ᠡᠨᠡ ᠤᠳᠠᠭᠠ ᠶᠢᠨ ᠠᠽᠢᠶᠠ ᠶᠢᠨ ᠨᠠᠭᠠᠳᠤᠮ ᠳᠤ ᠡᠷᠭᠢᠨ ᠢᠷᠡᠭᠰᠡᠨ ᠰᠫᠣᠷᠲ ᠤᠨ ᠲᠥᠷᠥᠯ ᠪᠣᠯ ᠰᠢᠲᠠᠷᠠ᠃ ᠠᠩᠬᠠ 2006 ᠣᠨ ᠤ ᠳ᠋ᠤᠾᠠ ᠶᠢᠨ ᠠᠽᠢᠶᠠ ᠶᠢᠨ ᠣᠯᠢᠮᠫ ᠤᠨ ᠬᠥᠲᠥᠯᠪᠦᠷᠢ ᠳᠦ ᠪᠠᠭᠲᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ 2010 ᠣᠨ ᠤ ᠭᠤᠸᠠᠨᠵᠤᠤ ᠶᠢᠨ ᠠᠽᠢᠶᠠ ᠶᠢᠨ ᠨᠠᠭᠠᠳᠤᠮ ᠤᠨ ᠳᠠᠷᠠᠭᠠ ᠬᠥᠲᠥᠯᠪᠦᠷᠢ ᠡᠴᠡ ᠬᠠᠰᠤᠭᠳᠠᠭᠰᠠᠨ ᠶᠤᠮ᠃
21 ᠣᠷᠣᠨ ᠤ 141 ᠰᠢᠲᠠᠷᠠᠴᠢᠨ ᠤᠬᠠᠭᠠᠨ ᠢᠶᠠᠨ ᠤᠷᠤᠯᠳᠤᠭᠤᠯᠵᠤ ᠪᠤᠢ ᠲᠤᠰ ᠲᠡᠮᠡᠴᠡᠭᠡᠨ ᠳᠦ ᠮᠣᠩᠭᠣᠯ ᠠᠴᠠ 10 ᠲᠠᠮᠢᠷᠴᠢᠨ ᠣᠷᠣᠯᠴᠠᠵᠤ ᠪᠠᠶᠢᠭᠠ ᠪᠢᠯᠡ᠃ ᠡᠷᠡᠭᠲᠡᠶᠢᠴᠦᠳ ᠦᠨ ᠭᠠᠭᠴᠠᠭᠠᠷᠴᠢᠯᠠᠭᠰᠠᠨ ᠲᠥᠷᠥᠯ ᠳᠦ ᠰ∙ᠪᠢᠯᠢᠭᠦᠨ᠂ ᠰ∙ᠭᠠᠩᠡᠷᠳᠡᠨᠢ᠂ ᠡᠮᠡᠭᠲᠡᠢ ᠭᠠᠭᠴᠠᠭᠠᠷᠴᠢᠯᠠᠭᠰᠠᠨ ᠲᠥᠷᠥᠯ ᠳᠦ ᠲ∙ᠮᠦᠩᠬᠡᠵᠤᠯᠠ᠂ ᠪ∙ᠮᠦᠩᠭᠦᠨᠲᠤᠤᠯᠠ ᠨᠠᠷ ᠥᠷᠢᠰᠦᠯᠳᠦᠨᠡ᠃
