ᠨᠠᠮᠤᠷ ᠤᠨ ᠳᠤᠮᠳᠠ ᠰᠠᠷᠠ ᠶᠢᠨ ᠪᠢᠯᠢᠭᠲᠦ ᠰᠠᠶᠢᠨ ᠡᠳᠦᠷ ᠬᠥᠪᠰᠥᠭᠥᠯ ᠠᠶᠢᠮᠠᠭ ᠤᠨ ᠠᠷᠤᠪᠤᠯᠠᠭ ᠰᠤᠮᠤ ᠶᠢᠨ ᠴᠠᠭᠠᠨᠴᠢᠯᠠᠭᠤᠲᠤ ᠶᠢᠨ ᠣᠪᠣᠭᠠ ᠪᠤᠶᠤ ᠰᠢᠳᠠᠷ ᠸᠠᠩ ᠴᠢᠩᠭᠦᠨᠵᠠᠪ ᠤᠨ ᠣᠪᠣᠭᠠ ᠶᠢ ᠨᠤᠲᠤᠭ ᠤᠨ ᠵᠣᠨ ᠣᠯᠠᠨ ᠲᠠᠬᠢᠯᠠ᠃ ᠬᠣᠲᠣᠭᠣᠶᠢᠳ ᠤᠨ ᠰᠢᠳᠠᠷ ᠸᠠᠩ ᠴᠢᠩᠭᠦᠨᠵᠠᠪ 1757 ᠣᠨ ᠳᠤ ᠮᠠᠨᠵᠤ ᠳᠤ ᠪᠠᠷᠢᠭᠳᠠᠵᠤ᠂ ᠪᠡᠭᠡᠵᠢᠩ ᠳᠦ ᠠᠪᠠᠴᠢᠵᠤ ᠴᠠᠭᠠᠵᠠᠯᠠᠬᠤ ᠳᠤ᠂ ᠨᠤᠲᠤᠭ ᠤᠨ ᠢᠷᠭᠡᠨ ᠨᠢᠭᠤᠴᠠ ᠪᠠᠷ ᠲᠡᠭᠦᠨ ᠦ ᠡᠷᠡᠬᠡᠢ ᠬᠤᠷᠤᠭᠤ ᠶᠢ ᠲᠠᠰᠤ ᠴᠠᠪᠴᠢᠨ ᠡᠬᠡ ᠨᠤᠲᠤᠭ ᠲᠤ ᠨᠢ ᠠᠪᠴᠢᠷᠠᠵᠤ᠂ ᠬᠠᠳᠠᠭ ᠲᠤ ᠪᠣᠭᠣᠨ᠂ ᠮᠥᠩᠭᠥᠨ ᠬᠠᠶᠢᠷᠴᠠᠭ ᠲᠤ ᠬᠢᠵᠦ᠂ ᠪᠤᠤ ᠰᠡᠯᠡᠮᠡ ᠶᠢᠨ ᠬᠠᠮᠲᠤ ᠭᠠᠵᠠᠷ ᠤᠬᠤᠨ ᠪᠤᠯᠠᠵᠤ᠂ ᠳᠡᠭᠡᠷᠡ ᠨᠢ ᠴᠠᠭᠠᠨ ᠴᠢᠯᠠᠭᠤᠲᠤ ᠶᠢᠨ ᠣᠪᠣᠭᠠ ᠶᠢ 1760 ᠣᠨ ᠤ ᠦᠶᠡ ᠳᠦ ᠪᠣᠰᠬᠠᠭᠰᠠᠨ ᠭᠡᠳᠡᠭ ᠳᠣᠮᠣᠭ ᠶᠠᠷᠢᠶᠠ ᠪᠠᠶᠢᠳᠠᠭ ᠃
ᠨᠤᠲᠤᠭ ᠤᠨ ᠵᠣᠨ ᠣᠯᠠᠨ ᠨᠠᠷᠠᠨ ᠡᠭᠡᠪᠦᠷ᠂ ᠦᠷᠡᠵᠢᠯ ᠰᠢᠮᠡ ᠰᠠᠶᠢᠲᠠᠢ ᠠᠯᠤᠰ ᠤᠨ ᠪᠠᠷᠠ ᠶᠡᠬᠡ ᠲᠡᠢ᠂ ᠬᠣᠲᠣᠭᠣᠶᠢᠳ ᠨᠤᠲᠤᠭ ᠤᠨ ᠲᠥᠪ᠂ ᠠᠷᠤᠪᠤᠯᠠᠭ ᠰᠤᠮᠤ ᠶᠢᠨ ᠲᠥᠪ ᠡᠴᠡ ᠤᠷᠤᠭᠰᠢ ᠠᠷᠪᠠᠭᠠᠳ ᠺᠢᠯᠣᠮᠧᠲ᠋ᠷ ᠤᠨ ᠵᠠᠢ ᠳᠤ ᠴᠠᠭᠠᠨᠴᠢᠯᠠᠭᠤᠲᠤ ᠶᠢᠨ ᠨᠢᠭᠡᠨ ᠪᠢᠴᠢᠬᠠᠨ ᠲᠣᠯᠣᠭᠠᠢ ᠳᠡᠭᠡᠷᠡ ᠬᠦᠷᠡᠩ ᠥᠩᠭᠡ ᠶᠢᠨ ᠬᠠᠪᠲᠠᠭᠠᠢ ᠴᠢᠯᠠᠭᠤ ᠪᠠᠷ ᠦᠶᠡᠯᠡᠨ ᠦᠷᠦᠵᠦ᠂ ᠡᠨᠡ ᠣᠪᠣᠭᠠ ᠶᠢ ᠪᠣᠰᠬᠠᠵᠠᠢ᠃
