ᠢᠷᠠᠭᠤ ᠨᠠᠶᠢᠷᠠᠭᠴᠢ᠂ ᠵᠣᠬᠢᠶᠠᠯᠴᠢ ᠪ ∙ᠯᠾᠬᠠᠪᠠᠰᠦ᠋ᠷᠤᠩ ᠤᠨ 《ᠲᠠᠮᠠᠭᠠ ᠦᠭᠡᠢ ᠲᠥᠷᠥ》 ᠵᠦᠴᠦᠭᠡ ᠶᠢ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠰᠠᠷᠠ ᠳᠤ 《ᠮᠣᠩᠭᠣᠯ ᠬᠠᠭᠠᠨ》 ᠨᠡᠷᠡ ᠲᠡᠢ ᠪᠡᠷ ᠠᠩᠭᠯᠢ ᠶᠢᠨ ᠲᠢᠶᠠᠲ᠋ᠷ ᠤᠨ ᠲᠥᠪ 《West End》 ᠲᠤ ᠲᠣᠭᠯᠠᠬᠤ ᠬᠤᠪᠢᠯᠪᠤᠷᠢ ᠪᠠᠷ ᠨᠢ ᠤᠯᠤᠰ ᠤᠨ ᠳ᠋ᠷᠠᠮ ᠤᠨ ᠡᠷᠳᠡᠮ ᠦᠨ ᠲᠢᠶᠠᠲ᠋ᠷ ᠲᠠᠪᠤᠳᠤᠭᠠᠷ ᠰᠠᠷᠠ ᠶᠢᠨ 31 ᠡᠴᠡ ᠵᠢᠷᠭᠤᠳᠤᠭᠠᠷ ᠰᠠᠷᠠ ᠶᠢᠨ 11 ᠦ ᠡᠳᠦᠷ ᠦᠳ ᠲᠦ ᠳᠠᠬᠢᠨ ᠲᠤᠭᠯᠠᠵᠠᠢ᠃ ᠡᠭᠦᠨ ᠳᠦ ᠵᠦᠴᠦᠭᠡ ᠶᠢᠨ ᠳᠠᠭᠤᠤ ᠶᠢ ᠥᠪᠥᠷ ᠮᠣᠩᠭᠣᠯ ᠤᠨ ᠠᠯᠳᠠᠷᠲᠤ ᠳᠠᠭᠤᠴᠢᠨ ᠰ∙ᠲᠩᠷᠢ ᠳᠠᠭᠤᠯᠠᠵᠠᠢ᠃
《ᠲᠠᠮᠠᠭᠠ ᠦᠭᠡᠢ ᠲᠥᠷᠥ》 ᠵᠦᠴᠦᠭᠡ ᠶᠢ 2022 ᠣᠨ ᠳᠤ 117 ᠤᠳᠠᠭᠠ ᠲᠣᠭᠯᠠᠵᠤ᠂ ᠦᠵᠡᠭᠴᠢᠳ ᠡᠴᠡ ᠥᠨᠳᠥᠷ ᠦᠨᠡᠯᠡᠭᠡ ᠠᠪᠤᠭᠰᠠᠨ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠦ 40 ᠮᠢᠩᠭᠠᠨ ᠬᠦᠮᠦᠨ ᠦᠵᠡᠭᠰᠡᠨ ᠪᠣᠯᠬᠤ ᠶᠢ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠣᠨᠴᠠᠯᠠᠵᠤ ᠪᠠᠶᠢᠭᠰᠠᠨ ᠪᠥᠭᠡᠳ ᠡᠨᠡ ᠬᠤᠭᠤᠴᠠᠭᠠᠨ ᠳᠤ 4.2 ᠲᠡᠷᠪᠤᠮ ᠲᠥᠭᠥᠷᠢᠭ ᠦᠨ ᠣᠷᠣᠯᠭᠠ ᠣᠯᠵᠤ᠂ ᠳ᠋ᠷᠠᠮ ᠤᠨ ᠤᠷᠠᠯᠢᠭ ᠲᠤ ᠥᠨᠳᠥᠷ ᠪᠤᠱᠤᠭᠠ ᠲᠠᠯᠪᠢᠭᠰᠠᠨ ᠭᠡᠬᠦ ᠮᠡᠳᠡᠭᠡᠯᠡᠯ ᠴᠤ ᠰᠠᠴᠤᠭᠳᠠᠭᠰᠠᠨ᠃ ᠡᠨᠡ ᠬᠦ ᠵᠦᠴᠦᠭᠡ ᠶᠢ 2023 ᠣᠨ ᠳᠤ ᠲᠣᠬᠢᠶᠠᠬᠤ ᠮᠣᠩᠭᠣᠯ ᠤᠯᠤᠰ᠂ ᠶᠡᠬᠡ ᠪᠷᠢᠲ᠋ᠠᠨ ᠤ ᠬᠣᠭᠣᠷᠣᠨᠳᠣ ᠳ᠋ᠢᠫᠯᠣᠮᠠᠲ ᠬᠠᠷᠢᠯᠴᠠᠭᠠ ᠲᠣᠭᠲᠠᠭᠠᠭᠰᠠᠨ ᠤ 60 ᠵᠢᠯ ᠦᠨ ᠣᠢ ᠶᠢᠨ ᠬᠦᠷᠢᠶᠡᠨ ᠳᠦ ᠯᠤᠨᠳᠤᠨ ᠬᠤᠲᠠᠨᠠ ᠲᠣᠯᠢᠯᠠᠭᠤᠯᠬᠤ ᠶᠤᠮ᠃