ᠫᠠᠯᠧᠣᠨᠲ᠋ᠣᠯᠣᠭᠢᠴᠢᠳ ᠮᠣᠩᠭᠣᠯ ᠤᠨ ᠡᠮᠦᠨᠡᠭᠣᠪᠢ ᠠᠶᠢᠮᠠᠭ ᠤᠨ ᠪᠠᠷᠠᠭᠤᠨ ᠭᠣᠶᠣᠲᠤ ᠭᠡᠳᠡᠭ ᠭᠠᠵᠠᠷ ᠠᠴᠠ ᠰᠢᠪᠠᠭᠤ ᠲᠥᠰᠲᠦ ᠵᠢᠵᠢᠭ ᠦᠯᠭᠡ ᠭᠦᠷᠪᠡᠯ ᠦᠨ ᠪᠦᠲᠦᠨ ᠪᠡᠶᠡ ᠶᠢᠨ ᠴᠢᠯᠠᠭᠤᠵᠢᠭᠰᠠᠨ ᠠᠷᠠᠭ ᠶᠠᠰᠤ ᠶᠢ ᠣᠯᠤᠭᠰᠠᠨ ᠲᠤᠬᠠᠢ PLOS One ᠰᠡᠳᠬᠦᠯ ᠳᠦ ᡀᠠᠭᠪᠠ ᠭᠠᠷᠠᠭ ᠲᠤ ᠮᠡᠳᠡᠭᠡᠯᠡᠵᠡᠢ᠃ ᠦᠯᠭᠡ ᠭᠦᠷᠪᠡᠯ ᠦᠨ ᠴᠢᠯᠠᠭᠤᠵᠢᠭᠰᠠᠨ ᠠᠷᠠᠭ ᠶᠠᠰᠤᠨ ᠤ ᠪᠠᠶᠢᠷᠢᠯᠠᠯ ᠠᠴᠠ ᠬᠠᠷᠠᠬᠤ ᠳᠤ ᠲᠣᠯᠣᠭᠠᠢ ᠪᠠᠨ ᠬᠣᠶᠠᠷ ᠬᠥᠯ ᠳᠡᠭᠡᠷᠡ ᠪᠡᠨ ᠲᠠᠯᠪᠢᠭᠠᠳ ᠪᠡᠶᠡ ᠪᠡᠨ ᠰᠡᠭᠦᠯ ᠢᠶᠡᠷ ᠢᠶᠡᠨ ᠰᠠᠶᠢᠲᠤᠷ ᠣᠷᠢᠶᠠᠵᠤ᠂ ᠲᠠᠪ ᠲᠤᠬᠠ ᠲᠠᠢ ᠬᠡᠪᠲᠡᠵᠦ ᠪᠤᠢ ᠨᠢ ᠤᠨᠲᠠᠵᠤ ᠪᠠᠶᠢᠭᠠ ᠰᠢᠪᠠᠭᠤ ᠮᠡᠲᠦ ᠬᠠᠷᠠᠭᠳᠠᠨᠠ᠃
ᠰᠤᠳᠤᠯᠭᠠᠨ ᠤ ᠪᠠᠭ ᠤᠨ ᠬᠢᠨ ᠡᠭᠦᠨ ᠢ ᠤᠷᠲᠤ ᠰᠡᠭᠦᠯ᠂ ᠤᠷᠲᠤ ᠬᠥᠯ᠂ ᠪᠣᠭᠣᠨᠢ ᠤᠷᠳᠤ ᠮᠥᠴᠡ ᠲᠡᠢ ᠵᠢᠵᠢᠭ ᠲᠧᠷᠣᠫᠣᠳ︵ᠬᠣᠶᠠᠷ ᠬᠥᠯᠲᠡᠢ ᠮᠢᠬᠠᠴᠢᠨ ᠦᠯᠦᠭ ᠭᠦᠷᠪᠡᠯ ᠦᠨ︶ᠲᠥᠷᠥᠯ ᠪᠣᠯᠬᠤ ᠠᠯᠢᠸᠠᠷᠧᠽᠽᠠᠸᠠᠷ ᠭᠡᠵᠦ ᠲᠣᠳᠣᠷᠬᠠᠶᠢᠯᠠᠵᠠᠢ᠃ ᠠᠯᠢᠸᠠᠷᠧᠽᠽᠠᠸᠠᠷ ᠲᠤ ᠨᠢ ᠮᠠᠨᠢᠷᠠᠫᠲ᠋ᠣᠷᠠᠨ ᠬᠡᠮᠡᠬᠦ ᠦᠯᠭᠡ ᠭᠦᠷᠪᠡᠯ ᠦᠨ ᠲᠣᠮᠣᠬᠠᠨ ᠪᠦᠯᠦᠭ ᠲᠦ ᠪᠠᠭᠲᠠᠳᠠᠭ ᠪᠥᠭᠡᠳ ᠲᠡᠳᠡᠨ ᠦ ᠬᠠᠮᠤᠭ ᠤᠨ ᠣᠶᠢᠷᠠ ᠶᠢᠨ ᠲᠥᠷᠦᠯ ᠪᠣᠯᠬᠤ ᠰᠢᠪᠠᠭᠤᠳ ᠪᠣᠯᠤᠨ ᠰᠢᠪᠠᠭᠤ ᠲᠥᠰᠲᠦ ᠦᠯᠭᠡ ᠭᠦᠷᠪᠡᠯ ᠦᠳ ᠪᠠᠭᠲᠠᠳᠠᠭ᠃ ᠡᠨᠡ ᠵᠢᠵᠢᠭ ᠠᠯᠢᠸᠠᠷᠧᠽᠽᠠᠸᠠᠷ ᠤᠨ ᠳᠦᠷᠢ ᠲᠥᠷᠬᠥ ᠨᠢ ᠮᠣᠩᠭᠣᠯ ᠠᠴᠠ ᠣᠯᠳᠠᠭᠰᠠᠨ Sinornithoides youngi ᠪᠣᠯᠤᠨ Mei long ᠪᠤᠰᠤᠳ ᠬᠣᠶᠠᠷ ᠦᠯᠭᠡ ᠭᠦᠷᠪᠡᠯ ᠦᠨ ᠣᠯᠳᠠᠪᠤᠷᠢ ᠲᠠᠢ ᠲᠥᠰᠲᠡᠢ ᠪᠤᠶᠤ ᠤᠨᠲᠠᠵᠤ ᠪᠤᠢ ᠰᠢᠪᠠᠭᠤ ᠰᠢᠭ᠋ ᠳᠦᠷᠢ ᠲᠥᠷᠬᠥ ᠲᠡᠢ ᠪᠠᠶᠢᠯᠠ᠃ ᠡᠳᠡᠭᠡᠷ ᠬᠣᠶᠠᠷ ᠣᠯᠳᠠᠪᠤᠷᠢ ᠨᠢ ᠮᠠᠨᠢᠷᠠᠫᠲ᠋ᠣᠷᠠᠨ ᠪᠦᠯᠦᠭ ᠦᠨ ᠥᠭᠡᠷᠡ ᠨᠢᠭᠡ ᠲᠥᠷᠦᠯ ᠦᠨ ᠦᠯᠭᠡ ᠭᠦᠷᠪᠡᠯ ᠦᠨ ᠲᠷᠤᠳᠤᠨᠲ᠋ᠢᠳ᠋ ᠪᠥᠭᠡᠳ ᠰᠢᠪᠠᠭᠤ ᠲᠠᠢ ᠢᠯᠡᠭᠦᠦ ᠲᠥᠰᠲᠡᠢ ᠲᠥᠷᠦᠯ ᠶᠤᠮ᠃
《ᠨᠤᠭᠤᠰᠤ ᠰᠢᠪᠠᠭᠤ ᠳᠠᠯᠠᠪᠴᠢᠨ ᠤ ᠪᠠᠨ ᠳᠣᠣᠷᠠ ᠲᠣᠯᠣᠭᠠᠢ ᠪᠠᠨ ᠨᠤᠭᠳᠤᠶᠢᠯᠭᠠᠨ ᠤᠨᠲᠠᠳᠠᠭ ᠢ ᠪᠢᠳᠡ ᠪᠥᠭᠥᠳᠡᠭᠡᠷ ᠢᠶᠡᠨ ᠮᠡᠳᠡᠨᠡ᠃ ᠡᠨᠡ ᠪᠢᠴᠢᠬᠠᠨ ᠦᠯᠭᠡ ᠭᠦᠷᠪᠡᠯ ᠢ ᠶᠠᠭ ᠢᠵᠢᠯᠬᠡᠨ ᠪᠠᠶᠢᠷᠢᠯᠠᠯ ᠲᠠᠢ ᠤᠨᠲᠠᠵᠤ ᠪᠠᠶᠢᠭᠠ ᠶᠢ ᠲᠠ ᠪᠦᠬᠦᠨ ᠬᠠᠷᠠᠵᠤ ᠪᠠᠶᠢᠨᠠ᠃ ᠡᠨᠡ ᠪᠣᠯ ᠥᠨᠥ ᠦᠶᠡ ᠶᠢᠨ ᠰᠢᠪᠠᠭᠤᠳ ᠤᠨ ᠥᠪᠡᠷᠮᠢᠴᠡ ᠵᠠᠩ ᠠᠪᠤᠷᠢ ᠶᠤᠮ᠃ ᠬᠠᠷᠢᠨ ᠣᠳᠣ ᠪᠢᠳᠡ ᠡᠨᠡ ᠵᠠᠩ ᠠᠪᠤᠷᠢ ᠨᠢ ᠵᠥᠪᠬᠡᠨ ᠰᠢᠪᠠᠭᠤᠨ ᠳᠤ ᠪᠠᠶᠢᠳᠠᠭ ᠥᠪᠡᠷᠮᠢᠴᠡ ᠰᠢᠨᠵᠢ ᠴᠢᠨᠠᠷ ᠪᠢᠰᠢ ᠭᠡᠵᠦ ᠬᠡᠯᠡᠵᠦ ᠪᠣᠯᠤᠨᠠ 》ᠭᠡᠵᠦ ᠰᠤᠳᠤᠯᠭᠠᠨ ᠳᠤ ᠣᠷᠣᠯᠴᠠᠭᠠ ᠦᠭᠡᠢ ᠬᠦᠨᠳᠡᠯᠡᠨ ᠦ ᠰᠢᠨᠵᠢᠭᠡᠴᠢ ᠴᠢᠺᠠᠭᠤ᠋ ᠬᠣᠲᠠ ᠶᠢᠨ ᠪᠠᠢᠭᠠᠯᠢ ᠶᠢᠨ ᠲᠡᠦᠬᠡ ᠶᠢᠨ ᠮᠦᠽᠧᠢ ᠶᠢᠨ ᠴᠢᠯᠠᠭᠤᠵᠢᠭᠰᠠᠨ ᠮᠥᠯᠬᠥᠭᠴᠢᠳ ᠦᠨ ᠲᠤᠰᠠᠯᠠᠬᠤ ᠺᠦ᠋ᠷᠠᠲ᠋ᠣᠷ ᠫᠠᠯᠢᠶᠤᠨᠲ᠋ᠤᠯᠤᠭᠢᠴᠢ ᠵᠢᠩᠭᠮᠡᠢ ᠣ᠂ ᠺᠣᠨᠨᠣᠷ CNN ᠳᠦ ᠶᠠᠷᠢᠵᠠᠢ᠃
ᠣᠯᠳᠠᠪᠤᠷᠢ ᠶᠢ ᠰᠤᠳᠤᠯᠤᠭᠰᠠᠨ ᠡᠷᠳᠡᠮᠲᠡᠳ ᠡᠨᠡ ᠦᠯᠭᠡ ᠭᠦᠷᠪᠡᠯ ᠨᠢ ᠰᠢᠨᠡ ᠲᠥᠷᠥᠯ ᠵᠦᠢᠯ ᠪᠣᠯᠬᠤ ᠶᠢ ᠲᠣᠭᠲᠠᠭᠠᠵᠤ᠂ ᠲᠡᠭᠦᠨ ᠳᠦ《Jaculinykus yaruui》ᠭᠡᠰᠡᠨ ᠨᠡᠷᠡ ᠥᠭᠴᠡᠢ᠃ ᠡᠨᠡ ᠨᠡᠷᠡ ᠶᠢᠨ ᠡᠬᠢᠨ ᠦ ᠦᠭᠡ ᠨᠢ ᠳᠣᠮᠣᠭᠲᠤ ᠯᠤᠤ ᠪᠣᠯᠬᠤ ᠶᠠᠺᠤᠯᠤᠰ᠂ ᠡᠷᠲᠡᠨ ᠦ ᠭᠷᠧᠺ ᠬᠡᠯᠡ ᠪᠡᠷ ᠰᠠᠷᠪᠠᠭᠤ ᠭᠡᠰᠡᠨ ᠤᠳᠬᠠ ᠲᠠᠢ ᠤᠨᠢᠺᠤᠰ ᠭᠡᠰᠡᠨ ᠦᠭᠡᠨ ᠦ ᠨᠡᠶᠢᠯᠡᠪᠦᠷᠢ ᠪᠣᠯ ᠵᠦᠢᠯ ᠦᠨ ᠨᠡᠷᠡ ᠪᠤᠶᠤ ᠰᠡᠭᠦᠯᠴᠢ ᠶᠢᠨ ᠦᠭᠡ ᠨᠢ ᠶᠠᠭᠠᠷᠠᠤ᠂ ᠲᠦᠷᠭᠡᠨ ᠭᠡᠰᠡᠨ ᠮᠣᠩᠭᠣᠯ ᠦᠭᠡᠨ ᠡᠴᠡ ᠭᠠᠷᠤᠯᠲᠠᠢ᠃
《ᠶᠠᠺᠤᠯᠢᠨᠢᠺᠤᠰ ᠶᠠᠭᠠᠷᠠᠤᠢ》70 ᠰᠠᠶᠠ ᠵᠢᠯ ᠦᠨ ᠡᠮᠦᠨᠡ ᠴᠡᠷᠳᠡ ᠶᠢᠨ ᠭᠠᠯᠪᠠ ᠶᠢᠨ ᠲᠡᠭᠦᠰᠬᠡᠯ︵145 ᠰᠠᠶᠠ ᠠᠴᠠ 66 ᠰᠠᠶᠠ ᠵᠢᠯ ᠦᠨ ᠡᠮᠦᠨᠡ︶ ᠳᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠪᠥᠭᠡᠳ ᠪᠡᠶᠡ ᠭᠦᠢᠴᠡᠬᠦ ᠦᠶᠡ ᠳᠦ ᠪᠡᠨ ᠬᠠᠮᠠᠷ ᠠᠴᠠ ᠰᠡᠭᠦᠯ ᠦᠨ ᠦᠵᠦᠭᠦᠷ ᠬᠦᠷᠲᠡᠯᠡ ᠶᠡᠷᠦᠳᠡᠭᠡᠨ ᠨᠢᠭᠡ ᠮᠧᠲ᠋ᠷ ᠤᠷᠲᠤ ᠲᠠᠢ ᠭᠡᠳᠡᠭ ᠢ ᠰᠤᠳᠤᠯᠭᠠᠨ ᠤ ᠪᠠᠭ ᠤᠨ ᠠᠬᠠᠯᠠᠭᠴᠢ᠂ ᠶᠠᠫᠣᠨ ᠤ ᠬᠤᠺᠺᠠᠢᠳᠤ᠋ ᠶᠡᠬᠡ ᠰᠤᠷᠭᠠᠭᠤᠯᠢ ᠶᠢᠨ ᠫᠠᠯᠢᠶᠤᠨᠪᠢᠤᠯᠤᠭᠢ ᠶᠢᠨ ᠰᠤᠳᠤᠯᠭᠠᠨ ᠤ ᠪᠠᠭ ᠤᠨ ᠳ᠋ᠣᠺᠲ᠋ᠣᠷᠠᠨᠲ ᠺᠤᠾᠲ᠋ᠠ ᠺᠤᠪᠤ ᠬᠡᠯᠡᠯᠡ᠃
