ᠮᠣᠩᠭᠣᠯ ᠤᠯᠤᠰ ᠢᠶᠠᠨ ᠲᠥᠯᠥᠭᠡᠯᠡᠨ ᠣᠯᠠᠨ ᠤᠯᠤᠰ ᠤᠨ ᠮᠢᠰᠰ ᠤᠨ ᠲᠡᠮᠡᠴᠡᠭᠡᠨ ᠳᠦ ᠤᠷᠤᠯᠴᠠᠬᠤ ᠰᠢᠯᠢᠳᠡᠭ ᠭᠣᠸ᠎ᠠ ᠪᠦᠰᠡᠭᠦᠶᠢᠴᠦᠳ ᠢ  ᠨᠠᠢ᠌ᠮᠠᠳᠤᠭᠠᠷ ᠰᠠᠷ᠎ᠠ ᠶᠢᠨ 19  ᠳᠦ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠤᠨ ᠣᠷᠳᠣᠨ ᠳᠤ ᠲᠣᠳᠣᠷᠠᠭᠤᠯᠵᠠᠢ᠃ ᠡᠨᠡ ᠵᠢᠯ 《 ᠮᠢᠰᠰ ᠮᠣᠩᠭᠣᠯᠢᠶᠠ-2023》 ᠲᠡᠮᠡᠴᠡᠭᠡᠨ ᠢ 19 ᠳ᠋ᠡᠬᠢ ᠵᠢᠯ ᠳᠦ ᠪᠡᠨ᠂《ᠮᠣᠩᠭᠣᠯ ᠲᠤᠭᠤᠷᠭᠠᠲᠠᠨ ᠤ ᠭᠣᠸ᠎ᠠ ᠪᠦᠰᠡᠭᠦᠢ-2023》ᠣᠯᠠᠨ ᠤᠯᠤᠰ ᠤᠨ ᠲᠡᠮᠡᠴᠡᠭᠡᠨ ᠢ  ᠬᠤᠶᠠᠳᠠᠬᠢ ᠵᠢᠯ ᠳᠦ ᠪᠡᠨ ᠠᠮᠵᠢᠯᠲᠠ ᠲᠠᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ᠂ 10 ᠰᠢᠯᠢᠳᠡᠭ ᠭᠣᠸ᠎ᠠ ᠪᠦᠰᠡᠭᠦᠢ ᠥᠷᠢᠰᠦᠯᠳᠦᠭᠰᠡᠨ ᠪᠠᠶᠢᠨ᠎ᠠ᠃
ᠲᠣᠳᠣᠷᠠᠭᠤᠯᠪᠠᠯ᠂ ᠤᠪᠰᠤ ᠂ ᠬᠣᠪᠳᠣ᠂ ᠠᠷᠤᠬᠠᠩᠭᠠᠢ᠂ ᠥᠪᠦᠷᠬᠠᠩᠭᠠᠢ ᠂ ᠬᠡᠨᠲᠡᠢ᠂ ᠪᠤᠯᠠᠭᠠᠨ᠂ ᠡᠷᠳᠡᠨᠢᠲᠦ ᠂ ᠳᠠᠷᠬᠠᠨ᠂ ᠲᠥᠪ ᠠᠶᠢᠮᠠᠭ ᠪᠣᠯᠤᠨ ᠣᠷᠣᠰ  ᠤᠨ ᠪᠤᠷᠢᠶᠠᠳ᠂ ᠲᠤᠸᠠ ᠤᠯᠤᠰ ᠠᠴᠠ ᠰᠢᠯᠢᠳᠡᠭ ᠭᠣᠸ᠎ᠠ ᠪᠦᠰᠡᠭᠦᠶᠢᠴᠦᠳ ᠣᠷᠣᠯᠴᠠᠵᠠᠢ᠃ 《ᠮᠣᠩᠭᠣᠯ ᠲᠤᠭᠤᠷᠭᠠᠲᠠᠨ ᠤ ᠭᠣᠸ᠎ᠠ ᠪᠦᠰᠡᠭᠦᠢ-2023》 ᠲᠡᠮᠡᠴᠡᠭᠡᠨ ᠦ ᠲᠡᠷᠢᠭᠦᠨ ᠮᠢᠰᠰ ᠢᠶᠡᠷ ᠵ ∙ ᠮᠦᠩᠭᠦᠨᠰᠠᠴᠤᠷᠠᠯᠲᠤ ᠰᠢᠯᠭᠠᠷᠠᠵᠤ᠂ ᠶᠠᠫᠣᠨ ᠤᠯᠤᠰ ᠲᠤ ᠵᠣᠬᠢᠶᠠᠨ ᠪᠠᠶᠢᠭᠤᠯᠬᠤ 《Miss International -2023》 ᠲᠡᠮᠡᠴᠡᠭᠡᠨ ᠳᠦ ᠤᠷᠤᠯᠴᠠᠬᠤ ᠡᠷᠬᠡ ᠶᠢᠨ ᠡᠵᠡᠨ ᠪᠣᠯᠤᠭᠰᠠᠨ ᠪᠠᠶᠢᠨ᠎ᠠ᠃
ᠮᠢᠰᠰ ᠵ ∙ ᠮᠦᠩᠭᠦᠨᠰᠠᠴᠤᠷᠠᠯᠲᠤ  11 ᠨᠠᠰᠤᠲᠠᠢ ᠳᠤ ᠪᠠᠨ 《ᠠᠽᠢᠶ᠎ᠠ ᠶᠢᠨ ᠮᠣᠳᠧᠯ》 ᠠᠭᠧᠨᠲᠯᠢᠭ ᠲᠤ ᠣᠷᠣᠵᠤ᠂ ᠵᠠᠭᠪᠤᠷ ᠤᠨ ᠶᠢᠷᠲᠢᠨᠴᠦ ᠳᠤ ᠬᠥᠯ ᠲᠠᠯᠪᠢᠵᠠᠢ᠃ ᠮᠥᠨ ᠲᠡᠷᠡᠪᠡᠷ ᠨᠡᠶᠢᠰᠯᠡᠯ ᠦᠨ ᠰᠢᠯᠢᠳᠡᠭ ᠬᠡᠦᠬᠡᠳ ᠦᠳ ᠦᠨ ᠳᠤᠮᠳᠠ ᠵᠣᠬᠢᠶᠠᠨ ᠪᠠᠶᠢᠭᠤᠯᠳᠠᠭ 《ᠨᠡᠶᠢᠰᠯᠡᠯ ᠦᠨ ᠭᠣᠸ᠎ᠠ ᠥᠬᠢᠨ᠂ ᠰᠢᠯᠢᠳᠡᠭ ᠬᠥᠪᠡᠭᠦᠨ-2015》 ᠲᠡᠮᠡᠴᠡᠭᠡᠨ ᠦ ᠠᠩᠬᠠᠨ ᠤ ᠲᠢᠲᠢᠮ ᠦᠨ ᠡᠵᠡᠨ ᠪᠣᠯᠵᠤ ᠪᠠᠶᠢᠪᠠ᠃