ᠣᠶᠣᠨ ᠥ ᠬᠦᠭᠵᠢᠯ ᠨᠢ ᠳᠣᠷᠣᠢ ᠪᠠᠭᠣᠷᠠᠢ ᠪᠣᠯᠬᠣ ᠵᠢᠨ ᠬᠢᠷᠢ ᠪᠡᠷ ᠬᠠᠷᠠ ᠠᠮᠢ ᠪᠡᠨ ᠪᠣᠳᠣᠳᠠᠭ ᠃ ᠶᠠᠮᠠᠷ ᠴᠦ ᠦᠨᠡ ᠴᠡᠨᠡ ᠪᠡᠷ ᠬᠠᠮᠢᠶᠠ ᠦᠭᠡᠢ ᠂ ᠬᠠᠷᠠ ᠠᠮᠢ ᠪᠡᠨ ᠬᠤᠬᠤᠶᠢᠯᠠᠬᠤ ᠶ᠋ᠢ ᠬᠢᠴᠢᠶᠡᠳᠡᠭ ᠃
– ᠮᠣᠩᠭᠣᠯ ᠤᠨ ᠬᠦᠮᠦᠨ ᠠᠮᠠ ᠳ᠋ᠡᠬᠢ ᠴᠢᠰᠤ ᠣᠶᠢᠷᠠᠲᠤᠯᠲᠠ ᠶᠢᠨ ᠦᠨᠦ ᠶᠢᠨ ᠲᠦᠪᠰᠢᠨ ᠶᠠᠮᠠᠷ ᠪᠠᠶᠢᠨᠠ ᠪᠤᠢ ︖
– ᠬᠦᠮᠦᠨ ᠠᠮᠠ ᠶᠢᠨ ᠲᠤᠳᠤᠷᠠ ᠴᠢᠰᠤ ᠣᠶᠢᠷᠠᠲᠤᠯᠲᠠ ᠶᠠᠪᠣᠭᠳᠠᠵᠤ ᠪᠠᠶᠢᠨᠠ ᠤᠣ ᠂ ᠦᠭᠡᠢ ᠤᠣ ᠭᠡᠳᠡᠭ ᠢ ᠲᠤᠳᠤᠷᠬᠠᠶᠢᠯᠠᠳᠠᠭ ᠦᠨᠳᠦᠰᠦᠨ ᠬᠤᠶᠠᠷ ᠠᠷᠭᠠ ᠪᠤᠢ ᠃ ᠨᠢᠭᠡᠳᠦᠭᠡᠷ ᠲᠦ ᠤᠷᠤᠭ ᠤᠨ ᠪᠢᠴᠢᠭᠯᠡᠯ ᠬᠢᠳᠡᠭ᠃ ᠶᠠᠷᠰᠢᠭᠲᠠᠢ ᠴᠤ ᠡᠨᠡ ᠪᠤᠯ ᠪᠤᠯᠤᠮᠵᠢ ᠶᠢᠨ ᠰᠠᠶᠢᠨ ᠠᠷᠭᠠ ᠃ ᠣᠷᠤᠭ ᠤᠨ ᠪᠢᠴᠢᠭᠯᠡᠯ ᠤᠨ ᠠᠷᠭᠠ ᠪᠡᠷ ᠴᠢᠰᠤ ᠣᠶᠢᠷᠠᠲᠤᠯᠲᠠ ᠶ᠋ᠢ ᠲᠤᠳᠤᠷᠬᠠᠶᠢᠯᠠᠶᠠ ᠭᠡᠬᠦ ᠪᠡᠷ ᠨᠢᠭᠡ ᠲᠣᠮᠣ ᠪᠡᠷᠬᠡᠰᠢᠶᠡᠯ ᠪᠤᠢ ᠃ ᠮᠠᠨᠠᠶᠢᠬᠢᠨ ᠦᠪᠡᠷ ᠡᠴᠡ ᠪᠡᠨ ᠳᠡᠭᠡᠭᠰᠢ ᠭᠤᠷᠪᠠᠳᠠᠬᠢ ᠦᠶᠡ ᠡᠴᠡ ᠴᠠᠭᠠᠰᠢ ᠡᠪᠦᠭᠡ ᠳᠡᠭᠡᠳᠦᠰ ᠦᠨ ᠢᠶ᠋ᠡᠨ ᠲᠤᠬᠠᠢ ᠮᠡᠳᠡᠬᠦ ᠪᠠᠨ ᠪᠤᠯᠢᠭᠰᠠᠨ ᠃ ᠲᠡᠶᠢᠮᠦ ᠡᠴᠡ ᠪᠢᠳᠡ ᠬᠦᠮᠦᠨ ᠠᠮᠠ ᠶᠢᠨ ᠭᠧᠨᠧᠲ᠋ᠢᠺ ᠪᠤᠶᠤ ᠫᠤᠫᠤᠯᠶᠠᠼ ᠤᠨ ᠭᠧᠨᠧᠲ᠋ᠢᠺ ᠤᠨ ᠰᠢᠨᠵᠢᠯᠡᠬᠦ ᠣᠬᠠᠭᠠᠨ ᠥ ᠲᠣᠭᠠᠴᠠᠯᠠᠯ ᠤᠨ ᠠᠷᠭᠠ ᠵᠢ ᠠᠰᠢᠭᠯᠠᠭᠰᠠᠨ ᠃ ᠡᠨᠡ ᠠᠷᠭᠠ ᠪᠡᠷ ᠲᠤᠭᠠᠴᠠᠯᠠᠬᠤ ᠶ᠋ᠢᠨ ᠲᠤᠯᠠᠳᠠ ᠡᠬᠢᠯᠡᠭᠡᠳ ᠲᠤᠬᠠᠢ ᠶᠢᠨ ᠬᠦᠮᠦᠨ ᠠᠮᠠ ᠳ᠋ᠦ ᠣᠳᠣᠮᠰᠢᠯ ᠤᠨ ᠣᠯᠠᠨ ᠰᠢᠰᠲ᠋ᠧᠮ ᠤᠨ ᠭᠸᠨ ᠨᠤᠭᠦᠳ ᠤᠨ ᠲᠠᠷᠬᠠᠯᠲᠠ ᠵᠢ ᠰᠤᠳᠤᠯᠳᠠᠭ ᠃ ᠬᠦᠮᠦᠨ ᠰᠤᠳᠤᠯᠤᠭᠠᠴᠢ ᠡᠷᠳᠡᠮᠲᠡᠳ ᠤᠨ 30 ᠭᠠᠷᠤᠢ ᠵᠢᠯ ᠤᠨ ᠬᠦᠳᠡᠯᠮᠦᠷᠢ ᠶ᠋ᠢᠨ ᠦᠷᠠ ᠳ᠋ᠦ᠋ᠢᠩ ᠳ᠋ᠦ ᠣᠳᠣᠮᠰᠢᠯ ᠤᠨ 11 ᠰᠢᠰᠲ᠋ᠧᠮ ᠶᠢᠡᠷ 400 ᠣᠷᠴᠢᠮ ᠭᠧᠨ ᠥ ᠲᠠᠷᠬᠠᠯᠲᠠ ᠵᠢ ᠮᠣᠩᠭᠣᠯ ᠤᠨ ᠬᠦᠮᠦᠨ ᠠᠮᠠ ᠳ᠋ᠦ ᠲᠤᠭᠳᠠᠭᠠᠭᠰᠠᠨ ᠃ ᠡᠨᠡ ᠬᠦ ᠰᠠᠭᠣᠷᠢ ᠮᠡᠳᠡᠭᠡᠯᠡᠯ ᠳ᠋ᠦ ᠲᠤᠯᠭᠠᠭᠤᠷᠢᠯᠠᠨ ᠬᠦᠮᠦᠨ ᠠᠮᠠ ᠳ᠋ᠡᠬᠢ ᠴᠢᠰᠤ ᠣᠶᠢᠷᠠᠲᠤᠯᠲᠠ ᠶᠢᠨ ᠦᠨᠦ ᠶᠢᠨ ᠲᠦᠪᠰᠢᠨ ᠢ ᠲᠤᠭᠠᠴᠠᠯᠠᠬᠤ ᠪᠣᠯᠣᠮᠵᠢ ᠪᠦᠷᠢᠳᠦᠭᠰᠡᠨ ᠬᠡᠷᠡᠭ ᠃ ᠦᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠂ ᠲᠤᠳᠤᠷᠬᠠᠢ ᠪᠦᠯᠦᠭ ᠬᠦᠮᠦᠨ ᠠᠮᠠ ᠶᠢᠨ ᠲᠤᠳᠤᠷᠠ ᠬᠡᠨ ᠬᠡᠨ ᠲᠡᠢ ᠪᠡᠨ ᠭᠡᠷᠯᠡᠭᠡᠳ ᠭᠧᠨ ᠥ ᠳᠠᠪᠲᠠᠮᠵᠢ ᠬᠠᠮᠢᠭᠠᠰᠢ ᠪᠠᠨ ᠶᠠᠪᠣᠵᠤ ᠪᠠᠶᠢᠭᠠ ᠵᠢ ᠢᠯᠡᠷᠡᠭᠦᠯᠵᠣ ᠪᠠᠶᠢᠭᠠ ᠠᠷᠭᠠ ᠶᠤᠮ ᠃ ᠦᠨᠦᠳᠦᠷ ᠮᠣᠩᠭᠣᠯ ᠤᠨ ᠬᠦᠮᠦᠨ ᠠᠮᠠ ᠳ᠋ᠡᠬᠢ ᠴᠢᠰᠤ ᠣᠶᠢᠷᠠᠲᠤᠯᠲᠠ ᠶᠢᠨ ᠪᠠᠶᠢᠳᠠᠯ ᠨᠢ ᠡᠯᠤᠨᠴᠠ ᠬᠣᠯᠣᠨᠴᠠ ᠶᠢᠨ ᠲᠦᠪᠰᠢᠨ ᠳ᠋ᠦ ᠬᠠᠮᠢᠶᠠᠲᠠᠢ ᠦᠷᠠ ᠣᠳᠤᠮ ᠤᠳ ᠳᠤᠣᠷᠠ ᠪᠡᠨ ᠣᠴᠢᠵᠤ ᠭᠡᠷᠯᠡᠭᠡᠳ ᠪᠠᠶᠢᠭᠠ ᠬᠡᠮᠵᠢᠶᠡᠨ ᠳ᠋ᠦ ᠬᠦᠷᠴᠢᠭᠡᠵᠦ ᠃ ᠡᠨᠡ ᠪᠤᠯ ᠦᠨᠳᠦᠰᠦᠨ ᠥ ᠠᠶᠤᠯᠭᠦᠢ ᠪᠠᠶᠢᠳᠠᠯ ᠤᠨ ᠬᠡᠮᠵᠢᠶᠡᠨ ᠳ᠋ᠦ ᠶᠠᠷᠢᠭᠳᠠᠬᠤ ᠂ ᠬᠦᠮᠦᠨ ᠠᠮᠠ ᠶᠢᠨ ᠣᠳᠤᠮ ᠤᠨ ᠰᠠᠩ ᠤᠨ ᠠᠶᠤᠯᠭᠦᠢ ᠪᠠᠶᠢᠳᠠᠯ ᠳ᠋ᠦ ᠵᠠᠨᠣᠯᠬᠢᠯᠠᠭᠰᠠᠨ ᠦᠵᠡᠭᠦᠯᠦᠯᠲᠡ ᠶᠤᠮ ᠃
– ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠦᠲᠦᠴᠡ ᠴᠢᠰᠤ ᠣᠶᠢᠷᠠᠲᠤᠯᠲᠠ ᠳ᠋ᠦ ᠨᠦᠯᠦᠭᠡᠯᠡᠵᠤ ᠪᠠᠶᠢᠭᠠ ᠤᠣ ︖
– ᠬᠦᠮᠦᠨ ᠠᠮᠠ ᠶᠢᠨ ᠲᠤᠳᠤᠷᠠ ᠴᠢᠰᠤ ᠣᠶᠢᠷᠠᠲᠤᠯᠲᠠ ᠶᠡᠬᠡᠰᠬᠦ ᠦᠵᠡᠭᠳᠡᠯ ᠳ᠋ᠦ ᠨᠦᠯᠦᠭᠡᠯᠡᠬᠦ ᠪᠠᠰᠠ ᠨᠢᠭᠡ ᠲᠣᠮᠣ ᠬᠦᠴᠦᠨ ᠵᠦᠢᠯ ᠨᠢ ᠵᠠᠰᠠᠭ ᠵᠠᠬᠢᠷᠭᠠᠨ ᠥ ᠬᠡᠳᠦ ᠵᠢᠵᠢᠭᠷᠡᠬᠦᠯᠦᠭᠰᠡᠨ ᠪᠦᠲᠦᠴᠡ ᠶᠤᠮ ᠃ ᠬᠠᠭᠣᠴᠢᠨ ᠲᠦᠷᠪᠡᠨ ᠠᠶᠢᠮᠠᠭ ᠤᠨ ᠲᠤᠭᠲᠠᠯᠴᠠᠭᠠ ᠲᠠᠢ ᠪᠠᠶᠢᠬᠤ ᠳ᠋ᠦ ᠬᠠᠩᠭᠠᠢ ᠡᠴᠡ ᠪᠡᠨ ᠭᠣᠪᠢ ᠂ ᠭᠤᠪᠢ ᠡᠴᠡ ᠪᠡᠨ ᠬᠠᠩᠭᠠᠢ ᠣᠷᠤᠭᠤ ᠣᠳᠤᠷ ᠨᠡᠭᠦᠳᠡᠯ ᠬᠢᠳᠡᠭ ᠪᠠᠶᠢᠭᠰᠠᠨ ᠃ ᠡᠨᠡ ᠬᠢᠷᠢ ᠪᠡᠷ ᠮᠠᠯ ᠨᠢ ᠲᠠᠷᠭᠤ ᠠᠪᠳᠠᠭ ᠂ ᠵᠠᠯᠠᠭᠤᠰ ᠨᠢ ᠬᠤᠭᠤᠷᠤᠨᠳᠤ ᠪᠡᠨ ᠲᠠᠨᠢᠯᠴᠠᠵᠤ ᠳᠣᠲᠣᠨᠣᠰᠳᠠᠭ ᠰᠠᠶᠢᠬᠠᠨ ᠲᠤᠭᠲᠠᠯᠴᠠᠭᠠ ᠲᠠᠢ ᠪᠠᠶᠢᠭᠰᠠᠨ ᠃ ᠭᠡᠳᠡᠯᠡ ᠵᠠᠰᠠᠭ ᠵᠠᠬᠢᠷᠭᠠᠨ ᠥ ᠬᠤᠪᠢ ᠳ᠋ᠦ 18 ᠂ ᠳᠠᠷᠠᠭᠠ ᠨᠢ 21 ᠠᠶᠢᠮᠠᠭ ᠴᠢᠨᠠᠭᠰᠢᠯᠠᠪᠠᠯ ᠂ 370 ᠭᠠᠷᠤᠢ ᠰᠤᠮᠤ ᠂ 1500 ᠭᠠᠳ ᠪᠠᠭ ᠭᠡᠳ ᠬᠡᠳᠦ ᠵᠢᠵᠢᠭᠷᠡᠬᠦᠯᠦᠭᠰᠡᠨ ᠪᠦᠳᠦᠴᠡ ᠳ᠋ᠦ ᠬᠤᠪᠢᠶᠠᠭᠠᠳ ᠬᠦᠮᠦᠨ ᠠᠮᠠ ᠶ᠋ᠢᠨ ᠢᠶ᠋ᠡᠨ ᠬᠦᠳᠡᠯᠭᠡᠭᠡᠨ ᠢ ᠬᠦᠯᠴᠢᠬᠡᠭᠰᠡᠨ ᠃ ᠨᠢᠭᠡ ᠪᠠᠭ ᠤᠨ ᠣᠣᠭᠠᠯ ᠬᠦᠮᠦᠰ ᠬᠤᠭᠤᠷᠤᠨᠳᠤ ᠪᠡᠨ ᠬᠡᠷᠯᠡᠬᠦ ᠨᠢ ᠨᠡᠶᠢᠲᠡ ᠭᠡᠷᠯᠡᠯᠲᠡ ᠶᠢᠨ 85.4 ᠂ ᠨᠢᠭᠡ ᠰᠤᠮᠤ ᠵᠢᠨ ᠬᠦᠮᠦᠨ ᠠᠮᠠ ᠶᠢᠨ 73.9 ᠂ ᠨᠢᠭᠡ ᠠᠶᠢᠮᠠᠭ ᠤᠨ ᠬᠡᠮᠵᠢᠶᠡᠨ ᠳ᠋ᠦ 86.1 ᠬᠣᠪᠢ ᠵᠢ ᠡᠵᠡᠯᠡᠵᠣ ᠪᠠᠶᠢᠨᠠ᠃
– ᠦᠪᠡᠷ ᠡᠴᠡ ᠪᠡᠨ ᠳᠡᠭᠡᠭᠰᠢ ᠶᠢᠰᠦᠨ ᠦᠶᠡ ᠪᠠᠨ ᠮᠡᠳᠡᠵᠦ ᠪᠠᠶᠢᠬᠤ ᠨᠢ ᠴᠢᠬᠤᠯᠠ ᠤᠣ ︖
– ᠬᠦᠮᠦᠨ ᠡᠴᠢᠭᠡ ᠵᠢᠨ ᠡᠴᠢᠭᠡ ᠡᠬᠡ ᠂ ᠡᠬᠡ ᠵᠢᠨ ᠡᠴᠢᠭᠡ ᠡᠬᠡ ᠭᠡᠰᠡᠨ ᠲᠦᠷᠪᠡᠨ ᠪᠠᠭᠠᠨᠠ ᠪᠡᠷ ᠲᠤᠰ ᠪᠦᠷᠢ ᠳᠡᠭᠡᠭᠰᠢ ᠶᠢᠰᠦᠨ ᠦᠶᠡ ᠪᠠᠨ ᠪᠦᠷᠢᠨ ᠮᠡᠳᠡᠳᠡᠭ ᠪᠤᠯ ᠶᠢᠰᠦᠨ ᠦᠶᠡ ᠪᠠᠨ ᠮᠡᠳᠡᠳᠡᠭ ᠭᠡᠵᠦ ᠲᠤᠭᠠᠴᠠᠨᠠ ᠃ ᠶᠢᠰᠦᠨ ᠦᠶᠡ ᠵᠢ ᠲᠠᠭᠤᠰᠳᠠᠯᠠ ᠲᠦᠷᠪᠡᠨ ᠪᠠᠭᠠᠨᠠ ᠪᠡᠷ ᠡᠪᠦᠭᠡ ᠳᠡᠭᠡᠳᠦᠰ ᠵᠢᠡᠨ ᠨᠡᠷᠡᠯᠡᠭᠡᠳ ᠶᠠᠪᠣᠬᠤ ᠪᠡᠷ 1022 ᠬᠦᠮᠦᠨ ᠥ ᠮᠡᠳᠡᠭᠡᠯᠡᠯ ᠪᠤᠯᠳᠠᠭ ᠃ ᠡᠳᠡᠭᠡᠷ 1022 ᠬᠦᠮᠦᠨ ᠴᠢᠰᠦᠨ ᠥ ᠪᠡᠨ ᠲᠤᠳᠤᠷᠬᠠᠢ ᠬᠤᠪᠢ ᠪᠡᠷ ᠬᠠᠮᠢᠶᠠᠲᠠᠢ ᠣᠴᠢᠷ ᠡᠴᠠ ᠡᠨᠡ ᠬᠦᠷᠢᠶᠡᠨ ᠳᠦ ᠣᠷᠣᠭ ᠬᠤᠯᠪᠣᠬᠤ ᠵᠢ ᠬᠠᠳᠠᠭᠤ ᠴᠡᠭᠡᠷᠯᠡᠳᠡᠭ ᠪᠠᠶᠢᠵᠤ ᠃ ᠬᠦᠮᠦᠨ ᠠᠪᠣ ᠡᠵᠢ ᠲᠡᠢ ᠪᠠᠨ ᠣᠳᠤᠮ ᠤᠨ ᠰᠠᠩ ᠤᠨ ᠶᠢᠡᠨ 50 ᠂ 50 ᠬᠤᠪᠢ ᠪᠡᠷ ᠬᠠᠮᠢᠶᠠᠲᠠᠢ ᠪᠤᠶᠤ ᠡᠩ ᠤᠨ ᠬᠢ ᠪᠡᠷ ᠬᠡᠯᠡᠪᠡᠯ ᠂ ᠪᠡᠶᠡ ᠪᠡᠷ ᠨᠢ ᠠᠪᠣ ᠵᠢᠨ ᠴᠢᠰᠤᠨ ᠥ 50 ᠂ ᠡᠵᠢ ᠶᠢᠨ ᠴᠢᠰᠤᠨ ᠥ 50 ᠬᠤᠪᠢ ᠡᠷᠭᠢᠵᠦ ᠪᠠᠶᠢᠳᠠᠭ ᠃ ᠴᠢᠨᠠᠭᠰᠢᠯᠠᠪᠠᠯ ᠂ ᠡᠪᠦᠭᠡ ᠡᠮᠡᠭᠡ ᠵᠢᠨ ᠴᠢᠰᠤᠨ ᠥ 25 ᠂ 25 ᠬᠤᠪᠢ ᠭᠡᠬᠦᠴᠢᠯᠡᠨ ᠬᠤᠶᠠᠷ ᠳᠠᠬᠢᠨ ᠪᠠᠭᠠᠰᠴᠤ ᠳᠡᠭᠡᠭᠰᠢ ᠶᠠᠪᠣᠭᠰᠠᠭᠠᠷ ᠶᠢᠰᠦᠳᠡᠬᠢ ᠦᠶᠡ ᠲᠡᠭᠡᠷᠡ ᠣᠳᠤᠮ ᠤᠨ ᠰᠠᠩ ᠤᠨ ᠬᠣᠯᠪᠤᠭᠠ 0.19 ᠬᠤᠪᠢ ᠪᠤᠯᠳᠠᠭ ᠃ ᠬᠠᠷᠢᠨ ᠠᠷᠪᠠᠳᠠᠬᠢ ᠦᠶᠡ ᠶᠢᠨ ᠡᠪᠦᠭᠡ ᠳᠡᠭᠡᠳᠦᠰ ᠲᠠᠢ ᠪᠠᠨ ᠣᠳᠤᠮ ᠤᠨ ᠰᠠᠩ ᠤᠨ ᠬᠤᠪᠢ ᠳ᠋ᠦ ᠪᠠᠷᠣᠭ ᠬᠠᠮᠢᠶᠠ ᠦᠭᠡᠢ ᠂ ᠬᠠᠷᠢ ᠡᠯᠢᠭᠡ ᠤᠨ ᠬᠦᠮᠦᠰ ᠪᠤᠯᠵᠤ ᠬᠤᠪᠢᠷᠠᠳᠠᠭ ᠃ ︽ ᠶᠢᠰᠦᠨ ᠦᠶᠡ ᠶᠢᠨ ᠲᠤᠳᠤᠷᠠ ᠣᠷᠣᠭ ᠬᠤᠯᠪᠣᠬᠤ ᠵᠢ ᠴᠡᠭᠡᠷᠯᠡᠨᠡ︾ ᠭᠡᠳᠡᠭ ᠮᠣᠩᠭᠣᠯ ᠶᠤᠰᠤ ᠵᠠᠩᠰᠢᠯ ᠤᠨ ᠰᠢᠨᠵᠢᠯᠡᠬᠦ ᠣᠬᠠᠭᠠᠨ ᠥ ᠦᠨᠳᠦᠰᠦᠯᠡᠯ ᠡᠨᠡ ᠃
– ᠣᠭ ᠤᠨ ᠪᠢᠴᠢᠭ ᠤᠨ ᠬᠦᠲᠦᠯᠤᠯᠲᠠ ᠦᠨᠦᠳᠦᠷ ᠤᠨ ᠪᠠᠶᠢᠳᠠᠯ ᠵᠢᠡᠷ ᠬᠢᠷᠢ ᠦᠷᠠ ᠳ᠋ᠦᠩ ᠲᠠᠢ ᠪᠠᠶᠢᠨᠠ ᠪᠤᠢ ︖
– ᠮᠤᠩᠭᠤᠯᠴᠤᠳ ᠡᠷᠲᠠ ᠲᠡᠭᠡᠷᠡ ᠦᠶᠡ ᠡᠴᠡ ᠣᠪᠤᠭ ᠲᠤᠲᠤᠷᠠ ᠪᠠᠨ ᠭᠡᠷᠯᠡᠳᠡᠭ ᠦᠭᠡᠢ ᠂ ᠠᠮᠠᠨ ᠪᠤᠯᠤᠨ ᠪᠢᠴᠢᠭ ᠤᠨ ᠬᠡᠯᠪᠡᠷᠢ ᠪᠡᠷ ᠣᠭ ᠤᠨ ᠪᠢᠴᠢᠭ ᠶᠢᠡᠨ ᠬᠦᠲᠦᠯᠳᠡᠭ ᠪᠠᠶᠢᠭᠰᠠᠨ ᠃ 1997 ᠣᠨ ᠳ᠋ᠦ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠲᠤᠭᠳᠠᠭᠠᠯ ᠭᠠᠷᠴᠤ ᠮᠤᠩᠭᠤᠯᠴᠤᠳ ᠣᠪᠤᠭ ᠶᠢᠡᠨ ᠰᠡᠷᠭᠦᠭᠡᠵᠦ ᠡᠬᠢᠯᠡᠬᠦ ᠳ᠋ᠦ ᠪᠤᠷᠤᠭᠤ ᠰᠡᠷᠭᠦᠭᠡᠵᠦ ᠪᠣᠳᠣᠯᠢᠶᠠᠨ ᠡᠭᠦᠰᠦᠭᠰᠡᠨ ᠃ ᠣᠴᠢᠷ ᠨᠢ ᠣᠪᠤᠭ ᠭᠡᠳᠡᠭ ᠴᠢᠰᠤᠨ ᠲᠦᠷᠦᠯ ᠤᠨ ᠨᠢᠭᠡ ᠢᠵᠠᠭᠤᠷᠲᠤ ᠬᠦᠮᠦᠰ ᠤᠨ ᠨᠢᠭᠡᠲᠦᠯ ᠶᠤᠮ ᠃ ᠭᠡᠳᠡᠯᠡ ᠦᠨᠦᠳᠦᠷ ᠮᠣᠩᠭᠣᠯᠴᠣᠳ ᠤᠨ 80 ᠭᠠᠷᠤᠢ ᠬᠤᠪᠢ ᠨᠢ ᠪᠤᠷᠵᠢᠭᠢᠨ ᠣᠪᠣᠭᠲᠠᠨ ᠪᠣᠯᠣᠭᠰᠠᠨ ᠃ ᠪᠠᠰᠠ ᠲᠦᠷᠦᠭᠰᠡᠨ ᠠᠬᠠ ᠲᠡᠭᠦᠦ ᠬᠤᠶᠠᠷ ᠦᠭᠡᠷᠡ ᠣᠪᠣᠭ ᠲᠠᠢ ᠪᠣᠯᠣᠭᠰᠠᠨ ᠪᠠᠶᠢᠬᠤ ᠵᠢᠱᠢᠶᠡ ᠲᠠᠢ ᠃ ᠡᠶᠢᠮᠣ ᠡᠴᠡ ᠣᠪᠣᠭ ᠶᠢᠡᠷ ᠪᠠᠷᠢᠮᠵᠢᠶᠠᠯᠠᠵᠦ ᠴᠢᠰᠤ ᠣᠶᠢᠷᠠᠳᠤᠯᠳᠠ ᠡᠴᠨ ᠬᠠᠮᠠᠭᠠᠯᠠᠬᠣ ᠶᠠᠮᠠᠷ ᠴᠦ ᠠᠷᠭᠠ ᠦᠭᠡᠢ ᠪᠣᠯᠣᠭᠰᠠᠨ ᠂ ᠢᠷᠭᠡᠨ ᠥ ᠦᠨᠡᠮᠯᠡᠬᠦ ᠲᠡᠭᠡᠷᠡ ᠪᠠᠶᠢᠭᠠ ᠣᠪᠣᠭ ᠢ ᠬᠡᠷᠯᠡᠬᠦ ᠳ᠋ᠡᠭᠡᠨ ᠴᠢᠰᠤ ᠣᠶᠢᠷᠠᠳᠤᠯᠳᠠ ᠡᠴᠨ ᠬᠠᠮᠠᠭᠠᠯᠠᠬᠣ ᠠᠷᠭᠠ ᠬᠡᠷᠡᠭᠰᠡᠯ ᠪᠢᠲᠡᠭᠡᠢ ᠪᠤᠯᠭᠠᠭᠠᠴᠢ ᠭᠡᠵᠦ ᠠᠩᠬᠠᠷᠤᠭᠤᠯᠬᠤ ᠨᠢ ᠵᠦᠢᠲᠠᠢ ᠪᠣᠯᠪᠡ ᠤᠣ ᠃
– ᠴᠢᠰᠤ ᠣᠶᠢᠷᠠᠳᠤᠯᠳᠠ ᠡᠴᠨ ᠰᠡᠷᠭᠡᠶᠢᠯᠡᠬᠦ ᠦᠭᠡᠷᠡ ᠠᠷᠭᠠ ᠵᠠᠮ ᠤᠤᠨ ᠴᠦ ᠪᠠᠰᠠ ᠪᠤᠢ ᠪᠢᠵᠠ︖
– ᠬᠦᠮᠦᠨ ᠠᠮᠠ ᠵᠢ ᠴᠢᠰᠤ ᠤᠶᠢᠷᠠᠲᠤᠯᠲᠠ ᠡᠴᠠ ᠬᠠᠮᠠᠭᠠᠯᠠᠬᠣ ᠳ᠋ᠦ ᠣᠷᠤᠭ ᠤᠨ ᠣᠪᠤᠭ ᠶᠢᠡᠨ ᠬᠡᠷᠡᠭᠯᠡᠬᠦ᠂ ᠣᠭ ᠤᠨ ᠪᠢᠴᠢᠭ ᠬᠦᠲᠦᠯᠬᠦ ᠂ ᠬᠦᠮᠦᠨ ᠠᠮᠠ ᠶᠢᠨ ᠬᠦᠳᠡᠯᠭᠡᠭᠡᠨ ᠢ ᠳᠡᠳᠬᠦᠵᠤ ᠦᠭᠬᠦ ᠠᠷᠭᠠ ᠨᠣᠭᠣᠳ ᠪᠠᠶᠢᠳᠠᠭ ᠃ ᠮᠣᠩᠭᠣᠯ ᠤᠨ ᠳᠡᠳ᠋ ᠪᠦᠲᠦᠴᠡ ᠶᠢᠨ ᠲᠣᠭᠲᠠᠯᠴᠠᠭᠠ ᠵᠤᠭᠰᠤᠩᠭᠤᠢ ᠪᠠᠶᠢᠳᠠᠯ ᠳ᠋ᠦ ᠪᠠᠶᠢᠨᠠ ᠃ ᠨᠢᠭᠡ ᠪᠠᠭ ᠂ ᠰᠤᠮᠤ ᠂ ᠠᠶᠢᠮᠠᠭ ᠤᠨ ᠬᠦᠮᠦᠰ ᠣᠯᠠᠨ ᠦᠶᠡ ᠪᠡᠷ ᠲᠡᠷᠡ ᠯᠠ ᠨᠣᠲᠤᠭ ᠤᠨ ᠶᠢᠡᠨ ᠬᠦᠮᠦᠨ ᠲᠠᠢ ᠭᠡᠷᠯᠡᠵᠦ ᠴᠢᠰᠤ ᠤᠶᠢᠷᠠᠳᠬᠤ ᠶᠠᠪᠣᠳᠠᠯ ᠶᠡᠬᠡᠰᠦᠭᠰᠡᠭᠡᠷ ᠪᠠᠶᠢᠨᠠ ᠃ ᠡᠶᠢᠮᠣ ᠳ᠋ᠦ ᠬᠦᠮᠦᠨ ᠠᠮᠠ ᠶᠢᠨ ᠬᠦᠳᠡᠯᠭᠡᠭᠡᠨ ᠢ ᠲᠡᠳᠭᠦᠬᠦ ᠨᠢ ᠦᠭᠡᠷᠡ ᠨᠣᠲᠤᠭ ᠤᠨ ᠬᠦᠮᠦᠰ ᠬᠤᠭᠤᠷᠤᠨᠳᠤ ᠪᠡᠨ ᠠᠭᠣᠯᠵᠠᠬᠣ ᠪᠤᠯᠤᠮᠵᠢ ᠵᠢ ᠨᠡᠮᠡᠭᠳᠡᠭᠦᠯᠤᠨᠠ ᠃ ᠡᠭᠦᠨ ᠡᠴᠡ ᠭᠠᠳᠠᠨᠠ ᠣᠳᠤ ᠡᠴᠡ ᠡᠬᠢᠯᠡᠭᠡᠳ ᠬᠦᠮᠦᠨ ᠪᠦᠷᠢ ᠠᠬᠠ ᠲᠡᠭᠦᠦ ᠂ ᠬᠠᠮᠢᠶᠠᠲᠠᠨ ᠰᠠᠲᠤᠨ ᠶᠢᠡᠷ ᠶᠢᠡᠨ ᠪᠦᠭᠦᠳᠡ ᠣᠷᠤᠭ ᠤᠨ ᠪᠢᠴᠢᠭ ᠶᠢᠡᠨ ᠬᠦᠲᠦᠯᠵᠤ ᠡᠬᠢᠯᠡᠬᠦ ᠨᠢ ᠵᠦᠪ ᠶᠤᠮ ᠃
– ᠣᠭ ᠤᠨ ᠪᠢᠴᠢᠭ ᠢ ᠬᠡᠵᠢᠶᠡᠨ ᠡᠴᠠ ᠬᠦᠲᠦᠯᠬᠦ ᠪᠡᠨ ᠪᠤᠯᠢᠭᠰᠠᠨ ᠶᠤᠮ ᠪᠤᠢ ︖
– ᠠᠩᠬᠠ 1925 ᠣᠨ ᠳ᠋ᠦ ᠮᠣᠩᠭᠣᠯ ᠣᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠨᠢᠭᠤᠴᠠ ᠲᠤᠭᠳᠠᠭᠠᠯ ᠭᠠᠷᠴᠤ ᠮᠣᠩᠭᠣᠯ ᠬᠦᠮᠦᠨ ᠣᠪᠤᠭ ᠬᠡᠷᠡᠭᠯᠡᠬᠦ ᠂ ᠣᠭ ᠤᠨ ᠪᠢᠴᠢᠭ ᠶᠢᠡᠨ ᠬᠦᠲᠦᠯᠬᠦ ᠶᠠᠪᠤᠳᠠᠯ ᠢ ᠪᠤᠯᠢᠭᠤᠯᠴᠢᠬᠠᠭᠰᠠᠨ ᠶᠤᠮ ᠪᠢᠯᠡ ᠃ ᠲᠡᠷᠡ ᠴᠠᠭ ᠡᠴᠡ ᠬᠤᠶᠢᠰᠢ ᠦᠨᠦᠳᠦᠷ ᠢ ᠬᠦᠷᠳᠡᠯᠡ 90 ᠵᠢᠯ ᠦᠩᠭᠡᠷᠡᠵᠦ ᠃ ᠬᠦᠮᠦᠨ ᠥ ᠨᠢᠭᠡ ᠦᠶᠡ ᠣᠳᠣᠮ ᠭᠠᠷᠴᠤ ᠢᠷᠡᠬᠦ ᠭᠧᠨᠧᠲ᠋ᠢᠺ ᠤᠨ ᠬᠣᠭᠣᠴᠠᠭᠠ 25 ᠵᠢᠯ ᠪᠠᠶᠢᠳᠠᠭ ᠶᠤᠮ ᠯᠠ ᠳ᠋ᠠ ᠃ ᠦᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠂ ᠮᠢᠨᠦ ᠦᠷᠠ ᠬᠡᠤᠬᠡᠳ ᠲᠦᠷᠦᠭᠡᠳ ᠲᠣᠮᠳᠠᠴᠢ ᠪᠡᠷ 25 ᠨᠠᠰᠤ ᠬᠦᠷᠴᠦ ᠪᠠᠶᠢᠵᠤ ᠭᠡᠷᠯᠡᠭᠡᠳ ᠲᠠᠷᠠᠭᠠ ᠶᠢᠨ ᠦᠶᠡ ᠣᠳᠤᠮ ᠶᠢᠡᠨ ᠲᠦᠷᠦᠭᠦᠯᠦᠨᠡ ᠃ ᠡᠨᠡ ᠬᠣᠭᠣᠴᠠᠭᠠ ᠪᠡᠷ ᠲᠣᠭᠠᠴᠠᠬᠣ ᠶᠤᠮ ᠪᠤᠯ ᠳᠠᠷᠣᠢ ᠭᠤᠷᠪᠠᠨ ᠦᠶᠡ ᠣᠳᠣᠮ ᠳᠠᠪᠠᠭᠰᠠᠨ ᠬᠣᠭᠣᠴᠠᠭᠠ ᠦᠩᠭᠡᠷᠡᠴᠢᠬᠡᠭᠰᠡᠨ ᠪᠠᠶᠢᠭᠠ ᠶᠤᠮ ᠃ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ 2007 ᠣᠨ ᠥ ᠲᠤᠭᠳᠠᠭᠠᠯ ᠶᠢᠡᠷ ᠣᠭ ᠤᠨ ᠪᠢᠴᠢᠭ ᠢ ᠬᠦᠲᠦᠯᠬᠦ ᠵᠢᠷᠦᠮ ᠢ ᠰᠢᠨᠡᠴᠢᠯᠡᠵᠦ ᠂ ︽ ᠮᠣᠩᠭᠣᠯ ᠣᠯᠤᠰ ᠤᠨ ᠢᠷᠭᠡᠨ ᠣᠭ ᠤᠨ ᠪᠢᠴᠢᠭ ᠬᠦᠲᠦᠯᠬᠦ ᠦᠯᠢᠭᠡᠷᠴᠢᠯᠡᠭᠰᠡᠨ ᠵᠠᠭᠪᠣᠷ ︾ ᠭᠠᠷ ᠤᠨ ᠠᠪᠤᠯᠭᠠ ᠨᠣᠮ ᠢ ᠮᠡᠷᠭᠡᠵᠢᠯ ᠤᠨ ᠡᠷᠳᠡᠮᠲᠡᠳ ᠵᠢᠡᠷ ᠪᠦᠲᠦᠭᠡᠯᠭᠡᠭᠰᠡᠨ ᠃
– ᠭᠠᠳᠠᠭᠠᠳᠤ ᠢᠷᠭᠡᠨ ᠲᠠᠢ ᠭᠡᠷᠯᠡᠵᠦ ᠂ ᠴᠢᠰᠤ ᠣᠶᠢᠷᠠᠳᠤᠯᠳᠠ ᠡᠴᠨ ᠠᠩᠭᠢᠵᠢᠷᠠᠵᠤ ᠪᠤᠯᠬᠤ ᠤᠣ ︖
– ᠮᠣᠩᠭᠣᠯ ᠣᠯᠤᠰ ᠤᠨ ᠢᠷᠭᠡᠨ ᠂ ᠡᠷᠦᠬᠡ ᠪᠦᠷᠢ ᠣᠷᠤᠭ ᠤᠨ ᠪᠢᠴᠢᠭ ᠶᠢᠡᠨ ᠬᠦᠲᠦᠯᠵᠤ ᠡᠬᠢᠯᠡᠬᠦ ᠬᠡᠷᠡᠭᠲᠡᠢ ᠃ ᠴᠢᠰᠤ ᠣᠶᠢᠷᠠᠲᠤᠯᠲᠠ ᠶ᠋ᠢ ᠬᠤᠯᠠᠳᠠᠭᠤᠯᠵᠤ ᠪᠠᠶᠢᠨᠠ ᠭᠡᠳ ᠭᠠᠳᠠᠨᠠ ᠵᠢᠨ ᠬᠦᠮᠦᠰ ᠲᠠᠢ ᠬᠡᠷᠯᠡᠬᠦ ᠨᠢ ᠲᠦᠢᠯ ᠤᠨ ᠪᠤᠷᠤᠭᠤ ᠃ ᠵᠠᠷᠢᠮ ᠨᠢ ᠦᠪᠡᠷ ᠢ ᠪᠠᠨ ᠵᠦᠪᠲᠦᠭᠡᠵᠤ ᠪᠠᠶᠢᠭᠠ ᠪᠠᠶᠢᠬᠤ ᠂ ᠦᠭᠡᠢ ᠰᠢᠣ ᠭᠡᠵᠦ ᠬᠡᠯᠡᠮᠡᠷ ᠪᠠᠶᠢᠨᠠ ᠃ ᠬᠦᠮᠦᠨ ᠠᠮᠢᠳᠤᠷᠠᠯ ᠤᠨ ᠣᠷᠴᠢᠨ ᠳ᠋ᠠᠭᠠᠨ ᠣᠳᠤᠮ ᠤᠨ ᠰᠠᠩ ᠤᠨ ᠶᠢᠡᠨ ᠲᠤᠰᠠᠯᠠᠮᠵᠢ ᠲᠠᠢ ᠳᠠᠰᠤᠨ ᠵᠤᠬᠢᠴᠠᠵᠦ ᠂ ᠠᠮᠢᠳᠤᠷᠠᠯ ᠨᠢ ᠲᠡᠩᠴᠡᠪᠦᠷᠢᠲᠠᠢ ᠶᠠᠪᠣᠭᠳᠠᠳᠠᠭ ᠃ ᠦᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠂ ᠪᠢᠳᠡ ᠮᠣᠩᠭᠣᠯ ᠴᠢᠰᠤ ᠂ ᠮᠣᠩᠭᠣᠯ ᠣᠳᠤᠮ ᠤᠨ ᠰᠠᠩ ᠶᠢᠡᠷ ᠮᠤᠩᠭᠤᠯ ᠤᠨ ᠶᠢᠡᠨ ᠪᠠᠶᠢᠭᠠᠯᠢ ᠂ ᠠᠭᠣᠷ ᠠᠮᠢᠰᠬᠤᠯ ᠳ᠋ᠦ ᠳᠠᠰᠤᠨ ᠵᠤᠬᠢᠴᠠᠵᠦ ᠪᠠᠶᠢᠵᠤ ᠰᠠᠶᠢ ᠡᠷᠡᠭᠦᠯ ᠴᠢᠬᠢᠷᠠᠭ ᠪᠡᠶᠡ ᠪᠢᠯᠳᠠᠷ ᠂ ᠣᠶᠤᠨᠯᠢᠭ ᠪᠠᠶᠢᠳᠠᠯ ᠶᠢᠡᠨ ᠬᠠᠳᠠᠭᠠᠯᠠᠨᠠ ᠃ ᠨᠦᠭᠦᠭᠡ ᠲᠠᠯᠠ ᠡᠴᠡ ᠡᠷᠯᠢᠰᠡᠵᠢᠯᠲᠠ ᠪᠠᠷ ᠲᠤᠬᠠᠢ ᠶᠢᠨ ᠣᠯᠤᠰ ᠦᠨᠳᠦᠰᠦᠲᠡᠨ ᠥ ᠣᠳᠤᠮ ᠤᠨ ᠰᠠᠩ ᠳ᠋ᠦ ᠣᠷᠢᠳ ᠬᠤᠵᠢᠳ ᠪᠠᠶᠢᠭᠠ ᠦᠭᠡᠢ ᠣᠳᠣᠮᠰᠢᠯ ᠤᠨ ᠡᠪᠡᠳᠴᠢᠨ ᠥ ᠭᠸᠨ ᠬᠡᠳᠦᠨ ᠮᠢᠩᠭᠠ ᠪᠡᠷ ᠶᠢᠡᠨ ᠣᠷᠣᠭᠠᠳ ᠢᠷᠡᠳᠡᠭ ᠃
2017.12. 6
