ᠠᠷᠤᠬᠠᠩᠭᠠᠢ ᠠᠶᠢᠮᠠᠭ ᠤᠨ ᠲᠡᠦᠬᠡᠲᠦ 100 ᠵᠢᠯ ᠦᠨ ᠣᠢ ᠪᠠᠷ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠰ ∙ ᠪᠠᠷᠠᠭᠠᠨᠠᠰᠤᠨ ᠢ ᠮᠣᠩᠭᠣᠯ ᠤᠯᠤᠰ ᠤᠨ 《ᠰᠤᠶᠤᠯ ᠤᠨ ᠭᠠᠪᠢᠶᠠᠲᠤ ᠵᠢᠳᠬᠦᠯᠲᠡᠨ》 ᠴᠣᠯᠠ ᠲᠡᠮᠳᠡᠭ ᠢᠶᠡᠷ ᠱᠠᠩᠨᠠᠯᠠ᠃ ᠲᠡᠷᠡᠪᠡᠷ᠂ ᠮᠣᠩᠭᠣᠯ ᠤᠨ ᠷᠠᠳᠢᠣ᠋ ᠶᠢᠨ ᠣᠷᠣᠨ ᠨᠤᠲᠤᠭ ᠳᠠᠬᠢ ᠰᠡᠳᠬᠦᠯᠴᠢ᠂ ᠠᠷᠤᠬᠠᠩᠭᠠᠢ ᠠᠶᠢᠮᠠᠭ ᠤᠨ 《ᠲᠣᠯᠢ》 ᠰᠣᠨᠢᠨ ᠤ ᠰᠡᠳᠬᠦᠯᠴᠢ ᠪᠡᠷ ᠠᠵᠢᠯᠯᠠᠵᠤ ᠪᠠᠶᠢᠭᠠ ᠶᠤᠮ᠃
ᠠᠷᠤᠬᠠᠩᠭᠠᠢ ᠠᠶᠢᠮᠠᠭ ᠤᠨ ᠤᠳᠬᠠ ᠵᠣᠬᠢᠶᠠᠯ ᠤᠨ 《ᠬᠠᠨ ᠲᠡᠮᠦᠷ》 ᠲᠥᠪ ᠦᠨ ᠭᠡᠰᠢᠭᠦᠨ ᠲᠡᠷᠡᠪᠡᠷ ᠬᠡᠦᠬᠡᠳ ᠦᠨ ᠵᠣᠬᠢᠶᠠᠯ ᠤᠨ 《 ᠱᠦᠭ᠂ ᠱᠠᠭ᠂ ᠱᠦᠵᠢᠭ᠂ ᠱᠠᠵᠢᠭ》 ᠨᠣᠮ ᠢᠶᠠᠷ ᠢᠶᠠᠨ ᠤᠷᠠᠨ ᠪᠦᠲᠦᠭᠡᠯ ᠦᠨ ᠭᠠᠷᠤᠭᠠ ᠪᠠᠨ ᠡᠬᠢᠯᠡᠭᠦᠯᠦᠭᠰᠡᠨ ᠲᠡᠦᠬᠡ ᠲᠡᠢ᠃ ᠲᠡᠷᠡᠪᠡᠷ 《 ᠬᠡᠷᠦᠯᠦᠨ ᠲᠡᠨᠢᠭᠦᠨ》᠂ 《 ᠲᠤᠩᠰᠠᠭ ᠠᠶᠠᠯᠭᠤ》᠂ 《 ᠭᠦᠩᠵᠦ ᠶᠢᠨ ᠪᠡᠯᠡᠭ》᠂ 《ᠨᠠᠮᠤᠷ ᠤᠨ ᠲᠩᠷᠢ》᠂ 《ᠰᠠᠷᠠᠨ ᠬᠡᠭᠡᠷᠡᠯᠡᠬᠦ ᠳᠣᠷᠣᠨᠠ》 ᠵᠡᠷᠭᠡ ᠢᠷᠠᠭᠤ ᠨᠠᠶᠢᠷᠠᠭ᠂ ᠦᠷᠭᠦᠯᠵᠢᠯᠡᠭᠰᠡᠨ ᠦᠭᠡ ᠶᠢᠨ ᠵᠣᠬᠢᠶᠠᠯ ᠤᠳ᠂ ᠠᠯᠳᠠᠷᠲᠤ 《ᠬᠠᠷᠠᠳᠠᠯ ᠪᠡᠶᠢᠰᠡ ᠶᠢᠨ ᠤᠨᠠᠭᠠ》᠂ 《ᠬᠦᠦ ᠴᠢᠨᠢ ᠵᠡᠭᠦᠳᠦᠨ ᠳᠦ ᠪᠡᠨ》᠂ 《ᠪᠠᠯᠵᠢ ᠶᠢᠨ ᠭᠣᠣᠯ》᠂ 《ᠣᠨᠣᠨ ᠤ ᠰᠢᠭᠤᠢ》 ᠵᠡᠷᠭᠡ ᠳᠠᠭᠤᠤ ᠶᠢᠨ ᠤᠷᠠᠨ ᠪᠦᠲᠦᠭᠡᠯ᠂ ᠮᠥᠨ ᠪᠠᠷᠢᠮᠲᠠᠲᠤ ᠤᠷᠠᠨ ᠰᠠᠶᠢᠬᠠᠨ ᠤ ᠺᠢᠨᠣ᠋᠂ ᠨᠡᠶᠢᠲᠡᠯᠡᠯ᠂ ᠤᠷᠠᠯᠠᠯ ᠤᠷᠠᠨ ᠵᠣᠬᠢᠶᠠᠯ ᠰᠤᠳᠤᠯᠤᠯ ᠤᠨ ᠪᠦᠲᠦᠭᠡᠯ ᠦᠳ ᠢ ᠲᠤᠭᠤᠷᠪᠢᠵᠠᠢ᠃