︽ᠮᠥᠩᠬᠡ ᠲᠡᠭᠷᠢ ᠶᠢᠨ ᠬᠦᠴᠦᠨ ᠳ᠋ᠤᠷ︾ᠮᠣᠩᠭᠣᠯ ᠤᠨ ᠤᠷᠠᠨ ᠰᠠᠶᠢᠬᠠᠨ ᠤ ᠲᠡᠦᠬᠡᠨ ᠺᠢᠨᠤ᠋ ᠪᠦᠲᠦᠭᠡᠭᠳᠡᠭᠰᠡᠨ ᠦ 30 ᠵᠢᠯ ᠤᠨ ᠣᠢ ᠳᠤ ᠵᠣᠷᠢᠭᠤᠯᠤᠨ ᠨ᠊ ·ᠵᠠᠩᠴᠢᠨᠨᠣᠷᠪᠤ︽ᠮᠥᠩᠬᠡ ᠲᠡᠭᠷᠢ︾ᠬᠥᠭᠵᠢᠮ ᠤᠨ ᠤᠷᠠᠨ ᠪᠦᠲᠦᠭᠡᠯ ᠤᠨ ᠲᠣᠭᠯᠠᠯᠲᠠ ᠪᠠᠨ ᠲᠣᠯᠢᠯᠠᠭᠤᠯᠬᠤ ᠭᠡᠵᠦ ᠪᠠᠶᠢᠨᠡ᠃ ᠲᠤᠰ ᠺᠢᠨᠣ᠋ ᠶᠢᠨ ᠬᠥᠭᠵᠢᠮ ᠢ ᠮᠣᠩᠭᠣᠯ ᠤᠨ ᠦᠨᠳᠦᠰᠦᠨ ᠤ ᠷᠠᠳᠢᠣ᠋ ᠶᠢᠨ ᠶᠡᠭᠡ ᠲᠠᠩᠬᠢᠮ ᠳᠤ ᠠᠷᠠᠳ ᠤᠨ ᠵᠦᠴᠦᠭᠡᠴᠢᠨ ᠵ᠊·ᠴᠢᠯᠠᠭᠤᠨ ᠤ ᠤᠳᠦᠷᠢᠳᠦᠯᠭᠠ ᠳᠤᠤᠷᠠ ᠤᠯᠤᠰ ᠤᠨ ᠹᠢᠯᠠᠷᠮᠣᠨᠢ ᠶᠢᠨ ᠰᠢᠮᠹᠣᠨᠢ ᠨᠠᠶᠢᠷᠠᠯ᠂ ᠮᠤᠷᠢᠨ ᠬᠤᠭᠤᠷᠴᠢᠳ᠂ ᠱᠤᠳᠤᠷᠭᠤᠴᠢᠳ᠂ ᠤᠷᠲᠤ ᠶᠢᠨ ᠳᠠᠭᠤᠴᠢᠳ᠂ ᠨᠠᠶᠢᠷᠠᠯ ᠳᠠᠭᠤᠴᠢᠳ᠂︽ᠬᠥᠬᠡ ᠲᠩᠷᠢ︾ᠬᠠᠮᠲᠤᠯᠢᠭ ᠬᠠᠮᠲᠤᠷᠠᠨ ᠪᠢᠴᠢᠭᠦᠯᠦᠭᠰᠡᠨ ᠪᠥᠭᠡᠳ ᠶᠠᠫᠤᠨ ᠤᠯᠤᠰ ᠤᠨ ᠳᠠᠭᠤ ᠪᠢᠴᠢᠯᠭᠡ ᠶᠢᠨ ᠮᠡᠷᠭᠡᠵᠢᠯᠲᠡᠳ ᠪᠢᠴᠢᠯᠭᠡ ᠬᠢᠵᠦ᠂ ᠲᠣᠣᠺᠢᠣ᠋ ᠶᠢᠨ ᠬᠥᠭᠵᠢᠮ ᠤᠨ ᠰᠲ᠋ᠦ᠋ᠳᠢ ᠳᠤ ᠳᠠᠭᠤᠤ ᠶᠢᠨ ᠲᠤᠬᠢᠷᠠᠭᠤᠯᠭᠠ ᠶᠢ ᠬᠢᠵᠡᠢ᠃
︽ᠮᠥᠩᠬᠡ ᠲᠡᠭᠷᠢ ᠶᠢᠨ ᠬᠦᠴᠦᠨ ᠳ᠋ᠤᠷ︾ᠺᠢᠨᠣ᠋ ᠶᠢᠨ ᠬᠥᠭᠵᠢᠮ ᠤᠨ ᠵᠠᠷᠢᠮ ᠬᠡᠰᠡᠭ ᠢ ᠦᠨᠳᠦᠰᠦᠨ ᠤ ᠶᠡᠭᠡ ᠨᠠᠶᠢᠷᠠᠯ ᠬᠥᠭᠵᠢᠮ᠂ ᠮᠤᠷᠢᠨ ᠬᠤᠭᠤᠷ ᠤᠨ ᠴᠢᠭᠤᠯᠭᠠ ᠬᠥᠭᠵᠢᠮᠳᠡᠵᠦ ᠪᠠᠢᠭᠰᠠᠨ᠃ ᠲᠡᠭᠡᠪᠡᠯ ᠡᠨᠡ ᠤᠳᠠᠭᠠ ᠤᠯᠤᠰ ᠤᠨ ᠹᠢᠯᠠᠷᠮᠣᠨᠢ ᠶᠢᠨ ᠰᠢᠮᠹᠣᠨᠢ ᠨᠠᠶᠢᠷᠠᠯ ᠬᠥᠭᠵᠢᠮ᠂ ᠮᠤᠷᠢᠨ ᠬᠤᠭᠤᠷ ᠤᠨ ᠴᠢᠭᠤᠯᠭᠠ ᠠᠩᠬᠠ ᠤᠳᠠᠭᠠ ᠪᠦᠷᠢᠠ ᠡᠬᠡ ᠪᠠᠷ ᠨᠢ ᠬᠦᠭᠵᠢᠮᠳᠡᠬᠦ ᠪᠠ ᠮᠤᠷᠢᠨ ᠬᠤᠭᠤᠷ ᠤᠨ ᠴᠢᠭᠤᠯᠭᠠ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳ᠋᠊ ·ᠲᠦᠪᠰᠢᠨᠰᠠᠢᠬᠠᠨ ᠤᠳᠤᠷᠢᠳᠤᠨ ᠲᠣᠭᠯᠠᠭᠤᠯᠤᠨᠠ᠃
2018 ᠣᠨ ᠳᠤ ᠥᠪᠥᠷ ᠮᠣᠩᠭᠤᠯ ᠤᠨ ᠬᠦᠬᠡᠬᠤᠲᠠ ᠳᠤ 140 x 50 ᠮᠸᠲᠷ ᠲᠠᠶᠢᠰᠠ ᠪᠦᠬᠦᠢ ᠣᠷᠳᠣᠨ ᠳᠤ 150 ᠣᠷᠴᠢᠮ ᠮᠣᠷᠢᠲᠠᠨ ᠤ ᠮᠤᠷᠢᠨ ᠼᠢᠷᠺ ᠤᠨ ᠦᠵᠡᠭᠦᠯᠪᠦᠷᠢ ᠳᠤ ᠵᠣᠷᠢᠭᠤᠯᠤᠭᠰᠠᠨ ᠬᠥᠭᠵᠢᠮ ᠢ ᠮᠤᠷᠢᠨ ᠬᠤᠭᠤᠷ ᠤᠨ ᠴᠢᠭᠤᠯᠭᠠ᠂ ᠪᠡᠭᠡᠵᠢᠩ ᠤᠨ ᠰᠢᠮᠹᠣᠨᠢ ᠨᠠᠶᠢᠷᠠᠯ ᠬᠥᠭᠵᠢᠮ ᠪᠢᠴᠢᠯᠭᠡ ᠬᠢᠵᠦ ᠲᠣᠭᠯᠠᠭᠰᠠᠨ ᠪᠠᠢᠳᠠᠭ᠃ ᠡᠨᠡ ᠤᠳᠠᠭᠠ︽ᠠᠨᠢᠷ︾ᠫᠣᠫ ᠤᠷᠺᠧᠰᠲᠷ᠂ ᠮᠤᠷᠢᠨ ᠬᠤᠭᠤᠷ ᠤᠨ ᠴᠢᠭᠤᠯᠭᠠ ᠶᠢᠨ ᠬᠥᠭᠵᠢᠮᠴᠢᠳ᠂ ᠨᠠᠶᠢᠷᠠᠯ ᠳᠠᠭᠤᠴᠢᠳ᠂ ᠭᠤᠴᠤᠯᠠᠯ ᠳᠠᠭᠤᠴᠢᠳ᠂︽увeртюра︾ᠬᠠᠮᠲᠤᠯᠢᠭ ᠬᠠᠮᠲᠤᠷᠠᠨ ᠠᠩᠬᠠ ᠤᠳᠠᠭᠠ ᠲᠣᠭᠯᠠᠬᠤ ᠭᠡᠵᠦ ᠪᠠᠶᠢᠨᠡ᠃