ᠰᠡᠳᠬᠦᠯᠴᠢ᠂ ᠵᠣᠬᠢᠶᠠᠯᠴᠢ ᠷ ∙ ᠣᠶᠤᠨᠵᠢᠷᠭᠠᠯ ᠤᠨ 《ᠬᠠᠭᠤᠴᠢᠨ ᠪᠠᠶᠢᠰᠢᠩ ᠤᠨ ᠴᠡᠩᠬᠡᠷ ᠨᠢᠳᠦᠨ》 ᠨᠣᠮ ᠤᠨ ᠨᠡᠭᠡᠭᠡᠯᠲᠡ ᠥᠨᠥᠳᠥᠷ ᠢᠨᠲ᠋ᠧᠷ ᠨᠣᠮ ᠤᠨ ᠳᠡᠯᠭᠡᠭᠦᠷ ᠲᠦ ᠪᠣᠯᠤᠯᠠ᠃ ᠤᠭ ᠨᠣᠮ ᠨᠢ 2018 ᠣᠨ ᠳᠤ ᠠᠩᠬᠠ ᠬᠡᠪᠯᠡᠭᠳᠡᠵᠦ᠂ ᠬᠤᠶᠠᠳᠠᠬᠢ ᠬᠡᠪᠯᠡᠯᠲᠡ ᠪᠡᠷ ᠢᠶᠡᠨ ᠤᠩᠰᠢᠭᠴᠢᠳ ᠤᠨ ᠭᠠᠷ ᠲᠤ ᠳᠠᠬᠢᠨ ᠬᠦᠷᠴᠦ ᠪᠠᠶᠢᠨᠠ᠃ ᠡᠨᠡ ᠤᠳᠠᠭᠠ ᠳᠤ ᠲᠤᠰ ᠵᠣᠬᠢᠶᠠᠯ ᠮᠣᠩᠭᠣᠯ᠂ ᠠᠩᠭᠯᠢ ᠬᠣᠣᠰ ᠬᠡᠯᠡ ᠪᠡᠷ ᠬᠡᠪᠯᠡᠭᠳᠡᠵᠦ ᠪᠠᠶᠢᠭᠠ ᠪᠠᠷ ᠢᠶᠠᠨ ᠣᠨᠴᠠᠯᠢᠭ ᠶᠤᠮ᠃ ᠠᠩᠭᠯᠢ ᠬᠡᠯᠡᠨᠡ ᠣᠷᠴᠢᠭᠤᠯᠤᠭᠴᠢ ᠼ ∙ ᠳᠦᠯᠭᠡᠨ ᠪᠠᠭᠤᠯᠭᠠᠵᠤ᠂ ᠳ᠋ᠠᠰᠲ᠋ᠢᠨ ᠷᠣᠤᠯᠢᠩᠰ ᠬᠢᠨᠠᠨ ᠲᠣᠬᠢᠶᠠᠯᠳᠤᠭᠤᠯᠵᠠᠢ᠃
ᠵᠣᠬᠢᠶᠠᠯᠴᠢ ᠬᠡᠦᠬᠡᠳ ᠨᠠᠰᠤᠨ ᠤ ᠳᠤᠷᠠᠰᠤᠮᠵᠢ ᠳᠤ ᠪᠠᠨ ᠲᠤᠯᠭᠠᠭᠤᠷᠢᠯᠠᠨ ᠪᠢᠴᠢᠭᠰᠡᠨ ᠪᠠᠷᠢᠮᠲᠠᠲᠤ ᠤᠷᠠᠨ ᠰᠠᠶᠢᠬᠠᠨ ᠤ ᠤᠭ ᠵᠣᠬᠢᠶᠠᠯ ᠢᠶᠠᠷ ᠢᠶᠠᠨ ᠳᠠᠮᠵᠢᠭᠤᠯᠵᠤ᠂ ᠮᠣᠩᠭᠣᠯ ᠤᠨ ᠠᠬᠤᠢ ᠰᠤᠶᠤᠯ ᠤᠨ ᠣᠨᠴᠠᠯᠢᠭ᠂ ᠮᠥᠨ ᠴᠢᠨᠠᠷ ᠢ ᠥᠨᠥ ᠶᠢᠨ ᠬᠡᠦᠬᠡᠳ᠂ ᠵᠠᠯᠠᠭᠤᠰ ᠲᠤ ᠲᠠᠨᠢᠭᠤᠯᠬᠤ ᠶᠢ ᠵᠣᠷᠢᠭᠰᠠᠨ ᠠᠵᠠᠢ᠃ ᠷ ∙ ᠣᠶᠤᠨᠵᠢᠷᠭᠠᠯ《ᠬᠠᠭᠤᠴᠢᠨ ᠪᠠᠶᠢᠰᠢᠩ ᠤᠨ ᠴᠡᠩᠬᠡᠷ ᠨᠢᠳᠦᠨ》ᠪᠠᠷᠢᠮᠲᠠᠲᠤ ᠤᠷᠠᠨ ᠰᠠᠶᠢᠬᠠᠨ ᠤ ᠵᠣᠬᠢᠶᠠᠯ ᠠᠴᠠ ᠭᠠᠳᠠᠨᠠ ᠬᠥᠭᠵᠢᠮ ᠦᠨ ᠪᠣᠯᠪᠠᠰᠤᠷᠠᠯ ᠣᠯᠭᠣᠬᠤ ᠴᠢᠭᠯᠡᠯ ᠢᠶᠡᠷ 8 ᠨᠣᠮ ᠬᠡᠪᠯᠡᠭᠦᠯᠦᠭᠰᠡᠨ ᠪᠢᠯᠡ᠃