ᠮᠣᠩᠭᠤᠯ ᠲᠤᠭᠤᠷᠭᠠᠲᠠᠨ ᠤ ᠪᠥᠬᠡ ᠶᠢᠨ ᠪᠠᠷᠢᠯᠳᠤᠭᠠᠨ ᠤ ᠲᠠᠯᠠ ᠪᠠᠷ ᠮᠣᠩᠭᠣᠯ ᠤᠨ ᠦᠨᠳᠦᠰᠦᠨ ᠤ ᠪᠥᠬᠡ ᠶᠢᠨ ᠬᠤᠯᠪᠣᠭᠠ ᠶᠢᠨ ᠶᠡᠷᠦᠩᠬᠡᠶᠢᠯᠡᠭᠴᠢ ᠴ᠊·ᠮᠠᠭᠠᠯᠵᠠᠪ ᠲᠠᠢ ᠶᠠᠷᠢᠯᠴᠠᠯᠠ᠃
– ᠲᠤᠸᠠ᠂ ᠬᠠᠯᠢᠮᠠᠭ᠂ ᠪᠤᠷᠢᠶᠠᠳ᠂ ᠥᠪᠦᠷ ᠮᠣᠩᠭᠣᠯ ᠤᠨ ᠪᠥᠬᠡᠴᠦᠳ ᠡᠨᠡ ᠵᠢᠯ ᠤᠨ ᠪᠡᠶᠡᠷ ᠨᠠᠭᠠᠳᠤᠮ ᠢ ᠵᠣᠷᠢᠵᠤ ᠢᠷᠡᠯᠡ᠃ ᠮᠣᠩᠭᠣᠯ ᠤᠨ ᠤᠯᠠᠮᠵᠢᠯᠠᠯᠲᠤ ᠨᠠᠭᠠᠳᠤᠮ ᠮᠣᠩᠭᠤᠯ ᠲᠤᠭᠤᠷᠭᠠᠲᠠᠨ ᠢ ᠬᠠᠮᠤᠷᠤᠭᠰᠠᠨ ᠨᠠᠭᠠᠳᠤᠮ ᠪᠣᠯᠣᠯᠠ ᠬᠡᠮᠡᠨ ᠬᠥᠮᠥᠰ ᠠᠮᠠ ᠰᠠᠶᠢᠲᠠᠶ ᠪᠠᠶᠢᠭᠰᠠᠨ︖
– ᠡᠨᠡ ᠵᠢᠯ ᠤᠨ ᠨᠠᠭᠠᠳᠤᠮ ᠳᠤ ᠣᠷᠣᠯᠴᠠᠭᠰᠠᠨ ᠭᠠᠳᠠᠭᠠᠳᠤ ᠶᠢᠨ ᠪᠥᠬᠡᠴᠦᠳ ᠠᠴᠠ ᠲᠤᠸᠠ ᠦᠨᠳᠦᠰᠦᠲᠡᠨ ᠤ ᠭᠤᠷᠪᠠᠨ ᠪᠥᠬᠡ ᠬᠤᠶᠠᠷ ᠳᠠᠪᠠᠯᠠ᠃ ᠬᠠᠷᠢᠨ ᠥᠪᠥᠷ ᠮᠣᠩᠭᠤᠯ ᠂ ᠬᠠᠯᠢᠮᠠᠭ᠂ ᠪᠤᠷᠢᠶᠠᠳ ᠤᠨ ᠪᠥᠬᠡᠴᠦᠳ ᠨᠢᠭᠡ ᠶᠢᠨ ᠳᠠᠪᠠᠭᠠᠨ ᠳᠤ ᠡᠪᠦᠳᠦᠭ ᠰᠢᠷᠤᠢᠳᠠᠭᠰᠠᠨ᠃ ᠲᠦᠷᠦᠭᠦᠯᠡᠬᠦ ᠡᠴᠡ ᠤᠷᠦᠯᠴᠡᠬᠤ ᠨᠢ ᠭᠡᠮᠡᠬᠦ ᠲᠠᠮᠢᠷᠴᠢᠳ ᠤᠨ ᠵᠡᠷᠴᠢᠮ ᠪᠤᠢ᠃ ᠪᠠᠷᠢᠯᠳᠤᠭᠠᠳ ᠠᠮᠵᠢᠯᠲᠠ ᠦᠵᠡᠭᠦᠯᠦᠨᠡ ᠭᠡᠬᠦ ᠠᠴᠠ ᠢᠯᠡᠬᠦᠦ ᠮᠣᠩᠭᠤᠯ ᠦᠨᠳᠦᠰᠦᠨ ᠤ ᠶᠡᠭᠡ ᠪᠡᠶᠡᠷ ᠨᠠᠭᠠᠳᠤᠮ ᠳᠤ ᠣᠷᠣᠯᠴᠠᠵᠤ ᠪᠠᠶᠢᠭᠠ ᠨᠢ ᠲᠠᠯᠠᠷᠬᠠᠯ ᠲᠠᠢ᠂ ᠰᠡᠶᠢᠬᠠᠠ ᠪᠠᠶᠢᠯᠠ᠃
– ᠦᠨᠳᠦᠰᠦᠲᠡᠨ᠂ ᠶᠠᠰᠤᠲᠠᠨ ᠪᠣᠯᠭᠠᠨ ᠤ ᠪᠥᠬᠡ ᠶᠢᠨ ᠪᠠᠷᠢᠯᠳᠤᠭᠠᠨ ᠥᠪᠡᠷ ᠤᠨ ᠭᠡᠭᠰᠡᠨ ᠣᠨᠴᠠᠯᠢᠭ ᠲᠠᠢ᠃ ᠡᠨᠡ ᠣᠨᠴᠠᠯᠢᠭ ᠢᠶᠠᠨ ᠬᠠᠳᠠᠭᠠᠯᠠᠵᠤ᠂ ᠳᠡᠭᠡᠷᠡ ᠠᠴᠠ ᠨᠢ ᠮᠣᠩᠭᠤᠯ ᠪᠥᠬᠡ ᠶᠢᠨ ᠳᠦᠷᠢᠮ ᠢ ᠪᠠᠷᠢᠮᠲᠠᠯᠠᠵᠤ ᠪᠠᠷᠢᠯᠳᠤᠬᠤ ᠳᠤ ᠲᠣᠳᠤᠷᠬᠠᠶ ᠬᠤᠭᠤᠴᠠᠭᠠᠨ ᠤ ᠪᠡᠯᠡᠦᠡᠭᠡᠯ ᠱᠠᠭᠠᠷᠳᠠᠭᠳᠠᠬᠤ ᠪᠠᠶᠢᠬᠤ︖
– ᠲᠤᠸᠠ ᠪᠥᠬᠡᠴᠦᠳ ᠨᠠᠭᠠᠳᠤᠮ ᠤᠨ ᠪᠡᠯᠡᠳᠬᠡᠯ ᠢᠶᠠᠨ︽ᠤᠪᠰᠤ ᠨᠠᠭᠤᠷ︾ ᠪᠥᠬᠡ ᠶᠢᠨ ᠳᠡᠪᠵᠢᠶᠡᠨ ᠳᠤ ᠠᠶᠢᠮᠠᠭ ᠤᠨ ᠪᠥᠬᠡᠴᠦᠳ ᠲᠠᠢ ᠬᠢᠭᠰᠡᠨ ᠶᠠᠭᠤᠮᠠ ᠪᠢᠯᠡ᠃ ᠬᠠᠯᠢᠮᠠᠭ ᠤᠨ ᠪᠥᠬᠡᠴᠦᠳ ᠨᠠᠭᠠᠳᠤᠮ ᠪᠣᠯᠬᠤ ᠠᠴᠠ ᠬᠤᠶᠠᠷ ᠬᠤᠨᠤᠭ ᠤᠨ ᠡᠮᠦᠨᠡ ᠢᠷᠡᠭᠰᠡᠨ᠃ ᠲᠡᠳᠡ ᠪᠥᠬᠡ ᠶᠢᠨ ᠭᠠᠯ ᠳᠡᠭᠡᠷᠡ ᠣᠴᠢᠭᠠᠳ ᠮᠠᠨ ᠤ ᠪᠥᠬᠡ ᠶᠢᠨ ᠣᠨᠴᠠᠯᠢᠭ ᠢ ᠵᠢᠭᠠᠯᠭᠠᠵᠤ ᠠᠪᠤᠭᠠᠳ ᠣᠷᠣᠭᠰᠠᠨ᠃ ᠬᠠᠯᠢᠮᠠᠭ ᠤᠨ ᠪᠥᠬᠡᠴᠦᠳ ᠬᠠᠮᠤᠬ ᠤᠨ ᠬᠤᠯᠠ ᠠᠴᠠ ᠵᠣᠷᠢᠵᠤ ᠢᠷᠠᠵᠤ᠂ ᠣᠷᠣᠯᠴᠠᠯᠠ᠃
– ᠡᠨᠡ ᠵᠢᠯ ᠤᠨ ᠨᠠᠭᠠᠳᠤᠮ ᠢ ᠲᠠ ᠬᠤᠪᠢ ᠳᠤ ᠪᠠᠨ ᠬᠡᠷᠬᠢᠨ ᠳ᠋ᠦᠩᠨᠡᠬᠦ ᠪᠤᠢ︖
– 1921 ᠣᠨ ᠠᠴᠠ ᠬᠤᠶᠢᠰᠢ 100 ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠳᠤ ᠨᠠᠭᠠᠳᠤᠮ ᠳᠤ ᠠᠷᠠᠳ ᠤᠨ ᠠᠷᠮᠢ ᠶᠢᠨ ᠪᠠᠶᠢᠯᠳᠤᠭᠴᠢ ᠴᠡᠷᠢᠭ ᠤᠳ ᠣᠷᠣᠳᠠᠭ ᠪᠠᠶᠢᠭᠰᠠᠨ᠃ ᠡᠨᠡ ᠵᠢᠯ ᠪᠥᠬᠡ ᠶᠢᠨ ᠲᠤᠭᠠ ᠬᠡᠲᠦᠷᠡᠭᠰᠡᠨ ᠤᠴᠢᠷ ᠠᠴᠠ ᠴᠡᠷᠢᠭ ᠤᠳ ᠣᠷᠤᠭᠠ ᠦᠭᠡᠢ᠃ ᠵᠠᠯᠠᠭᠤ ᠪᠥᠬᠡᠴᠦᠳ᠂ ᠮᠣᠩᠭᠤᠯ ᠲᠤᠭᠤᠷᠭᠠᠲᠠᠳ ᠮᠠᠨᠢ ᠪᠠᠷᠢᠯᠳᠤᠯᠠ᠃ ᠨᠢᠭᠡ ᠦᠭᠡ ᠪᠠᠷ ᠬᠡᠯᠡᠪᠡᠯ᠂ ᠦᠡᠳᠦᠷ ᠴᠢᠨᠰᠠᠭᠠ ᠲᠠᠢ ᠪᠥᠬᠡ ᠶᠢᠨ ᠪᠠᠷᠢᠯᠳᠤᠭᠠᠨ ᠬᠡᠮᠡᠨ ᠳ᠋ᠦᠩᠨᠡᠵᠦ ᠪᠣᠯᠬᠤ ᠪᠠᠷ ᠪᠠᠶᠢᠭᠠ ᠶᠤᠮ᠃