ᠦᠨᠳᠦᠰᠦᠨ ᠦ ᠰᠲ᠋ᠠᠲ᠋ᠢᠰᠲ᠋ᠢᠺ ᠤᠨ ᠬᠣᠷᠢᠶᠠᠨ ᠤ ᠨᠢᠭᠡᠳᠦᠭᠰᠡᠨ ᠰᠲ᠋ᠠᠲ᠋ᠢᠰᠲ᠋ᠢᠺ ᠤᠨ ᠭᠠᠵᠠᠷ ᠤᠨ ᠠᠬᠠᠯᠠᠬᠤ ᠰᠲ᠋ᠠᠲ᠋ᠢᠰᠲ᠋ᠢᠭᠴᠢ ᠰ ∙ ᠨᠤᠷᠪᠤ᠂ ᠤᠯᠤᠰ ᠤᠨ ᠬᠡᠮᠵᠢᠶᠡᠨ ᠳᠦ 2022 ᠣᠨ ᠤ ᠵᠢᠯ ᠦᠨ ᠡᠴᠦᠰ ᠲᠦ ᠲᠣᠭᠠᠯᠠᠭᠳᠠᠭᠰᠠᠨ ᠲᠥᠯᠯᠡᠬᠦ ᠨᠠᠰᠤᠨ ᠤ 30.9 ᠰᠠᠶᠠ ᠬᠡᠭᠡᠯᠲᠦᠭᠴᠢ ᠮᠠᠯ ᠤᠨ 21 ᠰᠠᠶᠠ ᠪᠤᠶᠤ 68.2 ᠬᠤᠪᠢ ᠨᠢ ᠡᠨᠡ ᠣᠨ ᠤ ᠡᠬᠢᠨ ᠦ ᠬᠠᠭᠠᠰ ᠵᠢᠯ ᠳᠦ ᠲᠥᠯᠯᠡᠭᠰᠡᠨ᠃ ᠭᠠᠷᠤᠭᠰᠠᠨ ᠲᠥᠯ ᠦᠨ 85.6 ᠬᠤᠪᠢ ᠪᠤᠶᠤ 18 ᠰᠠᠶᠠ ᠲᠥᠯ ᠪᠣᠶᠢᠵᠢᠵᠤ ᠪᠠᠶᠢᠨᠠ᠃ ᠪᠣᠶᠢᠵᠢᠭᠤᠯᠤᠭᠰᠠᠨ ᠲᠥᠯ ᠡᠮᠦᠨᠡᠬᠢ ᠣᠨ ᠤ ᠮᠥᠨ ᠦᠶᠡ ᠡᠴᠡ 6.4 ᠰᠠᠶᠠ ᠪᠤᠶᠤ 26.3 ᠬᠤᠪᠢ ᠪᠠᠷ ᠪᠠᠭᠤᠷᠠᠵᠠᠢ᠃
ᠲᠣᠮᠣ ᠮᠠᠯ ᠤᠨ ᠵᠦᠢ ᠪᠤᠰᠤ ᠬᠣᠷᠣᠭᠳᠠᠯ ᠡᠨᠡ ᠣᠨ ᠤ ᠡᠬᠢᠨ ᠦ ᠬᠠᠭᠠᠰ ᠵᠢᠯ ᠳᠦ 3.9 ᠰᠠᠶᠠ ᠪᠣᠯᠵᠤ ᠡᠮᠦᠨᠡᠬᠢ ᠣᠨ ᠤ ᠬᠢ ᠠᠴᠠ 3.7 ᠰᠠᠶᠠ ᠪᠤᠶᠤ 17.8 ᠳᠠᠬᠢᠨ ᠥᠰᠦᠭᠰᠡᠨ ᠪᠠᠶᠢᠨᠠ᠃ ᠬᠣᠷᠣᠭᠳᠠᠭᠰᠠᠨ ᠨᠡᠶᠢᠲᠡ ᠲᠣᠮᠣ ᠮᠠᠯ ᠤᠨ 61.1 ᠬᠤᠪᠢ ᠨᠢ ᠴᠢᠨᠣᠠ᠂ ᠪᠠᠭᠠᠪᠠᠭᠠᠢ᠂ ᠢᠷᠪᠢᠰ ᠵᠡᠷᠭᠡ ᠵᠡᠷᠯᠢᠭ ᠠᠮᠢᠲᠠᠨ ᠳᠦ ᠪᠠᠷᠢᠭᠤᠯᠬᠤ᠂ ᠮᠥᠰᠦᠨ ᠳᠦ ᠴᠥᠮᠥᠷᠡᠬᠦ᠂ ᠬᠠᠳᠠ ᠠᠰᠬᠠ ᠠᠴᠠ ᠤᠨᠠᠬᠤ᠂ ᠤᠰᠤᠬᠤ ᠵᠡᠷᠭᠡ ᠰᠢᠯᠲᠠᠭᠠᠨ ᠢᠶᠠᠷ ᠬᠣᠷᠣᠭᠳᠠᠭᠰᠠᠨ ᠪᠣᠯ 37.5 ᠬᠤᠪᠢ ᠨᠢ ᠪᠠᠢᠭᠠᠯᠢ ᠶᠢᠨ ᠠᠶᠤᠯᠲᠤ ᠦᠵᠡᠭᠳᠡᠯ ᠳᠦ ᠥᠷᠲᠥᠵᠦ᠂ 1.4 ᠬᠤᠪᠢ ᠨᠢ ᠡᠪᠡᠳᠴᠢᠨ ᠭᠡᠮ ᠢᠶᠡᠷ ᠬᠣᠷᠣᠭᠳᠠᠵᠠᠢ᠃
