ᠮᠣᠩᠭᠣᠯ ᠤᠯᠤᠰ ᠤᠨ ᠦᠨᠳᠦᠰᠦᠨ ᠦ ᠤᠷᠠᠯᠢᠭ ᠤᠨ ᠶᠡᠬᠡ ᠲᠢᠶᠠᠲ᠋ᠷ ᠤᠨ 2022 ᠣᠨ ᠤ ᠡᠪᠦᠯ ᠴᠠᠭ ᠤᠨ ᠦᠵᠡᠪᠦᠷᠢ ᠶᠢᠨ ᠨᠡᠭᠡᠭᠡᠯᠲᠡ 《ᠮᠣᠩᠭᠣᠯ ᠤᠭᠰᠠᠭᠠᠲᠠᠨ ᠮᠢᠨᠤ》ᠲᠣᠭᠯᠠᠯᠲᠠ ᠪᠠᠷ ᠡᠨᠡ ᠰᠠᠷᠠ ᠶᠢᠨ 27᠂ 28 ᠳᠤ ᠡᠬᠢᠯᠡᠨᠡ᠃ ᠡᠨᠡ ᠬᠦ ᠲᠣᠭᠯᠠᠯᠲᠠ ᠮᠣᠩᠭᠣᠯ ᠤᠨ ᠤᠭᠰᠠᠭᠠᠲᠠᠨ ᠶᠠᠰᠤᠲᠠᠨ ᠤ ᠤᠷᠠᠯᠢᠭ ᠢ ᠬᠠᠷᠠᠭᠤᠯᠤᠭᠰᠠᠨ ᠢᠶᠠᠷ ᠢᠶᠠᠨ ᠣᠨᠴᠠᠯᠢᠭ ᠲᠠᠢ ᠪᠦᠭᠡᠳ ᠲᠤᠰ ᠲᠢᠶᠠᠲ᠋ᠷ ᠤᠨ 200 ᠭᠠᠷᠤᠢ ᠤᠷᠠᠨ ᠪᠦᠲᠦᠭᠡᠯᠴᠢ ᠤᠷᠤᠯᠴᠠᠬᠤ ᠶᠤᠮ᠃
ᠨᠠᠶᠢᠷᠠᠭᠤᠯᠤᠭᠴᠢ ᠠ᠊∙ᠳᠠᠸᠠᠬᠦᠦ᠄ ᠮᠠᠨ ᠤ ᠲᠢᠶᠠᠲ᠋ᠷ ᠤᠨ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠡᠪᠦᠯ ᠴᠠᠭ ᠤᠨ ᠨᠡᠭᠡᠭᠡᠯᠲᠡ ᠪᠡᠨ ᠦᠵᠡᠭᠴᠢ ᠲᠦᠮᠡᠨ ᠳᠦ ᠪᠡᠨ ᠲᠣᠯᠢᠯᠠᠭᠤᠯᠬᠤ ᠪᠠᠷ ᠪᠡᠯᠡᠳᠬᠡᠯ ᠠᠵᠢᠯ ᠤᠨ 80 ᠬᠤᠪᠢ ᠳᠤ ᠣᠷᠣᠭᠠᠳ ᠪᠠᠶᠢᠨᠠ᠃ ᠪᠦᠵᠢᠭ ᠳᠢᠭᠯᠡᠭᠡᠴᠢ ᠰ∙ ᠰᠦᠬᠡᠪᠠᠭᠠᠲᠤᠷ ᠤᠨ ᠳᠥᠷᠪᠡᠨ ᠵᠦᠭ ᠨᠠᠢ᠌ᠮᠠᠨ ᠵᠣᠪᠬᠢᠰ ᠤᠨ ᠮᠣᠩᠭᠣᠯᠴᠤᠳ ᠢᠶᠠᠨ ᠮᠠᠭᠲᠠᠨ ᠳᠠᠭᠤᠯᠠᠭᠰᠠᠨ ᠥᠪ ᠰᠤᠶᠤᠯ᠂ ᠤᠯᠠᠮᠵᠢᠯᠠᠯ᠂ ᠠᠷᠠᠳ ᠤᠨ ᠳᠠᠭᠤᠤ ᠬᠤᠭᠤᠷ ᠠᠴᠠ ᠤᠷᠭᠤᠭᠤᠯᠤᠨ ᠭᠠᠷᠤᠭᠰᠠᠨ ᠳᠠᠭᠤᠲᠤ ᠪᠦᠵᠢᠭ ᠢᠶᠠᠷ ᠡᠬᠢᠯᠡᠭᠦᠯᠦᠨᠡ ᠭᠡᠪᠡ᠃