ᠳᠤᠭᠤᠢ ᠶᠢᠨ ᠠᠩᠬᠠᠨ ᠤ ᠪᠠᠭ 1958 ᠣᠨ ᠳᠤ ᠪᠠᠶᠢᠭᠤᠯᠤᠭᠳᠠᠨ《ᠲᠤᠤᠺᠢᠤ᠋ 1964》᠂《ᠮᠣᠰᠺᠸᠠ 1980》᠂ 《ᠪᠠᠷᠰᠧᠯᠤᠨᠠ 1992》᠂《 ᠠᠲᠯᠠᠨᠲ 1996》ᠤᠯᠢᠮᠫᠢᠺ ᠲᠤ ᠣᠷᠣᠯᠴᠠᠵᠤ ᠪᠠᠢᠪᠠ᠃ ᠲᠡᠷᠡ ᠪᠠᠭ ᠨᠢ 1997 ᠣᠨ ᠬᠦᠷᠲᠡᠯ᠎ᠡ ᠪᠦᠲᠦᠨ ᠪᠦᠷᠢᠯᠳᠦᠬᠦᠨ ᠲᠡᠢ ᠠᠵᠢᠯᠯᠠᠵᠤ ᠪᠠᠶᠢᠭᠠᠳ 1999᠂ 2003 ᠣᠨ ᠳᠤ ᠵᠥᠪᠬᠡᠨ ᠤᠯᠢᠮᠫᠢᠺ ᠤᠨ ᠡᠷᠬᠡ ᠠᠪᠬᠤ ᠵᠣᠷᠢᠯᠭ᠎ᠠ ᠪᠠᠷ ᠬᠠᠭᠠᠰ ᠪᠦᠷᠢᠯᠳᠦᠬᠦᠨ ᠲᠡᠢ ᠪᠠᠶᠢᠭᠤᠯᠤᠭᠳᠠᠨ ᠠᠵᠢᠯᠯᠠᠵᠠᠢ᠃ 

2013 ᠣᠨ ᠠᠴᠠ ᠮᠡᠷᠭᠡᠵᠢᠯ ᠦᠨ ᠳᠤᠭᠤᠶᠢᠴᠢᠳ ᠢ ᠪᠡᠯᠡᠳᠬᠡᠨ᠂ 2022 ᠣᠨ ᠳᠤ ᠠᠩᠬᠠᠨ ᠤ ᠬᠠᠭᠠᠰ ᠮᠡᠷᠭᠡᠵᠢᠯ ᠦᠨ 《ᠹᠧᠷᠧᠢ-ᠮᠣᠩᠭᠣᠯ》ᠪᠠᠭ ᠢ ᠪᠠᠶᠢᠭᠤᠯᠤᠨ᠂ ᠶᠢᠰᠦᠳᠦᠭᠡᠷ ᠰᠠᠷ᠎ᠠ ᠠᠴᠠ ᠨᠢ ᠬᠠᠭᠠᠰ ᠪᠦᠷᠢᠯᠳᠦᠬᠦᠨ ᠲᠡᠢ ᠦᠨᠳᠦᠰᠦᠨ ᠦ ᠪᠠᠭ ᠢ ᠪᠠᠶᠢᠭᠤᠯᠵᠤ 《ᠫᠠᠷᠢᠰ 2024》  ᠤᠯᠢᠮᠫᠢᠺ ᠤᠨ ᠡᠷᠬᠡ ᠪᠡᠨ ᠠᠪᠴᠤ  ᠴᠢᠳᠠᠭᠰᠠᠨ ᠢᠶᠠᠷ 2024 ᠣᠨ ᠠᠴᠠ ᠦᠨᠳᠦᠰᠦᠨ ᠦ ᠪᠠᠭ ᠢ ᠬᠤᠶᠠᠷ ᠳᠠᠰᠬᠠᠯᠵᠢᠭᠤᠯᠤᠭᠴᠢ᠂  ᠨᠠᠢ᠌ᠮᠠᠨ ᠲᠠᠮᠢᠷᠴᠢᠨ᠂ ᠨᠡᠶᠢᠲᠡ 10 ᠬᠦᠮᠦᠨ ᠲᠡᠢ ᠪᠦᠷᠢᠨ ᠪᠦᠷᠢᠯᠳᠦᠬᠦᠨ ᠢᠶᠡᠷ ᠢᠶᠡᠨ ᠠᠵᠢᠯᠯᠠᠵᠤ ᠡᠬᠢᠯᠡᠯ᠎ᠡ ᠭᠡᠵᠦ ᠮᠣᠩᠭᠣᠯ ᠤᠨ ᠳᠤᠭᠤᠢ ᠶᠢᠨ ᠬᠣᠯᠪᠣᠭᠠᠨ ᠠᠴᠠ ᠮᠡᠳᠡᠭᠡᠯᠡᠯ᠎ᠡ᠃