ᠰᠤᠶᠤᠯ ᠤᠷᠠᠯᠢᠭ ᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ᠂ 《ᠮᠣᠩᠭᠣᠯ ᠤᠨ ᠤᠷᠠᠯᠢᠭ ᠤᠨ ᠵᠥᠪᠯᠡᠯ》ᠲᠥᠷᠥ ᠶᠢᠨ ᠪᠤᠰᠤ ᠪᠠᠶᠢᠭᠤᠯᠤᠯᠭᠠ ᠨᠢ 《ᠷᠢᠤ᠋ ᠲᠢᠨᠲ᠋ᠤ᠋ ᠮᠣᠩᠭᠣᠯ》 ᠦᠨ ᠳᠡᠮᠵᠢᠯᠭᠡ ᠲᠡᠢ 15 ᠳ᠋ᠡᠬᠢ ᠵᠢᠯ ᠳᠦ ᠪᠡᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ ᠪᠤᠢ︽ᠰᠤᠶᠤᠯ ᠤᠨ ᠨᠠᠭᠠᠳᠤᠮ︾ ᠬᠦᠢ ᠳᠣᠯᠣᠭᠠᠨ ᠬᠤᠳᠳᠤᠭ ᠲᠤ ᠪᠤᠯᠤᠭᠰᠠᠨ᠃
ᠨᠠᠭᠠᠳᠤᠮ ᠳᠦ UNESCO ᠦᠨ ᠰᠤᠶᠤᠯ ᠤᠨ ᠪᠡᠶᠡᠲᠦ ᠪᠤᠰᠤ ᠥᠪ ᠦᠨ ᠶᠠᠭᠠᠷᠠᠯᠲᠠᠢ ᠬᠠᠮᠠᠭᠠᠯᠠᠬᠤ ᠵᠢᠭᠰᠠᠭᠠᠯᠲᠠ ᠳᠤ ᠪᠦᠷᠢᠳᠬᠡᠭᠳᠡᠭᠰᠡᠨ ᠤᠷᠲᠤ ᠶᠢᠨ ᠳᠠᠭᠤᠤ᠂ ᠪᠣᠭᠣᠨᠢ ᠳᠠᠭᠤᠤ᠂ ᠮᠣᠷᠢᠨ ᠬᠤᠭᠤᠷ᠂ ᠪᠡᠶᠡ ᠪᠡᠶᠡᠯᠡᠭᠡ᠂ ᠬᠦᠭᠡᠮᠢ᠂ ᠮᠣᠩᠭᠣᠯ ᠲᠤᠤᠯᠢ ᠭᠡᠬᠦ ᠮᠡᠲᠦ ᠢᠵᠠᠭᠤᠷ ᠤᠷᠠᠯᠢᠭ ᠤᠨ ᠲᠥᠷᠥᠯ ᠢᠶᠡᠷ ᠳᠢᠭᠯᠡᠭᠰᠡᠨ《ᠮᠣᠩᠭᠣᠯ ᠡᠷᠳᠡᠨᠢ》 ᠠᠷᠠᠳ ᠤᠨ ᠤᠷᠠᠯᠢᠭ ᠤᠨ ᠲᠣᠭᠯᠠᠯᠲᠠ ᠨᠤᠭᠤᠳ ᠠᠴᠠ ᠭᠠᠳᠠᠨᠠ ᠥᠪᠥᠷ ᠮᠣᠩᠭᠣᠯ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠣᠷᠳᠣᠰ ᠬᠣᠲᠠ ᠶᠢᠨ ᠣᠲᠣᠭ ᠬᠣᠰᠢᠭᠤᠨ ᠤ 23 ᠬᠦᠮᠦᠨ ᠦ ᠪᠦᠷᠢᠯᠳᠦᠬᠦᠨ ᠲᠡᠢ《ᠠᠯᠲᠠᠨ ᠴᠡᠭᠴᠡᠤᠬᠡᠢ》ᠬᠠᠮᠲᠤᠯᠢᠭ ᠠᠶᠠ ᠳᠠᠭᠤᠤ ᠪᠠᠨ ᠡᠷᠭᠦᠭᠰᠡᠨ ᠨᠢ ᠣᠨᠴᠠᠯᠢᠭ ᠪᠠᠶᠢᠯᠠ᠃ ᠲᠤᠰ ᠬᠠᠮᠲᠤᠯᠢᠭ ᠳᠡᠯᠳᠡᠭᠦᠷ ᠬᠥᠭᠵᠢᠮ ᠪᠣᠯᠤᠨ ᠶᠣᠣᠴᠢᠨ᠂ ᠪᠢᠰᠬᠢᠭᠦᠷ᠂ ᠬᠤᠭᠤᠴᠢᠷ᠂ ᠱᠠᠨᠵᠠ ᠵᠡᠷᠭᠡ ᠬᠥᠭᠵᠢᠮ ᠦᠳ ᠢᠶᠡᠷ ᠲᠣᠭᠯᠠᠭᠰᠠᠨ ᠠᠴᠠ ᠭᠠᠳᠠᠨᠠ ᠬᠠᠳᠠᠭ︵ᠢᠷᠦᠭᠡᠯ ᠦᠨ ᠪᠦᠵᠢᠭ︶᠂ ᠮᠡᠨᠳᠦᠴᠢᠯᠡᠯ︵ᠮᠡᠨᠳᠦᠴᠢᠯᠡᠨ ᠤᠭᠲᠤᠬᠤ ᠪᠦᠵᠢᠭ︶᠂ ᠬᠠᠷᠠᠬᠣᠷᠢᠨ︵ᠠᠷᠤ ᠮᠣᠩᠭᠣᠯ ᠳᠤ ᠵᠣᠷᠢᠭᠤᠯᠤᠨ ᠪᠢᠴᠢᠭᠰᠡᠨ︶ᠳᠠᠭᠤᠤ ᠶᠢ ᠰᠣᠨᠣᠷᠳᠠᠭᠤᠯᠪᠠ᠃