ᠶᠠᠫᠤᠨ ᠤᠯᠤᠰ ᠤᠨ ᠷᠢᠤᠺᠤᠺᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠰᠠᠩᠬᠦᠦᠵᠢᠯᠲᠡ ᠪᠠᠷ ᠬᠡᠯᠡᠨ ᠤ ᠪᠣᠳᠣᠯᠭᠠ ᠶᠢᠨ ᠦᠨᠳᠦᠰᠦᠨ ᠤ ᠵᠥᠪᠯᠡᠯ᠂ ᠤᠯᠤᠰ ᠤᠨ ᠶᠡᠭᠡ ᠬᠤᠷᠠᠯ ᠤᠨ ᠭᠡᠰᠢᠭᠦᠨ ᠳ᠋᠊ ·ᠲᠤᠭᠲᠠᠬᠤᠰᠦ᠋ᠷᠤᠩ ᠨᠠᠷ ᠤᠨ ᠳᠡᠮᠵᠢᠯᠭᠡ ᠪᠠᠷ ᠴᠢᠩᠭᠢᠰ ᠬᠠᠭᠠᠨ ᠤ ᠵᠠᠷᠯᠢᠭ ᠤᠨ ᠪᠢᠴᠢᠭᠡᠰᠦ ᠪᠤᠶᠤ︽ᠬᠠᠷᠠ ᠬᠤᠷᠣᠮ ᠤᠨ ᠨᠢᠭᠡᠳᠦᠭᠡᠷ ᠮᠣᠩᠭᠤᠯ ᠪᠢᠴᠢᠭᠡᠰᠦᠳᠤ ᠬᠥᠰᠢᠶᠡ︾ ᠶᠢ ᠬᠠᠷᠠᠬᠤᠷᠢᠨ ᠬᠤᠲᠠᠨᠠ ᠳᠠᠬᠢᠨ ᠪᠤᠰᠬᠠᠯᠠ᠃
ᠶᠡᠭᠡ ᠮᠣᠩᠭᠤᠯ ᠤᠯᠤᠰ ᠤᠨ ᠨᠡᠶᠢᠰᠯᠡᠯ ᠬᠠᠷᠠ ᠬᠤᠷᠣᠮ ᠬᠤᠲᠠ ᠳᠤ 1346 ᠣᠨ ᠳᠤ ᠶᠤᠸᠠᠨ ᠭᠦᠷᠦᠨ ᠤ ᠰᠡᠭᠦᠯᠴᠢ ᠶᠢᠨ ᠬᠠᠭᠠᠨ ᠲᠣᠭᠤᠭᠠᠨᠲᠡᠮᠦᠷ ᠤᠨ ᠵᠠᠷᠯᠢᠭ ᠢᠶᠠᠷ ᠪᠣᠰᠬᠠᠵᠤ ᠪᠠᠶᠢᠭᠰᠠᠨ ᠤᠭ ᠬᠥᠰᠢᠶᠡ ᠶᠢ 1380 ᠣᠨ ᠳᠤ ᠬᠢᠲᠠᠳ ᠤᠨ ᠮᠢᠩ ᠤᠯᠤᠰ ᠤᠨ ᠴᠡᠷᠢᠭ ᠬᠠᠷᠠ ᠬᠤᠷᠣᠮ ᠬᠤᠲᠠ ᠶᠢ ᠡᠵᠡᠯᠡᠨ ᠰᠢᠲᠠᠭᠠᠬᠤ ᠦᠶᠡ ᠳᠤ ᠡᠪᠳᠡᠷᠡᠭᠰᠡᠨ ᠬᠡᠮᠡᠨ ᠲᠡᠦᠬᠡᠨ ᠳᠤ ᠲᠡᠮᠳᠡᠭᠯᠡᠵᠡᠢ᠃ ᠮᠣᠩᠭᠤᠯ ᠭᠧᠷᠮᠠᠨ ᠤ ᠬᠠᠮᠲᠤᠷᠠᠭᠰᠠᠨ ᠰᠢᠨᠵᠢᠯᠡᠭᠡᠨ ᠤ ᠠᠩᠭᠢ 2003 ᠣᠨ ᠤ 8 ᠳ᠋ᠤᠭᠠᠷ ᠰᠠᠷᠠ ᠳᠤ ᠬᠢᠭᠰᠡᠨ ᠮᠠᠯᠲᠠᠯᠠᠭᠠ ᠪᠠᠷ ᠡᠷᠳᠡᠨᠢ ᠵᠤᠤ ᠬᠡᠶᠢᠳ ᠤᠨ ᠴᠣᠭᠴᠢᠨ ᠳᠤᠭᠠᠩ ᠤᠨ ᠰᠠᠭᠤᠷᠢᠨ ᠠᠴᠠ ᠨᠢᠭᠡ ᠪᠢᠴᠢᠭᠲᠦ ᠬᠥᠰᠢᠶᠡᠨ ᠤ ᠬᠡᠰᠡᠭ ᠢ ᠮᠠᠯᠲᠠᠨ ᠣᠯᠣᠭᠰᠠᠨ ᠶᠤᠮ᠃
ᠤᠭ ᠬᠥᠰᠢᠶᠡᠨ ᠤ ᠪᠢᠴᠢᠭᠡᠰᠦ ᠳᠤ︽ᠴᠢᠩᠭᠢᠰ ᠬᠠᠭᠠᠨ ᠶᠡᠭᠡ ᠣᠷᠣ ᠰᠠᠭᠤᠭᠰᠠᠨ 15 ᠳ᠋ᠤᠭᠠᠷ ᠣᠨ ᠴᠡᠭᠠᠠ ᠯᠤᠤ ᠵᠢᠯ ᠳᠤ ᠬᠤᠷᠣᠮ ᠳᠤ ᠰᠠᠭᠤᠬᠤ ᠪᠠᠯᠭᠠᠰᠤᠨ ᠤᠷᠤᠰᠢᠭᠤᠯᠤᠭᠰᠠᠨ ᠠᠵᠤᠭᠤ︾ᠬᠡᠮᠡᠨ ᠥᠭᠦᠯᠡᠭᠰᠡᠨ ᠨᠢ 1220 ᠣᠨ ᠳᠤ ᠮᠣᠩᠭᠤᠯᠴᠤᠳ ᠶᠡᠭᠡ ᠮᠣᠩᠭᠤᠯ ᠤᠯᠤᠰ ᠤᠨ ᠢᠶᠠᠨ ᠨᠡᠶᠢᠰᠯᠡᠯ ᠢ ᠣᠷᠬᠤᠨ ᠤ ᠬᠥᠨᠳᠡᠢ ᠳᠤ ᠪᠠᠶᠢᠭᠤᠯᠬᠤ ᠪᠠᠷ ᠰᠣᠩᠭᠤᠵᠤ ᠠᠪᠤᠭᠰᠠᠨ ᠢ ᠭᠡᠷᠡᠴᠢᠯᠡᠬᠦ ᠠᠯᠪᠠᠨ ᠶᠣᠰᠣᠨ ᠤ ᠪᠠᠷᠢᠮᠲᠠ ᠪᠣᠯᠵᠤ ᠪᠠᠶᠢᠳᠠᠭ᠃