ᠣᠷᠣᠰ ᠤᠨ ᠬᠣᠯᠪᠣᠭᠠᠨ ᠤ ᠤᠯᠤᠰ ᠲᠤ ᠠᠯᠪᠠᠨ ᠶᠣᠰᠣᠨ ᠤ ᠠᠶᠢᠯᠴᠢᠯᠠᠯ ᠬᠢᠵᠦ ᠪᠠᠶᠢᠭᠠ ᠮᠣᠩᠭᠣᠯ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠳᠠᠷᠤᠭᠠ ᠭ∙ᠽᠠᠨᠳᠠᠨᠰᠢᠲᠠᠷᠠ ᠲᠡᠷᠢᠭᠦᠲᠡᠢ ᠲᠥᠯᠥᠭᠡᠯᠡᠭᠴᠢᠳ 06 ᠰᠠᠷᠠ ᠶᠢᠨ 21 ᠳᠦ ᠮᠣᠰᠺᠸᠠ ᠬᠣᠲᠠ ᠶᠢᠨ ᠬᠦᠨᠳᠦᠳᠬᠡᠯ ᠦᠨ ᠳᠡᠨᠵᠢ ᠳ᠋ᠡᠬᠢ ᠴᠡᠴᠡᠷᠯᠢᠭᠲᠦ ᠬᠦᠷᠢᠶᠡᠯᠡᠩ ᠳᠦ ᠪᠠᠶᠢᠷᠢᠯᠠᠭᠤᠯᠤᠭᠰᠠᠨ《ᠢᠯᠠᠯᠲᠠ ᠳᠤ ᠲᠡᠮᠡᠦᠯᠦᠭᠰᠡᠨ ᠮᠣᠷᠢᠳ》 ᠬᠦᠰᠢᠶᠡᠨ ᠳᠦ ᠴᠡᠴᠡᠭ ᠡᠷᠭᠦᠵᠡᠢ᠃
ᠶᠡᠬᠡ ᠪᠤᠤ ᠴᠢᠷᠤᠨ ᠪᠠᠷᠲᠠᠭᠠ ᠶᠡᠬᠡ ᠲᠡᠢ ᠵᠠᠮ ᠢ ᠲᠤᠭᠤᠯᠵᠤ ᠶᠠᠪᠤᠭᠠ ᠮᠣᠩᠭᠣᠯ ᠮᠣᠷᠢᠳ ᠢ ᠳᠦᠷᠰᠦᠯᠡᠭᠰᠡᠨ ᠤᠭ ᠬᠥᠰᠢᠶᠡ ᠨᠢ ᠡᠬᠡ ᠣᠷᠣᠨ ᠤ ᠳᠠᠶᠢᠨ ᠤ ᠬᠦᠨᠳᠦ ᠵᠢᠯ ᠦᠳ ᠲᠦ ᠮᠣᠩᠭᠣᠯ ᠤᠨ ᠠᠷᠠᠳ ᠲᠦᠮᠡᠨ ᠦ ᠢᠯᠡᠭᠡᠭᠰᠡᠨ ᠬᠦᠨᠡᠰᠦ᠂ ᠳᠤᠯᠠᠭᠠᠨ ᠬᠤᠪᠴᠠᠰᠤ᠂ ᠬᠠᠭᠠᠰ ᠰᠠᠶᠠ ᠠᠭᠲᠠ ᠮᠣᠷᠢᠳ᠂ ᠬᠤᠪᠢᠰᠬᠠᠯᠲᠤ ᠮᠣᠩᠭᠣᠯ ᠲᠠᠩᠺ ᠤᠨ ᠴᠤᠪᠤᠭᠠ᠂ ᠮᠣᠩᠭᠣᠯ ᠠᠷᠠᠳ ᠨᠢᠰᠬᠦ ᠣᠩᠭᠣᠴᠠᠨ ᠤ ᠡᠰᠺᠠᠳ᠋ᠷᠢᠯ ᠵᠡᠷᠭᠡ ᠵᠦᠪᠯᠡᠯᠲᠦ ᠳᠦ ᠲᠤᠰᠠᠯᠠᠭᠰᠠᠨ ᠬᠠᠷᠢᠯᠴᠠᠭᠠᠨ ᠤ ᠲᠡᠦᠬᠡ ᠶᠢ ᠪᠡᠯᠭᠡᠳᠡᠭᠰᠡᠨ ᠬᠦᠨᠳᠦᠳᠬᠡᠯ ᠦᠨ ᠳᠤᠷᠠᠰᠬᠠᠯ ᠶᠤᠮ᠃
