ᠬᠠᠩᠭᠠᠷᠢ ᠶᠢᠨ ᠦᠨᠳᠦᠰᠦᠨ ᠦ ᠲᠧᠯᠸᠢᠰ ᠦᠨ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠪᠣᠯᠬᠤ ᠺᠠᠯᠤᠮᠢᠱᠲ᠋ᠠ ᠮᠠᠷᠲ᠋ᠤᠨ᠂ ᠪᠠᠶᠧᠷ ᠵᠤᠯᠲ᠂ ᠺᠷᠤᠯᠢᠺ ᠮᠠᠷᠴᠡᠯ ᠨᠠᠷ ᠮᠣᠩᠭᠣᠯ ᠤᠯᠤᠰ ᠤᠨ ᠲᠡᠦᠬᠡ᠂ ᠰᠤᠶᠤᠯ᠂ ᠵᠠᠩ ᠵᠠᠩᠰᠢᠯ ᠤᠨ ᠲᠤᠬᠠᠢ ᠪᠠᠷᠢᠮᠲᠠᠲᠤ 14 ᠠᠩᠭᠢ ᠪᠦᠬᠦᠢ ᠺᠢᠨᠣ᠋ ᠪᠦᠲᠦᠭᠡᠬᠦ ᠪᠡᠷ ᠥᠩᠭᠡᠷᠡᠭᠰᠡᠨ ᠨᠢᠭᠡ ᠰᠠᠷᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠭᠣᠪᠢ ᠠᠴᠠ ᠡᠬᠢᠯᠡᠨ ᠠᠯᠲᠠᠢ ᠶᠢᠨ ᠨᠤᠲᠤᠭ ᠬᠦᠷᠲᠡᠯᠡ ᠠᠶᠠᠯᠠᠵᠤ᠂ 8000 ᠺᠢᠯᠣᠮᠧᠲ᠋ᠷ ᠵᠠᠮ ᠢ ᠲᠤᠭᠤᠯᠤᠨ ᠺᠢᠨᠣ᠋ ᠵᠢᠷᠤᠭ ᠢᠶᠠᠨ ᠠᠪᠴᠠᠢ᠃
ᠺᠢᠨᠣ᠋ ᠪᠠᠭ ᠤᠨ ᠫᠷᠣᠳᠢᠶᠦ᠋ᠰᠧᠷ ᠺᠠᠯᠤᠮᠢᠱᠲ᠋ᠠ ᠮᠠᠷᠲ᠋ᠤᠨ᠄ ᠮᠣᠩᠭᠣᠯ ᠤᠨ ᠲᠠᠯᠠ ᠪᠠᠷ ᠪᠠᠷᠢᠮᠲᠠᠲᠤ ᠺᠢᠨᠣ᠋ ᠬᠢᠬᠦ ᠶᠢ ᠣᠯᠠᠨ ᠵᠢᠯ ᠬᠦᠰᠡᠭᠰᠡᠨ᠃ ᠵᠠᠰᠠᠭ ᠤᠨ ᠭᠠᠵᠠᠷ ᠲᠤ ᠪᠠᠨ ᠺᠢᠨᠤ᠋ ᠶᠢᠨ ᠰᠠᠨᠠᠭᠠ ᠶᠢ ᠲᠠᠨᠢᠯᠴᠠᠭᠤᠯᠬᠤ ᠳᠤ ᠲᠡᠷᠡ ᠳᠠᠷᠤᠢ ᠵᠥᠪᠰᠢᠶᠡᠷᠡᠭᠰᠡᠨ᠃ ᠤᠴᠢᠷ ᠨᠢ ᠮᠠᠨ ᠤ ᠤᠯᠤᠰ ᠤᠨ ᠪᠠᠷᠢᠮᠲᠠᠯᠠᠵᠤ ᠪᠤᠢ ᠪᠣᠳᠣᠯᠭᠠ ᠲᠠᠢ ᠡᠨᠡ ᠠᠵᠢᠯ ᠤᠶᠠᠯᠳᠤᠨᠠ᠃ ᠺᠢᠨᠤ᠋ ᠶᠢᠨ ᠠᠮᠢᠨ ᠰᠦᠨᠡᠰᠦ ᠪᠣᠯ ᠮᠣᠩᠭᠣᠯ ᠤᠯᠤᠰ ᠤᠨ ᠰᠣᠶᠣᠯ ᠤᠷᠠᠯᠢᠭ᠂ ᠶᠣᠰᠣ ᠵᠠᠩᠰᠢᠯ᠂ ᠦᠵᠡᠰᠬᠦᠯᠡᠩᠲᠦ ᠪᠠᠶᠢᠭᠠᠯᠢ᠃ ᠮᠥᠨ ᠪᠢᠳᠡᠨ ᠦ ᠺᠢᠨᠤ᠋ ᠠᠴᠠ ᠮᠣᠩᠭᠣᠯ᠂ ᠬᠠᠩᠭᠠᠷᠢ ᠤᠯᠤᠰ ᠤᠨ ᠰᠤᠶᠤᠯ ᠤᠨ ᠢᠵᠢᠯ ᠲᠠᠯᠠ᠂ ᠨᠡᠶᠢᠲᠡᠯᠢᠭ ᠰᠢᠨᠵᠢ ᠬᠠᠷᠠᠭᠳᠠᠨᠠ ᠭᠡᠰᠡᠨ ᠶᠤᠮ᠃