1990 ᠣᠨ ᠥ ᠦᠨᠳᠦᠰᠦᠷᠬᠡᠭ ᠰᠡᠷᠡᠯ ᠶᠢᠡᠷ ᠮᠣᠩᠭᠣᠯ ᠪᠢᠴᠢᠭ ᠶᠢᠡᠨ ᠬᠡᠷᠡᠭᠯᠡᠬᠦ ᠶᠠᠷᠢᠶᠠ ᠡᠭᠦᠰᠬᠦ ᠳ᠋ᠦ ᠴᠦᠭᠡᠨ ᠦᠭᠡᠢ ᠡᠷᠬᠢᠮ ᠡᠰᠡᠷᠭᠦᠴᠡᠵᠤ ᠪᠣᠬᠢᠨᠢᠳᠣᠭᠰᠠᠨ ᠃ ᠡᠰᠡᠷᠭᠦᠴᠡᠭᠴᠢᠳ ᠢ ᠠᠷᠭᠠᠳᠠᠵᠤ ᠮᠣᠩᠭᠣᠯ ᠪᠢᠴᠢᠭ ᠶᠢᠡᠨ ᠣᠷᠬᠢᠯ ᠦᠭᠡᠢ ᠬᠤᠣᠰ ᠪᠢᠴᠢᠭᠳᠡᠨ ᠪᠤᠯᠤᠶᠠ ᠭᠡᠵᠦ ᠵᠦᠭᠡᠯᠡᠷᠡᠭᠦᠯᠦᠭᠡᠳ ᠴᠦ ᠲᠤᠰᠠ ᠵᠢ ᠡᠰᠡ ᠣᠯᠤᠭᠰᠠᠨ ᠃ ᠮᠣᠩᠭᠣᠯ ᠦᠰᠦᠭ ᠵᠢᠡᠨ ᠬᠡᠷᠡᠭᠯᠡᠬᠦ ᠵᠢ ᠡᠰᠡᠷᠭᠦᠴᠡᠭᠴᠢᠳ ᠤᠨ ᠳᠤᠮᠳᠠ ᠡᠷᠳᠡᠮᠲᠡᠨ ᠂ ᠵᠣᠬᠢᠶᠠᠯᠴᠢ ᠂ ᠣᠯᠤᠰ ᠲᠦᠷᠦᠴᠢᠳ ᠪᠠᠶᠢᠭᠠ ᠨᠢ ᠶᠡᠬᠡ ᠰᠣᠳᠣᠨ ᠲᠤᠳᠤᠷᠠᠵᠤ ᠪᠠᠶᠢᠪᠠ ᠃
ᠬᠤᠶᠠᠷ ᠵᠢᠯ ᠤᠨ ᠡᠮᠦᠨᠡ ᠲᠦᠷᠦ ᠵᠢᠨ ᠣᠷᠳᠤᠨ ᠦᠭᠡᠳᠠ ᠪᠡᠨ ᠰᠠᠯᠠᠭᠠᠪᠴᠢ ᠭᠠᠷᠭᠠᠨ ᠭᠣᠣᠭᠴᠢᠵᠦ ᠵᠤᠭᠰᠤᠭᠰᠠᠨ ᠨᠢᠭᠡᠨ ᠣᠯᠤᠰ ᠲᠦᠷᠦᠴᠢ ᠄ ᠮᠣᠩᠭᠣᠯᠴᠣᠳ ᠲᠤ ᠦᠨᠳᠦᠰᠦᠨ ᠥ ᠭᠡᠬᠦ ᠦᠰᠦᠭ ᠪᠠᠶᠢᠬᠤ ᠶᠤᠰᠤ ᠦᠭᠡᠢ ᠃ ᠮᠣᠩᠭᠣᠯ ᠪᠢᠴᠢᠭ ᠭᠡᠳ ᠪᠠᠶᠢᠭᠠ ᠪᠤᠰᠤᠭᠠ ᠦᠰᠦᠭ ᠴᠢᠨᠢ ᠠᠷᠠᠪ ᠦᠰᠦᠭ ᠭᠡᠵᠦ ᠪᠠᠶᠢᠯᠠ ᠃ ᠲᠡᠭᠦᠨ ᠲᠠᠢ ᠶᠠᠷᠢᠯᠴᠠᠭᠴᠢ ᠰᠡᠳᠭᠦᠯᠴᠢ ᠪᠦᠰᠡᠬᠦᠢ ᠄ ᠮᠣᠩᠭᠣᠯ ᠪᠢᠴᠢᠭ ᠢ ᠬᠡᠪᠲᠡᠭᠦᠯᠴᠢᠬᠡᠪᠡᠯ ᠠᠷᠠᠪ ᠦᠰᠦᠭ ᠪᠤᠯᠳᠠᠭ ᠭᠡᠰᠡᠨ ᠪᠢᠵᠠ ᠳᠧ ᠭᠡᠵᠦ ᠣᠯᠤᠰ ᠲᠦᠷᠦᠴᠢ ᠶᠢᠨ ᠠᠮᠠ ᠬᠠᠮᠠᠷ ᠢ ᠲᠤᠯᠢᠶᠠᠴᠢᠬᠤ ᠰᠢᠬᠠᠪᠠ ᠃ ᠴᠢᠯᠦᠭᠡᠲᠦ ᠨᠡᠶᠢᠭᠡᠮ ᠭᠡᠭᠴᠢ ᠳ᠋ᠦ ᠬᠠᠴᠢᠨ ᠬᠠᠴᠢᠨ ᠶᠠᠭᠤ ᠡᠰᠡ ᠪᠤᠯᠳᠠᠭ ᠪᠢᠯᠡ ᠃
ᠺᠢᠷᠢᠯ ᠦᠰᠦᠭ ᠢ ᠣᠷᠬᠢᠪᠠᠯ ᠨᠢᠭᠡ ᠨᠠᠶᠢᠷᠠᠭᠴᠢ ᠶᠢᠨ ᠾᠢᠲ ︵ ᠶᠡᠬᠡ ᠳᠡᠯᠭᠡᠷᠡᠭᠰᠡᠨ ︶ ᠪᠣᠯᠣᠭᠰᠠᠨ ᠳᠠᠭᠤᠤ ᠶ᠋ᠢᠨ ᠨᠤᠭᠤᠯᠤᠭᠠ ᠠᠶᠢᠵᠠᠮ ᠢ ᠬᠠᠭᠣᠴᠢᠨ ᠮᠣᠩᠭᠣᠯ ᠪᠢᠴᠢᠭ ᠭᠠᠷᠭᠠᠵᠤ ᠴᠢᠳᠠᠬᠤ ᠦᠭᠡᠢ ᠃ ᠲᠡᠶᠢᠮᠦ ᠡᠴᠡ ᠳᠠᠭᠤᠤ ᠶ᠋ᠢᠨ ᠰᠢᠯᠦᠭ ᠤᠨ ᠠᠮᠲᠠ ᠰᠢᠮᠲᠡ ᠵᠢ ᠬᠦᠮᠦᠰ ᠮᠡᠳᠡᠷᠡᠵᠤ ᠴᠢᠳᠠᠬᠣ ᠪᠡᠨ ᠪᠤᠯᠢᠨᠠ ᠭᠡᠵᠦ ᠭᠣᠮᠣᠳᠠᠯᠯᠠᠪᠠ ᠃ ᠲᠡᠭᠦᠨ ᠥ ᠱᠠᠪᠢ ᠰᠢᠯᠦᠭᠴᠢ ᠵᠠᠯᠠᠭᠤ ᠄ ᠦᠨᠳᠦᠰᠦᠨ ᠥ ᠪᠢᠴᠢᠭ ᠬᠡᠷᠡᠭᠯᠡᠪᠡᠯ ᠦᠨᠳᠦᠰᠦᠲᠡᠨ ᠬᠣᠭᠣᠷᠣᠨᠳᠣ ᠶᠢᠨ ᠬᠠᠭᠠᠷᠠᠯ ᠵᠢᠯᠠᠭᠠ ᠳᠤᠪᠣ ᠪᠡᠷ ᠶᠢᠡᠨ ᠳᠠᠭᠠᠮᠵᠢᠷᠠᠨᠠ ᠭᠡᠰᠡᠨ ᠪᠢᠵᠠ ᠳᠧ ᠭᠡᠵᠦ ᠰᠠᠶᠢᠮᠰᠤᠷᠬᠠᠬᠤ ᠳ᠋ᠤ ᠪᠠᠭᠰᠢ ᠨᠢ ᠄ ᠲᠡᠭᠡᠯ ᠦᠭᠡᠢ ᠶᠠᠭᠠᠬᠢᠬᠣᠪ ᠃ ᠺᠢᠷᠢᠯ ᠢ ᠣᠷᠬᠢᠵᠣ ᠂ ᠣᠷᠤᠰ ᠠᠬᠠ ᠡᠴᠡ ᠬᠤᠯᠠᠳᠠᠭᠤᠯᠬᠤ ᠣᠯᠤᠰ ᠲᠦᠷᠦ ᠠᠷᠤ ᠪᠡᠷ ᠨᠢ ᠶᠠᠪᠣᠭᠠᠳ ᠪᠠᠶᠢᠭᠠ ᠶᠤᠮ ᠭᠡᠵᠦ ᠡᠪᠦᠭᠡᠨ ᠨᠠᠶᠢᠷᠠᠭᠴᠢ ᠡᠬᠡ ᠤᠷᠤᠨᠴᠢ ᠪᠠᠷ ᠠᠩᠬᠠᠷᠤᠭᠤᠯᠤᠭᠰᠠᠨ ᠨᠢ ᠡᠳᠦᠷ ᠲᠤᠲᠤᠮ ᠤᠨ ᠰᠣᠨᠢᠨ ᠳ᠋ᠦ ᠬᠡᠪᠯᠡᠭᠳᠡᠵᠦ ᠪᠠᠶᠢᠪᠠ ᠳ᠋ᠠ ᠃
ᠮᠢᠨᠦ ᠪᠤᠳᠤᠯ ᠵᠢᠡᠷ ᠬᠤᠣᠰ ᠪᠢᠴᠢᠭᠳᠡᠨ ᠪᠤᠰᠤ ᠪᠦᠷ ᠭᠤᠷᠪᠠᠨ ᠪᠢᠴᠢᠭᠳᠡᠨ ᠪᠣᠯᠴᠢᠬᠠᠭᠠᠳ ᠪᠠᠶᠢᠭᠠ ᠶᠤᠮ ᠰᠢᠭ᠋ ᠃ ᠨᠡᠶᠢᠲᠡ ᠶᠢᠨ ᠰᠦᠯᠵᠢᠶᠠ ︵ ᠭᠠᠷ ᠤᠲᠠᠰᠤ ᠂ ᠰᠦᠯᠵᠢᠶᠡ ᠭᠡᠬᠦ ᠮᠡᠲᠦ ᠬᠡᠷᠡᠭᠰᠡᠯ ︶ ᠪᠡᠷ ᠮᠣᠩᠭᠣᠯᠴᠣᠳ ᠯᠠᠲ᠋ᠢᠨ ᠦᠰᠦᠭ ᠶᠢᠡᠷ ᠬᠠᠷᠢᠯᠴᠠᠳᠠᠭ ᠪᠤᠯᠤᠭᠠᠳ ᠣᠳᠠᠵᠤ ᠪᠠᠶᠢᠨᠠ ᠃ ᠡᠭᠦᠨ ᠢ ᠬᠡᠨ ᠴᠦ ᠵᠤᠭᠰᠤᠭᠠᠵᠤ ᠴᠢᠳᠠᠬᠤ ᠦᠭᠡᠢ ᠬᠡᠮᠵᠢᠶᠡᠨ ᠳ᠋ᠦ ᠲᠠᠷᠬᠠᠵᠠᠢ ᠃ ᠭᠠᠷ ᠣᠳᠠᠰᠤ ᠂ ᠢᠨᠲ᠋ᠸᠷᠨ᠋ᠸᠲ ᠶᠢᠡᠷ ᠬᠠᠷᠢᠯᠴᠠᠶᠠ ᠭᠡᠪᠡᠯ ᠯᠠᠲ᠋ᠢᠨ ᠦᠰᠦᠭ ᠶᠢᠡᠷ ᠣᠩᠰᠢᠵᠦ ᠰᠤᠷᠬᠤ ᠡᠴᠡ ᠦᠭᠡᠷᠡ ᠠᠷᠭᠠ ᠦᠭᠡᠢ ᠳ᠋ᠦ ᠬᠦᠷᠪᠡ ᠃ ᠶᠠᠪᠣᠭᠠᠨ ᠳ᠋ᠠᠭᠠᠨ ᠺᠢᠷᠢᠯ ᠂ ᠦᠨᠳᠦᠰᠦᠨ ᠥ ᠪᠢᠴᠢᠭ ᠬᠤᠶᠠᠷ ᠤᠨ ᠨᠢᠭᠡ ᠨᠢ ᠦᠯᠡᠳᠡᠬᠦ ᠪᠤᠰᠤ ᠺᠢᠷᠢᠯ ᠂ ᠯᠠᠲ᠋ᠢᠨ ᠬᠤᠶᠠᠷ ᠦᠷᠢᠰᠦᠯᠳᠦᠵᠣ ᠨᠢᠭᠡ ᠨᠢ ᠲᠠᠪᠠᠮᠭᠠᠶᠢᠯᠠᠬᠤ ᠢᠷᠡᠭᠡᠳᠦᠢ ᠲᠤᠯᠭᠠᠷᠠᠯᠠ ᠃ ᠬᠠᠰᠠᠭᠰᠲ᠋ᠠᠨ ᠡᠴᠡ ᠡᠬᠢᠯᠡᠭᠡᠳ ᠵᠡᠭᠦᠨ ᠂ ᠵᠡᠭᠦᠨ ᠡᠮᠣᠨᠡᠳᠣ ᠠᠽᠢᠶᠠ ᠨᠡᠶᠢᠳᠡᠮ ᠳ᠋ᠦ ᠪᠡᠨ ᠠᠩᠭ᠍ᠯᠢ ᠬᠡᠯᠡᠲᠡᠨ ᠪᠤᠯᠵᠤ ᠪᠠᠶᠢᠨᠠ ᠭᠡᠬᠦ ᠶᠤᠮ ᠃ ᠳᠡᠯᠡᠬᠡᠢ ᠨᠢᠭᠡ ᠬᠡᠯᠡ ᠪᠡᠷ ᠶᠠᠷᠢᠳᠠᠭ ᠪᠤᠯᠬᠤ ᠡᠴᠡ ᠭᠤᠷᠪᠠᠨ ᠰᠠᠶᠠ ᠮᠣᠩᠭᠣᠯ ᠬᠡᠴᠢᠨᠡᠨ ᠭᠦᠵᠢᠭᠦᠳᠯᠡᠭᠡᠳ ᠲᠡᠮᠡᠭᠡ ᠲᠤᠶᠢᠯᠠᠭᠠᠳ ᠲᠡᠭᠷᠢ ᠳ᠋ᠦ ᠭᠠᠷᠳᠠᠭ ᠦᠭᠡᠢ ᠶ᠋ᠢᠨ ᠦᠯᠢᠭᠡᠷ ᠪᠤᠯᠤᠨᠠ ᠪᠢᠵᠠ ᠃
ᠯᠠᠲ᠋ᠢᠨ ᠦᠰᠦᠭ ᠶᠢᠡᠷ ᠮᠣᠩᠭᠣᠯᠴᠣᠳ ᠶᠠᠮᠠᠷ ᠴᠦ ᠳᠦᠷᠢᠮ ᠦᠭᠡᠢ ᠳᠣᠷᠠ ᠲᠤᠷᠠ ᠪᠠᠷ ᠶᠢᠡᠨ ᠪᠢᠴᠢᠭᠡᠳ ᠳᠤᠣᠷᠠ ᠲᠣᠣᠷᠠ ᠪᠡᠨ ᠭᠦᠵᠢᠷᠳᠡᠨ ᠣᠩᠰᠢᠳᠠᠭ ᠪᠣᠯᠵᠠᠢ ᠃ ᠶᠠᠩᠵᠦ ᠪᠦᠷᠢ ᠪᠡᠷ ᠮᠤᠰᠭᠢᠭᠰᠠᠨ ᠡᠳᠡᠭᠡᠳ ᠠᠶᠠᠯᠭᠣ ᠲᠠᠭᠤᠳᠠᠯᠭᠠ ᠪᠠᠷ ᠬᠦᠮᠦᠨ ᠪᠦᠷᠢ ᠳᠣᠷᠠ ᠲᠤᠷᠠ ᠪᠠᠷ ᠶᠢᠡᠨ ᠪᠢᠴᠢᠭᠡᠳ ( ᠢᠯᠠᠩᠭᠤᠶᠠ ᠰᠠᠬᠢᠯᠭᠠ ᠦᠭᠡᠢ ᠪᠠᠭᠠᠴᠤᠳ ) ᠲᠡᠭᠦᠨ ᠢ ᠪᠡᠨ ᠲᠠᠭᠠᠮᠠᠭᠯᠠᠵᠤ ᠣᠩᠰᠢᠳᠠᠭ ᠵᠢᠷᠣᠮ ᠦᠭᠡᠢ ᠪᠠᠶᠢᠳᠠᠯ ᠴᠠᠰᠢ ᠦᠷᠭᠦᠯᠵᠢᠯᠡᠭᠡᠳ ᠶᠠᠪᠤᠪᠠᠯ ᠠᠶᠠᠯᠭᠣ ᠰᠠᠶᠢᠬᠠᠨ ᠮᠣᠩᠭᠣᠯ ᠬᠡᠯᠡ ᠮᠠᠨᠢ ᠡᠪᠳᠡᠷᠡᠵᠦ ᠲᠠᠭᠠᠷᠠᠨᠠ ᠃ ᠰᠤᠽᠢᠶᠠᠯ ᠰᠦᠯᠵᠢᠶᠡᠨ ᠳ᠋ᠦ ᠪᠤᠯ ᠡᠪᠳᠡᠷᠡᠯ ᠨᠣᠴᠢᠲᠠᠢ ᠬᠡᠮᠵᠢᠶᠡᠨ ᠳ᠋ᠦ ᠬᠦᠷᠴᠢᠬᠡᠭᠰᠡᠨ᠃ ᠡᠶᠢᠮᠦ ᠵᠠᠮᠪᠠᠷᠠᠭᠠ ᠦᠭᠡᠢ ᠨᠦᠬᠦᠴᠡᠯ ᠳ᠋ᠦ ᠺᠢᠷᠢᠯ ᠢ ᠯᠠᠲ᠋ᠢᠨ ᠦᠰᠦᠭ ᠣᠳᠠᠬᠤ ᠦᠭᠡᠢ ᠰᠢᠬᠠᠬᠤ ᠪᠠᠷ ᠴᠢᠮᠡᠭᠡ ᠦᠭᠡᠢ ᠣᠶᠢᠷᠠᠲᠤᠭᠰᠠᠭᠠᠷ ᠪᠠᠶᠢᠨᠠ ᠃ ᠬᠡᠤᠬᠡᠳ ᠵᠠᠯᠠᠭᠣᠰ ᠤᠨ ᠨᠡᠶᠢᠲᠡᠯᠢᠭ ᠬᠡᠷᠡᠭᠯᠡᠳᠡᠭ ᠪᠣᠯᠣᠭᠰᠠᠨ ᠯᠠᠲ᠋ᠢᠨ ᠦᠰᠦᠭ ᠢ ᠵᠠᠬᠢᠷᠭᠠᠳᠠᠨ ᠲᠠᠰᠤ ᠬᠣᠷᠢᠬᠣ ᠭᠡᠪᠡᠯ ᠦᠨᠦ ᠶᠢᠨ ᠨᠡᠶᠢᠭᠡᠮ ᠳ᠋ᠦ ᠪᠦᠳᠦᠭᠦᠯᠢᠭ ᠨᠤᠭᠤᠯᠤᠭᠠ ᠪᠤᠯᠤᠨᠠ ᠃ ᠲᠡᠭᠡᠬᠦ ᠪᠡᠷ ᠡᠷᠳᠡᠮᠲᠡᠳ ᠡᠷᠳᠡᠭᠡᠨ ᠺᠢᠷᠢᠯ ᠦᠬᠡ ᠶᠢᠨ ᠶᠢᠡᠨ ᠳᠦᠷᠢᠮ ᠲᠡᠭᠡᠷᠡ ᠯᠠᠲ᠋ᠢᠨ ᠦᠰᠦᠭ ᠤᠨ ᠳᠦᠷᠢᠮ ᠢ ᠲᠤᠬᠤᠭᠠᠨ ᠲᠠᠭᠠᠷᠠᠭᠤᠯᠵᠤ ᠂ ᠮᠣᠩᠭᠣᠯ ᠬᠡᠯᠡ ᠪᠡᠨ ᠡᠪᠳᠡᠷᠡᠬᠦ ᠡᠴᠡ ᠬᠠᠮᠠᠭᠠᠯᠠᠬᠣ ᠵᠢᠨ ᠲᠤᠯᠠᠳᠠ ᠳᠠᠪ ᠳᠠᠷᠣᠢ ᠭᠠᠷ ᠣᠳᠠᠰᠤ ᠂ ᠢᠨᠲ᠋ᠸᠷᠨ᠋ᠸᠲ ᠶᠢᠡᠷ ᠬᠠᠷᠢᠯᠴᠠᠭᠴᠢ ᠨᠠᠷ ᠢ ︽ ᠲᠦᠷ ᠳᠦᠷᠢᠮ ︾ ᠲᠠᠢ ᠪᠤᠯᠭᠠᠪᠠᠯ ᠶᠠᠭᠠᠬᠢᠭᠰᠠᠨ ᠶᠤᠮ ᠪᠤᠢ ᠃ ᠳᠠᠷᠠᠭᠠ ᠨᠢ ᠮᠡᠷᠭᠡᠳ ᠣᠶᠣᠨ ᠣᠬᠠᠭᠠᠨ ᠶᠢᠡᠨ ᠣᠷᠤᠯᠳᠤᠭᠤᠯᠤᠨ ᠣᠨᠣᠪᠴᠢᠲᠠᠢ ᠰᠢᠢᠳᠪᠦᠷᠢ ᠭᠠᠷᠭᠠᠲᠠᠯᠠ ︽ ᠲᠦᠷ ᠳᠦᠷᠢᠮ ︾ ᠶᠢᠡᠨ ᠬᠡᠷᠡᠭᠯᠡᠬᠦ ᠦᠭᠡᠢ ᠪᠤᠯ ᠮᠣᠩᠭᠣᠯ ᠦᠭᠡ ᠶᠢᠨ ᠳᠠᠭᠤᠳᠠᠯᠭᠠ ᠡᠪᠳᠡᠷᠡᠵᠦ ᠭᠦᠢᠴᠡᠯᠡ ᠃ ᠠᠩᠭ᠍ᠯᠢ ᠬᠡᠯᠡ ᠂ ᠯᠠᠲ᠋ᠢᠨ ᠦᠰᠦᠭ ᠡᠴᠡ ᠪᠤᠯᠲᠠᠶᠠ ᠭᠡᠬᠦ ᠳ᠋ᠦ ᠯᠠᠪ ᠯᠠ ᠬᠦᠷᠰᠢ ᠬᠠᠰᠠᠭᠰᠲ᠋ᠠᠨ ᠬᠠᠨᠢ ᠪᠤᠯᠬᠤ ᠦᠭᠡᠢ ᠪᠣᠯᠵᠠᠢ ᠃
2016 – 10 – 08
