ᠢᠨᠳᠤᠨᠢᠽ ᠤᠨ ᠨᠡᠶᠢᠰᠯᠡᠯ ᠵᠠᠺᠠᠷᠲ᠋ᠠ ᠬᠤᠲᠠ ᠳᠤ ᠪᠤᠯᠤᠭᠰᠠᠨ ᠪᠤᠤᠳᠠᠯᠭᠠ ᠶᠢᠨ ᠠᠽᠢᠶᠠ ᠶᠢᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᠭᠡᠨ ᠡᠴᠡ ᠮᠣᠩᠭᠣᠯ ᠤᠨ ᠮᠡᠷᠭᠡᠨ ᠫᠤᠤᠴᠢᠳ ᠤᠯᠢᠮᠫᠢᠺ ᠤᠨ ᠡᠷᠬᠡ ᠪᠡᠨ ᠡᠪᠦᠷᠲᠦᠯᠡᠯᠡ᠃ ᠲᠡᠮᠡᠴᠡᠭᠡᠨ ᠦ ᠬᠡᠢ ᠶᠢᠨ ᠭᠠᠷ ᠪᠤᠤ ᠶᠢᠨ 10 ᠮᠧᠲ᠋ᠷ ᠦᠨ ᠳᠠᠰᠬᠠᠯ ᠳᠤ ᠡ᠊∙ᠳᠠᠸᠠᠬᠦᠦ ᠬᠦᠷᠡᠯ ᠮᠧᠳᠠᠯ ᠬᠦᠷᠲᠡᠵᠦ᠂ ᠫᠠᠷᠢᠰ ᠢ ᠵᠣᠷᠢᠬᠤ ᠡᠷᠬᠡ ᠠᠪᠤᠭᠰᠠᠨ ᠶᠤᠮ᠃
ᠲᠡᠭᠡᠪᠡᠯ ᠤᠷᠲᠤ ᠪᠤᠤ ᠶᠢᠨ 50 ᠮᠧᠲ᠋ᠷ ᠦᠨ ᠭᠤᠷᠪᠠᠨ ᠪᠠᠶᠢᠷᠢᠯᠠᠯ ᠠᠴᠠ ᠫᠤᠤᠳᠠᠬᠤ ᠳᠠᠰᠬᠠᠯ ᠳᠤ ᠨ∙ᠪᠠᠶᠠᠷ ᠰᠢᠭᠰᠢᠭᠡ ᠨᠠᠢ᠌ᠮᠠ ᠳᠤ ᠦᠯᠡᠳᠡᠵᠦ᠂ 《ᠫᠠᠷᠢᠰ-2024》ᠤᠯᠢᠮᠫᠢᠺ ᠲᠤ ᠰᠡᠴᠡ ᠪᠡᠨ ᠰᠣᠷᠢᠬᠤ ᠪᠤᠯᠵᠤᠯ ᠢᠶᠠᠨ ᠪᠡᠶᠡᠯᠡᠭᠦᠯᠪᠡ᠃ ᠲᠡᠷᠡᠪᠡᠷ 2012 ᠣᠨ ᠤ ᠯᠣᠨᠳᠣᠨ ᠤ ᠤᠯᠢᠮᠫᠢᠺ ᠲᠤ ᠠᠩᠬᠠᠯᠠᠨ ᠣᠷᠣᠯᠴᠠᠵᠤ ᠪᠠᠶᠢᠭᠰᠠᠨ ᠪᠢᠯᠡ᠃ ᠲᠡᠭᠦᠨ ᠡᠴᠡ ᠬᠣᠶᠢᠰᠢ 12 ᠵᠢᠯ ᠦᠨ ᠳᠠᠷᠠᠭᠠ ᠬᠤᠶᠠᠳᠠᠬᠢ ᠤᠳᠠᠭᠠ ᠪᠠᠨ ᠤᠯᠢᠮᠫᠢᠺ ᠤᠨ ᠨᠠᠭᠠᠳᠤᠮ ᠤᠨ ᠭᠠᠯ ᠤᠨ ᠱᠤᠭᠤᠮ ᠳᠤ ᠵᠣᠭᠰᠣᠬᠤ ᠪᠠᠷ ᠪᠣᠯᠤᠭᠰᠠᠨ ᠨᠢ ᠡᠨᠡ᠃