ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠳᠠᠷᠤᠭᠠ ᠭ ∙ᠽᠠᠨᠳᠠᠨᠰᠢᠲᠠᠷᠠ ᠥᠴᠥᠭᠡᠳᠦᠷ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠠᠴᠠ ᠤᠳᠤᠷᠢᠳᠤᠯᠭᠠ ᠨᠢ ᠲᠣᠮᠢᠯᠠᠭᠳᠠᠳᠠᠭ ᠪᠠᠶᠢᠭᠤᠯᠤᠯᠭᠠ ᠶᠢᠨ ᠤᠳᠤᠷᠢᠳᠤᠯᠭᠠ ᠨᠠᠷ᠂ ᠶᠠᠮᠤᠳ ᠤᠨ ᠲᠥᠷᠥ ᠶᠢᠨ ᠨᠠᠷᠢᠨ ᠪᠢᠴᠢᠭ ᠦᠨ ᠳᠠᠷᠤᠭᠠ ᠨᠠᠷ᠂ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠠᠭᠧᠨᠲᠯᠢᠭ ᠤᠳ ᠤᠨ ᠳᠠᠷᠤᠭᠠ ᠨᠠᠷ ᠲᠠᠢ ᠠᠭᠤᠯᠵᠠᠯᠲᠠ ᠬᠢᠵᠦ᠂ ᠦᠨᠳᠦᠰᠦᠨ ᠬᠠᠤᠯᠢ ᠶᠢᠨ ᠥᠭᠡᠷᠡᠴᠢᠯᠡᠯᠲᠡ ᠶᠢᠨ ᠲᠥᠰᠥᠯ ᠢ ᠲᠠᠨᠢᠯᠴᠠᠭᠤᠯᠤᠭᠰᠠᠨ᠃
ᠲᠡᠷᠡ᠄ ᠠᠩᠬᠠ 1992 ᠣᠨ ᠳᠤ ᠴᠤ ᠫᠠᠷᠯᠠᠮᠧᠨᠲ 123᠂ 108᠂ 134᠂ 152 ᠭᠡᠰᠢᠭᠦᠨ ᠲᠡᠢ ᠪᠠᠶᠢᠬᠤ ᠭᠡᠳ ᠣᠯᠠᠨ ᠬᠤᠪᠢᠯᠪᠤᠷᠢ ᠶᠠᠷᠢᠭᠳᠠᠵᠤ ᠪᠠᠶᠢᠭᠰᠠᠨ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠦ ᠬᠦᠮᠦᠨ ᠠᠮᠠ ᠶᠢᠨ ᠲᠣᠭᠠ 2.2 ᠰᠠᠶᠠ᠂ ᠡᠭᠦᠨ ᠡᠴᠡ 1.1 ᠰᠠᠶᠠ ᠨᠢ ᠰᠣᠩᠭᠣᠭᠤᠯᠢ ᠶᠢᠨ ᠨᠠᠰᠤᠨ ᠤ ᠢᠷᠭᠡᠳ ᠪᠠᠶᠢᠭᠰᠠᠨ ᠪᠣᠯ ᠥᠨᠥᠳᠥᠷ 3.4 ᠰᠠᠶᠠ ᠢᠷᠭᠡᠨ ᠦ 2.2 ᠰᠠᠶᠠ ᠨᠢ ᠰᠣᠩᠭᠣᠭᠤᠯᠢ ᠶᠢᠨ ᠨᠠᠰᠤᠨ ᠤ ᠬᠢᠨ ᠪᠠᠶᠢᠨᠠ᠃ ᠬᠣᠶᠠᠷ ᠳᠠᠬᠢᠨ ᠥᠰᠦᠭᠰᠡᠨ᠂ ᠡᠶᠢᠮᠦ ᠦᠨᠳᠦᠰᠦᠯᠡᠯ ᠢᠶᠡᠷ ᠲᠥᠯᠥᠭᠡᠯᠡᠯ ᠦᠨ ᠵᠠᠷᠴᠢᠮ ᠢ ᠬᠠᠩᠭᠠᠬᠤ ᠱᠠᠭᠠᠷᠳᠠᠯᠭᠠ ᠪᠠᠷ ᠫᠠᠷᠯᠠᠮᠧᠨᠲ ᠤᠨ ᠪᠦᠷᠢᠯᠳᠦᠬᠦᠨ ᠢ ᠬᠣᠶᠠᠷ ᠳᠠᠬᠢᠨ ᠥᠷᠭᠡᠵᠢᠭᠦᠯᠬᠦ ᠱᠠᠭᠠᠷᠳᠠᠯᠭᠠ ᠡᠭᠦᠰᠦᠭᠡᠳ ᠪᠠᠶᠢᠨᠠ᠃
ᠫᠠᠷᠯᠠᠮᠧᠨᠲ ᠤᠨ ᠣᠳᠣ ᠶᠢᠨ ᠪᠦᠲᠦᠴᠡ ᠨᠢ ᠠᠪᠯᠢᠭᠠ᠂ ᠨᠥᠯᠥᠭᠡᠯᠡᠯ ᠦᠨ ᠡᠷᠡᠰᠳᠡᠯ ᠥᠨᠳᠥᠷ ᠲᠡᠢ᠃ ᠲᠣᠭᠲᠠᠯᠴᠠᠭᠠ᠂ ᠲᠣᠭᠠ ᠶᠢ ᠥᠭᠡᠷᠡᠴᠢᠯᠡᠬᠦ ᠥᠭᠡᠷᠡ ᠨᠢᠭᠡ ᠰᠢᠯᠲᠠᠭᠠᠨ ᠪᠣᠯ ᠰᠠᠨᠠᠯ ᠭᠡᠭᠡᠭᠳᠡᠳᠡᠭ ᠠᠰᠠᠭᠤᠳᠠᠯ ᠶᠤᠮ᠃ ᠠᠪᠯᠢᠭᠠ ᠠᠴᠠ ᠠᠩᠬᠢᠲᠠ᠂ ᠦᠷᠡ ᠨᠥᠯᠥᠭᠡ ᠲᠡᠢ ᠰᠢᠢᠳᠪᠦᠷᠢ ᠭᠠᠷᠭᠠᠳᠠᠭ ᠭᠡᠵᠦ ᠠᠷᠠᠳ ᠨᠡᠶᠢᠲᠡ ᠳᠦ ᠪᠡᠨ ᠬᠦᠯᠢᠶᠡᠨ ᠵᠥᠪᠰᠢᠶᠡᠷᠡᠭᠳᠡᠭᠰᠡᠨ ᠫᠠᠷᠯᠠᠮᠧᠨᠲ ᠤᠳ ᠤᠨ ᠵᠢᠱᠢᠭ ᠢ ᠬᠠᠷᠠᠬᠤ ᠳᠤ ᠳᠠᠩᠳᠠ 100 ᠍ ᠠᠴᠠ ᠳᠡᠭᠡᠭᠰᠢ ᠭᠡᠰᠢᠭᠦᠨ ᠲᠡᠢ ᠪᠠᠶᠢᠭᠠ ᠭᠡᠵᠡᠢ᠃
