ᠶᠡᠷᠦᠩᠬᠡᠢ ᠰᠠᠶᠢᠳ ᠯ∙ᠤᠶᠤᠡᠡᠷᠳᠡᠨᠢ ᠥᠨᠥᠳᠥᠷ ᠬᠤᠷᠢᠨ ᠨᠢᠭᠡᠳᠡᠬᠢ 《ᠥᠷᠯᠥᠭᠡᠨ ᠦ ᠠᠭᠤᠯᠵᠠᠯᠲᠠ》 ᠪᠠᠨ ᠠᠦ᠋ᠲ᠋ᠣ᠋ ᠵᠠᠮ ᠤᠨ ᠰᠠᠯᠪᠤᠷᠢ ᠶᠢᠨ ᠲᠥᠯᠥᠭᠡᠯᠡᠯ ᠲᠡᠢ ᠬᠢᠵᠦ ᠪᠠᠶᠢᠨᠠ᠃ ᠤᠯᠠᠮ ᠢᠶᠠᠷ ᠠᠦ᠋ᠲ᠋ᠣ᠋ ᠵᠠᠮ ᠤᠨ ᠴᠢᠨᠠᠷ᠂ ᠲᠤᠯᠭᠠᠮᠳᠠᠵᠤ ᠪᠤᠢ ᠠᠰᠠᠭᠤᠳᠠᠯ ᠤᠳ ᠢᠶᠠᠷ ᠤᠷᠤᠯᠴᠠᠭᠰᠠᠳ ᠤᠨ ᠮᠡᠳᠡᠭᠡᠯᠡᠯ ᠢ ᠰᠣᠨᠣᠰᠴᠤ᠂ ᠠᠰᠠᠭᠤᠳᠠᠯ ᠢ ᠰᠢᠢᠳᠦᠬᠦ ᠠᠷᠭᠠ ᠵᠠᠮ᠂ ᠭᠠᠷᠴᠠ ᠭᠠᠷᠭᠠᠯᠭᠠ ᠶᠢ ᠬᠡᠯᠡᠯᠴᠡᠪᠡ᠃
ᠢᠨᠵᠧᠨᠧᠷ ᠰ∙ᠭᠠᠩᠬᠤᠶᠠᠭ᠄ ᠪᠢ ᠠᠦ᠋ᠲ᠋ᠣ᠋ ᠵᠠᠮ ᠤᠨ ᠵᠥᠪᠯᠡᠯ ᠦᠨ ᠭᠡᠰᠢᠭᠦᠨ᠃ ᠮᠠᠨ ᠤ ᠵᠥᠪᠯᠡᠯ ᠡᠨᠡ ᠣᠨ ᠳᠤ ᠪᠠᠶᠢᠭᠤᠯᠤᠭᠳᠠᠭᠰᠠᠨ᠂ 11 ᠭᠡᠰᠢᠭᠦᠨ ᠲᠡᠢ᠂ ᠠᠦ᠋ᠲ᠋ᠣ᠋ ᠵᠠᠮ ᠤᠨ ᠣᠷᠣᠯᠭᠠ᠂ ᠵᠠᠷᠤᠴᠠᠭᠤᠯᠤᠯᠲᠠ ᠳᠤ ᠬᠢᠨᠠᠯᠲᠠ ᠲᠠᠯᠪᠢᠳᠠᠭ ᠪᠠᠶᠢᠭᠤᠯᠤᠯᠭᠠ᠃ ᠠᠦ᠋ᠲ᠋ᠣ᠋ ᠵᠠᠮ ᠤᠨ 23 ᠰᠠᠩ ᠮᠣᠩᠭᠣᠯ ᠤᠯᠤᠰ ᠲᠤ ᠪᠠᠶᠢᠳᠠᠭ᠂ ᠨᠠᠢ᠌ᠮᠠᠨ ᠡᠬᠢ ᠡᠭᠦᠰᠪᠦᠷᠢ ᠡᠴᠡ ᠣᠷᠣᠯᠭᠠ ᠪᠠᠨ ᠪᠦᠷᠢᠳᠦᠭᠦᠯᠳᠡᠭ᠃ ᠥᠨᠥᠳᠥᠷ ᠵᠥᠪᠬᠡᠨ ᠲᠥᠯᠥᠪᠦᠷᠢ ᠬᠤᠷᠢᠶᠠᠬᠤ ᠴᠡᠭ ᠦᠨ ᠦᠢᠯᠡᠴᠢᠯᠡᠭᠡᠨ ᠦ ᠣᠷᠣᠯᠭᠠ ᠯᠠ ᠢᠯᠡ᠂ ᠪᠤᠰᠤᠳ ᠤᠨ ᠬᠢᠨᠢ ᠳᠠᠯᠳᠠ ᠪᠠᠶᠢᠳᠠᠭ᠃ ᠠᠦ᠋ᠲ᠋ᠣ᠋ ᠵᠠᠮ ᠤᠨ ᠵᠠᠰᠠᠪᠤᠷᠢ᠂ ᠠᠷᠠᠴᠢᠯᠠᠯᠲᠠ ᠳᠤ ᠵᠢᠯ ᠪᠦᠷᠢ 110 ᠲᠡᠷᠪᠤᠮ ᠲᠥᠭᠥᠷᠢᠭ ᠱᠠᠭᠠᠷᠳᠠᠯᠭᠠ ᠲᠠᠢ ᠪᠠᠶᠢᠳᠠᠭ ᠴᠤ ᠤᠯᠤᠰ ᠤᠨ ᠲᠥᠰᠥᠪ ᠡᠴᠡ ᠲᠠᠯᠠ ᠶᠢ ᠨᠢ ᠪᠠᠲᠤᠯᠠᠵᠤ ᠥᠭᠳᠡᠭ᠃ ᠵᠠᠮ ᠤᠨ ᠰᠠᠩ ᠤᠨ ᠣᠷᠣᠯᠭᠠ ᠶᠢ ᠢᠯᠡ ᠲᠣᠳᠣ ᠪᠣᠯᠭᠠᠴᠢᠬᠠᠪᠠᠯ ᠡᠨᠡ 110 ᠲᠡᠷᠪᠤᠮ ᠲᠥᠭᠥᠷᠢᠭ ᠢ ᠪᠦᠷᠢᠨ ᠤᠯᠬᠤ ᠪᠣᠯᠤᠮᠵᠢ ᠲᠠᠢ᠃
ᠴ∙ᠠᠯᠲᠠᠨᠵᠠᠶᠠᠭᠠ᠄ ᠵᠠᠮ ᠠᠰᠢᠭᠯᠠᠭᠰᠠᠨ ᠤ ᠬᠤᠷᠢᠶᠠᠮᠵᠢ ᠮᠠᠨ ᠤ ᠤᠯᠤᠰ ᠲᠤ ᠬᠠᠮᠤᠭ ᠤᠨ ᠪᠠᠭᠠ᠃ ᠳᠡᠯᠡᠬᠡᠢ ᠶᠢᠨ ᠬᠠᠮᠢᠭᠠ ᠴᠤ 1000-2000 ᠲᠥᠭᠥᠷᠢᠭ ᠢᠶᠡᠷ ᠵᠠᠮ ᠠᠰᠢᠭᠯᠠᠬᠤ ᠦᠭᠡᠢ᠃ ᠲᠥᠯᠥᠪᠦᠷᠢ ᠪᠠᠭᠠ ᠤᠴᠢᠷ ᠠᠴᠠ ᠠᠷᠠᠴᠢᠯᠠᠯᠲᠠ ᠮᠠᠭᠤ ᠪᠠᠶᠢᠨᠠ᠃ ᠳᠠᠷᠠᠭᠠ ᠶᠢᠨ ᠠᠰᠠᠭᠤᠳᠠᠯ ᠭᠠᠵᠠᠷ ᠴᠢᠯᠦᠭᠡᠯᠡᠭᠦᠯᠬᠦ ᠳᠦ ᠦᠨᠡᠬᠡᠷ ᠬᠦᠨᠳᠦᠷᠡᠯ ᠲᠡᠢ ᠪᠠᠶᠢᠳᠠᠭ᠃ ᠬᠦᠮᠦᠨ ᠪᠦᠷᠢ ᠠᠮᠠᠨ ᠳᠤ ᠪᠠᠨ ᠣᠷᠣᠭᠰᠠᠨ ᠲᠣᠭᠠ ᠬᠡᠯᠡᠨᠡ᠂ ᠲᠣᠬᠢᠷᠠᠯᠴᠠᠵᠤ ᠴᠢᠳᠠᠬᠤ ᠦᠭᠡᠢ ᠡᠴᠡ ᠠᠵᠢᠯ ᠤᠳᠠᠭᠠᠰᠢᠷᠠᠨᠠ᠃ ᠡᠭᠦᠨ ᠢ ᠨᠢᠭᠡ ᠰᠲ᠋ᠠᠨᠳᠠᠷᠲ ᠲᠤ ᠣᠷᠣᠭᠤᠯᠵᠤ ᠥᠭᠬᠦ ᠬᠡᠷᠡᠭᠲᠡᠢ ᠪᠠᠶᠢᠨᠠ᠃
ᠰ∙ᠸᠴᠢᠷᠪᠠᠲᠤ᠄ ᠵᠠᠮ ᠤᠨ ᠰᠠᠩ᠂ ᠠᠷᠠᠴᠢᠯᠠᠯᠲᠠ ᠶᠢᠨ ᠠᠰᠠᠭᠤᠳᠠᠯ ᠢ ᠤᠯᠤᠰ ᠲᠥᠷᠥ ᠡᠴᠡ ᠠᠩᠭᠢᠳᠠ ᠪᠠᠶᠢᠯᠭᠠᠬᠤ ᠶᠣᠰᠣᠲᠠᠢ᠃ ᠤᠯᠤᠰ ᠲᠦᠷᠦᠴᠢᠳ ᠠᠦ᠋ᠲ᠋ᠣ᠋ ᠵᠠᠮ ᠠᠰᠢᠭᠯᠠᠯᠲᠠ ᠳᠤ ᠣᠷᠣᠭᠤᠯᠤᠯᠠ ᠭᠡᠳᠡᠭ᠃ ᠮᠠᠷᠭᠠᠰᠢ ᠠᠴᠠ ᠨᠢ ᠠᠷᠠᠴᠢᠯᠠᠯᠲᠠ ᠶᠢ ᠬᠠᠷᠢᠭᠤᠴᠠᠬᠤ ᠬᠦᠮᠦᠨ ᠪᠠᠶᠢᠬᠤ ᠶᠣᠰᠣᠲᠠᠢ᠃ ᠢᠩᠭᠢᠬᠦ ᠶᠢᠨ ᠲᠤᠯᠠᠳᠠ ᠰᠢᠲᠠᠬᠤᠨ ᠤ ᠣᠨᠴᠠᠭᠠᠢ ᠠᠯᠪᠠᠨ ᠲᠠᠲᠠᠪᠤᠷᠢ ᠶᠢ ᠵᠠᠮ ᠤᠨ ᠰᠠᠩ ᠳᠤ ᠲᠥᠪᠯᠡᠷᠡᠭᠦᠯᠵᠦ ᠪᠠᠶᠢᠵᠤ ᠠᠷᠠᠴᠢᠯᠠᠯᠲᠠ ᠰᠠᠶᠢᠵᠢᠷᠠᠨᠠ᠃ ᠡᠮᠦᠨᠡ ᠨᠢ ᠬᠠᠤᠯᠢ ᠳᠤ ᠢᠩᠭᠢᠵᠦ ᠲᠤᠰᠬᠠᠭᠰᠠᠨ ᠴᠤ ᠵᠠᠰᠠᠭ ᠤᠨ ᠭᠠᠵᠠᠷ ᠰᠣᠯᠢᠭᠳᠠᠭᠠᠳ ᠦᠭᠡᠷᠡᠴᠢᠯᠡᠴᠢᠬᠡᠭᠰᠡᠨ᠃ ᠡᠨᠡ ᠲᠣᠭᠲᠠᠯᠴᠠᠭᠠ ᠶᠢ ᠦᠭᠡᠷᠡᠴᠢᠯᠡᠬᠦ ᠦᠭᠡᠢ ᠪᠣᠯ ᠠᠰᠠᠭᠤᠳᠠᠯ᠂ ᠮᠠᠷᠭᠤᠭᠠᠨ ᠳᠠᠭᠤᠰᠬᠤ ᠦᠭᠡᠢ᠃
