ᠣᠯᠠᠨ ᠤᠯᠤᠰ ᠤᠨ ᠲᠦᠷᠦᠭ ᠠᠻᠠᠳᠧᠮᠢ᠂ ᠮᠣᠩᠭᠤᠯ ᠤᠯᠤᠰ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠠᠻᠠᠳᠧᠮᠢ ᠡᠷᠲᠡᠨ ᠤ ᠲᠦᠷᠦᠭ ᠤᠨ ᠦᠶᠡ ᠳᠤ ᠬᠠᠮᠢᠶᠡᠷᠬᠤ ᠢᠵᠠᠭᠤᠷᠲᠠᠨ ᠤ ᠲᠡᠬᠢᠯᠭᠠ ᠶᠢᠨ ᠣᠩᠭᠤᠨ ᠢ ᠠᠷᠤᠬᠠᠩᠭᠠᠢ ᠠᠶᠢᠮᠠᠭ ᠤᠨ ᠬᠠᠰᠢᠶᠠᠲᠤ ᠰᠤᠮᠤ ᠶᠢᠨ ᠨᠤᠮᠤᠭᠤᠨ ᠭᠡᠳᠡᠭ ᠭᠠᠵᠠᠷ ᠠᠴᠠ ᠢᠯᠡᠷᠡᠭᠦᠯᠦᠭᠰᠡᠨ ᠲᠠᠯᠠ ᠪᠠᠷ ᠮᠡᠳᠡᠭᠡᠯᠡᠪᠡ᠃
ᠣᠯᠠᠨ ᠤᠯᠤᠰ ᠤᠨ ᠲᠦᠷᠦᠭ ᠠᠺᠠᠳᠧᠮᠢ ᠶᠢᠨ ᠶᠡᠷᠦᠩᠬᠡᠶᠢᠯᠡᠭᠴᠢ ᠳᠠᠷᠬᠠᠨ ᠺᠢᠳᠢᠷᠠᠯᠢ᠄ ᠡᠷᠲᠡᠨ ᠤ ᠲᠦᠷᠦᠭ ᠤᠨ ᠰᠣᠶᠤᠯ ᠤᠨ ᠭᠠᠶᠢᠬᠠᠮᠰᠢᠭᠲᠤ ᠥᠪ ᠪᠣᠯ ᠪᠢᠴᠢᠭᠡᠰᠦᠳᠤ ᠪᠢᠴᠢᠭ ᠳᠤᠷᠠᠰᠬᠠᠯ ᠶᠤᠮ᠃ ᠡᠨᠡ ᠤᠳᠠᠭᠠ ᠶᠢᠨ ᠣᠯᠳᠠᠪᠤᠷᠢ ᠨᠢ ᠪᠢᠯᠭᠡ ᠬᠠᠭᠠᠨ ᠤ ᠭᠡᠷᠡᠯᠲᠦ ᠬᠥᠰᠢᠶᠡ ᠣᠯᠳᠠᠭᠰᠠᠨ ᠠᠴᠠ ᠬᠤᠶᠢᠰᠢ 100 ᠭᠠᠷᠦᠢ ᠵᠢᠯ ᠤᠨ ᠲᠡᠷᠡᠭᠠᠬᠢ ᠣᠯᠣᠯᠲᠠ᠂ ᠨᠡᠭᠡᠭᠡᠯᠳᠡ ᠪᠣᠯᠵᠤ ᠪᠠᠶᠢᠨᠡ᠃
ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠠᠻᠠᠳᠧᠮᠢ ᠶᠢᠨ ᠠᠷᠬᠧᠣᠯᠣᠭᠢ ᠶᠢᠨ ᠬᠦᠷᠢᠶᠡᠯᠡᠩ ᠤᠨ ᠵᠠᠬᠢᠷᠤᠯ ᠬ᠋᠊ ·ᠷᠧᠭᠵᠢᠨ᠄ ᠣᠯᠠᠨ ᠤᠯᠤᠰ ᠤᠨ ᠲᠦᠷᠦᠭ ᠠᠺᠠᠳᠧᠮᠢ ᠲᠠᠢ 2014 ᠣᠨ ᠠᠴᠠ ᠬᠠᠮᠲᠤ ᠶᠢᠨ ᠠᠵᠢᠯᠯᠠᠭᠠᠨ ᠤ ᠭᠡᠷᠡ ᠪᠠᠶᠢᠭᠤᠯᠵᠤ᠂ ᠮᠣᠩᠭᠤᠯ ᠨᠤᠲᠤᠭ ᠲᠤ ᠪᠠᠶᠢᠭᠠ ᠡᠷᠲᠡᠨ ᠤ ᠲᠦᠷᠦᠭ ᠤᠨ ᠦᠶᠡ ᠶᠢᠨ ᠠᠷᠬᠧᠣᠯᠣᠭᠢ ᠶᠢᠨ ᠳᠤᠷᠠᠰᠬᠠᠯ ᠳᠡᠭᠡᠷᠡ ᠬᠠᠮᠲᠤᠷᠠᠭᠰᠠᠨ ᠮᠠᠯᠲᠠᠯᠭᠠ᠂ ᠰᠤᠳᠤᠯᠭᠠᠨ ᠤ ᠠᠵᠢᠯ ᠢ ᠬᠢᠵᠦ ᠡᠬᠢᠯᠡᠭᠰᠡᠨ᠃
ᠪᠢᠳᠡ ᠦᠡᠭᠭᠡᠷᠡᠭᠰᠡᠠ ᠬᠤᠭᠤᠴᠠᠭᠠᠨ ᠳᠤ ᠲᠦᠷᠦᠭ᠂ ᠤᠶᠢᠭᠤᠷ ᠤᠨ ᠦᠶᠡ ᠶᠢᠨ ᠲᠣᠮᠤᠬᠠᠨ ᠲᠡᠬᠢᠯᠭᠠ ᠶᠢᠨ ᠴᠣᠭᠴᠠᠯᠠᠪᠤᠷᠢ ᠳᠦ ᠮᠠᠯᠲᠠᠯᠭᠠ᠂ ᠰᠤᠳᠤᠯᠭᠠᠨ ᠤ ᠠᠵᠢᠯ ᠢ ᠠᠮᠵᠢᠯᠲᠠᠲᠠᠶ ᠬᠢᠵᠦ ᠳᠠᠭᠤᠰᠬᠠᠭᠰᠠᠨ᠃ ᠮᠦᠠ ᠠᠷᠤᠬᠠᠩᠭᠠᠢ ᠠᠶᠢᠮᠠᠭ ᠤᠨ ᠬᠠᠰᠢᠶᠠᠲᠤ ᠰᠤᠮᠤ ᠶᠢᠨ ᠨᠤᠲᠤᠭ ᠲᠤ ᠣᠷᠤᠰᠢᠬᠤ ᠨᠤᠮᠤᠭᠤᠨ ᠴᠣᠭᠴᠠᠯᠠᠪᠤᠷᠢ ᠳᠡᠭᠡᠷᠡ 2019 ᠣᠨ ᠠᠴᠠ ᠬᠠᠮᠲᠤᠷᠠᠭᠰᠠᠨ ᠮᠠᠯᠲᠠᠯᠭᠠ᠂ ᠰᠤᠳᠤᠯᠭᠠᠨ ᠤ ᠠᠵᠢᠯ ᠬᠢᠭᠰᠡᠨ ᠬᠡᠮᠡᠨ ᠬᠡᠯᠡᠪᠡ᠃
ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠠᠻᠠᠳᠧᠮᠢ ᠶᠢᠨ ᠠᠷᠬᠧᠣᠯᠣᠭᠢ ᠶᠢᠨ ᠬᠦᠷᠢᠶᠡᠯᠡᠩ ᠤᠨ ᠳᠤᠮᠳᠠᠳᠤ ᠵᠠᠭᠤᠨ ᠤ ᠰᠠᠯᠪᠤᠷᠢ ᠶᠢᠨ ᠡᠷᠬᠢᠯᠡᠭᠴᠢ᠂ ᠳ᠋ᠣᠺᠲ᠋ᠣᠷ ᠠ᠊ ·ᠡᠩᠬᠡᠲᠦ᠋ᠷᠤ᠄ ᠨᠤᠮᠤᠭᠤᠨ ᠭᠡᠳᠡᠭ ᠭᠠᠵᠠᠷ ᠲᠤ ᠡᠷᠲᠡᠨ ᠤ ᠲᠦᠷᠦᠭ ᠤᠨ ᠲᠡᠬᠢᠯᠭᠠ ᠶᠢᠨ ᠣᠩᠭᠤᠨ ᠪᠠᠶᠢᠭᠠ ᠶᠢ ᠢᠯᠡᠷᠡᠭᠦᠯᠦᠭᠰᠡᠨ᠃ ᠲᠣᠳᠣᠷᠠᠭᠤᠯᠪᠠᠯ᠂ ᠳᠤᠮᠳᠠ ᠪᠠᠨ 80 ᠰᠠᠨᠲ᠋ᠢᠮᠧᠲᠷ ᠤᠨ ᠴᠣᠨᠤᠭ ᠨᠦᠬᠡ ᠲᠠᠢ ᠴᠢᠯᠠᠭᠤ ᠲᠡᠮᠳᠡᠭ ᠪᠠᠶᠢᠭᠰᠠᠨ᠃ ᠡᠨᠡ ᠨᠢ ᠵᠥᠪᠬᠡᠨ ᠬᠠᠭᠠᠳ ᠤᠨ ᠲᠠᠬᠢᠯᠭᠠ ᠳᠤ ᠪᠠᠶᠢᠳᠠᠭ ᠲᠡᠮᠳᠡᠭ᠃
︽ᠨᠤᠮᠤᠭᠤᠨ – 2 ︾ᠳᠤᠷᠠᠰᠬᠠᠯ ᠳᠤ ᠨᠡᠶᠢᠲᠡ 48 ᠣᠷᠴᠢᠮ ᠴᠢᠯᠠᠭᠤ ᠢᠯᠡ ᠦᠵᠡᠭᠳᠡᠵᠦ ᠪᠠᠶᠢᠭᠰᠠᠨ᠃ ᠡᠭᠦᠨ ᠤ ᠲᠡᠭᠡᠳᠦ ᠲᠠᠯᠠ ᠳᠤ ᠶᠠᠩᠬᠢᠷ ᠲᠠᠮᠠᠭᠠ ᠲᠠᠢ ᠬᠡᠳᠦ ᠬᠡᠳᠦᠨ ᠴᠢᠯᠠᠭᠤ ᠢᠯᠡᠷᠡᠭᠰᠡᠨ᠃ ᠮᠦᠠ ᠮᠠᠯᠲᠠᠭᠠ ᠶᠢᠨ ᠶᠠᠪᠤᠴᠠ ᠳᠤ ᠲᠡᠬᠢᠯᠭᠠ ᠶᠢᠨ ᠣᠩᠭᠤᠨ ᠤ ᠤᠷᠲᠤ ᠲᠠᠯᠠ ᠠᠴᠠ ᠮᠡᠯᠡᠭᠡᠢ ᠴᠢᠯᠠᠭᠤ ᠣᠯᠳᠠᠭᠰᠠᠨ᠃ ᠡᠨᠡ ᠴᠢᠯᠠᠭᠤ ᠨᠢ ᠲᠦᠷᠦᠭ ᠤᠨ ᠳᠤᠮᠳᠠᠳᠤ ᠵᠠᠭᠤᠨ ᠤ ᠦᠶᠡ ᠶᠢᠨ ᠤᠯᠠᠮᠵᠢᠯᠠᠯ ᠢᠶᠠᠷ ᠬᠠᠭᠠᠨ ᠤ ᠠᠯᠳᠡᠷ ᠰᠤᠤ ᠶᠢ ᠮᠠᠭᠲᠠᠵᠤ᠂ ᠭᠠᠪᠢᠶᠠ ᠶᠢ ᠨᠢ ᠪᠢᠴᠢᠭᠰᠡᠨ ᠪᠠᠶᠢᠳᠠᠭ ᠬᠡᠮᠡᠨ ᠲᠠᠨᠢᠯᠴᠠᠭᠤᠯᠪᠠ᠃
