ᠰᠠᠭᠰᠤᠨ ᠪᠥᠮᠪᠥᠭᠡ ᠶᠢᠨ ᠰᠫᠣᠷᠲ ᠤᠨ ᠬᠠᠮᠤᠭ ᠤᠨ ᠠᠭᠤᠤ ᠲᠠᠮᠢᠷᠴᠢᠳ ᠤᠨ ᠨᠢᠭᠡ᠂《ᠬᠠᠭᠠᠨ》ᠬᠡᠮᠡᠨ ᠨᠡᠷᠡᠯᠡᠭᠳᠡᠳᠡᠭ ᠯᠧᠪᠷᠣᠨ ᠵᠠᠢᠮᠰ ᠪᠣᠯ ᠰᠫᠣᠷᠲ ᠲᠡᠳᠦᠢ ᠦᠭᠡᠢ ᠠᠮᠢᠳᠤᠷᠠᠯ ᠳᠤ ᠪᠠᠨ ᠴᠤ ᠬᠠᠭᠠᠨ ᠰᠢᠭ᠋ ᠪᠠᠶᠢᠵᠤ ᠴᠢᠳᠠᠳᠠᠭ ᠭᠠᠶᠢᠬᠠᠯᠲᠠᠢ ᠨᠢᠭᠡᠨ᠃ NBA ᠦᠨ ᠳᠥᠷᠪᠡᠨ ᠤᠳᠠᠭᠠ ᠶᠢᠨ ᠠᠪᠤᠷᠭᠤ᠂ ᠣᠯᠢᠮᠫ ᠤᠨ ᠬᠣᠱᠣᠢ ᠠᠪᠤᠷᠭᠤ᠂ ᠪᠦᠬᠦ ᠴᠠᠭ ᠦᠶᠡ ᠶᠢᠨ ᠤᠨᠤᠭᠠ ᠶᠢᠨ ᠯᠢᠳᠧᠷ ᠲᠡᠷᠡᠪᠡᠷ ᠭᠣᠶᠢᠳᠠ ᠠᠪᠢᠶᠠᠰ ᠲᠠᠢ ᠲᠠᠮᠢᠷᠴᠢᠨ ᠲᠡᠳᠦᠢ ᠦᠭᠡᠢ ᠰᠠᠶᠢᠨ ᠠᠪᠤ᠂ ᠰᠠᠢᠨ ᠬᠦᠦ᠂ ᠰᠠᠶᠢᠨ ᠠᠨᠳᠠ ᠨᠥᠬᠥᠷ᠂ ᠨᠡᠶᠢᠭᠡᠮ ᠤᠨ ᠲᠤᠯᠭᠠᠮᠳᠠᠭᠰᠠᠨ ᠠᠰᠠᠭᠤᠳᠠᠯ ᠳᠤ ᠳᠠᠭᠤ ᠬᠣᠭᠣᠯᠠᠢ ᠪᠠᠨ ᠬᠦᠷᠭᠡᠳᠡᠭ ᠨᠥᠯᠥᠭᠡ ᠲᠡᠢ ᠨᠢᠭᠡᠨ ᠭᠡᠳᠡᠭ ᠢ ᠰᠠᠭᠰᠤᠨ ᠪᠥᠮᠪᠥᠭᠡ ᠰᠣᠨᠢᠷᠬᠠᠭᠴᠢᠳ ᠮᠡᠳᠡᠬᠦ ᠪᠢᠯᠡ᠃
ᠲᠡᠭᠦᠨ ᠦ ᠰᠡᠳᠬᠢᠯ ᠬᠥᠳᠡᠯᠭᠡᠮᠡ ᠲᠡᠦᠬᠡ ᠶᠢ ᠮᠣᠩᠭᠣᠯ ᠤᠨ ᠰᠫᠣᠷᠲ ᠰᠣᠨᠢᠷᠬᠠᠭᠴᠢᠳ ᠡᠬᠡ ᠬᠡᠯᠡ ᠪᠡᠷ ᠢᠶᠡᠨ ᠤᠩᠰᠢᠬᠤ ᠪᠣᠯᠤᠮᠵᠢ ᠲᠠᠢ ᠪᠣᠯᠵᠠᠢ᠃ ᠲᠣᠳᠣᠷᠠᠭᠤᠯᠪᠠᠯ᠂ ᠵᠣᠬᠢᠶᠠᠯᠴᠢ ᠵᠧᠹᠹ ᠪᠧᠨᠧᠳᠢᠺᠲ ᠦᠨ ᠪᠢᠴᠢᠭᠰᠡᠨ《ᠯᠧᠪᠷᠣᠨ》ᠨᠠᠮᠲᠠᠷᠴᠢᠯᠠᠭᠰᠠᠨ ᠨᠣᠮ ᠢ ᠣᠷᠴᠢᠭᠤᠯᠤᠭᠴᠢ ᠯ∙ ᠤᠭ᠍ᠶᠤ– ᠤᠳᠤ ᠡᠬᠡ ᠬᠡᠯᠡᠨᠡ ᠬᠥᠷᠪᠡᠭᠦᠯᠦᠨ ᠰᠫᠣᠷᠲ ᠰᠣᠨᠢᠷᠬᠠᠭᠴᠢᠳ ᠲᠤ ᠪᠠᠨ ᠪᠡᠯᠡᠭ ᠪᠠᠷᠢᠵᠤ ᠪᠠᠶᠢᠨᠠ᠃