ᠭᠣᠪᠢ-ᠠᠯᠲᠠᠢ ᠠᠶᠢᠮᠠᠭ ᠤᠨ ᠳᠠᠷᠪᠢ ᠰᠤᠮᠤ ᠶᠢᠨ ᠭᠠᠳᠠᠭᠠᠳᠤ ᠬᠡᠯᠡᠨ ᠦ ᠪᠠᠭᠰᠢ ᠡᠺᠣ ᠺᠯᠦ᠋ᠪ ᠤᠨ ᠰᠤᠷᠤᠭᠴᠢᠳ ᠤᠨ ᠬᠠᠮᠲᠤ ᠵᠢᠷᠭᠤᠭᠠᠨ ᠪᠤᠯᠠᠭ ᠤᠨ ᠡᠬᠢ ᠶᠢ ᠰᠡᠷᠭᠦᠭᠡᠨ ᠬᠠᠮᠠᠭᠠᠯᠠᠵᠠᠢ᠃ ᠠᠩᠬᠠ 2016 ᠣᠨ ᠳᠤ ᠡᠺᠣ ᠺᠯᠦ᠋ᠪ ᠦᠨ ᠬᠡᠦᠬᠡᠳ ᠦᠳ ᠰᠠᠨᠠᠭᠠᠴᠢᠯᠠᠨ ᠳᠠᠷᠪᠢ ᠰᠤᠮᠤ ᠶᠢᠨ ᠬᠤᠵᠢᠷᠲᠤ ᠪᠠᠭ ᠤᠨ ᠨᠤᠲᠤᠭ ᠳᠠᠬᠢ ᠠᠷᠢᠶᠠ ᠶᠢᠨ ᠤᠰᠤᠨ ᠤ ᠡᠬᠢ ᠶᠢ ᠬᠠᠰᠢᠵᠤ᠂ ᠬᠠᠮᠠᠭᠠᠯᠠᠬᠤ ᠰᠠᠨᠠᠯ ᠭᠠᠷᠭᠠᠵᠤ ᠰᠤᠳᠤᠯᠭᠠ ᠬᠢᠭᠰᠡᠨ ᠪᠠᠶᠢᠨᠠ᠃ ᠢᠩᠭᠢᠭᠡᠳ ᠰᠤᠮᠤ ᠶᠢᠨ ᠢᠶᠠᠨ ᠪᠠᠶᠢᠭᠠᠯᠢ ᠬᠠᠮᠠᠭᠠᠯᠠᠭᠴᠢ᠂ ᠬᠤᠵᠢᠷᠲᠤ ᠪᠠᠭ ᠤᠨ ᠵᠠᠰᠠᠭ ᠳᠠᠷᠤᠭᠠ ᠪᠣᠯᠤᠨ ᠳᠡᠯᠡᠬᠡᠢ ᠶᠢᠨ ᠪᠠᠶᠢᠭᠠᠯᠢ ᠬᠠᠮᠠᠭᠠᠯᠠᠬᠤ ᠰᠠᠩ ᠤᠨ ᠳᠡᠮᠵᠢᠯᠭᠡ ᠲᠡᠢ ᠪᠡᠷ 2017 ᠣᠨ ᠳᠤ ᠪᠤᠯᠠᠭ ᠤᠨ ᠡᠬᠢ ᠶᠢ ᠬᠠᠰᠢᠵᠤ ᠬᠠᠮᠠᠭᠠᠯᠠᠵᠤ ᠴᠢᠳᠠᠵᠠᠢ᠃ ᠤᠭ ᠠᠵᠢᠯ ᠦᠷᠡ ᠳ᠋ᠦᠩ ᠢᠶᠡᠨ ᠥᠭᠭᠦᠭᠰᠡᠨ ᠨᠢ ᠪᠠᠭᠰᠢ᠂ ᠰᠤᠷᠤᠭᠴᠢᠳ ᠲᠤ ᠶᠡᠬᠡᠬᠡᠨ ᠤᠷᠮᠠ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃
ᠲᠡᠳᠡ ᠬᠠᠰᠢᠭᠰᠠᠨ ᠪᠤᠯᠠᠭ ᠤᠨ ᠢᠶᠠᠨ ᠡᠬᠢ ᠳᠡᠭᠡᠷᠡ ᠰᠤᠳᠤᠯᠭᠠ᠂ ᠮᠣᠨᠢᠲ᠋ᠣᠷᠢᠨ ᠢ ᠬᠢᠵᠦ ᠦᠷᠭᠦᠯᠵᠢᠯᠡᠭᠦᠯᠦᠨ ᠰᠤᠮᠤ ᠶᠢᠨ ᠢᠶᠠᠨ ᠨᠤᠲᠤᠭ ᠳᠡᠪᠢᠰᠬᠡᠷ ᠲᠦ ᠪᠠᠶᠢᠬᠤ ᠰᠢᠷᠭᠢᠬᠦ ᠮᠠᠭᠠᠳᠯᠠᠯ ᠶᠡᠬᠡ ᠲᠡᠢ᠂ ᠮᠠᠯ ᠠᠮᠢᠲᠠᠨ ᠤᠮᠳᠠᠭᠠᠯᠠᠳᠠᠭ ᠲᠠᠪᠤᠨ ᠪᠤᠯᠠᠭ ᠢ ᠮᠠᠯᠴᠢᠳ᠂ ᠰᠤᠮᠤ ᠶᠢᠨ ᠢᠷᠭᠡᠳ᠂ ᠳᠡᠯᠡᠬᠡᠢ ᠶᠢᠨ ᠪᠠᠶᠢᠭᠠᠯᠢ ᠬᠠᠮᠠᠭᠠᠯᠠᠬᠤ ᠰᠠᠩ ᠲᠠᠢ ᠬᠠᠮᠲᠤᠷᠠᠨ ᠬᠠᠰᠢᠵᠤ ᠬᠠᠮᠠᠭᠠᠯᠠᠵᠠᠢ᠃
《ᠳᠠᠷᠪᠢ ᠴᠡᠪᠡᠷ ᠣᠷᠴᠢᠨ》ᠡᠺᠣ ᠺᠯᠦ᠋ᠪ ᠨᠢ 98 ᠭᠡᠰᠢᠭᠦᠨ ᠰᠤᠷᠤᠭᠴᠢ ᠲᠠᠢ ᠪᠠᠷ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠨ ᠶᠠᠪᠤᠭᠤᠯᠳᠠᠭ᠃ ᠤᠳᠤᠷᠢᠳᠤᠭᠴᠢ ᠪᠠᠭᠰᠢ ᠪᠠᠷ ᠲᠤᠰ ᠰᠤᠮᠤ ᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠭᠠᠳᠠᠭᠠᠳᠤ ᠬᠡᠯᠡᠨ ᠦ ᠪᠠᠭᠰᠢ ᠨ ∙ ᠬᠡᠰᠢᠭᠳᠠᠯᠠᠢ ᠠᠵᠢᠯᠯᠠᠳᠠᠭ᠃ ᠡᠺᠣ ᠺᠯᠦ᠋ᠪ ᠳᠣᠲᠣᠷᠠ ᠪᠠᠨ ᠮᠠᠵᠠᠭᠠᠯᠠᠢ᠂ ᠪᠦᠬᠦᠩ᠂ ᠢᠷᠪᠢᠰ ᠭᠡᠰᠡᠨ 3 ᠪᠠᠭ ᠲᠠᠢ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠨ ᠶᠠᠪᠤᠭᠤᠯᠳᠠᠭ᠃
