ᠮᠣᠩᠭᠣᠯ᠂ ᠶᠠᠫᠣᠨ ᠤᠯᠤᠰ ᠤᠨ ᠡᠮᠡᠭᠲᠡᠢ ᠭᠡᠷᠡᠯ ᠵᠢᠷᠤᠭᠴᠢᠳ ᠤᠨ ᠬᠠᠮᠲᠤᠷᠠᠭᠰᠠᠨ 《ᠲᠠᠪᠤᠨ ᠠᠮᠢᠳᠤᠷᠠᠯ》 ᠭᠡᠷᠡᠯ ᠵᠢᠷᠤᠭ ᠤᠨ ᠦᠵᠡᠰᠬᠦᠯᠡᠩ ᠢ ᠮᠣᠩᠭᠣᠯ ᠤᠨ ᠤᠷᠠᠨ ᠵᠢᠷᠤᠭ ᠤᠨ ᠭᠠᠯᠧᠷᠧᠢ ᠳᠦ ᠥᠨᠥᠳᠥᠷ ᠨᠡᠭᠡᠭᠡᠯᠡ᠃ ᠡᠮᠡᠭᠲᠡᠢ ᠭᠡᠷᠡᠯ ᠵᠢᠷᠤᠭᠴᠢᠳ ᠤᠨ 《ᠪᠦᠰᠡᠭᠦᠢ ᠮᠡᠯᠮᠡᠢ》 ᠨᠢᠭᠡᠳᠦᠯ ᠡᠴᠡ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ ᠪᠤᠢ ᠡᠨᠡ ᠬᠦ ᠦᠵᠡᠰᠬᠦᠯᠡᠩ 《ᠠᠮᠢᠳᠤᠷᠠᠯ》 ᠬᠡᠮᠡᠬᠦ ᠨᠢᠭᠡᠨ ᠰᠡᠳᠦᠪ ᠲᠠᠢ ᠪᠥᠭᠡᠳ ᠡᠷᠭᠢᠬᠦ ᠳᠥᠷᠪᠡᠨ ᠤᠯᠠᠷᠢᠯ᠂ ᠰᠠᠷᠠ᠂ ᠵᠢᠯ ᠦᠳ ᠦᠨ ᠲᠤᠷᠰᠢᠳᠠ ᠰᠣᠩᠭᠣᠭᠰᠠᠨ ᠳᠦᠷᠢ ᠡᠴᠡ ᠪᠡᠨ ᠳᠤᠷᠠᠨ ᠢᠶᠠᠨ ᠦᠯᠦ ᠰᠠᠯᠭᠠᠨ᠂ ᠠᠮᠢᠳᠤᠷᠠᠯ ᠤᠨ ᠬᠢᠨᠢ ᠬᠡᠮᠨᠡᠯ᠂ ᠵᠠᠮᠨᠠᠯ ᠤᠨ ᠳᠦᠷᠰᠦᠲᠦ ᠲᠡᠦᠬᠡ ᠶᠢ ᠪᠢᠴᠢᠭᠰᠡᠨ ᠨᠢ ᠵᠥᠪᠬᠡᠨ ᠲᠡᠭᠦᠨ ᠦ ᠠᠮᠢᠳᠤᠷᠠᠯ ᠤᠨ ᠲᠡᠳᠦᠢ ᠦᠭᠡᠢ᠂ ᠭᠡᠷᠡᠯ ᠵᠢᠷᠤᠭ ᠤᠨ ᠲᠡᠦᠬᠡ᠂ ᠰᠠᠩ ᠬᠥᠮᠥᠷᠭᠡ ᠶᠢ ᠪᠠᠶᠠᠵᠢᠭᠤᠯᠵᠤ ᠪᠠᠢᠭᠠ ᠳᠤ ᠦᠨᠡ ᠴᠡᠨᠡ ᠨᠢ ᠣᠷᠣᠰᠢᠨᠠ᠃
ᠶᠠᠫᠣᠨ ᠤ ᠭᠡᠷᠡᠯ ᠵᠢᠷᠤᠭᠴᠢᠨ ᠮᠠᠴᠤᠮᠠᠲ᠋ᠣ ᠶᠣᠰᠢᠺᠣ ᠮᠣᠩᠭᠣᠯ ᠳᠤ ᠭᠡᠷᠡᠯ ᠵᠢᠷᠤᠭ ᠤᠨ ᠵᠢᠷᠭᠤᠭᠠᠳᠠᠬᠢ ᠦᠵᠡᠰᠬᠦᠯᠡᠩ ᠪᠠᠨ ᠭᠠᠷᠭᠠᠵᠤ ᠪᠤᠢ ᠶᠤᠮ᠃ ᠬᠠᠮᠤᠭ ᠤᠨ ᠠᠩᠬᠠ ᠮᠣᠩᠭᠣᠯ ᠤᠨ ᠨᠢᠭᠡ ᠭᠡᠷ ᠪᠦᠯᠢ ᠶᠢᠨ ᠠᠮᠢᠳᠤᠷᠠᠯ ᠢ 20 ᠵᠢᠯ ᠦᠨ ᠲᠤᠷᠰᠢ ᠭᠡᠷᠡᠯ ᠵᠢᠷᠤᠭᠲᠤ ᠪᠠᠨ ᠪᠠᠭᠤᠯᠭᠠᠭᠰᠠᠨ ᠲᠡᠷᠡᠪᠡᠷ ᠳᠥᠷᠪᠡᠨ ᠭᠡᠷᠡᠯ ᠵᠢᠷᠤᠭᠴᠢᠨ ᠲᠠᠢ ᠶᠠᠷᠢᠯᠴᠠᠨ ᠡᠨᠡ ᠬᠦ ᠦᠵᠡᠰᠬᠦᠯᠡᠩ ᠢ ᠭᠠᠷᠭᠠᠬᠤ ᠪᠠᠷ ᠪᠣᠯᠵᠠᠢ᠃ ᠪᠠᠷᠢᠮᠲᠠᠲᠤ ᠭᠡᠷᠡᠯ ᠵᠢᠷᠤᠭ ᠨᠢ ᠲᠡᠦᠬᠡ ᠶᠢ ᠮᠠᠰᠢ ᠰᠠᠶᠢᠨ ᠦᠯᠡᠳᠡᠭᠡᠵᠦ ᠴᠢᠳᠠᠳᠠᠭ ᠲᠥᠷᠥᠯ ᠶᠤᠮ᠃ ᠡᠯᠡ ᠦᠵᠡᠰᠬᠦᠯᠡᠩ ᠡᠨᠡ ᠰᠠᠷᠠ ᠶᠢᠨ 23 ᠬᠦᠷᠲᠡᠯᠡ ᠣᠯᠠᠨ ᠤ ᠬᠦᠷᠲᠡᠭᠡᠯ ᠪᠣᠯᠤᠨᠠ᠃
