︽ᠳᠠᠷᠬᠠᠨ ᠤ ᠲᠡᠮᠦᠷᠯᠢᠭ ᠦᠨ ᠦᠢᠯᠡᠳᠪᠦᠷᠢ︾ᠺᠣᠮᠫᠠᠨᠢ ᠦᠨ 15 ᠵᠢᠯ ᠦᠨ ᠣᠢ ᠶᠢᠨ ᠬᠦᠷᠢᠶᠡᠨ ᠳᠦ 2008 ᠣᠨ ᠳᠤ ᠭᠠᠩ ᠬᠠᠢᠯᠤᠭᠴᠢ ᠶᠢ ᠪᠡᠯᠭᠡᠳᠡᠨ ᠳᠦᠷᠰᠦᠯᠡᠨ ᠪᠣᠰᠬᠠᠵᠤ ᠪᠠᠶᠢᠭᠰᠠᠨ《ᠲᠡᠮᠦᠷ ᠬᠦᠮᠦᠨ》 ᠢ 2019 ᠣᠨ ᠳᠤ ᠪᠠᠭᠤᠯᠭᠠᠵᠤ ᠪᠠᠶᠢᠭᠰᠠᠨ᠃ ᠲᠡᠭᠡᠪᠡᠯ ᠤᠭ ᠲᠡᠮᠦᠷ ᠬᠦᠮᠦᠨ ᠢ ᠰᠡᠷᠭᠦᠭᠡᠨ ᠵᠠᠰᠠᠪᠤᠷᠢᠯᠠᠵᠤ ᠳᠠᠬᠢᠨ ᠪᠠᠶᠢᠷᠢᠯᠠᠭᠤᠯᠤᠯᠠ᠃ ᠡᠨᠡ ᠵᠢᠯ ᠳᠠᠷᠬᠠᠨ ᠤ ᠲᠡᠮᠦᠷᠯᠢᠭ ᠦᠨ ᠦᠢᠯᠡᠳᠪᠦᠷᠢ ᠶᠢᠨ 30 ᠵᠢᠯ ᠦᠨ ᠣᠢ ᠲᠣᠬᠢᠶᠠᠵᠤ ᠪᠤᠢ ᠲᠤᠯᠠ ᠲᠡᠮᠦᠷ ᠬᠦᠮᠦᠨ ᠦ ᠣᠷᠴᠢᠮ ᠤᠨ 1.8 ᠭᠠ ᠲᠠᠯᠠᠪᠠᠢ ᠶᠢ ᠮᠠᠰᠢᠨ ᠲᠡᠷᠭᠡᠨ ᠦ ᠵᠣᠭᠰᠣᠭᠠᠯ᠂ ᠨᠣᠭᠣᠭᠠᠨ ᠲᠥᠭᠡᠯ ᠲᠠᠢ᠂ ᠢᠷᠭᠡᠳ ᠦᠨ ᠠᠶᠠ ᠲᠤᠬᠠ ᠲᠠᠢ ᠠᠮᠠᠷᠠᠵᠤ ᠲᠤᠬᠠᠯᠠᠬᠤ ᠣᠷᠴᠢᠨ ᠪᠤᠯᠭᠠᠬᠤ ᠠᠵᠢᠯ 80 ᠭᠠᠷᠤᠢ ᠬᠤᠪᠢ ᠲᠠᠢ ᠦᠷᠭᠦᠯᠵᠢᠯᠡᠵᠦ ᠪᠠᠶᠢᠭᠠ ᠪᠥᠭᠡᠳ ᠡᠨᠡ ᠰᠠᠷᠠ ᠶᠢᠨ 30 ᠳᠤ ᠳᠠᠭᠤᠰᠬᠠᠬᠤ ᠪᠠᠷ ᠲᠥᠯᠥᠪᠯᠡᠵᠡᠢ᠃
《ᠲᠡᠮᠦᠷ ᠬᠦᠮᠦᠨ》 ᠦ ᠦᠨᠳᠦᠰᠦᠨ ᠪᠡᠯᠭᠡᠳᠡᠯ ᠨᠢ ᠭᠠᠩ ᠬᠠᠢᠯᠤᠭᠴᠢ ᠶᠢ ᠳᠦᠷᠰᠦᠯᠡᠭᠰᠡᠨ ᠪᠥᠭᠡᠳ ᠦᠢᠯᠡᠳᠪᠦᠷᠢ ᠶᠢᠨ ᠭᠣᠣᠯ ᠪᠦᠲᠦᠭᠡᠭᠳᠡᠬᠦᠨ ᠪᠣᠯᠬᠤ ᠠᠷᠮᠠᠲ᠋ᠤᠷ ᠢᠶᠠᠷ ᠦᠨᠳᠦᠰᠦᠨ ᠶᠡᠬᠡ ᠪᠡᠶᠡ ᠶᠢ᠂ ᠲᠡᠮᠦᠷ ᠦᠨ ᠬᠥᠳᠡᠷ ᠢᠶᠡᠷ ᠰᠠᠭᠤᠷᠢ ᠶᠢ᠂ ᠦᠨᠳᠦᠰᠦᠨ ᠲᠦᠭᠦᠬᠡᠢ ᠡᠳ᠋ ᠪᠣᠯᠬᠤ ᠬᠠᠶᠠᠭᠳᠠᠯ ᠲᠡᠮᠦᠷ ᠲᠦ ᠢᠷᠡᠭᠰᠡᠨ ᠲᠥᠷᠥᠯ ᠪᠦᠷᠢ ᠶᠢᠨ ᠡᠳ᠋ ᠵᠦᠢᠯᠡᠰ ᠢᠶᠡᠷ ᠴᠢᠮᠡᠭᠯᠡᠭᠰᠡᠨ ᠨᠢ ᠳᠠᠷᠬᠠᠨ ᠤ ᠬᠢᠨ ᠤ ᠲᠡᠳᠦᠢ ᠦᠭᠡᠢ ᠵᠣᠷᠢᠨ ᠢᠷᠡᠵᠦ ᠪᠤᠢ ᠵᠣᠴᠢᠳ ᠤᠨ ᠰᠣᠨᠢᠷᠬᠠᠯ ᠢ ᠶᠡᠬᠡᠳᠡ ᠲᠠᠲᠠᠳᠠᠭ ᠪᠢᠯᠡ᠃
