ᠡᠨᠡ ᠵᠢᠯ ᠦᠨ ᠠᠽᠢᠶᠠ ᠶᠢᠨ ᠨᠠᠭᠠᠳᠤᠮ ᠳᠤ ᠰᠢᠨᠡ ᠲᠥᠷᠥᠯ ᠪᠣᠯᠵᠤ ᠨᠡᠮᠡᠭᠳᠡᠭᠰᠡᠨ ᠪᠷᠧᠢᠺ ᠪᠦᠵᠢᠭ ᠲᠦ ᠮᠣᠩᠭᠣᠯ ᠤᠯᠤᠰ ᠠᠴᠠ ᠭ ∙ ᠭᠠᠩ ᠦᠯᠵᠡᠢ᠂ ᠴ ∙ ᠳᠦᠯᠭᠡᠨ ᠨᠠᠷ ᠤᠷᠠ ᠴᠢᠳᠠᠪᠤᠷᠢ ᠪᠠᠨ ᠰᠣᠷᠢᠭᠰᠠᠨ ᠶᠤᠮ᠃ ᠲᠡᠭᠡᠭᠡᠳ ᠭ ∙ ᠭᠠᠩ ᠥᠯᠵᠡᠢ 528 ᠣᠨᠣᠭᠠ ᠪᠠᠷ 19 ᠳᠦ᠂ ᠴ ∙ ᠳᠦᠯᠭᠡᠨ 487 ᠣᠨᠣᠭᠠ ᠪᠠᠷ 20 ᠳᠦ ᠵᠢᠭᠰᠠᠯᠠ᠃
ᠬᠠᠷᠢᠨ ᠡᠮᠡᠭᠲᠡᠢ ᠠᠩᠭᠢᠯᠠᠯ ᠳᠤ ᠤᠯᠤᠰ ᠢᠶᠠᠨ ᠲᠥᠯᠦᠭᠡᠯᠡᠭᠰᠡᠨ ᠮ ∙ ᠬᠠᠨᠳᠠᠵᠠᠪ ᠤᠷᠢᠳᠴᠢᠯᠠᠭᠰᠠᠨ ᠳᠤ 509 ᠣᠨᠣᠭᠠ ᠪᠠᠷ ᠰᠢᠯᠢᠳᠡᠭ 16 ᠳᠦ ᠲᠤᠨᠵᠤ ᠦᠯᠡᠳᠡᠭᠰᠡᠨ ᠶᠤᠮ᠃ ᠶᠠᠫᠣᠨ᠂ ᠬᠠᠰᠠᠭᠰᠲ᠋ᠠᠨ ᠤ ᠲᠠᠮᠢᠷᠴᠢᠳ ᠬᠠᠮᠤᠭ ᠤᠨ ᠣᠯᠠᠨ ᠰᠠᠨᠠᠯ ᠠᠪᠤᠭᠰᠠᠨ ᠢᠶᠠᠷ ᠬᠠᠰᠤᠭᠳᠠᠬᠤ ᠱᠠᠲᠤᠨ ᠳᠤ ᠥᠷᠢᠰᠦᠯᠳᠦᠬᠦ ᠪᠡᠷ ᠰᠢᠯᠭᠠᠷᠠᠭᠰᠠᠨ ᠪᠣᠯ ᠮ ∙ ᠬᠠᠨᠳᠠᠵᠠᠪ ᠸᠢᠶᠧᠲ᠋ᠨᠠᠮ ᠲᠠᠢ ᠣᠨᠣᠭᠠ ᠬᠤᠪᠢᠶᠠᠵᠤ᠂ ᠨᠡᠶᠢᠲᠡ ᠳᠣᠯᠣᠭᠠᠨ ᠰᠠᠨᠠᠯ ᠠᠪᠤᠭᠰᠠᠨ ᠢᠶᠠᠷ ᠲᠡᠮᠡᠴᠡᠭᠡᠨ ᠢᠶᠡᠨ ᠥᠨᠳᠦᠷᠯᠡᠵᠡᠢ᠃