ᠮᠡᠷᠭᠡᠵᠢᠯ ᠦᠨ ᠰᠦᠮᠦᠦ ᠪᠥᠬᠡ ᠶᠢᠨ ᠶᠣᠺᠣᠽᠦᠨᠠ ᠲᠧᠷᠤᠨᠤᠹᠦ᠋ᠵᠢ ᠭ ∙ ᠭᠠᠩᠡᠷᠳᠡᠨᠢ ᠶᠢᠨ《ᠠᠩᠭᠠᠯ ᠤᠨ ᠢᠷᠤᠭᠠᠷ ᠠᠴᠠ ᠥᠭᠰᠥᠬᠦ ᠮᠠᠷᠭᠠᠰᠢ》ᠨᠣᠮ ᠤᠨ ᠨᠡᠭᠡᠭᠡᠯᠲᠡ ᠥᠨᠥᠳᠥᠷ ᠪᠣᠯᠤᠯᠠ᠃ ᠲᠡᠷᠡᠪᠡᠷ ᠨᠣᠮ ᠢᠶᠠᠨ ᠨᠡᠭᠡᠭᠡᠵᠦ ᠬᠡᠯᠡᠬᠦ ᠳᠦ ᠪᠡᠨ᠄ ᠪᠢ 6 ᠵᠢᠯ ᠦᠨ ᠳᠠᠷᠠᠭᠠ ᠡᠬᠡ ᠣᠷᠣᠨ ᠳᠤ ᠪᠠᠨ ᠢᠷᠡᠵᠦ ᠪᠠᠶᠢᠨᠠ᠃ ᠡᠨᠡ ᠨᠣᠮ ᠢ ᠬᠤᠶᠠᠷ ᠵᠢᠯ ᠦᠨ ᠡᠮᠦᠨᠡ ᠶᠠᠫᠣᠨ ᠬᠡᠯᠡ ᠪᠡᠷ ᠭᠠᠷᠭᠠᠭᠰᠠᠨ᠃ ᠣᠯᠠᠨ ᠬᠦᠮᠦᠨ ᠳᠦ ᠬᠦᠷᠦᠭᠰᠡᠨ᠃ ᠬᠥᠭᠵᠢᠯ ᠦᠨ ᠪᠡᠷᠬᠡᠰᠢᠶᠡᠯ ᠲᠡᠢ ᠨᠢᠭᠡ ᠶᠠᠫᠣᠨ ᠵᠠᠯᠠᠭᠤ ᠮᠢᠨᠦ ᠨᠣᠮ ᠢ ᠤᠩᠰᠢᠭᠠᠳ᠂ ᠲᠠᠨ ᠤ ᠤᠨᠤᠵᠤ ᠪᠤᠰᠴᠤ᠂ ᠥᠪᠡᠷ ᠢ ᠪᠡᠨ ᠢᠯᠠᠵᠤ ᠢᠷᠡᠭᠰᠡᠨ ᠠᠮᠢᠳᠤᠷᠠᠯ ᠤᠨ ᠵᠢᠱᠢᠶᠡ ᠨᠠᠳᠠ ᠳᠤ ᠦᠯᠢᠭᠡᠷ ᠳᠠᠭᠤᠷᠢᠶᠠᠯ ᠪᠣᠯᠵᠤ ᠪᠠᠶᠢᠨᠠ ᠭᠡᠰᠡᠨ ᠨᠢ ᠶᠡᠬᠡ ᠤᠷᠮᠠ ᠥᠭᠴᠦ ᠪᠠᠶᠢᠭᠰᠠᠨ ᠃
᠁ ᠠᠮᠢᠳᠤᠷᠠᠯ ᠭᠡᠳᠡᠭ ᠵᠢᠭᠠᠪᠤᠷᠢ ᠲᠠᠢ ᠢᠷᠡᠳᠡᠭ ᠦᠭᠡᠢ᠃ ᠪᠢ 2010 ᠣᠨ ᠳᠤ ᠮᠡᠷᠭᠡᠵᠢᠯ ᠦᠨ ᠰᠦᠮᠦᠦ ᠶᠢᠨ ᠳᠡᠪᠵᠢᠶᠡᠨ ᠳᠦ ᠠᠩᠬᠠ ᠬᠥᠯ ᠲᠠᠯᠪᠢᠭᠰᠠᠨ ᠠᠴᠠ ᠬᠣᠶᠢᠰᠢ ᠪᠡᠷᠲᠡᠯ ᠭᠡᠮᠲᠦᠯ᠂ ᠢᠯᠠᠭᠳᠠᠯ᠂ ᠢᠯᠠᠯᠲᠠ ᠣᠯᠠᠨ ᠢ ᠦᠵᠡᠵᠦ᠂ ᠲᠡᠭᠦᠨ ᠢ ᠪᠡᠨ ᠳᠠᠪᠠᠵᠤ ᠭᠠᠷᠤᠭᠰᠠᠨ ᠥᠪᠡᠷ ᠦᠨ ᠲᠡᠦᠬᠡ ᠶᠢ ᠦᠭᠦᠯᠡᠶᠡ ᠭᠡᠳᠡᠭ ᠡᠭᠦᠳᠡᠨ ᠡᠴᠡ ᠠᠩᠬᠠ ᠪᠢᠴᠢᠭᠰᠡᠨ᠃ ᠣᠳᠣ ᠢᠩᠭᠢᠭᠡᠳ ᠨᠣᠮ ᠢᠶᠠᠨ ᠡᠬᠡ ᠬᠡᠯᠡ ᠪᠡᠷ ᠢᠶᠡᠨ᠂ ᠮᠣᠩᠭᠣᠯᠴᠤᠳ ᠲᠤ ᠪᠠᠨ ᠡᠷᠭᠦᠨ ᠪᠠᠷᠢᠵᠤ ᠪᠠᠶᠢᠨᠠ ᠭᠡᠪᠡ᠃
