ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠠᠺᠠᠳ᠋ᠸᠮᠢ ᠶᠢᠨ ᠫᠠᠯᠧᠶᠤᠨᠲ᠋ᠤᠯᠤᠭᠢ ᠶᠢᠨ ᠲᠥᠪ ᠦᠨ ᠵᠠᠬᠢᠷᠤᠯ ᠠᠰᠠᠨ ᠷ ∙ ᠪᠠᠷᠰᠪᠤᠯᠤᠳ ᠲᠤ 2023 ᠣᠨ ᠤ ᠬᠠᠪᠤᠷ ᠤᠨ ᠭᠠᠳᠠᠭᠠᠳᠤ ᠢᠷᠭᠡᠨ ᠳᠦ ᠣᠯᠭᠣᠬᠤ ᠱᠠᠩᠨᠠᠯ ᠭᠠᠷᠳᠠᠭᠤᠯᠬᠤ ᠶᠣᠰᠣᠯᠠᠯ ᠢ ᠥᠨᠥᠳᠥᠷ ᠶᠠᠫᠣᠨ ᠤ ᠡᠯᠴᠢᠨ ᠰᠠᠶᠢᠳ ᠤᠨ ᠥᠷᠭᠦᠭᠡᠨ ᠳᠦ ᠵᠣᠬᠢᠶᠠᠨ ᠪᠠᠶᠢᠭᠤᠯᠪᠠ᠃ ᠡᠯᠴᠢᠨ ᠰᠠᠶᠢᠳ ᠬ ∙ ᠺᠣᠪᠠᠶᠠᠰᠢ ᠄《ᠠᠺᠠᠳᠧᠮᠢᠴᠢ ᠷᠢᠨᠴᠢᠨ ᠦ ᠪᠠᠷᠰᠪᠤᠯᠤᠳ ᠲᠠᠨ ᠳᠤ 《ᠮᠠᠨᠳᠤᠬᠤ ᠨᠠᠷ》 ᠤᠳᠤᠨ ᠤ 《ᠰᠠᠷᠠᠨᠠᠢ ᠴᠡᠴᠡᠭ ᠪᠦᠬᠦᠢ ᠠᠯᠲᠠᠨ ᠲᠤᠶᠠᠭᠠ》ᠵᠡᠷᠭᠡᠯᠡᠯ ᠦᠨ ᠣᠳᠣᠨ ᠢᠶᠠᠷ ᠱᠠᠩᠨᠠᠭᠤᠯᠵᠤ ᠪᠠᠢᠭᠠ ᠳᠤ ᠴᠢᠩ ᠰᠡᠳᠬᠢᠯ ᠡᠴᠡ ᠪᠡᠨ ᠪᠠᠶᠠᠷ ᠬᠦᠷᠭᠡᠶᠡ᠃ ᠠᠺᠠᠳᠧᠮᠢᠴᠢ ᠷ∙ ᠪᠠᠷᠰᠪᠤᠯᠤᠳ ᠨᠢ 1985 ᠣᠨ ᠳᠤ ᠶᠠᠫᠣᠨ ᠤᠯᠤᠰ ᠤᠨ ᠬᠡᠮᠵᠢᠶᠡᠨ ᠳᠦ ᠠᠩᠬᠠ ᠤᠳᠠᠭᠠ ᠨᠡᠶᠢᠲᠡ 19 ᠪᠠᠶᠢᠷᠢᠰᠢᠯ ᠳᠤ ︽ᠮᠣᠩᠭᠣᠯ ᠤᠨ ᠦᠯᠭᠡ ᠭᠦᠷᠪᠡᠯ ᠦᠨ ᠦᠵᠡᠰᠬᠦᠯᠡᠩ》 ᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠬᠤ ᠳᠤ ᠬᠦᠴᠦᠨ ᠴᠢᠷᠮᠠᠶᠢᠯᠲᠠ ᠭᠠᠷᠭᠠᠭᠰᠠᠨ᠃
ᠲᠤᠰ ᠦᠵᠡᠰᠬᠦᠯᠡᠩ ᠢ ᠶᠠᠫᠣᠨ ᠳᠤ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠨᠢ ᠮᠣᠩᠭᠣᠯ ᠠᠷᠠᠳᠴᠢᠯᠠᠭᠰᠠᠨ ᠨᠡᠶᠢᠭᠡᠮ ᠳᠦ ᠰᠢᠯᠵᠢᠭᠰᠡᠨ ᠦ ᠳᠠᠷᠠᠭᠠᠬᠢ ᠶᠠᠫᠣᠨ᠂ ᠮᠣᠩᠭᠣᠯ ᠬᠣᠶᠠᠷ ᠤᠯᠤᠰ ᠤᠨ ᠲᠤᠰ ᠰᠠᠯᠪᠤᠷᠢ ᠳ᠋ᠠᠬᠢ ᠬᠠᠮᠲᠤᠷᠠᠭᠰᠠᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ᠂ ᠰᠤᠳᠤᠯᠭᠠᠨ ᠶᠠᠪᠤᠭᠤᠯᠬᠤ ᠡᠬᠢᠯᠡᠯ ᠪᠣᠯᠤᠭᠰᠠᠨ ᠶᠤᠮ᠃ ᠁ ᠠᠺᠠᠳᠧᠮᠢᠴᠢ ᠷ ∙ ᠪᠠᠷᠰᠪᠤᠯᠤᠳ ᠲᠠᠨ ᠳᠤ ᠪᠣᠯᠤᠨ ᠲᠠᠨ ᠤ ᠭᠡᠷ ᠪᠦᠯᠢ ᠳᠦ ᠡᠷᠡᠭᠦᠯ ᠡᠩᠬᠡ᠂ ᠠᠵᠠ ᠵᠢᠷᠭᠠᠯ ᠬᠦᠰᠡᠵᠦ᠂ ᠮᠣᠩᠭᠣᠯ ᠤᠨ ᠫᠠᠯᠧᠶᠤᠨᠲ᠋ᠤᠯᠤᠭᠢ ᠶᠢᠨ ᠰᠠᠯᠪᠤᠷᠢ ᠶᠢᠨ ᠴᠢᠨᠠᠭᠰᠢᠳᠠ ᠶᠢᠨ ᠬᠥᠭᠵᠢᠯ᠂ ᠶᠠᠫᠣᠨ᠂ ᠮᠣᠩᠭᠣᠯ ᠤᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠦ ᠬᠠᠮᠲᠤ ᠶᠢᠨ ᠠᠵᠢᠯᠯᠠᠭᠠ ᠤᠯᠠᠮ ᠶᠡᠬᠡ ᠠᠬᠢᠴᠠ ᠳᠡᠪᠰᠢᠯᠲᠡ ᠲᠡᠢ ᠪᠠᠶᠢᠬᠤ ᠶᠢ ᠬᠦᠰᠡᠨ ᠢᠷᠦᠭᠡᠶᠡ ᠬᠡᠮᠡᠭᠡᠳ ᠡᠨᠡ ᠬᠦ ᠣᠳᠣᠨ ᠢ ᠡᠷᠭᠦᠮᠵᠢᠯᠡᠯ ᠦᠨ ᠬᠠᠮᠲᠤ ᠭᠠᠷᠳᠠᠭᠤᠯᠤᠨ ᠥᠭᠪᠡ᠃