ᠰᠫᠣᠷᠲ ᠤᠨ 15 ᠬᠤᠯᠪᠤᠭᠠᠨ ᠤ ᠨᠢᠭᠡᠳᠦᠭᠰᠡᠨ ᠤᠯᠤᠰ ᠤᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᠭᠡᠨ ᠡᠨᠡ ᠰᠠᠷᠠ ᠶᠢᠨ 13-22 ᠳᠤ︽ᠮᠥᠰᠦᠨ ᠥᠷᠭᠦᠭᠡ︾ᠴᠣᠭᠴᠠᠯᠠᠪᠤᠷᠢ ᠳᠤ ᠪᠣᠯᠤᠨᠠ᠃ ᠡᠭᠦᠨ ᠳᠦ ᠤᠳᠠᠭᠠ ᠠᠩᠬᠠ ᠣᠷᠣᠯᠴᠠᠵᠤ ᠪᠤᠶ ᠳᠤᠭᠤᠢ ᠶᠢᠨ ᠰᠫᠣᠷᠲ ᠤᠨ ᠬᠤᠯᠪᠣᠭᠠ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠶᠢᠨ ᠢᠶᠠᠨ ᠲᠠᠯᠠ ᠪᠠᠷ ᠥᠨᠥᠳᠥᠷ ᠮᠡᠳᠡᠭᠡᠯᠡᠯᠡ᠃
ᠮᠣᠩᠭᠣᠯ ᠤᠨ ᠳᠤᠭᠤᠢ ᠶᠢᠨ ᠬᠤᠯᠪᠤᠭᠠᠨ ᠤ ᠰᠢᠭᠦᠭᠴᠢ ᠴ᠊ · ᠪᠠᠶᠠᠷᠬᠦᠦ᠄ ᠲᠠ ᠪᠦᠬᠦᠨ ᠳᠤᠭᠤᠢ ᠶᠢᠨ ᠰᠫᠣᠷᠲ ᠭᠠᠳᠠᠭᠠ ᠤᠷᠤᠯᠳᠤᠳᠠᠭ᠂ ᠶᠠᠭᠠᠬᠢᠵᠤ ᠲᠠᠩᠬᠢᠮ ᠳᠤ ᠵᠣᠬᠢᠶᠠᠭᠳᠠᠬᠤ ᠪᠣᠯ ᠬᠡᠮᠡᠨ ᠭᠠᠶᠢᠬᠠᠵᠤ ᠮᠠᠭᠠᠳ ᠦᠭᠡᠶ᠃ ᠴᠠᠷ ᠲᠠᠬᠤᠯ ᠲᠠᠢ ᠬᠤᠯᠪᠣᠭᠠ ᠲᠠᠢ ᠳᠤᠭᠤᠢ ᠶᠢᠨ ᠰᠫᠣᠷᠲ ᠤᠨ ᠲᠧᠭᠨᠣᠯᠣᠭᠢ ᠰᠠᠶᠢᠨ ᠬᠥᠭᠵᠢᠭᠰᠡᠨ᠃ ᠪᠦᠭᠦᠳᠡ ᠪᠠᠷ ᠢᠶᠠᠨ ᠲᠠᠩᠬᠢᠮ ᠳᠤ ᠴᠤᠭᠯᠠᠵᠤ᠂ ᠥᠪᠡᠷᠰᠡᠳ ᠤᠨ ᠢᠶᠠᠨ ᠳᠤᠭᠤᠢ ᠶᠢᠨ ᠳᠡᠭᠡᠷᠡ ᠰᠠᠭᠤᠭᠠᠳ ᠭᠠᠷ ᠤᠲᠠᠰᠤᠨ ᠤ APP ᠳᠦ ᠬᠤᠪᠢ ᠶᠢᠨ ᠦᠵᠡᠭᠦᠯᠦᠯᠲᠡ ᠨᠤᠭᠦᠳ ᠢᠶᠠᠨ ᠣᠷᠣᠭᠤᠯᠤᠨᠠ᠃ ᠤᠬᠠᠭᠠᠯᠢᠭ ᠰᠢᠰᠲ᠋ᠧᠮ ᠮᠠᠨᠢ ᠲᠠᠨ ᠤ ᠭᠠᠷᠭᠠᠵᠤ ᠪᠤᠶ ᠡᠨᠧᠷᠭᠢ ᠶᠢ ᠲᠣᠭᠠᠴᠠᠭᠠᠯᠠᠨ᠂ ᠸᠢᠷᠲ᠋ᠦᠸᠠᠯ ᠳᠤᠭᠤᠢ ᠶᠢᠨ ᠵᠡᠮ ᠳᠡᠭᠡᠷᠡ ᠤᠷᠤᠯᠳᠤᠭᠤᠯᠬᠤ ᠪᠣᠯᠣᠮᠵᠢ ᠲᠠᠢ ᠪᠣᠯᠣᠭᠰᠠᠨ᠃ ᠲᠡᠶᠢᠮᠦ ᠠᠴᠠ ᠮᠠᠨ ᠤ ᠬᠤᠯᠪᠣᠭᠠ ᠳᠤᠭᠤᠢ ᠶᠢᠨ ᠰᠫᠣᠷᠲ ᠤᠨ ᠠᠩᠬᠠᠨ ᠤ ᠸᠢᠷᠲ᠋ᠦᠸᠠᠯ ᠤᠯᠤᠰ ᠤᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᠭᠡᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠨᠠ᠃ ᠳᠤᠭᠤᠶᠢᠴᠢᠳ ᠮᠠᠨᠢ ᠠᠩᠬᠠ ᠤᠳᠠᠭᠠ ᠮᠧᠲ᠋ᠠ ᠶᠢᠷᠲᠢᠨᠴᠦ ᠳᠤ ᠣᠨᠤᠭᠠᠭᠰᠠᠨ ᠬᠤᠭᠤᠴᠠᠭᠠᠨ ᠳᠤ ᠢᠨᠲ᠋ᠧᠷᠨᠧᠲ ᠲᠤ ᠬᠤᠯᠪᠣᠭᠳᠠᠵᠤ᠂ ᠨᠢᠭᠡ ᠵᠡᠮ ᠳᠡᠭᠡᠷᠡ ᠤᠷᠤᠯᠳᠤᠨᠠ ᠭᠡᠰᠡᠨ ᠦᠭᠡ ᠶᠤᠮ ᠭᠡᠪᠡ᠃