ᠳᠡᠯᠡᠬᠡᠢ ᠶᠢᠨ ᠮᠦᠰᠯᠢᠮᠴᠤᠳ ᠤᠨ ᠬᠤᠶᠠᠳᠠᠬᠢ ᠲᠣᠮᠣ ᠪᠠᠶᠠᠷ ᠪᠣᠯᠬᠤ 《ᠬᠤᠷᠪᠠᠨ ᠠᠢᠲ》ᠪᠠᠶᠠᠷ ᠥᠨᠥᠳᠥᠷ ᠡᠴᠡ ᠡᠬᠢᠯᠡᠵᠦ ᠪᠠᠶᠢᠨᠠ᠃《ᠬᠤᠷᠪᠠᠨ》ᠨᠢ《ᠠᠯᠯᠠᠾ ᠪᠤᠷᠬᠠᠨ ᠳᠤ ᠣᠶᠢᠷᠠᠳᠬᠤ》᠂《ᠠᠢᠲ》ᠭᠡᠳᠡᠭ ᠨᠢ《ᠡᠷᠭᠢᠭᠡᠳ ᠢᠷᠡᠭᠰᠡᠨ ᠪᠠᠶᠠᠷ ᠪᠠᠶᠠᠰᠬᠠᠯ ᠢᠶᠠᠷ ᠳᠦᠭᠦᠷᠡᠩ ᠡᠳᠦᠷ》ᠭᠡᠰᠡᠨ ᠤᠳᠬᠠ ᠲᠠᠢ᠃ ᠪᠠᠶᠠᠷ ᠨᠡᠶᠢᠲᠡ ᠳᠦ ᠪᠡᠨ ᠭᠤᠷᠪᠠᠨ ᠡᠳᠦᠷ ᠦᠷᠭᠦᠯᠵᠢᠯᠡᠬᠦ ᠪᠥᠭᠡᠳ ᠱᠠᠷᠢᠶᠠᠲ ᠤᠨ ᠬᠠᠤᠯᠢ ᠪᠠᠷ ᠪᠣᠯᠤᠮᠵᠢ ᠶᠢᠨ ᠠᠮᠢᠳᠤᠷᠠᠯ ᠲᠠᠢ ᠮᠦᠰᠯᠢᠮ ᠬᠦᠮᠦᠨ ᠪᠣᠯᠭᠠᠨ ᠬᠣᠨᠢ᠂ ᠢᠮᠠᠭᠠ᠂ ᠦᠬᠡᠷ᠂ ᠲᠡᠮᠡᠭᠡ ᠵᠡᠷᠭᠡ ᠰᠠᠯᠠᠭᠠ ᠲᠤᠭᠤᠷᠠᠢ ᠲᠠᠢ ᠮᠠᠯ ᠢᠶᠠᠷ ᠠᠯᠯᠠᠾ ᠲᠩᠷᠢ ᠳᠦ ᠡᠷᠭᠦᠯ ᠪᠠᠷᠢᠵᠤ᠂ ᠮᠢᠬᠠ ᠶᠢ ᠨᠢ ᠪᠤᠰᠤᠳ ᠲᠠᠢ ᠬᠤᠪᠢᠶᠠᠯᠴᠠᠬᠤ᠂ ᠶᠠᠳᠠᠭᠤᠰ ᠢ ᠵᠣᠭᠣᠭᠯᠠᠭᠤᠯᠬᠤ ᠵᠠᠷᠴᠢᠮ ᠲᠠᠢ᠃
ᠮᠣᠩᠭᠣᠯ ᠤᠨ ᠺᠠᠽᠠᠭ ᠤᠳ ᠨᠢ ᠢᠰᠯᠠᠮ ᠱᠠᠰᠢᠨ ᠰᠢᠲᠦᠳᠡᠭ ᠪᠥᠭᠡᠳ 1990 ᠣᠨ ᠠᠴᠠ 《ᠬᠤᠷᠪᠠᠨ ᠠᠢᠲ》 ᠪᠠᠶᠠᠷ ᠢᠶᠠᠨ ᠰᠡᠷᠭᠦᠭᠡᠨ ᠲᠡᠮᠳᠡᠭᠯᠡᠬᠦ ᠪᠣᠯᠵᠠᠢ᠃ ᠡᠨᠡ ᠵᠢᠯ ᠲᠤᠰ ᠪᠠᠶᠠᠷ ᠢᠶᠠᠷ ᠮᠣᠩᠭᠣᠯ ᠤᠨ ᠮᠦᠰᠯᠢᠮ ᠤ ᠨᠡᠶᠢᠭᠡᠮᠯᠢᠭ ᠡᠴᠡ ᠲᠦᠷᠺ ᠤᠯᠤᠰ ᠤᠨ《ᠤᠯᠠᠭᠠᠨ ᠬᠠᠪᠢᠷᠭᠠᠨ ᠰᠠᠷᠠ》ᠪᠠᠶᠢᠭᠤᠯᠤᠯᠭᠠ ᠲᠠᠢ ᠬᠠᠮᠲᠤᠷᠠᠨ 5 ᠮᠢᠩᠭᠠᠨ ᠪᠣᠭ ᠮᠠᠯ ᠭᠠᠷᠭᠠᠵᠤ᠂ ᠮᠢᠬᠠ ᠶᠢ ᠨᠢ ᠠᠮᠢᠵᠢᠷᠭᠠᠨ ᠤ ᠲᠦᠪᠰᠢᠨ ᠳᠤᠭᠤᠤᠷ ᠠᠶᠢᠯ ᠡᠷᠦᠬᠡ ᠨᠦᠭᠦᠳ ᠲᠦ ᠲᠤᠰᠠᠯᠠᠮᠵᠢ ᠪᠣᠯᠭᠠᠨ ᠲᠠᠷᠠᠭᠠᠬᠤ ᠶᠤᠮ᠃